HighLight News

          စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူးနှင့်ဝန်ထမ်းများသည် မကွေးမြို့နယ်ရှိ ဆီစက်များမှ ဒေသတွင်းဖူလုံမှုအပြင် ပိုလျှံသည်အထိ ကြိတ်ခွဲထုတ်လုပ်နိုင်ရေး၊ ပြည်တွင်း၌ ဆီထွက်သီးနှံများ ပိုမိုစိုက်ပျိုးထုတ်လုပ်လာစေရေးနှင့် ဆီစက်လုပ်ငန်းများ ဖွံ့ဖြိုး တိုးတက်စေရန် ရည်ရွယ်၍ (၁.၂.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့ပေါ်ရှိ ဆီစက်များအား ကွင်းဆင်းလေ့လာခဲ့ကြောင်း သိရသည်။

             ထိုသို့ ကွင်းဆင်းလေ့လာရာတွင် ဆီစက်လုပ်ငန်းရှင်များ လုပ်ငန်းလိုင်ရှိ/မရှိ၊ ဆီစက်များ အမှန်တကယ် လည်ပတ်ကြိတ်ခွဲမှုရှိ/မရှိနှင့် မိမိတို့ထုတ်လုပ်သည့် ကုန်ချော မြေပဲဆီ၊ နှမ်းဆီများ အပေါ် အာမခံပေးနိုင်မှုတို့အား ဆွေးနွေးခဲ့ပြီး လုပ်ငန်းရှင်များမှ ကုန်ကြမ်း (မြေပဲ/ နှမ်း)(၁၀၀) ပိဿာ ကြိတ်ခွဲမှုအပေါ် ကုန်ချော (၄၀)ပိဿာ (၄၀%)ပြန်လည်ရရှိပါကြောင်းနှင့် ထွက်ရှိလာသော ကုန်ချော မြေပဲဆီ/ နှမ်းဆီများ၏ (၇၅%) ကို အခြားတိုင်း/ ပြည်နယ်များသို့ ဖြန့်ချိရောင်းချလျှက် ရှိ ပြီး (၂၅%)ကိုသာ ဒေသတွင်းရှိ ပြည်သူများ ဝယ်ယူစားသုံးလျှက်ရှိကြောင်း၊ လက်ရှိကုန်ကြမ်း မြေပဲနီဆံ (၁)ပိဿာ (၈၄၀၀- ၈၅၀၀)ကျပ်နှင့် နှမ်းနီ (၁)ပိဿာ (၇၀၀၀)ကျပ်နှုန်းတို့ဖြင့် ဝယ်ယူရ ပြီး ကုန်ချော မြေပဲ/ နှမ်းဆီ (၁)ပိဿာလျှင် (၁၄၈၀၀-၁၅၀၀၀)ကျပ်တို့ဖြင့် ပြန်လည်ရောင်းချရပြီး ပဲဖက် (၁)ပိဿာ လျှင် (၆၅၀၀-၆၆၀၀)ကျပ်နှင့် နှမ်းဖက် (၁)ပိဿာလျှင် (၄၆၀၀)ကျပ်တို့ဖြင့် ပြန်လည်ရောင်းချရကြောင်း သိရှိရပါသည်။

DOCA(မကွေး)

          စိုက်ပျိုးရေးနှင့်မွေးမြူရေးဖွံ့ဖြိုးရေးကော်မရှင်၏ ပထမအကြိမ် အစည်းအဝေးတွင် “ ပဲမျိုးစုံကို အိန္ဒိယနိုင်ငံမှ ဝယ်လိုအားကောင်းပြီး စျေးကွက်ရှိသော်လည်း ပြည်ပဝယ်လက်များ မိမိနိုင်ငံအတွင်း စိုက်ကွင်းထဲထိဆင်း၍ စျေးနှိမ်ဝယ်ခြင်းမရှိစေရေး မူဘောင်အတွင်းမှ ထိန်းကျောင်းဆောင်ရွက်ရန်” လမ်းညွှန်မှုအရ စားသုံးသူရေးရာဦးစီးဌာန၊ မကွေးခရိုင်နှင့်ချောက်ခရိုင်ဦးစီးမှူးနှင့်ဝန်ထမ်းများသည်  (၃၁.၁.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် မကွေးမြို့၊ ကုန်သည်များနှင့် စက်မှုလက်မှု လုပ်ငန်းရှင်များအသင်း (မကွေးကုန်စည်ဒိုင်)အသင်းရုံးနှင့် မကွေးမြို့ မြို့ရှောင်လမ်းရှိ မြင့်မြတ်တော်ဝင် (တိုင်းတောင်သူဖွံ့ဖြိုးရေးအဖွဲ့)၏ ပဲစဉ်းငုံဝယ်ယူသည့် စင်တာများသို့ သွားရောက်ကွင်းဆင်း လေ့လာခဲ့ကြောင်း သိရသည်။

