ပခုက္ကူမြို့သည် စပါးစိုက်ဧကနည်းပြီး ဆန်လိုအပ်ရာဒေသဖြစ်သောကြောင့် အခြားတိုင်းဒေသများနှင့် မြို့နယ်များမှ ဆန်တင်သွင်းရသောမြို့ဖြစ်ပါသည်။ ပခုက္ကူမြို့သို့ ပုသိမ်၊ မြောင်းမြမြို့များမှလည်းကောင်း၊ ရွှေဘိုခရိုင်မှလည်းကောင်း၊ ဆင်ဖြူကျွန်း၊ စလင်း၊ ပွင့်ဖြူဒေသများမှလည်းကောင်း နေ့စဉ်ဝင်ရောက်လျက်ရှိပါသည်။
လူအများစားသုံးသောဆန်ဖြစ်သည့် ဧရာပဒေသာဆန်မှာ ၂၀၂၃ခုနှစ်၊ မေလ(ဒုတိယပတ်)တွင် မြောင်းမြဧရာပဒေသာတစ်အိတ်လျှင် ကျပ်(၇၄၀၀၀)၊ စလင်းမြို့နယ်၊ ပွင့်ဖြူမြို့နယ်၊ ကုန်းဇောင်းနှင့် ရှောက်တောမှလာသော ဧရာပဒေသာတစ်အိတ်လျှင် ကျပ်(၉၀၀၀၀)၊ ဧည့်မထဆန်ဈေးမှာ တစ်အိတ်လျှင် ကျပ်(၆၇၀၀၀-၇၀၀၀၀)၊ မနောသုခဆန်တစ်အိတ်လျှင် ကျပ်(၇၁၀၀၀)၊ ဧရာမင်းဆန်တစ်အိတ်လျှင် ကျပ်(၉၈၀၀၀)၊ ဝန်ကြီးပဒေသာဆန်တစ်အိတ်လျှင် ကျပ်(၉၇၀၀၀)၊ မနောဖြူဆန်တစ်အိတ်လျှင် ကျပ်(၇၁၀၀၀)စသည့်ဈေးနှုန်းများဖြင့် အရောင်းအဝယ်ဖြစ်လျက်ရှိပါသည်။
ပေါ်ဆန်းမွှေးမှာ ဒုတိယအများဆုံးစားသုံးသောဆန်ဖြစ်ပြီး မြောင်းမြဒေသမှ ဝင်ရောက်သကဲ့သို့ ရွှေဘိုဒေသမှလည်း အများဆုံးဝင်ရောက်ပါသည်။ ရွှေဘိုပေါ်ဆန်းမွှေးမှာ ပိုမိုအရည်အသွေးကောင်းမွန်ပြီး ပထမအပတ်တွင် တစ်အိတ်လျှင် ကျပ်(၈၅၀၀၀ - ၉၀၀၀၀)မှ ယခုမေလ(ဒုတိယပတ်)တွင် ကျပ်(၁၀၅၀၀၀)ထိဈေးတက်လာခဲ့ပါသည်။ မြောင်းမြပေါ်ဆန်းမှာ တစ်အိတ်လျှင် ကျပ်(၈၃၀၀၀ - ၈၅၀၀၀)မှ ကျပ်(၈၇၀၀၀ - ၉၅၀၀၀)ထိဈေးနှုန်းများမြင့်တက်ခဲ့ကြောင်း သိရှိရပါသည်။
DOCA(မကွေး)