HighLight News

       ကျိုက်လတ်မြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် မီးသတ်တပ်ရင်း၊ တပ်ဖွဲ့ရှိ မီးသတ်သင်တန်းသားများအား (၉.၆.၂၀၂၆)နေ့ (၀၉:၃၀)နာရီအချိန်တွင် အမှတ်(၃)ရပ်ကွက်၊ (၆)လမ်း မီးသတ်ဦးစီးဌာန၌ ပြုလုပ်ရာတွင် မြို့နယ်တာဝန်ခံက စားသုံးသူကာကွယ်ရေးဥပဒေအကြောင်း သိကောင်းစရာများ ဆွေးနွေးအသိပညာပေးဆောင်ရွက်ခဲ့ကြောင်း သိရသည်။

          သို့ဖြစ်ပါ၍ အသိပညာပေးဟောပြောပွဲတွင် မြို့နယ်တာဝန်ခံက စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ တားမြစ်ချက်များ ကုန်စည်(သို့)ဝန်ဆောင်မှု ကုန်စည်နှင့်စပ်လျဉ်း၍ အာမခံပေးမှု၊ ကုန်စည်များတွင် ကုန်အညွှန်းအမှတ်အသားဆိုင်ရာ အချက်အလက်များကို အသိပညာပေးခြင်း၊ ကုန်အညွှန်းအမှတ်အသားများ မြန်မာဘာသာဖြင့် ပြည့်စုံစွာဖော်ပြထားသည့် အသုံးအဆောင်ပစ္စည်းများကို ဝယ်ယူအသုံးပြုကြရန် ဟောပြောခဲ့ကြောင်း သိရပါသည်။

          အဆိုပါဟောပြောပွဲသို့ သင်တန်းသားများ (၃၅)ဦးတက်ရောက်ခဲ့ပြီး ဟောပြောပွဲအား (၁၀:၃၀) နာရီအချိန်တွင် ရုပ်သိမ်းခဲ့ကြောင်းသတင်းရရှိခဲ့ပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဘိုကလေးမြို့နယ်၊ (၉)ရပ်ကွက်ရှိ ဦးသိန်းမြင့်ပိုင် ဇေယျာတိုးဆန်စက်သို့ ထုတ်ကုန်လုံခြုံစိတ်ချရမှုရှိစေရေးအတွက် ၂၀၂၆ခုနှစ်၊ ဇွန်လ(၈)ရက်နေ့ နံနက်(၀၉:၃၀)နာရီအချိန်တွင် ကွင်းဆင်းစိစစ်ခဲ့ကြောင်း သိရပါသည်။

       ကွင်းဆင်းစိစစ်ရာတွင် ဆန်စက်ကြိတ်ခွဲထုတ်လုပ်မှု ဆန်/စပါးအရည်အသွေးပြည့်မီရေး၊ အချိန်အတွယ်များ ပြည့်မီမှန်ကန်စေရေး ဆန်/စပါး ဈေးနှုန်းဈေးကွက်အခြေအနေများ မေးမြန်းစုံစမ်းခြင်း၊ ဈေးကွက်တည်ငြိမ်မှု ရှိ/မရှိနှင့် ထုတ်ကုန်လုံခြုံစိတ်ချရမှုရှိစေရေးနှင့် MSMEလုပ်ငန်းများနှင့် ပတ်သက်၍လည်း ခေတ်မီစက်ကိရိယာများ နည်းစနစ်များ ခေတ်မီဖွံ့ဖြိုးတိုးတက်မှသာ ထုတ်ကုန်များပိုမိုထုတ်လုပ်နိုင်ပြီး ဈေးကွက်စီးပွားရေးစနစ်အရ ကျယ်ပြန်လာနိုင်သလို ကုန်ထုတ်လုပ်မှုများ ပိုမိုထုတ်လုပ်နိုင်ပါက အလုပ်သမားဝန်ထမ်းမိသားစုများအတွက်လည်း စားဝတ်နေရေးပြေလည်စေနိုင်ကြောင်း ဆန်စက်မှ ကြိတ်ခွဲထွက်ရှိလာသော စွန့်ပစ်ပစ္စည်းများလည်း စနစ်တကျ စွန့်ပစ်ထားရှိခြင်း ရှိ/မရှိ ကွင်းဆင်းစစ်ဆေးခဲ့မှုအပေါ် သတင်းရရှိပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် (၉.၆.၂၀၂၆)ရက်နေ့၊ နံနက်(၀၉း၃၀) နာရီအချိန်တွင် မြို့နယ်ကျန်းမာရေးဦးစီးဌာနမှ ဦးဆောင်၍ မြို့နယ်စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ပြည်တွင်းအခွန်ဦးစီးဌာန၊ မြို့နယ်စည်ပင်သာယာရေးအဖွဲ့နှင့် မြို့မာနိုင်ငံရဲတပ်ဖွဲ့တို့ပူးပေါင်း၍ ညောင်တုန်းမြို့နယ်အတွင်း ပုဂ္ဂလိကဆေးခန်းများကို သွားရောက်စစ်ဆေးခဲ့ကြောင်း သိရသည်။

