HighLight News

        စားသုံးသူရေးရာဦးစီးဌာန၊ မအူပင်ခရိုင်ဦ ပန်းတနော်မြို့နယ်ဦးစီးမှူးရုံးမှ ဝန်ထမ်းများသည် မြို့နယ်တွင်း စားသုံးသူပြည်သူများ  ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းစွာ အသုံးပြုနိုင်ရေးနှင့် ဈေးကွက်‌ရောက် ကုန်စည်များတွင် စားသုံးသူကာကွယ်ရေးဥပဒေပါ တားမြစ်ချက်များအား ဖောက်ဖျက်မှုမရှိစေရေးကို  ကွင်းဆင်း၍ စစ်ဆေးဆောင်ရွက်ခြင်းလုပ်ငန်းကို ၈.၆.၂၀၂၆ ရက်နေ့ နံနက် (၀၉း၀၀)နာရီအချိန်တွင်၊ မြို့နဘ်အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများ၊ မြန်မာနိုင်ရဲတပ်ဖွဲ့ နှင့်အတူ ပန်းတနော်မြို့နယ် မြို့မဈေးရှိ ကုန်မျိုးစုံဆိုင်များသို့ ကွင်းဆင်း၍ စစ်ဆေးဆောင်ရွက်ခြင်း၊ ကုန်ဈေးနှုန်းတည်ငြိမ်ရေး စစ်ဆေးခြင်းကို ဆောင်ရွက်ခဲ့ကြောင်း သိရသည်။

       ထိုသို့ ကွင်းဆင်းစစ်ဆေးရာတွင်   ပူးပေါင်းစစ်ဆေးရေးအဖွဲ့သည် အစားအသောက်ကုန်စည်များကို စားသုံးသူရေးရာဦးစီးဌာန၏ သတ်မှတ်ထုတ်ပြန်ချက် ထုတ်ပြန်ထားသည့် (၂/၂၀၁၉) ညွှန်ကြားချက်ပါ အသေးစိတ်အချက်များနှင့် ကိုက်ညီမှုရှိမရှိစစ်ဆေးခြင်း၊ ကုန်စည်များတွင် သက်ဆိုင်ရာခွင့်ပြုချက် ထောက်ခံချက်ပါရှိမှု ရှိမရှိစစ်ဆေးခြင်း၊ ဈေးကွက်အတွင်း စားသောက်ကုန်ပြတ်လပ်မှု ရှိ/မရှိစစ်ဆေးခြင်း၊ ကုန်ဈေးနှုန်းတည်ငြိမ်မှု ရှိမရှိစစ်ဆေးခြင်းများ၊ စားအုန်းဆီဖြန့်ဖြူးရောင်းချရာတွင်းလည်း သတ်မှတ်စည်ကမ်းနှင့်အညီရောင်းချမှု ရှိ/မရှိတို့ကို စစ်ဆေးဆောင်ရွက်ခဲ့ကြပြီး စားသုံးသူရေးရာဦးစီးဌာနမှ တာဝန်ရှိသူ ဦးအောင်ကျော်သက်က ဆိုင်ပိုင်ရှင်များအား မြန်မာနိုင်ငံစားသုံးသူကာကွယ်ရေးကော်မရှင်က စားသုံးသူကာကွယ်ရေးဥပဒေ အခန်း (၁၀) ပါ စီးပွားရေးလုပ်ငန်းရှင်၏ တာဝန်များ၊ ဥပဒေအခန်း (၂၃)ပါ တားမြစ်ချက်များကို ရှင်းလင်းပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ မအူပင်ခရိုင်၊ ဒုခရိုင်ဦးစီးမှူးသည် (၅.၅.၂၀၂၆) ရက်နေ့၊ နေ့လယ် (၁၄:၀၀)နာရီအချိန်တွင် မအူပင်ခရိုင်ဦးစီးမှူးရုံး အစည်းအဝေးခန်းမတွင် စားအုန်းဆီ လက်လီကိုယ်စားလှယ် (၂၅)ဦးနှင့် တွေ့ဆုံ၍ ပြည်သူများအား စားအုန်းဆီဝယ်ယူခွင့် စာအုပ်များ ဖြင့် ဆီဖြန့်ဖြူးရောင်းချနေမှုနှင့် ဆီရောင်းချမှုတို့အား သတ်မှတ်ချက်နှင့် အညီ ရောင်းချနိုင်ရေး အသိပညာပေး ဆွေးနွေးခဲ့ကြောင်း သိရသည်။

