ပြည်ပကုန်သွယ်မှုသတင်းများ

     ကမ္ဘောဒီးယားနိုင်ငံရှိ အထည်အလိပ်၊ အဝတ်အထည်၊ ဖိနပ် ခရီးသွားကုန်ပစ္စည်းများ အသင်း (TAFTAC) မှ လက်ထောက်အထွေထွေအတွင်းရေးမှူးချုပ် Kaing Monika ဦးဆောင်၍ အထည်အလိပ်စက်မှုလုပ်ငန်းအဖွဲ့ချုပ် (AFTEX) ဆွေးနွေးပွဲသို့ ၂၀၂၅ ခုနှစ်၊ စက်တင်ဘာ ၂ ရက် နေ့က တရုတ်နိုင်ငံ၊ ရှန်ဟိုင်းမြို့၌ ကျင်းပသော Intertextile Shanghai Apparel Fabrics 2025 သို့တက်ရောက်ခဲ့သည်။ ၂၀၂၅ ခုနှစ်၊ စက်တင်ဘာ ၃ ရက်နေ့က ထုတ်ပြန်သည့် AFTEX ၏ ထုတ်ပြန်ချက်တွင် ဆွေးနွေးပွဲ၌ Kaing Monika က အထည်ချုပ်၊ ဖိနပ်နှင့် ခရီးသွားကုန်စည် (GFT) လုပ်ငန်းများတွင် ကမ္ဘောဒီးယားနိုင်ငံ၏ ခိုင်မာသော အလားအလာကို တက်ရောက်လာသူ များအား မီးမောင်းထိုးပြခဲ့သည်။ TAFTAC သည် အာဆီယံ၏ တိုးတက်ပြောင်းလဲနေသော ကုန်သွယ်မှုအခင်းအကျင်းတွင် ရင်းနှီးမြှုပ်နှံမှုနှင့် ရင်းနှီးမြှုပ်နှံမှု အခွင့်အလမ်းသစ်များ ရှာဖွေနေသည့် မိတ်ဖက်များကို ကြိုဆိုရန် အဆင်သင့်ဖြစ်နေကြောင်း Kaing Monika က ဆက်လက်ပြောကြားခဲ့သည်။ TAFTAC သည် ဒေသတွင်း ပူးပေါင်းဆောင်ရွက်မှုကို အားကောင်း စေရေး၊ ရေရှည်တည်တံ့ခိုင်မြဲသော တိုးတက်မှုကိုမြှင့်တင်ရန်နှင့် ကမ္ဘောဒီးယား နိုင်ငံ၏ အထည်ချုပ်၊ ဖိနပ်နှင့် ခရီးသွားကုန်ပစ္စည်း လုပ်ငန်းများအတွက် အခွင့်အလမ်းသစ်များကို ရယူရန် ကမ္ဘောဒီးယား၏ ကတိကဝတ်များကို ထပ်မံအတည်ပြုပြောကြားခဲ့သည်။ ကမ္ဘောဒီးယားနိုင်ငံသည် ၂၀၂၅ ခုနှစ် ပထမနှစ်ဝက်တွင် GFT ထုတ်ကုန်တန်ဖိုး ကန်ဒေါ်လာ ၇.၃၈ ဘီလီယံဖိုး တင်ပို့ခဲ့ပြီး ၂၀၂၄ ခုနှစ် အလားတူကာလက ဖော်ပြခဲ့သည့် ကန်ဒေါ်လာ ၆.၀၂ ဘီလီယံထက် ၂၂ ရာခိုင်နှုန်း တိုးလာကြောင်း အကောက်ခွန်နှင့် အခွန်ဦးစီးဌာန၏ တရားဝင် အစီရင်ခံစာတွင် ဖော်ပြထားသည်။

Source: Khmer Times                                                                                  

DOCA(ရန်ကုန်)                                                                                    

