HighLight News

            စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် ၂၆.၉.၂၀၂၅ ရက်နေ့တွင် ညောင်တုန်းမြို့ပေါ်ရှိ ရောင်းချနေသော ဟင်းသီးဟင်းရွက်ဆီများတွင် ကုန်အညွှန်အမှတ်အသား သတ်မှတ်ချက်နှင့် ကိုက်ညီမှုရှိ/ မရှိကို မိတ်ဖက်ဌာနဖြစ်သော စည်ပင်သာယာရေးအဖွဲ့နှင့်အတူ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

          ထိုသို့ဈေးကွက်စောင့်ကြည့်စစ်ဆေးရာတွင် ညောင်တုန်းမြို့မဈေးအတွင်း စားအုန်းဆီ ရောင်းချနေသောဆိုင် (၃)ဆိုင်အားစစ်ဆေးခဲ့ရာ ကုန်အညွှန်းအမှတ်အသားဖော်ပြချက်များ ကိုက်ညီသည့် ကုန်စည်များကိုသာ ရောင်းချလျက်ရှိကြောင်း တွေ့ရှိရပါသည်။ 

      ဟင်းသီးဟင်းရွက်ဆီနှင့် စပ်လျဉ်း၍ ကုန်အညွှန်းအမှတ်အသားဖော်ပြရာတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ (၂၀.၁၂.၂၀၂၁)ရက်နေ့ ထုတ်ပြန်ထားသော ညွှန်ကြားချက် (၁/၂၀၂၁) တွင်ဖော်ပြထားသည့် (ပါဝင်ပစ္စည်းကို အခြေခံသော ကုန်စည်၏အမျိုးအမည်ကို တိကျစွာ မြန်မာဘာသာဖြင့်ဖော်ပြရမည်။ ဥပမာ- ဟင်းသီးဟင်းရွက်ဆီ/ (အဆင့်မြင့် စားအုန်းဆီ) ဟုလည်းကောင်းဖော်ပြပြီး ကုန်စည်၏ အသားတင်ပမာဏနှင့် အရွယ်အစားတို့ကို မြန်မာအလေးချိန် ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ်ကြောင်း  ဆိုင်ရှင်များအား ရှင်းလင်းပြောကြားပြီး ဟင်းသီးဟင်းရွက်ဆီနှင့် စပ်လျဉ်း၍ ကုန်အညွှန်းအမှတ်အသားဖော်ပြရာတွင် စီးပွားရေးလုပ်ငန်းရှင်များ လိုက်နာဆောင်ရွက်ရန် ညွှန်ကြားချက်များကို (၆)လပြည့် မြောက်သည့် နေ့ရက်မှစတင်၍ စတင်အာဏာသက်ရောက်မည် ဖြစ်သည့်အတွက် လုပ်ငန်းရှင်များမှ လိုက်နာမှုမရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေးပြောကြား စစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

          ၂၆-၉-၂၀၂၅ ရက်နေ့တွင် မအူပင်ခရိုင်၊ ညောင်တုန်းမြို့နယ်သို့ တိုင်းဒေသကြီးအစိုးရ အဖွဲ့ဝန်ကြီးချုပ်နှင့် တိုင်းအဆင့်ဌာနဆိုင်ရာ အကြီးအကဲများ တိုင်းရင်းသား ရေးရာအသိပညာပေးခြင်းနှင့် ရပ်ရွာအခြေပြု အသက်မွေးဝမ်းကြောင်း ပညာလိုအပ်ချက်တို့ကို ဆန်းစစ်စီမံခြင်းအစီအစဉ် ဟောပြောပွဲကို ညောင်တုန်းမြိုန့ယ် မြို့တော်ခန်းမတွင် ပညာပေးဟောပြောပွဲသို့ ခရိုင်အဆင့်ဌာနဆိုင်ရာများနှင့် မြို့နယ်အဆင့်ဌာနဆိုင်ရာများ မြို့မိမြို့ဖများ တက်ရောက်လေ့လာခဲ့ကြကြောင်း သိရှိရပါသည်။

DOCA(ဧရာဝတီ)