      အသိပညာပေးဆွေးနွေးရာတွင် မအူပင်ခရိုင် စားအုန်းဆီထုတ်လက်ကား ကိုယ်စားလှယ်များမှတစ်ဆင့် ခွဲတမ်းရရှိသောဆီများအား မအူပင်မြို့ရှိ  ဆီထုတ်ကိုယ်စားလှယ်မှတစ်ဆင့် စားသုံးသူများထံသို့ ဖြန့်ဖြူးရောင်းချမှု အဆင့်ဆင့်ကို စနစ်တကျလုပ်ဆောင်ရန်၊ ဆီဆိုင်အချင်းချင်းအငြင်းပွားမှုမဖြစ်ပေါ်စေရန် လစဉ် စားအုန်းဆီဖြန့်ဖြူး ရောင်းချသူများတွေ့ဆုံ၍ ဆွေးနွေးညှိနှိုင်းအစည်းအဝေးများတွေ့ဆုံဆွေးနွေးကြရန်၊ မြို့နယ်အတွင်း စားအုန်းဆီရောင်းချရာတွင်လည်း စားအုန်းဆီ သတ်မှတ်ရည်ညွှန်းဈေးထက်ကျော်လွန်၍ ရောင်းချခြင်းမပြုရန်၊  ရောင်းချပြီးသော စားအုန်းဆီလက်ခံ စာအုပ်များရေးသွင်းထားရန်၊ သတ်မှတ်ရည်ညွှန်းဈေးဖြင့်သာ ရောင်းချခြင်း၊ အခြားမသမာသော နည်းလမ်းများသုံး၍ ရောင်းချမှုမရှိခြင်းနှင့် ဈေးကစားရန် ရည်ရွယ်ပြီး သိုလှောင်ထား ခြင်းများမပြုရန်၊ ပြင်ပဆီဈေးနှုန်းများကို ဈေးနှုန်းကြီးမြင့်မှုမရှိစေရေး၊ တရားမဝင်သယ်ဆောင်ရောင်းချခြင်းမရှိစေရန် မအူပင်ခရိုင်အနေဖြင့် သတ်မှတ်စည်းကမ်းများလိုက်နာ ဆောင်ရွက်ကြရန်တို့ကိုလည်းကောင်း၊ စားအုန်းဆီထုတ်ယူခွင့် စာအုပ်များလဲလှယ်၊ ပျောက်ဆုံးပါက ထောက်ခံချက်ပေး၍ အသစ်လဲလှယ်ခွင့်များပြုလုပ်ရန်၊ စာအုန်းဆီဝယ်ယူခွင့် စာအုပ်များဖြင့် တစ်ကြိမ်လျှင် တစ်အိမ်ထောင် (၅၀ ကျပ်သား) ရောင်းချပြီး မြေပြင်လုပ်ငန်းဆောင်ရွက်ထားရှိမှုများကို သက်ဆိုင်ရာဌာနများမှ အပတ်စဉ် ကွင်းဆင်း၍ စစ်ဆေးဆောင်ရွက်သွားမည်ဖြစ်ကြောင်း လုပ်ငန်းရှင်တို့အား ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

        စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ တာဝန်ရှိသူများသည် ၂၀၂၆-၂၀၂၇ဘဏ္ဍာနှစ်အတွင်း အသိပညာပေးဟောပြောပွဲနှင့် တွဲလျက် ကျောင်းမုန့်ဈေးတန်းစစ်ဆေးခြင်း လုပ်ငန်းများကို လျာထားချက်ပြည့်မီစွာ စစ်ဆေးဆောင်ရွက်နိုင်ရန်အတွက် ဆောင်ရွက်လျက်ရှိပါသည်။ (၄.၆.၂၀၂၆)ရက်နေ့နှင့် (၅.၆.၂၀၂၆) ရက်နေ့တွင် ဓနုဖြူမြို့နယ် ရွှေကူ (အ.ထ.က-၁) (အ.ထ.က-၂) ကျောင်းမုန့်ဈေးတန်းအား ဈေးကွက်စောင့်ကြည်စစ်ဆေးခဲ့ကြောင်း သိရသည်။

         စစ်ဆေးဆောင်ရွက်ရာတွင် စစ်ဆေးရေးအရာရှိ ဦးဝင်းမင်းစိုးက (အ.ထ.က-၂) ရွှေကူ ကျောင်းမုန့်ဈေးတန်းအား စစ်ဆေးရာ မုန့်ဆိုင်တွင် ရောင်းချသောမုန့်များအား ကုန်အညွှန်အမှတ်အသားဖော်ပြခြင်းနှင့် စပ်လျဉ်း၍ ကိုက်ညီမှုရှိမရှိနှင့် မိုးတွင်းကာလဖြစ်၍ ဝမ်းပျက်ဝမ်းလျောစေမည့် အစားအစာများကိုမရောင်းချရန်၊ ယဉ်မနားစေရေး သတိပြုရောင်းချရန်နှင့် မုန့်ဈေးတန်းပတ်ဝန်းကျင်သန့်ရှင်းရေးကို အထူးဂရုပြုလုပ်ဆောင်ရန်တို့ကို ကျောင်းမုန့်ဆိုင်(၁၃)ဆိုင်အား နေ့လယ်(၁၂း၃၀)နာရီအချိန်တွင် စစ်ဆေးခဲ့ပြီး (၅.၆.၂၀၂၆)ရက်နေ့ နေ့လယ်(၁၂း၃၀)နာရီအချိန်တွင် ဓနုဖြူမြို့နယ်(အ.ထ.က-၁)ရွှေကူကျောင်းမုန့်ဈေး တန်းဆိုင်(၁၁) ဆိုင်အားစစ်ဆေးရာ မုန့်ဆိုင်တွင် ရောင်းချသောမုန့်များအား ကုန်အညွှန်အမှတ်အသား ဖော်ပြခြင်းနှင့် စပ်လျဉ်း၍ ကိုက်ညီမှုရှိမရှိနှင့် ကျောင်းမုန့်စျေးတန်းများတွင် ရောင်းချနေသည့် မုန့်များတွင် FDA ခွင့်ပြုချက် ရှိ/မရှိ၊ ရက်လွန်မုန့် များရောင်းချခြင်း၊ မသန့်ရှင်းသောပစ္စည်း၊ ဓာတုဆိုးဆေးနှင့် ယင်နားစာများ စနစ်တကျထားသို ရောင်းချခြင်းရှိ/ မရှိ၊မုန့်များကို ဘေးအန္တရာယ်ကင်းရှင်းရေး စစ်ဆေးခြင်း၊ တားမြစ်ကုန်စည်များရောင်းချမှု ရှိ/ မရှိ စစ်ဆေးခြင်း၊ ကုန်အညွှန်းအမှတ်အသားဖော်ပြပါဝင်သော ကုန်စည်များရောင်းချမှု ရှိ/မရှိကို ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ လပွတ္တာမြို့နယ် တာဝန်ခံဦးမြင့်ဌေးနှင့် ဝန်ထမ်းများသည် (၈.၆.၂၀၂၆)ရက်နေ့ နံနက်(၁၀:၀၀)နာရီအချိန်တွင် စက်မှုလုပ်ငန်းသုံးဆီကိုယ်စားလှယ် ဦးအေးဝင်း၏ ခြံဝင်းအတွင်း၌ စက်မှုလုပ်ငန်းသုံး ဆီခွဲတမ်းရရှိသော အသေးစားလုပ်ငန်းရှင်များအား စားသုံးသူကာကွယ်ရေး အသိပညာပေးဟောပြောပွဲ ဆောင်ရွက်ခဲ့ကြောင်း သိရပါသည်။