        ကမ္ဘောဒီးယားနှင့် ဗီယက်နမ်နိုင်ငံတို့သည် ကုန်သွယ်မှုစီးဆင်းမှုကို မြှင့်တင်ပေးမည့် နယ်စပ်ဖြတ်ကျော်စစ်ဆေးရေးဂိတ်အသစ်တစ်ခုကို ကမ္ဘောဒီးယားနိုင်ငံ၊ Prey Veng ပြည်နယ်နှင့် ဗီယက်နမ်နိုင်ငံ Tay Ninh ပြည်နယ်တို့ကြားတွင် ကုန်စည်ထောက်ပံ့ရေးအချက်အချာအဖြစ်  ၂၀၂၅ ခုနှစ်၊ စက်တင်ဘာလတွင် ဆောင်ရွက်နိုင်ရန်အတွက် ဆွေးနွေးမှုများပြုလုပ်ခဲ့ကြသည်။ Tay Ninh-Meun Chey အပြည်ပြည်ဆိုင်ရာ နယ်စပ်ဂိတ်ဖွင့်လှစ်ရေး သဘောတူညီချက် ကို Tay Ninh ပြည်သူ့ကော်မတီ ဒုတိယဥက္ကဋ္ဌ Nguyen Hong Thanh နှင့် Prey Veng ပြည်နယ် ဒုတိယအုပ်ချုပ်ရေးမှူး Pich Sotharoth တို့ ၂၀၂၅ ခုနှစ်၊ သြဂုတ် ၂၉ ရက်က ဗီယက်နမ်နိုင်ငံ၌ တွေ့ဆုံဆွေးနွေးမှုများပြုလုပ်ခဲ့ကြသည်။ ဆွေးနွေးမှုတွင် Tay Ninh ဒုတိယ ဥက္ကဋ္ဌ က ဖွင့်ပွဲအခမ်းအနားသည် နိုင်ငံတကာ ပူးပေါင်းဆောင်ရွက်မှုကို မြှင့်တင်ရန်ရည်ရွယ်ပြီး နက်ရှိုင်း၍ ရေရှည်တည်တံ့သော စီးပွားရေးပေါင်းစည်းမှုကို အရှိန်မြှင့်ရန်နှင့် ကာကွယ်ရေး၊ လုံခြုံရေးနှင့် နယ်စပ် သံတမံရေးဆိုင်ရာ လုပ်ငန်းများ အားကောင်းစေရန် ရည်ရွယ်ကြောင်း ပြောကြားခဲ့သည်။ ကုန်စည်ပို့ဆောင်မှု၊ လုံခြုံရေး၊ အကောက်ခွန်နှင့် နယ်စပ်ဖြတ်ကျော် ကုန်သွယ်မှု လွယ်ကူ ချောမွေ့စေရေးတို့ကို အလေးပေးဆောင်ရွက်ကာ ဖွင့်ပွဲအစီအစဉ်ကို အောင်မြင်စွာ အကောင်အထည်ဖော်နိုင်စေရန်အတွက် ခရိုင်အုပ်ချုပ်ရေးအဖွဲ့နှင့် အနီးကပ်ပူးပေါင်း ဆောင်ရွက် သွားရန် တိုက်တွန်းခဲ့သည်။ တွေ့ဆုံပွဲအပြီးတွင် နှစ်ဖက်စလုံးက အောက်တိုဘာ ၂၀ ရက်မှ ၃၀ ရက်အထိ ကျင်းပရန် စီစဉ်ထားသည့် Tay Ninh-Meun Chey အပြည်ပြည်ဆိုင်ရာ နယ်စပ် စစ်ဆေးရေးဂိတ်ဖွင့်ပွဲအခမ်း အနားအတွက် ကြိုတင်ပြင်ဆင်မှုအစီအစဉ်ကို သဘောတူညီခဲ့ကြ သည်။ အဆိုပါ စစ်ဆေးရေးဂိတ်သစ်သည် နှစ်နိုင်ငံကုန်စည်များ၊ ခရီးသွားများနှင့် များ ပြည်သူများ ချောမွေ့စွာ သွားလာနိုင်ရေး၊ ကုန်သွယ်မှုကိုမြှင့်တင်ရန်နှင့် ထိုင်းနိုင်ငံနှင့် ယာယီနယ်စပ် ကုန်သွယ်ရေး ပိတ်ထားချိန်တွင် လမ်းကြောင်းအသစ်တစ်ခုကို ဖွင့်လှစ်နိုင်ရန် မျှော်လင့်ထားကြောင်း ကမ္ဘောဒီးယားနိုင်ငံမှ ထုတ်ပြန်ထားသည်။  

Source: Khmer Times

DOCA(ရန်ကုန်)                       

     ပါကစ္စတန်နိုင်ငံ၏ ကုန်စည်ပို့ဆောင်မှုများသည် ၂၀၂၅ ခုနှစ် သြဂုတ်လအတွင် ယခင်နှစ် အလားတူကာလနှင့် နှိုင်းယှဉ်ပါက ၁၂.၄၉ ရာခိုင်နှုန်း ကျဆင်းခဲ့ပြီး အမေရိကန်ဒေါ်လာ ၂.၄၂ ဘီလီယံသို့ ရောက်ရှိခဲ့ကြောင်း တရားဝင်အချက်အလက်များအရ သိရှိရပါသည်။