          ၂၅-၉-၂၀၂၅ ရက်နေ့ နံနက် (၁၁း၀၀)နာရီအချိန်တွင် မအူပင်ခရိုင်ဦးစီးမှူးရုံးမှ ဒေါ်ပန်းအိစံ(အငယ်တန်းစာရေး)သည် ခွင့်အကြောင်း သိကောင်းစရာဖြင့် Thurday Talk ဟောပြောဆွေးနွေးခဲ့ကြောင်း သိရသည်။

          ဟောပြောဆွေးနွေးရာတွင် လုပ်ငန်းခွင်ဝင်ရောက်နေတဲ့ ဝန်ထမ်းတွေအနေနဲ့ မသိမဖြစ်သိထားသင့်တဲ့ ပိတ်ရက်၊ " ခွင့် " အမျိုးအစားတွေနဲ့ ရရှိန်ိုင်တဲ့အခွင့်အရေးတွေကို ဟောပြောခြင်း၊ လုပ်သက်ခွင့်၊ ရှောင်တခင်ခွင့်၊ ဆေးလက်မှတ်ခွင့်၊ မီးဖွားခွင့်၊ နာမကျန်းခွင့်၊ ကူးဆက်ရောဂါကာကွယ်ခွင့်၊ လစာမဲ့ခွင့်၊ အထူးမသန်စွမ်းခွင့်၊ ဆေးရုံခွင့်၊ ပညာလေ့လာဆည်းပူးခွင့် တို့ဖြစ်ကြောင်း၊ ဝန်ထမ်းများမိမိ အကျိုးခံစားခွင့်များကို ရယူသည့်အခါ မိမိရပိုင်ခွင့်များကို သိရှိနားလည်နိုင်ရန်လိုအပ်ပါကြောင်း၊ ခွင့်တစ်မျိုးခြင်း၏ အကြောင်းအရာများကို အကျယ်တဝင့် ရှင်းလင်းဟောပြောဆွေးနွေးခဲ့ပြီး မအူပင်ခရိုင်ဦးစီးမှူးရုံးမှ တက်ရောက်သူ ၈ဦးရှိကြောင်း သိရှိရပါသည်။

DOCA(ဧရာဝတီ)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်လျက်ရှိပြီး (My RO)တွင် မှတ်ပုံတင်သက်တမ်း တစ်နှစ်ပြည့်မြောက်ပြီးသော သိုလှောင်ရုံများ သက်တမ်းပြန်လည်တိုးနိုင်ရေးနှင့် www.myro.com.mm တွင် လစဉ်လဆန်း(၁)ရက်နေ့မှ(၇) ရက်နေ့အတွင်း သိုလှောင်ရုံလုပ်ငန်းရှင်များအနေဖြင့် မိမိတို့သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန်အခြေအနေများကို ထည့်သွင်းပေးနိုင်ရေး ဓနုဖြူမြို့နယ်၊ စားသုံးသူရေးရာဦးစီးဌာနအနေဖြင့် လုပ်ငန်းရှင်များထံ ဆက်သွယ်၍ အသိပေးကြပ်မတ်ဆောင်ရွက်လျက်ရှိကြောင်း သိရသည်။

