မိတ္ထီလာမြို့ရှိ ဆန်ဆိုင်များအား ဆန်ရောင်းချရာတွင်ဈေးကွက်အတွင်းဖြစ်သင့်ဖြစ်ထိုက်သော ဈေးနှုန်းဖြင့် ရောင်းချနိုင်ရေးအတွက် စားသုံးသူရေးရာဦးစီးဌာနမှ တာဝန်ရှိသူများသည် သက်ဆိုင်ရာမြို့နယ် ကုန်ဈေးနှုန်း တည်ငြိမ်ရေးအဖွဲ့ဝင်များနှင့်အတူ ၂၀၂၅ခုနှစ်၊ ဒီဇင်ဘာလ (၁၁)ရက်နေ့တွင် ကွင်းဆင်းစိစစ်လျက်ရှိပါသည်။
ထိုသို့ကွင်းဆင်းစိစစ်ရာတွင် ဒု-ခရိုင်ဦးစီးမှူးမှ မြန်မာနိုင်ငံ၏ အဓိကစားသုံးသီးနှံဖြစ်သော ဆန်ကိုဈေးကွက်၌ဈေးနှုန်းမြှင့်တင်ရောင်းချရန်ရည်ရွယ်၍ သိုလှောင်ခြင်း၊ ဖြန့်ဖြူးရောင်းချခြင်းများမရှိစေရေးနှင့် မြန်မာနိုင်ငံဆန်စပါးကုန်သည်အသင်းက ဆန်ဈေးနှုန်းများကို ဖြစ်သင့်ဖြစ်ထိုက်သည့် ဈေးနှုန်းအတွင်း ရောင်းချနိုင်ရေး သတ်မှတ်ခဲ့ပြီး ယခုအခါမန္တလေးတိုင်း အနေဖြင့် တိုင်းဒေသကြီးဆန်စပါးကုန်သည် အသင်းကဖြစ်ပေါ်နေသော ဆန်ဈေးနှုန်းထုတ်ပြန် ချက်များနှင့်အညီရောင်းချရန် ထုတ်ပြန်ချက်အပေါ် လိုက်နာကြရန် ပြောကြားခဲ့ကြောင်း သိရပါသည်။
DOCA(မန္တလေး)