 ဤကျဆင်းမှုသည် လွန်ခဲ့သည့် ငါးလအတွင်း စတုတ္ထမြောက်ကျဆင်းမှုဖြစ်ပြီး ဇူလိုင်လ တစ်လတည်းသာ တိုးတက်မှုရှိခဲ့ပါသည်။လစဉ်နှိုင်းယှဉ်ပါက ပို့ကုန်များ ၉.၉၈ ရာခိုင်နှုန်း ကျဆင်းခဲ့ ကြောင်း PBS အချက်အလက်များအရ သိရှိရပါသည်။

   ၂၀၂၅-၂၀၂၆ ဘဏ္ဍာရေးနှစ် ပထမ နှစ်လအတွင်း ပို့ကုန်များသည် ယခင်နှစ် အလားတူ ကာလ ၅.၀၇ ဘီလီယံ နှင့်နှိုင်းယှဉ်ကပါ ၀.၆၅ ရာခိုင်နှုန်း တိုးတက်လာပြီး  ဒေါ်လာ ၅.၁၁ ဘီလီယံ ရရှိခဲ့ပါသည်။

  သို့သော် သွင်းကုန်များသည် သြဂုတ်လတွင် ၆.၄၂ ရာခိုင်နှုန်း တိုးလာပြီး ဒေါ်လာ ၅.၂၈ ဘီလီယံ ထိ ရရှိခဲ့ပါသည်။ လစဉ်ကုန်သွယ်မှုဝင်ငွေသည် ၃၀.၁၃ ရာခိုင်နှုန်း တိုးတက်လာပြီး နှစ်အစောပိုင်းက ရရှိခဲ့သော ဒေါ်လာ ၂.၂၁ ဘီလီယံ နှင့် နှိုင်းယှဉ်ပါက ဒေါ်လာ ၂.၈၆ ဘီလီယံ အထိ ရရှိခဲ့ကြောင်း သိရှိရပါသည်။

Source : Xinhua                                                                                 

  DOCA(ရန်ကုန်) 

    တောင်ကိုရီးယားနိုင်ငံ၏ မော်တော်ကားတင်သွင်းမှုသည် အမေရိကန်လျှပ်စစ်ကားများနှင့် ဂျာမန်ဇိမ်ခံကားများ ဝယ်လိုအား ခိုင်မာမှုကြောင့် လွန်ခဲ့သောလက ရောင်းရငွေတိုးတက်ခဲ့ ကြောင်း ၂၀၂၅ ခုနှစ် စက်တင်ဘာလ ၃ ရက်နေ့က ထုတ်ပြန်သည့် စက်မှုဆိုင်ရာ အချက်အလက်များအရ သိရှိရပါသည်။

      ကိုရီးယားမော်တော်ကားတင်းသွင်းသူများနှင့် ဖြန့်ဖြူးသူများအသင်း၏ အဆိုအရ သြဂုတ်လတွင် သွင်းကုန်ယာဉ်ရောင်းချမှုသည် ယခင်နှစ်ကထက် ၂၂.၆ ရာခိုင်နှုန်း တိုးတက်ခဲ့ပြီး ၂၇၃၀၄ စီး ရောင်းချခဲ့ပါသည်။

   ယခုနှစ်၏ ပထမ ၈ လအတွင်း နိုင်ငံခြားယာဉ် ၁၉၂၅၁၄ စီး ရောင်းချခဲ့ပြီး ပြီးခဲ့သည့်နှစ်က ထက် ၁၃.၃ ရာခိုင်နှုန်း မြင့်တက်ခဲ့ပါသည်။

 အမေရိကန်ကားထုတ်လုပ်ရေး ကုမ္ပဏီ Tesla သည် ပြီးခဲ့သည့်လက ၇၉၇၄ စီးရောင်း ချခဲ့ပြီး နိုင်ငံခြားကုမ္ပဏီးများအနက် ‌မော်တော်ကားရောင်းချမှုတွင် ပထမနေရာ ရရှိခဲ့ပါသည်။

