ဧရာဝတီတိုင်းဒေသကြီး၊ မအူပင်ခရိုင်အတွင်းတွင် အမှတ် ၁ရပ်ကွက် စာရေးကုန်းတွင် တစ်ပိုင်တစ်နိုင် စီးပွားရေး လုပ်ငန်းလုပ်ကိုင်ဆောင်ရွက်နေသော မြေပဲဆီကြိတ်ခွဲရေး လုပ်ငန်းရှိပြီး ၂၁၉၉၅ ခုနှစ်တည်းက စတင်လုပ်ကိုင်ဆောင်ရွက်ခဲ့ပြီး မြို့နယ်အတွင်း သို့ဖြန့်ဖြူးရောင်းချလျက်ရှိကြောင်း သိရသည်။
မအူပင်မြို့နယ် ဦးဌေးအောင် အမှတ်တံဆိပ်ပဲဆီသန့်သည် မြေပဲသီးသန့် ကြိတ်ခွဲပြီး မြေပဲဆီသန့်သန့်ကို ရောင်းချကြောင်း ပဲဆီသန့်ဖြစ်သည့်အတွက်လူမျိုးဘာသာမရွေးစားသုံးနိုင်ပြီးကျန်းမာရေးအတွက်အထောက်အကူပြုကြောင်း၊ပဲဆီသန့်ထုတ်လုပ်ရာတွင် ကုန်ကြမ်းများကို ပြည်မြို့နှင့် ရွှေတောင်မြို့နယ်များမှ အများဆုံးဝယ်ယူရပြီး ရာသီကုန်ဆုံးချိန် ကုန်ကြမ်းများ ပြတ်လပ်ပါက မန္တလေးတိုင်းဒေသကြီး၊ ကျောက်ပန်းတောင်း မြို့မှဝယ်ယူရပါသည်။
မြေပဲဆီကို ကြိတ်ခွဲရာတွင် မြေပဲဆံ ၄တင်းကြိတ်ခွဲပါက မြေပဲဆီ (၁၀)ပိဿာဝင်ဆံ့သော ဆီ(၁)ပုံး ရရှိပြီး တစ်နှစ်ဆီကြိတ်ခွဲ ပိဿာ ၃၀၀-၄၀၀ခန့် ကြိတ်ခွဲရရှိကြောင်း သိရသည်။ ရရှိလာသော မြေပဲဆီများကို ၅၀ ကျပ်သား လျှင် ၁၃၀၀၀ကျပ်၊ ၁ ပိဿာလျှင် ၂၆၀၀၀ ကျပ်ဖြင့် ရောင်းချလျက် ရှိပါသည်။ ၁၀ ပိဿာနှင့် အထက်ဝယ်ယူပါက ဈေးနှုန်းအနည်းငယ် လျော့ပြီးရောင်းချပေးပါကြောင်းသိရသည်။
အခြားတိုင်းဒေသကြီးများမှ ဝင်ရောက်နေသော မြေပဲဆီ ဈေးနှုန်းအနေဖြင့် ၁ပိဿာလျှင် ၂၃၀၀၀ကျပ်၊ ၅၀ကျပ်သား လျှင် ၁၁၅၀၀ ကျပ်၊ဖြင့် ဈေးကွက်အတွင်းရောင်းချနေကြောင်း တွေ့ရှိရပြီး၊ ဆီစက်မှ မြေပဲဆီဈေး မြင့်ရခြင်းမှ အခြားဒေသမှ ကုန်ကြမ်းဝယ်ယူပြီး ကြိတ်ခွဲခြင်း၊ မြေပဲဆီသန့်သန့်ဖြစ်၍ နှစ်ပေါင်း ၃၀ကြာ လုပ်ကိုင် ဆောင်ရွက်နေပြီး ယုံကြည်စွာ ဝယ်ယူနိုင်ကြောင်းကို လုပ်ငန်းရှင်မှ ရှင်းလင်းပြောပြသည်။ စားသုံးသူရေးရာဦးစီးဌာနတွင် ကုန်အညွှန်းအမှတ်အသား စိစစ်တင်ပြပြီး ခွင့်ပြုချက်ရရှိထား ပြီးဖြစ်ကြောင်းသိရသည်၊၊ မအူပင်မြို့နယ် အတွင်း တွင် မြေပဲဆီဆိုင် ဖွင့်လှစ်ထား သည့်အပြင် မြို့နှင့်အနီးတစ်ဝိုက် အခြားမြို့နယ်မှ လက်ဟောင်းမိတ် ဆွေများက ဝယ်ယူသုံးပြုလျက်ရှိကြောင်း သိရသည်။
DOCA(ဧရာဝတီ)