          မကွေးကုန်စည်ဒိုင်အနေဖြင့် နေ့စဉ်သီးနှံပေါက်စျေးနှုန်းများအား ရန်ကုန်မြို့နှင့် မန္တလေးမြို့ ကုန်စည်ဒိုင်များ၏ သီးနှံပေါက်စျေးနှုန်းအပေါ်တွင် အမြတ်(၁%)တင်၍သာ တောင်သူများ၊ ကုန်သည် ပွဲစားများ ပွင့်လင်းမြင်သာစွာသိရှိအောင် ကြေငြာဘုတ်တင်ပြီး ရောင်းချလျက်ရှိကြောင်းနှင့် မြင့်မြတ်တော်ဝင် (တိုင်းတောင်သူဖွံ့ဖြိုးရေးအဖွဲ့)မှလည်း ရန်ကုန်ကုန်စည်ဒိုင်၏ ပေါက်စျေးနှုန်းအပေါ်တွင်သာ စျေးနှုန်းဖွင့်လှစ်ဝယ်ယူလျှက်ရှိကြောင်း၊ မကွေးကုန်စည်ဒိုင်၌ (၁)ရက်လျှင် ပဲစဉ်းငုံတင်း(၄၀၀)ခန့် ဝယ်ယူလျက်ရှိပြီး မြင့်မြတ်တော်ဝင် (တိုင်းတောင်သူဖွံ့ဖြိုးရေးအဖွဲ့)အနေဖြင့် ပဲစဉ်းငုံသီးနှံဝယ်ယူမှု အား စင်တာ(၂)ခုဖွင့်လှစ်၍ဝယ်ယူလျှက်ရှိပြီး ရေနံချောင်းမြို့၊ စက်မှုဇုန်စင်တာမှ (၁)ရက်လျှင် ပဲစဉ်း ငုံတင်း(၂၀၀၀)ခန့်နှင့် မကွေးစင်တာတွင် (၁)ရက် ပဲစဉ်းငုံတင်း (၆၀၀-၇၀၀)ခန့် ဝယ်ယူရလျှက်ရှိပြီး ပဲစဉ်းငုံ(၂၀) ပိဿာ (၁)တင်းလျှင် ကျပ်(၉၇၀၀၀)ဖြင့် ဝယ်ယူလျှက်ရှိကြောင်း သိရှိရပါသည်။

DOCA(မကွေး)

          ၃၁.၁.၂၀၂၅ ရက်နေ့ နံနက်(၀၉:၃၀)နာရီအချိန်တွင် စားသုံးသူရေးရာဦးစီးဌာန၊ မှော်ဘီမြို့နယ်ခွဲရုံးမှ ဝန်ထမ်း(၂)ဦးတို့သည် အွန်လိုင်းမှတ်ပုံတင်ထားသော သူလေး(ပန်းလေပြေ) အလှကုန်ပစ္စည်းများ လုပ်ငန်းသို့ မှတ်ပုံတင်လျှောက်ထားရာတွင် ဖော်ပြထားသောအချက်များနှင့် မြေပြင်အချက်အလက်များ ကိုက်ညီမှုရှိ/ မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

          ထိုသို့ဆောင်ရွက်ရာတွင် စစ်ဆေးရေးအရာရှိမှ မှော်ဘီမြို့နယ်၊ မင်္ဂလာလမ်း၊ သန္ဓေပင် မြောက်ပိုင်းကျေးရွာ၊ သူလေး(ပန်းလေပြေ)အွန်လိုင်းမှတ်ပုံတင်စနစ်တွင် မှတ်ပုံတင်ထားရှိသည့် အချက်အလက်များအား မြေပြင်စစ်ဆေးရာတွင် ကိုက်ညီမှုများရှိ/မရှိနှင့် အခြားလိုအပ်သည့် အချက် အလက်များ ပြည့်စုံမှန်ကန်မှုရှိ/မရှိအား DOCA Application အသုံးပြု၍ စစ်ဆေးခြင်း နှင့် စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်တာဝန်များ အကြောင်း၊ ကုန်အညွှန်းအမှတ်အသားဖော်ပြခြင်းဆိုင်ရာများနှင့် ပတ်သက်၍လည်း ရှင်းလင်း ဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

            စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးလှစိုး(ခရိုင်ဦးစီးမှူး) နှင့်ဝန်ထမ်းများသည် ဒေါပုံမြို့နယ် Capital(City Mark) ရှိ (၂၈.၁.၂၀၂၅) ရက်နေ့၊ နေ့လယ်ပိုင်းတွင်  အမှတ် (၁၄ / E)၊ မင်းနန္ဒာလမ်း၊ ဒေါပုံမြို့နယ်   Capital      (City Mark) သို့သွားရောက်၍ ဆန်ရောင်းချမှု ကွင်းဆင်းအသိပညာပေးမှုများ  ဆောင်ရွက်ခဲ့ကြကြောင်း သိရှိရပါသည်။        

           ထိုသို့ ကွင်းဆင်းအသိပညာပေးရာတွင် Capital (City Mark) ဆန်ဆိုင်ရှိ ရောင်းချနေသောဆန်များသည်   ပေါ်ဆန်းမွှေး(၁၂kg)၊ ရွှေဘိုပေါ်ဆန်းမွှေး (၂kg)၊ ရက်၉၀(လတ်) (၂kg)၊ မြောင်းမြ  (ပေါ်ဆန်း)  (၁၂kg) စသည့်ဆန်များကို   သတ်မှတ်ရည်ညွှန်းဈေးအတိုင်း ရောင်းချလျက်ရှိကြောင်းနှင့် ဆန်ဈေးနှုန်းကြီးမြှင့်မှု မဖြစ်ပေါ်စေရေးအတွက် မြန်မာနိုင်ငံဆန်စပါးအသင်းချုပ်မှ သတ်မှတ်ထားသောဈေးနှုန်းများအတိုင်း ရောင်းချသွားရန်၊ လိုက်နာမှုမရှိပါက ဥပဒေအရအရေးယူခံရမှာဖြစ်ကြောင်း အသိပညာပေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

            စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်လဲ့လဲ့ဌေး(ဒု-ဦးစီးမှူး)၊  ဒေါ်ယုယုလွင် (အငယ်တန်းစာရေး) နှင့် ဝန်ထမ်းများသည်(၃၀.၁.၂၀၂၅)ရက်နေ့တွင် ပုဇွန်တောင်မြို့နယ်၊ အမှတ်-၂၇-ကုန်ဈေးတန်းလမ်း (၆)ရပ်ကွက်အတွင်းရှိ ဆန်လက်လီရောင်းချနေသော ထွန်းတောက် (ဆန်ရောင်းဝယ်ရေးဆိုင်) အား သွားရောက်၍ ဆန်ရောင်းချမှု ကွင်းဆင်းစစ်ဆေးမှုများဆောင်ရွက်ခဲ့ကြကြောင်း သိရှိရပါသည်။

           ထိုသို့ ကွင်းဆင်းအသိပညာပေးရာတွင် ဆန်ဆိုင်ရှိ ရောင်းချနေသောဆန်များသည် ရွှေဘိုပေါ်ဆန်း(အသစ်/‌အဟောင်း)၊ ပေါ်ဆန်း(လတ်)  ၊ပေါ်ဆန်း(ရိုးရိုး) ၊ ဧရာမင်း(သီးထပ်) ၊(ရက် ၉၀) ၊ ဧည့်မထ(ရိုးရိုး) စသည့် ဆန်များ၏(၁ပြည်) ဈေးနှုန်းများကို စစ်ဆေးရာ သတ်မှတ် ရည်ညွှန်းဈေးအတိုင်း ရောင်းချလျက်ရှိ ကြောင်း တွေ့ရှိရပြီး ၊ ဆန်ဈေးနှုန်းကြီးမြှင့်မှု မဖြစ် ပေါ်စေရေးအတွက် ဈေးကစားရန်အလို့ငှာ ဆန်များသိုလှောင်ထားခြင်းမပြုရန် မြန်မာနိုင်ငံဆန်စပါးအသင်းချုပ်မှ သတ်မှတ်ထားသောဈေးနှုန်းများအတိုင်း ရောင်းချသွားရန်၊ လိုက်နာမှုမရှိပါက ဥပဒေအရအရေးယူခံရမှာဖြစ်ကြောင်း  အသိပညာပေးပြောကြားခြင်းများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)