HighLight News

          ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ ဒု-ကြီးကြပ်ရေးမှူး ဦးတင်စိန်သည် မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေး အဖွဲ့တို့နှင့် ပူးပေါင်း၍ ၂၀၂၆ ခုနှစ်၊ မတ်လ(၂၃) ရက်နေ့၊ နံနက် (၁၀:၀၀) နာရီအချိန်တွင် မြို့မဈေးအတွင်းရှိ ကုန်မျိုးစုံဆိုင်များတွင် ရောင်းချနေသော အခြေခံစားသောက်ကုန်များ ဈေးနှုန်းမြှင့်တင်ရောင်းချခြင်းရှိ/ မရှိကွင်းဆင်းစစ်ဆေးခဲ့ကြောင်း သိရသည်။

          အဆိုပါကွင်းဆင်းစစ်ဆေးရာတွင် အများပြည်သူများ နေ့စဉ်ဝယ်ယူသုံးစွဲနေသော ကုန်စည်များကို ဈေးနှုန်းမြှင့်တင်ရောင်းချမှုမရှိစေရေး အတွက် သက်ဆိုင်ရာဌာနများနှင့် ပူးပေါင်း၍ ဆန်၊ ဆီ၊ ဆား၊ ငရုတ်၊ ကြက်သွန်ဖြူ/နီ နှင့် အသင့်စားခေါက်ဆွဲခြောက်ထုပ်၊ လဖက်ရည်၊ ကော်ဖီထုပ် များအစရှိသည့် အခြေခံစားသောက်ကုန်များအား သင့်တင့်မျှတသောဈေးဖြင့် ရောင်းချနေမှုရှိ/ မရှိကို စစ်ဆေးခဲ့ကြပြီး ဈေးနှုန်းမြှင့်တင်ရောင်းချခြင်းများ မပြုလုပ်ကြရန် အသိပေး(သတိပေး)ခဲ့ကြောင်း သိရှိရပါသည်။

DOCA (ဧရာဝတီ)

      ဖျာပုံခရိုင်၊ ဒေးဒရဲမြို့နယ်စားသုံးသူရေးရာဦးစီးဌာနမှမြို့နယ်တာ၀န်ခံနှင့်၀န်ထမ်းတို့သည်၂၀၂၆ ခုနှစ်၊ မတ်(၂၀)ရက်နေ့၊ နံနက်(၁၀:၀၀)နာရီအချိန်တွင်‌ ကောင်းရွှေပြည်‌သော်ဆန်စက်ရှိလုပ်သားပြည်သူ(၁၉)ဦးအား စားသုံးသူကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။ ယင်းဟောပြောပွဲတွင် စားသုံးသူရေးရာဦးစီးဌာနမြို့နယ်တာ၀န်ခံက စားသုံးသူကာကွယ်ရေးဆိုင်ရာလုပ်ငန်းနှင့် ပတ်သက်၍  အသိပညာပေးဟောပြောခဲ့ပြီး  စားသုံးသူကာကွယ်ရေးနှင့် ပတ်သက်၍ စားသုံးသူကာကွယ်ရေးဥပဒေပြဋ္ဌာန်းချက်ပါ စားသုံးသူ၏ အဓိပ္ပာယ်ဖွင့်ဆိုချက်များ၊ စားသုံးသူအခွင့်အရေးနှင့် တာဝန်များ၊ စီးပွားရေး၏လုပ်ငန်းရှင်၏တာဝန်နှင့် ဝတ္တရားများ၊ ကုန်စည်တစ်ခုကို ဝယ်ယူမည်ဆိုပါက စစ်ဆေးကြည့်ရှုရမည့် သိသင့်သိထိုက်သည့်အချက်များ၊ ဘေးဥပါဒ် အန္တရာယ်ဖြစ်စေနိုင်သည့် အစားအစာများနှင့် စားသုံးရန် သင့်/မသင့် သိရှိသင့်သည့် ကုန်အညွှန်း အမှတ်အသားပါအချက်များအား ရှင်းလင်းပြောကြားခဲ့ပြီး စားသုံးသူများသာမက ကုန်စည်၀န်ဆောင်မှု ထုတ်လုပ်ဖြန့်ဖြူးရောင်းချသော လုပ်ငန်းရှင်များပါ စားသုံးသူကာကွယ်ရေးကိစ္စရပ်များနှင့် ပတ်သက်သိရှိလိုသည်များကိုမည်သူမဆိုcallcenter1535သို့မေးမြန်းနိုင်ပါကြောင်း အသိပညာပေးဟောပြောခဲ့သည်ဟု သတင်းရရှိပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်၊ စားသုံးသူရေးရာဦးစီးဌာနမှ မြို့နယ်အတွင်းရှိ စားအုန်းဆီရောင်းချသည့် လက်လီ/လက်ကား အရောင်းဆိုင်များသို့ ၂၀၂၆ခုနှစ် မတ်လ ၁၉ ရက်နေ့  နေ့နံနက်ပိုင်းက ကွင်းဆင်းစစ်ဆေးခဲ့ကြောင်း သိရသည်။

