မြင်းခြံမြို့၊ အေးမြသီတာဈေး၌ ရာသီပေါ်ဟင်းသီးဟင်းရွက်နှင့် အသီးအနှံမျိုးစုံရောင်း ဝယ်လျက်ရှိရာ ထောပတ်ပဲအစို များကိုလည်း ရောင်းချလျက်ရှိကြောင်းသိရှိရသည်။ ထောပတ်ပဲကို ပင်ထောင်၊ပင်ပြန့်ဟူ၍ နှစ်မျိုးရှိပြီး ပင်ထောင်ပဲသည် အစေ့ကြီးပြီး ပင်ပြန့်ပဲသည် အစေ့သေးကြောင်း သိရှိရသည်။ မြင်းခြံမြို့နယ်တွင် ပင်ပြန့်ပဲများကိုသာ အများဆုံးစိုက်ပျိုးကြကြောင်း သိရှိရသည်။
၂၀၂၅ခုနှစ်၊ ဒီဇင်ဘာလ၌ ထောပတ်ပဲအကြီး၊ နို့ဆီတစ်ဗူးလျှင် (၁၀၀၀) ကျပ်၊ ထောပတ်ပဲအသေး နို့ဆီတစ်ဗူးလျှင်(၉၀၀)ကျပ်ခန့် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊ ယခင်လနှင့်နှိုင်းယှဉ်ပါက ယခုလတွင် ထောပတ်ပဲကြီး၊ အသေးနို့ဆီတစ်ဗူး လျှင်(၂၀၀)ကျပ်ခန့် ဈေးနှုန်းများကျဆင်းခဲ့ကြောင်း၊ ဈေးကွက်၌ ထောပတ်ပဲများလှိုင်လှိုင်ထွက်ပေါ်လာပြီဖြစ်သောကြောင့် ဈေးနှုန်းကျဆင်းခြင်းဖြစ်ကြောင်း၊ ဈေးကွက်လိုအပ်ချက်အရ ပုပ္ပါးမြို့ တို့မှလည်းမှာယူရောင်းချကြောင်း၊ ပဲအစိုများသည် စားသုံးမှုများပြီး အရောင်းအဝယ်ကောင်း ကြောင်း ကုန်စိမ်း ရောင်းချသူ၏ ပြောပြချက်အရ သိရှိရသည်။
DOCA(မန္တလေး)