စားသုံးသူရေးရာဦးစီးဌာန၊ သာယာဝတီခရိုင် သာယာဝတီမြို့၌ ခရိုင်ဦးစီးမှူး၏ လမ်းညွှန်မှု ဖြင့် ၂၈.၄.၂၀၂၅ ရက်နေ့နံနက်(၁၀:၀၀)နာရီအချိန်တွင်မြို့မဈေးအတွင်းရှိကုန်စုံဆိုင်များအား ကုန် အညွှန်း အမှတ်အသားများ ပြည်စုံစွာဖော်ပြခြင်း ရှိ/မရှိ စားသုံး/ထုတ်လုံတာဝန်ခံ ဒေါ်ခိုင်ခိုင်ရီ၊ ပြည်တွင်းကုန်သွယ်ရေးဖွံဖြိုးမှုနှင့်သုတေသနဌာနခွဲ ဦးဝင်းထွဋ်လွင်နှင့်ဝန်ထမ်းများမှ ဈေးကွက် စောင့်ကြည့်စစ်ဆေးခဲ့ပါသည်။ စားသုံးသူများ တိကျမှန်ကန်ရှင်းလင်းသောသတင်းအချက်များ သိရှိစေရန်၊ စားသုံးသူများဘေးအန္တရာယ်ကင်းရှင်းစေရန်၊စိတ်ကျေနပ်မှုရှိစေရန်အတွက်အာမခံချက် ပေးနိုင်သည့် အရည်အသွေးမြင့်မားသော ကုန်စည်ဝန်ဆောင်မှုများဖော်ဆောင်ဖြည့် ဆည်းပေးနိုင် စေရေးနှင့် စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေးဥပဒေအား သိရှိလိုက်နာဆောင်ရွက်ရန် အသိပညာပေးခြင်း ကုန်စည် အမျိုးအစားအလိုက် သတ်မှတ်ချက် များနှင့်အညီ ပြည့်စုံစွာ ဖော်ပြခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(ပဲခူး)

             ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့နယ်တွင် နေထိုင်ကြသော ပြည်သူ များ၏နေ့စဉ်စားဝတ်နေရေး၊စီးပွားရေး၊လှုမှုရေးများတွင် သက်သာချောင်ချိမှု ရှိစေရေးအတွက် အလေး ထားဆောင်ရွက်လျက်ရှိရာ လက်ပံတန်းမြို့နယ်အတွင်းရှိ မြို့နယ်များ၌ တစ်ပတ် လျှင် (၂)ကြိမ် ဆေးနှင့်ဆေးပစ္စည်းရောင်းချနေသည့် ဆေးဆိုင်များသို့ ကွင်းဆင်း၍ ဆေးနှင့်ဆေးပစ္စည်း များဖြစ်သင့်ဖြစ်ထိုက်သည့် ဈေးနှုန်းနှင့်ဒေသအတွင်း  ရောင်းဝယ်ဖောက်ကားခြင်းများ ရှိ/မရှိနှင့် ဆေးများပြတ်လပ်ခြင်းရှိ/မရှိ ဈေးကွက်အတွင်း၌ စပ်ဆေးများရောင်းချခြင်း ရှိ/မရှိတို့ကို စားသုံးသူ ရေးရာဦးစီးဌာန ဝန်ထမ်းများမှ ဈေးကွက်စောင့် ကြည့်စစ်ဆေးခြင်းများ ဆောင်ရွက်လျက်ရှိကြောင်း သိရှိရပါသည်။

DOCA(ပဲခူး)

     ၂၃-၄-၂၀၂၅ ရက်နေ့ နံနက် ၁၀:၀၀ အချိန်တွင် လှိုင်မြို့နယ်၊ အမှတ် ၅ ရပ်ကွက်ရှိ ဆိုင်ရှင် ဒေါ်ချိုချိုမြင့် (ရွှေညောင်ပင်) အိမ်ဆောက်ပစ္စည်း၊ အုတ်၊ သဲ၊ ကျောက်၊ ဘိလပ်မြေ (လက်လီ/ လက်ကား) အရောင်းဆိုင်သို့ မြို့နယ်အထွေထွေအုပ်ချုပ်ရေးဦးစီးဌာနမှ ဦးမြင့်စိုး (လက်ထောက် ညွှန်ကြားရေးမှူး)၊ အထူးစုံစမ်းစစ်ဆေးရေးဦးစီးဌာနမှ ဦးသူရ (စုံစမ်းရေးမှုး)၊ မြို့နယ်စည်ပင်သာယာ ရေးမှ ဦးဇေယျာလင်း (အုပ်ချုပ်ရေးမှူး)၊မြို့နယ်ရဲတပ်ဖွဲ့မှူးရုံးမှ ရဲမှူးသိန်းနိုင် (မြို့နယ်ရဲတပ်ဖွဲ့မှူး)၊ ပြည်တွင်းအခွန်ဦးစီးဌာနမှ ဦးကျော်ထွန်းနိုင် (အခွန်ဦးစီးမှူး)၊ စားသုံးသူရေးရာဦးစီးဌာနမှ ဒေါ်ယွန်းပိုးမြတ် (လက်ထောက်ကြီးကြပ်ရေးမှူး) တို့ပါဝင်သော မြေပြင်ကွင်းဆင်းစစ်ဆေး ကြပ်မတ်ရေးအဖွဲ့သည် အိမ်ဆောက်ပစ္စည်းအရောင်းဆိုင်များသို့ ကွင်းဆင်းစစ်ဆေးဆောင်ရွက် လျက် ရှိကြောင်း သိရှိရပါသည်။