    ဂျာမန်ကားထုတ်လုပ်ရေး BMW သည် ၆၄၅၈ စီး ရောင်းချခဲ့ပြီး ဒုတိယနေရာတွင် ရပ်တည်နေပါသည်။၄င်းတို့၏ နောက်တွင် ဂျာမန်ကားထုတ်လုပ်ရေး Mercedes -Benz က ၄၃၃၂ စီး၊ Volvo က ၁၃၁၃စီး၊ Audi က ၁၂၆၃ စီးနှင့် Lexus က ၁၂၄၉ စီးတို့ဖြင့် အစဉ်လိုက် ရပ်တည်နေကြောင်း သတင်းရရှိပါသည်။

Source : Xinhua                                                                                

 DOCA(ရန်ကုန်)

    ဂျပန်နိုင်ငံသည် အမေရိကန်နိုင်ငံ၏ တောင်းဆိုမှုကို ကိုင်တွယ်ရန်အတွက် ကန့်သတ် ကာလအတွင်း အခွန်ကင်းလွတ်တင်သွင်းမှုဖြင့် အမေရိကန်နိုင်ငံမှ ဆန်များကို ပိုမို ဝယ်ယူသွား မည်ဖြစ်ကြောင်းနှင့် စိုက်ပျိုးရေးထုတ်ကုန်များအပေါ် ၎င်း၏ အကောက်ခွန်များကို လျော့ချရန် အစီအစဥ်မရှိကြောင်း Tokyo ထိပ်သီးရောင်းဝယ်ရေးညှိနှိုင်းသူ၏ ပြောကြားချက်အရ သိရပါ သည်။ အမေရိကန်နိုင်ငံသည် စိုက်ပျိုးရေးထုတ်ကုန်များအ‌ပေါ် ဂျပန်နိုင်ငံ အကောက်ခွန်စည်း ကြပ်ခြင်းကို ဖြတ်တောက်ရန်အဆိုပြုခဲ့ပြီး Washington သည် Tokyo ၏ အမေရိကန်နိုင်ငံမှ ဆန်တင်သွင်းမှုကာလ ချဲ့ထွင်လိုကြောင်း သိရပါသည်။ ကုန်သွယ်ရေးသဘောတူညီမှုအပေါ် အိမ်ဖြူတော်မှုထုတ်ပြန်ကြေညာချက်တွင် ဂျပန်နိုင်ငံသည် ကန့်သတ်တင်သွင်းမှု၏ အဓိကချဲ့ထွင် မှုနှင့်အတူ အမေရိကန်နိုင်ငံမှတင်သွင်းသော ဆန်များအပေါ်အခွန် ၇၅ ရာခိုင်နှုန်းချက်ချင်း ကောက်ခံလိမ့်မည်ဖြစ်ကြောင်း သိရပါသည်။ ဂျပန်နိုင်ငံသည် အမေရိကန်နိုင်ငံမှ ဆန်တန်ချိန် ပေါင်း ၃၄၆၀၀၀ မက်ထရစ်တန်ချိန်ခန့် ယခင်နှစ်တွင်တင် သွင်းခဲ့ပြီး အခွန်မဲ့ ဆန်တင်သွင်းမှု တန်ချိန်ပေါင်း ၇၇၀၀၀၀ တန်ခန့် ကျန်ရှိနေကြောင်း ဂျပန်နိုင်ငံစိုက်ပျိုးရေးဝန်ကြီးဌာန၏ ထုတ် ပြန်ချက်များအရ သိရပါသည်။ ၇၅ ရာခိုင်နှုန်း အခွန်တိုးမြှင့်ခြင်းသည် အမေရိကန်နိုင်ငံ၏ ကန့်သတ်ပမာဏကို ၆၀၀၀၀၀ တန်ခန့် တိုးမြင့်စေနိုင်ပြီး အဆိုပါ ပမာဏကြောင့် ထိုင်းနိုင်ငံ၊ သြစတြေးလျနိုင်ငံနှင့် တရုတ်နိုင်ငံတို့မှ ဆန်တင်သွင်းမှုများကို ဖြတ်တောက်စေနိုင်ကြောင်း သိရပါသည်။ Tokyo သည် အမေရိကန်နိုင်ငံအား မော်တော်ကားများအား အခွန်ဖြတ်တောက်မှု ဖြစ်ပေါ်စေရန် နှင့် ကုန်ပစ္စည်းများအပေါ်အခွန်များကောက်ခံခြင်း ပယ်ဖျက်ပေးရန် ကြိုးပမ်းနေ ကြောင်းသိရပါ သည်။

Source: Bloomberg                                                                   

DOCA (ရန်ကုန်)