          မအူပင်ခရိုင်၊ ဓနူဖြူမြို့နယ်တွင် လက်ရှိအချိန်ထိ (My RO)တွင် မှတ်ပုံတင်ထားသော ဆန်သိုလှောင်ရုံ အလုံး (၈၈)ရှိပြီး ယခင်နှစ် ဇူလိုင်လ၌ (My RO)မှတ်ပုံတင်ထားသော ဆန်သိုလှောင်ရုံများသည် တစ်နှစ်ပြည့် မြောက်ပြီးသည့်အတွက် ဓနုဖြူမြို့နယ်မှ သက်တမ်းတိုးဆောင်ရွက်နိုင်ရေးလုပ်ငန်းစဉ်များအား ခရိုင်ဦးစီးမှူးရုံးသို့ တင်ပြဆောင်ရွက်လျက်ရှိပြီး (၂၅.၉.၂၀၂၅)ရက်နေ့တွင် ဓနုဖြူမြို့နယ်၏ သက်တမ်းတိုးပြည့်မြောက်သည့် လုပ်ငန်းရှင်များ၏ သိုလှောင်ရုံအား မှတ်ပုံတင်သက်တမ်းတိုးနိုင်ရေးအတွက် လာရောက်တွေ့ဆုံမေးမြန်းလျှောက်ထားလာသဖြင့် ဓနုဖြူမြို့နယ်ဦးစီးမှူးရုံးမှ တာဝန်ရှိသူက သက်တမ်းတိုးလျှောက်ထားမှု လုပ်ငန်းစဉ်အဆင့်ဆင့်နှင့် လစဉ်လဆန်း(၁)ရက်နေ့မှ(၇)ရက်နေ့အတွင်း သိုလှောင်ရုံများ၏ ကုန်ရ/ ကုန်ထုတ်/ ကုန်လက်ကျန် အခြေအနေများအား ထည့်သွင်းပေးရန် ရှင်းလင်းဆွေးနွေး၍ မှတ်ပုံတင်သက်တမ်းတိုးခြင်းအား ကူညီဆောင်ရွက်ပေးခဲ့ကြောင်း သိရှိရပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ဓနုဖြူမြို့နယ်တာဝန်ခံရုံးမှ ဦးခိုင်လွမ်းမိုး ဝန်ထမ်းများသည် (၂၆.၉.၂၀၂၄) နေ့နံနက် (၁၀:၃၀)နာရီအချိန်တွင် ဓနုဖြူမြို့နယ်ရှိ မဝေပဲမျိုးစုံရောင်းဝယ်ရေး လက္ကားပွဲရုံသို့ သွားရောက်၍ မတ်ပဲ၊ ပဲတီစိမ်း၊ ပဲလွန်းဖြူဈေးနှုန်း မတ်ပဲထွက်ရှိမှု တင်ပို့မှုနှင့် ဈေးကွက်အခြေအနေများ၊ MSMEs လုပ်ငန်းဖွံ့ဖြိုးတိုးတက်စေရေးကို ကွင်းဆင်းလေ့လာဆောင်ရွက်ခဲ့ကြောင်း သိရှိရသည်။

        အဆိုပါ ကွင်းဆင်းဆောင်ရွက်မှုတွင် မဝေပဲမျိုးစုံရောင်းဝယ်ရေး လက္ကားပွဲရုံမှတာဝန်ရှိသူနှင့် တွေ့ဆုံမေးမြန်းရာတွင် လက်ရှိ ၂၀၂၅ခုနှဏ် စက်တင်ဘာလ မတ်ပဲတစ်တင်းကို (၉၀၀၀၀) ကျပ်ဖြင့် အရောင်းအဝယ်ဖြစ်နေပြီး မတ်ပဲနှင့် ပဲအမျိုးမျိုးထွက်ရှိမှု မရှိပဲ ရန်ကုန်တင်ပို့မှု မရှိကြောင်း၊ ပဲအမျိးမျိုးရောင်းဝယ်ရေးမှ မတ်ပဲတစ်ပျိုးကို ပဲပေါ်ချိန် ဝယ်ယူရရှိပါက  ရန်ကုန်သို့ တင်ပို့ကြောင်း သိရှိရသည်။  ပွဲရုံလုပ်ငန်းရှင်အား MSMEs လုပ်ငန်းဖွံ့ဖြိုး တိုးတက်ရေးနှင့် ထုတ်ကုန်လုံခြုံစိတ်ချရမှုရှိစေရေးအကြောင်းကိုလည်း ဆွေးနွေးခဲ့ကြောင်း သိရသည်။

    ထို့အပြင် ဓနုဖြူမြို့နယ် ဆောင်းသီးနှံ ပဲအမျိူးမျိုး စိုက်ပျိုးရာတွင်   တစ်ဧကလျှင် မတ်ပဲ ပျမ်းမျှ(၁၂-၁၅)တင်းခန့် ထွက်နိုင်ကြောင်း သိရှိရပါသည်။

DOCA (ဧရာဝတီ)