       အဆိုပါ ပုဂ္ဂလိကဆေးရုံ၊ ဆေးခန်းများသတ်မှတ်ချက်နှင့်ကိုက်ညီမှု ရှိ/မရှိ စစ်ဆေးရေး ပူးပေါင်းအဖွဲ့သည် မြို့နယ်အတွင်းရှိပုဂ္ဂလိက အထူးကုဆေးရုံနှင့် ဆေးခန်းများသို့ ကွင်းဆင်း၍ ပုဂ္ဂလိကအထူးကုဆေးရုံ၊ ဆေးခန်းများ၏ သတ်မှတ်ချက်နှင့် ကိုက်ညီမှုရှိ/မရှိ စစ်ဆေးခြင်း၊ စားသုံးသူအားဝန်ဆောင်မှုပေးရာတွင် ထင်ယောင်ထင်မှားမဖြစ်စေရေး၊ ဆေးဝါးများအား သတ်မှတ်အပူချိန်တွင် ထားရှိစေရေး၊ ထိန်းချုပ်ဆေးဝါး ထားရှိသော ပုဂ္ဂလိကအထူးကု ဆေးရုံများတွင် သတ်မှတ်အအေးခန်းတွင် သီးခြားထားရှိ၍ နေ့စဉ်မှတ်တမ်းထားရှိစေခြင်း၊ ပုဂ္ဂလိကအထူးကုဆေးရုံ၊ ဆေးခန်းဖွင့်လှစ်ခွင့် လိုင်စင်မှတ်တမ်းများ ရှိ/မရှိ စစ်ဆေးခြင်း၊ အခန်းအပူချိန်တိုင်း ကိရိယာများထားရှိမှုရှိ/မရှိ စစ်ဆေးခြင်း၊ သုံးစွဲလျက်ရှိသော ဆေးဝါးများအား မှတ်တမ်းထားရှိ၍ သက်တမ်းကုန်ဆုံးမည့် ရက်စွဲများအား အမြဲတစေ စစ်ဆေးသုံးစွဲစေခြင်း၊ မြန်မာနိုင်ငံဆေးဝါးထောက်ခံချက် အမှတ်ပါရှိသော ဆေးဝါးများသာ သုံးစွဲစေရန်၊ ဆေးရုံဆေးခန်းအတွင်းအပြင် နေရာစုံ၌ အစဉ်သန့်ရှင်းသပ်ရပ်မှုရှိစေရေး၊ စားသုံးသူကာကွယ်ရေးဥပဒေအခန်း (၁)ပုဒ်မ(ဇ)ပါ ထင်ယောင်ထင်မှားဖြစ်စေသည့် ကုန်စည်(သို့) ဝန်ဆောင်မှုနှင့် စပ်လျည်းသည့် သဘာဝအရည် အသွေးကိုဖြစ်စေ၊ ထုတ်လုပ်မှုဖြစ်စဉ်ကိုဖြစ်စေ၊ ဆောင်ရွက်မှုဖြစ်စဉ်ကိုဖြစ်စေ၊ ဝိသေသလက္ခဏာကိုဖြစ်စေ၊ သတ်မှတ်ထားသော စံချိန်စံညွှန်းကိုဖြစ်စေ၊ ရည်ရွယ်ချက်ကိုဖြစ်စေ စားသုံးသူကိုလွဲမှား ယူဆမှုဖြစ်စေသော အပြုအမူအပြောအဆိုများ မပြုလုပ်ရန်၊ ရရှိနိုင်သော ဝန်ဆောင်မှုဆိုင်ရာများအား စားသုံးသူများကို တိကျသေချာရှင်းလင်းစွာ ကြိုတင်အသိပေးဆောင်ရွက်ကြရန်၊ မိမိတို့ကြော်ငြာထားသည်နှင့် ကိုက်ညီသောဝန်ဆောင်မှုများ ပေးဆောင်ရန် စသည်တို့ကို စစ်ဆေးဆွေးနွေးခဲ့ကြကြောင်း သိရှိရပါသည်။

DOCA(ဧရာဝတီ)

             ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံသည် ၂၀၂၆ ခုနှစ်၊ ဇွန်လ ၈ ရက်နေ့၊ နံနက် (၁၀:၃၀) နာရီအချိန်တွင် ဒေးဒရဲမြို့နယ်ရှိ Agrastar ဆန်စက်သို့ MSME လုပ်ငန်းများဖွံ့ဖြိုးတိုးတက်ရေးအတွက် ကွင်းဆင်းဆောင်ရွက်ခဲ့ကြောင်း သိရပါသည်။
         ထိုသို့ ကွင်းဆင်းဆောင်ရွက်ရာတွင် ဆန်စက်လုပ်ငန်း၏ လုပ်ငန်းလည်ပတ်ဆောင်ရွက်နေမှု အခြေအနေများ၊ ကုန်ကြမ်းရရှိမှုအခြေအနေ၊ထုတ်လုပ်မှုနှင့် ဈေးကွက်ဖြန့်ဖြူးရောင်းချမှု အခြေအနေများကို လေ့လာမေးမြန်းခဲ့ပြီး MSME လုပ်ငန်းများ ဖွံ့ဖြိုးတိုးတက်စေရေး၊ စားသုံးသူကာကွယ်ရေးဆိုင်ရာ အသိပညာများ တိုးမြှင့်ရရှိစေရေးနှင့် သက်ဆိုင်ရာ ဥပဒေ၊ နည်းဥပဒေများအား လိုက်နာဆောင်ရွက်ရန် အသိပညာပေး ဆွေးနွေးခဲ့ပါသည်။ ထို့အပြင် လုပ်ငန်းဖွံ့ဖြိုးတိုးတက်ရေးအတွက် လိုအပ်ချက်များကို မေးမြန်းဆွေးနွေးကာ MSME လုပ်ငန်းများ ရေရှည်တည်တံ့ခိုင်မြဲစွာ ဖွံ့ဖြိုးတိုးတက်လာစေရေးအတွက် ပူးပေါင်းဆောင်ရွက်သွားမည့် အခြေအနေများကို ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူများ ဘေးအန္တရာယ်ကင်းရှင်းရေးနှင့် ဈေးကွက်ရောက် အသင့်စားမုန့်များတွင် ကုန်အညွှန်းအမှတ်အသား ပြည့်စုံစွာဖော်ပြခြင်းရှိ/မရှိကို  ညောင်တုန်းမြို့နယ် စားသုံးသူရေးရာဦးစီးဌာနနှင့် မြို့နယ်အထွေထွေ အုပ်ချုပ်ရေးဦးစီးဌာန ပူးပေါင်းအဖွဲ့များသည် ညောင်တုန်းမြို့နယ်ရှိ မုန့်အရောင်းဆိုင်များတွင် အသင့်စားမုန့်အမျိုးမျိုးအား ၈.၆.၂၀၂၆ ရက်နေ့ နံနက်(၀၉း၀၀)နာရီအချိန်တွင် ပူးပေါင်း၍ ဈေးကွက် စောင့်ကြည့် စစ်ဆေးခဲ့ကြကြောင်း သိရသည်။

     အသင့်စားမုန့်များကို ညောင်တုန်းမြို့နယ် စစ်ဆေးရေးမှူး ဒေါ်ချိုမီဇင်မှ စစ်ဆေးရာ ထုတ်ကုန်များ လုံးခြုံစိတ်ချရမှုရှိစေရေးအတွက် ဈေးကွက်မရောက်မီ ကုန်စည်များထုတ်လုပ်ရာတွင် ထုတ်လုပ်သူ လုပ်ငန်းရှင်များကို ကွင်းဆင်းစစ်ဆေးဆောင်ရွက်ခဲ့ပြီး ဈေးကွက်အတွင်းဖြန့်ဖြူးရောင်းချသူ လုပ်ငန်းရှင်များကိုလည်း ဈေးကွက်ရောက်ပြီး ကုန်စည်များကို ကုန်အညွှန်အမှတ်အသားဖော်ပြပါဝင်သော ကုန်စည်များကိုရောင်းချရန် အသိပညာပေးခဲ့ပြီးဖြစ်၍ ဈေးကွက်အတွင်းရောင်းချနေသော အသင့်စားမုန့်များတွင်  ကုန်အညွှန်းအမှတ် အသားဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉) နှင့် ကိုက်ညီမှု ရှိမရှိစစ်ဆေးခဲ့ပြီး ဈေးကွက်ရောက် အသင့်စားမုန့်များတွင် ကုန်အညွှန်းအမှတ်အသားဖော်ပြချက်များ ကိုက်ညီကြောင်း စစ်ဆေးတွေ့ရှိရပြီး၊ ကိုက်ညီချက်မရှိသော ကုန်စည်များကိုရောင်းချခြင်းတွေ့ရှိပါက ဥပဒေအရ အရေးယူသိမ်းဆည်းသွားမည်ဖြစ်ကြောင်း စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကိုမှာကြားဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)