HighLight News

      (၁၇.၇.၂၀၂၅)ရက်နေ့ နေ့လယ်(၀၁:၃၀)နာရီအချိန်တွင် လှိုင်သာယာ(အနောက်ပိုင်း)မြို့နယ်ရှိ အမှတ်(၂၀)ဈေးတွင် စားအုန်းဆီလက်လီရောင်းချနေမှုအား စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ (၄)ဦး၊ ဆီကုန်သည်များအသင်းမှ ကိုယ်စားလှယ်(၂)ဦးတို့ ပါဝင်လျက်  ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးခဲ့ရာတွင် ဈေးဒုတာဝန်ခံပူးပေါင်းပါဝင်လျက် ရုံ(ဃ)၊ အမှတ်(၄၅) အောင်ပြုံး ဆိုင်သို့ ကွင်းဆင်းစစ်ဆေးခဲ့ရာ သတ်မှတ်ရည်ညွှန်းဈေးအတိုင်းရောင်းချပေးပြီး၊ စာအုပ်စနစ်ဖြင့် အိမ်ထောင်စုတစ်စုလျှင် (၁)ပတ်ကို (၅၀)ကျပ်သားနှုန်းဖြင့် တစ်လလျှင် (၂)ပိဿာ (၅၀)သားရရှိကြပြီး နေ့စဉ်အရောင်းစာရင်းကိုလည်း ရေးသွင်းထားကြောင်း စစ်ဆေးတွေ့ရှိရပြီး စည်းကမ်းတကျ ဂရုစိုက်ဆောင်ရွက်စေလိုကြောင်း သတ်မှတ်ချက်များအား လိုက်နာမှုမရှိပါက စီမံခန့်ခွဲရေးနည်းလမ်းအရ အရေးယူဆောင်ရွက်သွားမည်ဖြစ်ကြောင်း အသိပေးပြောကြားခဲ့ကြောင်း သိရှိရပါသည်။

DOCA (ရန်ကုန်)

           စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးနှင့် ဝန်ထမ်းများ၊ ဆီလုပ်ငန်းရှင်များအသင်းမှ ကိုယ်စားလှယ်များ၊ ဈေးတာဝန်ခံတို့ ပူးပေါင်းပါဝင်လျက် (၁၇.၇.၂၀၂၅)ရက်နေ့ နံနက်(၁၀:၃၀)နာရီအချိန်တွင် အင်းစိန်မြို့နယ်၊ ဘိုကုန်းဈေးသို့ စားအုန်းဆီ လက်လီရောင်းချနေခြင်းအား ကွင်းဆင်းစစ်ဆေးခဲ့ပါသည်။

          ထိုသို့စစ်ဆေးရာတွင် ဘိုကုန်းဈေး မြေညီထပ်၊ အမှတ်(၂၀၇)ရှိ စန်းစန်းနွယ်ဆိုင်သို့ ရောက်ရှိခဲ့ရာ မစန်းစန်းနွယ်က မိမိရရှိသောခွဲတမ်းသည် သံသာကုမ္ပဏီမှရရှိပြီး ပြည်သူများသို့ နေ့စဉ်ပုံမှန် ရပ်ကွက်အလိုက် စာအုပ်စနစ်ဖြင့် ရောင်းချပေးပါကြောင်း၊ အများမြင်သာအောင် Vinyl များလည်း ချိတ်ဆွဲထားပါကြောင်း၊ လက်ကျန်လည်း မထားရှိပါကြောင်း စစ်ဆေးတွေ့ရှိရပြီး မိမိတို့ဌာနမှလည်း လုပ်ငန်းရှင်များအနေဖြင့် သက်ဆိုင်ရာဌာနများက ထုတ်ပြန်ထားသည့်အမိန့် ညွှန်ကြားချက်များနှင့် အညီ ဖြန့်ဖြူးရောင်းချရန်တို့ကို ရှင်းလင်းပြောကြားခဲ့ကြောင်း သိရှိရပါသည်။

DOCA (ရန်ကုန်)

           စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၃)ဦးသည် (၁၇.၇.၂၀၂၅)ရက်နေ့ နံနက်(၁၁:၀၀) နာရီအချိန်တွင် အင်းစိန်မြို့နယ်အတွင်းရှိ ဆန်ဆိုင်များအား ဈေးနှုန်းမြှင့်တင်ရောင်းချခြင်း မဖြစ်ပေါ်စေရေးနှင့် စားသုံးသူရေးရာဉီးစီးဌာနမှ လစဉ်ထုတ်ပြန်သည့် သတ်မှတ်ရည်ညွှန်းဈေးအတိုင်း ရောင်းချခြင်းရှိ/ မရှိကို ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးရာတွင် ဆန်ဆိုင်များသို့ သွားရောက်၍ ဆန်များအား ဈေးနှုန်းမြှင့်တင် ရောင်းချခြင်းမရှိစေရေး၊ ဆန်ဈေးကွက်အတွင်း ဈေးနှုန်းတည်ငြိမ်မှန်ကန်စေရေးတို့အတွက် စားသုံးသူရေးရာဉီးစီးဌာနမှ ဆန်ဈေးနှုန်းများအား သင့်တင့်မျှတသော ဈေးနှုန်းဖြင့် လစဉ်ထုတ်ပြန်ပေးလျက်ရှိရာ သတ်မှတ်ရည်ညွှန်းဈေးအတိုင်း ရောင်းချခြင်းမရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း ဆန်ဆိုင်ပိုင်ရှင်အား ပြောကြားခဲ့ကြောင်း သိရှိရပါသည်။

DOCA (ရန်ကုန်)

      စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံး၊ တိုက်ကြီးခရိုင်၊ တိုက်ကြီးမြို့နယ်ခွဲ တာဝန်ခံ ဒေါ်တင်တင်ဌေးပါ(၂)ဦးတို့သည် (၁၇.၇.၂၀၂၅)ရက်နေ့ နံနက် (၀၉:၃၀)နာရီအချိန်တွင် တိုက်ကြီးမြို့နယ်၊ မြို့မဈေးအတွင်းရှိ ဆန်ဆိုင်များအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

           ထိုသို့စစ်ဆေးခဲ့ရာတွင် မြို့မဈေးအတွင်း/ အပြင်ရှိ ဆန်ဆိုင်များတွင် ရောင်းချနေသော ဆန်ဈေးနှုန်းများမေးမြန်းခဲ့ပြီး စားသုံးသူရေးရာဦးစီးဌာနမှ  လစဉ်ထုတ်ပြန်ပေးလျက်ရှိသော ဆန်ဈေးနှုန်း/ ဈေးကွက်သတ်မှတ်ရည်ညွှန်းဈေးအရ ရွှေဘိုပေါ်ဆန်း၊ ကျားပျံ၊ ဧရာဝတီပေါ်ဆန်း အုပ်စုများ၏ ဈေးနှုန်းကို ပိုမိုဖြန့်ဖြူးရောင်းချခြင်းရှိ/ မရှိတို့ကို စစ်ဆေးခဲ့ပြီး စားသုံးသူပြည်သူများ၏ အခြေခံစားသောက်ကုန်ပစ္စည်းများထဲမှ အဓိကကျသော ဆန်အမျိုးအစားအလိုက် ဈေးနှုန်းတည်ငြိမ် မှုရှိစေရန်နှင့် ဈေးကစားရန် ရည်ရွယ်ချက်ဖြင့် သိုလှောင်ထားခြင်းမပြုလုပ်ကြရန် စားသုံးသူ ကာကွယ်ရေးအသိပညာပေး ပြောကြားခဲ့ကြောင်း သိရှိရပါသည်။

DOCA (ရန်ကုန်)

           (၁၇.၇.၂၀၂၅)ရက်နေ့ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံး၊ မှော်ဘီမြို့နယ်ခွဲရုံးမှ ဒေါ်ဖြူဖြူမြင့်၊ ဒုကြီးကြပ်ရေးမှူးသည် ရပ်ကွက်အတွင်းရှိ ဆန်ဆိုင်များတွင် လက်ရှိဖြစ်ပေါ်နေသည့် ဆန်ဈေးကွက်အခြေအနေအား ကွင်းဆင်းစစ်ဆေးဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် လက်လီ/ လက်ကားရောင်းချနေသော ဆန်ဆိုင်များအနေဖြင့် ဈေးကစားရန် ရည်ရွယ်ချက်ဖြင့် ဆန်များသိုလှောင်ထားခြင်း မပြုလုပ်ကြရန် ဈေးနှုန်းများကို အများပြည်သူများမြင်သာသော နေရာတွင် မြင်သာသည့်အရွယ်အစားနှင့် ရေးသားဖော်ပြ၍ ရောင်းချရန်နှင့်သတ်မှတ်ထားသည့် သင့်တင့်မျှတသောဈေးနှုန်းများဖြင့် ရောင်းချနိုင်ရန် အလေးချိန် ပြည့်ဝမှန်ကန်စွာရောင်းချခြင်းရှိ/ မရှိ ကွင်းဆင်းစစ်ဆေးဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)