       အဆိုပါ စစ်ဆေးမှုတွင် ဦးအောင်လွင် ဦးစီးအရာရှိက ညောင်တုန်းမြို့နယ် လက်ကားကိုယ်စားလှယ် ၃ဦး မှ  စားအုန်းဆီရောင်းချသည့် လက်လီဆိုင်များအား ဆီဖြန့်ခွဲရောင်းချမှုကို စစ်ဆေးခဲ့ပြီး  စားအုန်းဆီကိုယ်စားလှယ်ထံမှ လက်ကားဈေး ဖြင့်ဝယ်ယူကာ ၂ ရာခိုင်နူန်း အမြတ်ဖြင့် မိမိတို့တာဝန်ယူရောင်းချပေးရမည့် ရပ်ကွက်/ကျေးရွာများသို့ ဖြန့်ခွဲရောင်းချမှုအခြေအနေနှင့် စာရင်းဇယာများကို တိုက်ဆိုင်စစ်ဆေးခြင်းများ ဆောင်ရွက်ခဲ့ပြီး   ကိုယ်စားလှယ် လက်လီအရောင်းဆိုင်များဖြစ်သည့် ဈေးအတွင်း ရပ်ကွက်နေပြည်သူများအတွက်လည်း နေ့စဉ်ဈေးနှုန်းဖော်ပြ၍ ရောင်းချပိဿာနှင့်အတူ မြင်သာသောနေရာတွင် ရောင်းချနေကြောင်း တွေ့ရှိရသည်။  ဆိုင်ရှင်များကို ဈေးကစားရန်ရည်ရွယ်၍သိုလှောင်ခြင်း၊ ဖြန့်ဖြူးခြင်းမပြုရန် စားအုန်းဆီ လက်လီ/ လက်ကား အရောင်းဆိုင်ပိုင်ရှင် လုပ်ငန်းရှင်များအား ဆွေးနွေးခဲ့ပြီး  သတ်မှတ်ချက်များနှင့် အညီ ရောင်းချပေးလျက်ရှိကြောင်း သိရသည်။

        အဆိုပါ ကွင်းဆင်းစစ်ဆေးရာတွင် စားသုံးသူ‌‌ရေးရာဦးစီးဌာနမှ ပူးပေါင်းစစ်ဆေးရေးအဖွဲ့ မြို့နယ်စည်ပင် သာယာရေးအဖွဲ့၊ ဈေးတာဝန်ခံ ကျန်းမာရေးဦးစီးဌာန၊ မြို့နယ်အထွေထွေ အုပ်ချုပ်ရေးဦးစီးဌာနတို့အား စားအုန်းဆီဖြန့်ဖြူးမှုမှတ်တမ်း (၆) မျိုး၊  မှန် ၆မှန်ဖြင့် တိုက်ဆိုင်စစ်ဆေးမည့်အစီအစဉ်များကို ချပြရှင်းလင်းခဲ့ပြီး ပူးပေါင်း စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

        မအူပင်ခရိုင်၊ ညောင်တုန်းမြို့နယ်တွင် သဘာဝဘေးအန္တရာယ်ဆိုင်ရာ စီမံခန့်ခွဲမှု အခြေခံသင်တန်း သင်တန်းတွင် စားသုံးသူကာကွယ်ရေးအသိပညာပေးခြင်း ကို ၂၀၂၆ခုနှစ် မတ်လ ၁၉ရက် နေ့နံနက် (၀၉း၀၀)နာရီခွဲအချိန်တွင် ပြန်ကြားရေးနှင့် ပြည်သူ့ဆက်ဆံရေးရေးဦးစီးဌာန အစည်းအဝေးခန်းမ၌ ကျင်းပပြုလုပ်သည်။