            ထိုသို့ ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စက်မှုလုပ်ငန်းသုံးဆီခွဲတမ်းရရှိသော အသေးစားလုပ်ငန်းရှင်များအား ခေါ်ယူတွေ့ဆုံ၍ စက်မှုလုပ်ငန်းသုံးများအတွက် လိုအပ်သည့်စားအုန်းဆီ ထုတ်ယူရရှိရေးပေါင်းစပ်ညှိနိုင်းရေးအဖွဲ့မှ ခွဲဝေပေးသော စားအုန်းဆီများအား လုပ်ငန်းရှင်များအနေဖြင့် အမှန်တကယ် လုပ်ငန်းတွင် အသုံးပြုကြရန်နှင့် တစ်ဆင့်ပြန်လည်ရောင်းချခြင်းများမပြုလုပ်ကြရန် သတ်မှတ်ထားသည့် ဈေးနှုန်းများအတိုင်း အချိန်မှီငွေပေးသွင်းမှု ဆောင်ရွက်ကြရန် ရှင်းလင်းဆွေးနွေး ပြောကြားခဲ့ပါသည်။ ဆက်လက်ပြီး စီးပွားရေးနှင့် ကူးသန်းရောင်းဝယ်ရေးမှ ထုတ်ပြန်ထားသော စားသုံးသူကာကွယ်ရေးဥပဒေ၂၀၁၉ပါ ပြဌာန်းချက်များမှ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအား အသေးစိတ်ရှင်းလင်းဟောပြောခဲ့ပါသည်။ တွေ့ဆုံဆွေးနွေးပွဲသို့ လုပ်ငန်းရှင်(၂၅)ဦးတက်ရောက်ခဲ့ကြောင်း သိရှိရပါသည်။

DOCA (ဧရာဝတီ)

          ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ အိမ်မဲမြို့နယ်ဦးစီးမှူးရုံးမှ မြို့နယ်တာဝန်ခံ ဒေါ်ဇင်မာသန်းသည် (၄.၆.၂၀၂၆)ရက်နေ့ နံနက်(၁၀း၀၀)နာရီအချိန်တွင် မြို့နယ်စည်ပင်သာယာရေးအဖွဲ့၊ မြို့နယ်ဆီကုန်သည်နှင့် ဆီလုပ်ငန်းရှင်များအသင်း တာဝန်ရှိသူများနှင့်ပူးပေါင်း၍ အိမ်မဲမြို့နယ် မြို့မဈေးအတွင်းရှိ စားသုံးဆီရောင်းချနေသော ကုန်စုံဆိုင်များအား ကွင်းဆင်းစစ်ဆေးဆောင်ရွက်ခဲ့ကြောင်း သိရပါသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် မြို့နယ်တာဝန်ခံမှ မြို့မဈေးအတွင်းရှိ ကုန်စုံဆိုင်များတွင် ရောင်းချနေသော စားသုံးဆီများအား ဈေးနှုန်းမြှင့်တင်ရောင်းချခြင်းရှိ/ မရှိ စစ်ဆေးခဲ့ပြီး ဆိုင်ပိုင်ရှင်များအား  စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များအား ရှင်းလင်းဆွေးနွေးခဲ့ပါသည်၊ ထို့နောက်စားသုံးသူပြည်သူများ သက်သာသောဈေးနှုန်းဖြင့် ဝယ်ယူစားသုံးနိုင်ရေးအတွက် ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်း များတွေ့ရှိရပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဟု ဆိုင်ရှင်များအား အသိပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)