       ရှေ့ဦးစွာသင်တန်းကို သဘာဝဘေးအန္တရာယ်ဆိုင်ရာ စီမံခန့်ခွဲမှုအခြေခံသင်တန်း ဖွင့်လှစ်ရခြင်းနှင့် ပတ်သက်၍ သဘာဝဘေးအန္တရာယ်မကျရောက်မီ ကြိုတင်ပြင်ဆင်ခြင်း၊ ကြိုတင်ကာကွယ်ခြင်းလုပ်ငန်းများကို နားလည်သဘောပေါက်စေရန်၊ သဘာဝဘေးအန္တရာယ် ကျရောက် နေစဉ်အတွင်း တုံ့ပြန်ဆောင်ရွက်မည့်လုပ်ငန်းအစီစဉ်များကို သိရှိနားလည် သ‌ဘောပေါက်စေရန်၊ သဘာဝဘေးအန္တရာယ်ကျ‌ရောက်ပြီးနောက် ပြန်လည်ထူထောင်ခြင်း၊ ပြန်လည်တည်ဆောက်ခြင်း လုပ်ငန်းစဉ်များအား သိရှိနားလည် သဘောပေါက်စေရန်၊ မိမိနေထိုင်ရာ ရပ်ကွက်/ ကျေးရွာအတွင်း သဘာဝဘေးဖြစ်ပေါ်လာပါက ဒေသခံပြည်သူများ၊ ဌာနဆိုင်ရာ အဖွဲ့အစည်းများနှင့်အတူ ပူးပေါင်းဆောင်ရွက်၍ သဘာဝဘေးဒဏ် ကြံကြံခံရင်ဆိုင်တုံ့ပြန် ဆောင်ရွက်နိုင်စေရန်ရည်ရွယ်၍ ဖွင့်လှစ်ရခြင်းဖြစ်ကြောင်းကို ပြန်ကြားရေးနှင့် ပြည်သူဆက်ဆံရေးဦးစီးဌာန မြို့နယ်မှူးက ရှင်းလင်းပြောကြားခဲ့သည်။ ဆက်လက်၍ သင်တန်းတွင် ညောင်တုန်းမြို့နယ် စားသုံးသူရေးရာဦးစီးဌာနမှ ဒေါ်ချိုမီဇင်(ဒုဦးစီးမှူး) က လုပ်ငန်းရှင်သင်တန်းသား(၃၀)ဦးကို စားသုံးသူကာကွယ်ရေးဥပဒေပါ အခန်း (၁)ပါ စီးပွားရေးလုပ်ငန်းရှင်ဆိုသည်မှာ ကုန်စည်ကို ထုတ်လုပ်ခြင်း၊ ဖြန့်ဖြူးခြင်း၊ သိုလှောင်ခြင်း၊ သယ်ယူပို့ ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့ တင်ပို့ခြင်း၊ ပြည်တွင်းသို့ တင်သွင်းခြင်း၊ ပြန်လည်ရောင်းချခြင်းကိုဖြစ်စေ၊ ထောက်ပံ့ခြင်းကိုဖြစ်စေ၊ ဝန်ဆောင်မှုပေးခြင်းကိုဖြစ်စေ၊ ကြော်ငြာလုပ်ငန်း လုပ်ကိုင်ခြင်းကိုဖြစ်စေ တစ်ဦးချင်းသော်လည်းကောင်း၊ အဖွဲ့အစည်းနှင့် သော်လည်းကောင်း ဆောင်ရွက်သူကိုဆိုလိုကြောင်း၊ အခန်း (၁၀) စီးပွားရေးလုပ်ငန်းရှင်၏ တာဝန်များအကြောင်းကို အကျယ်တဝင့် ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၏ လုပ်ငန်းဆောင်ရွက်ချက် အကြောင်းအရာများကို ရှင်းလင်းသင်ကြား ပို့ချပေးခဲ့ကြောင်း သိရှိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်အတွင်းရှိ  ကျုံတနော်ကျေးရွာရှိ  ရွှေအောင်မင်းဆန်စက်သို့ ၂၀၂၆ခုနှစ် မတ်လ ၁၇ ရက်နေ့က စက်မှုကြီးကြပ်ဌာန၊ ပတ်ဝန်းကျင်ထိန်းသိမ်းရေးဦးစီးဌာန၊ စားသုံးသူရေးရာဦးစီးဌာတို့ ကွင်းဆင်းစစ်ဆေးခဲ့ကြောင်း သိရသည်။

        ကွင်းဆင်းစစ်ဆေးမှုကို ဓနုဖြူမြို့နယ် မြို့နယ်တာဝန်ခံဦးစီးမှူးရုံးမှ ဦးခိုင်လွမ်းမိုးနှင့် တာဝန်ရှိသူများက ပူးပေါင်း၍ ကျုံတနော်ရှိ ရွှေမင်းအောင်ဆန်စက်အား ကွင်းဆင်းစစ်ဆေးရာ ဆန်စက်ပိုင်ရှင်နှင့် တွေ့ဆုံ၍ ၎င်းတို့ဆန်စက်မှ စပါးကြိတ်ခွဲလည်ပတ်မှုအနေဖြင့် မနက်(၀၈း၀၀)နာရီမှ ညနေ ၄နာရီထိလည်ပတ်ပြီး ၁ရက်လျှင် စပါးတင်း(၁၄၀၀)ခန့် (၂၀)တန်ကျကြိတ်ခွဲပြီး ဆန်များကို တင်ပို့မှု ဒေသတွင်းကုန်သည်များသို့ရောင်းချကြောင်း၊ ဆန်စက်တွင် စပါးလက်ကျန်-၄၅၀၀တင်း ဆန်-၃၁၂ အိတ်ခန့်ရှိကြောင်း ရှင်းလင်းပြောကြားခဲ့ပြီး စားသုံးသူရေးရာဦးစီးဌာနမှ ဆန်စက် ဖွံ့ဖြိုးတိုးတက်ရေးနှင့် စပါးဆန် လက်ကျန်စာရင်များ Myro တွင် ဖြည့်သွင်းဆောင်ရွက်မှုမဖြစ်မနေ လုပ်ဆောင်ပေးရန်ကို မှာကြားခဲ့ပြီး ထုတ်ကုန်လုံခြုံစိတ်ချရမှုရှိစေရေးအတွက် ဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)