      ထိုသို့ကွင်းဆင်းစစ်ဆေးရာတွင် လှိုင်မြို့နယ်ရှိ ဘိလပ်မြေရောင်းချသည့် ဆိုင်များ၏ ဘိလပ် မြေဝယ်ယူရရှိမှုအခြေအနေ၊ လက်ကျန်အခြေအနေ၊ ဈေးနှုန်းနှင့်ဈေးကွက်အခြေအနေအား ကွင်းဆင်းစစ်ဆေးခဲ့ရာ ရွှေညောင်ပင်ဆိုင်သည် ဘုရင့်နောင်နှင့် စော်ဘွားကြီးကုန်းမှ ဝယ်ယူရ ကြောင်း ဘိလပ်မြေပစ္စည်းများ ပြတ်လပ်မှုမရှိကြောင်း သိရှိရပါသည်။

DOCA (ရန်ကုန်)

          ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ်ယခုအချိန်ကာလသည် အလှူအတန်း ပေါများပြီး ရဟန်းရှင်လူပြည်သူအများ အချိုရည်သုံးစွဲမှု ပမာဏအများဆုံးအချိန်ဖြစ်ပြီး ဈေးကွက် အတွင်းအချိုရည်မျိုးစုံ အရောင်သွက်သည့် အချိန်အခါဖြစ်သဖြင့် စားသုံးသူများဘေးအန္တရာယ်ကင်း ရှင်းစွာစားသုံးနိုင်ရန်အတွက် စားသုံးသူရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည် အထွေခွေအုပ်ချုပ်ရေးဌာန၊ကျန်းမာရေးဌာန၊ရဲတပ်ဖွဲ့မြို့နယ်၊ စည်ပင်သာယာရေးအဖွဲ့တို့ပါဝင်သော  ပူးပေါင်းအဖွဲ့ဝင်များနှင့်အတူ အုတ်ဖိုမြို့နယ်အတွင်းအချိုရည်ရောင်းချသော ဆိုင်များသို့သတ်မှတ်  ထားသောကုန်အညွှန်းအမှတ်အသားများ ပြည့်စုံမှုရှိ/မရှိသက်တမ်းလွန်ရောင်းချခြင်းများကွင်းဆင်း စစ်ဆေးဆောင်ရွက်ခဲ့ကြောင်း သိရှိရပါသည်။

DOCA(ပဲခူး)

            စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်ချက်အရ စားသုံးသူများ အားလုံးသည် ကုန်စည်နှင့် ဝန်ဆောင်မှုများအသုံးပြုရာတွင် ဘေးအန္တရာယ်ကင်းရှင်းစွာသုံးစွဲနိုင်ရေး အတွက် ခရိုင်အတွင်းရှိ  ထုတ်လုပ်လျှက်ရှိသော ကုန်စည်များနှင့်စပ်လျဉ်း၍ အာမခံချက်ပေးခြင်းနှင့် ကုန်အညွှန်းအမှတ် အသားများ ပြည့်စုံမှန်ကန်စွာဖေါ်ပြမှုရှိစေရေး ရည်ရွယ်၍ ဆောင်ရွက်လျှက် ရှိရာ ပြည်ခရိုင်အတွင်း ရွှေတောင်မြို့နယ်တွင် ၂၀၂၅ ခုနှစ်၊ ဧပြီလ (၁)ရက်မှ (၁၁)ရက်နေ့အတွင်း၌ စားသုံးသူရေးရာဦးစီးဌာန ပြည်ခရိုင်ဦးစီးမှူး-ဦးမင်းဆွေက ပြည်ခရိုင်ဦးစီးမှူးရုံး အစည်းအဝေး ခန်းမ၌ ပြည်ခရိုင်အတွင်းရှိ ဆန်စက်နှင့် ဆန်ပွဲရုံလုပ်ငန်းရှင်များအားလည်းကောင်း၊ ရွှေတောင် မြို့နယ်တွင် ယွန်းတန်းရပ်ကွက်ရှိ ဦးထက်ဝေလင်း၏ စိန်စိန်ဝင်း ဆန်စက်သို့လည်းကောင်း၊ ပန်းတောင်းမြို့နယ်တွင် ဥသျှစ်ပင်လမ်းဆုံရှိ ဦးမင်းမင်းစိုး၏ “T-Water” သောက်ရေသန့်နှင့် ဒေါ်အိချယ်မွန်၏ “Move” သောက်ရေသန့်လုပ်ငန်းသို့လည်းကောင်း၊ ပေါက်ခေါင်းမြို့နယ်တွင် အမှတ်(၂)ရပ်ကွက်ရှိ ဦးထွန်းရီဆီစက် သို့လည်းကောင်း သက်ဆိုင်ရာမြို့နယ် တာဝန်ခံနှင့် ဝန်ထမ်း များသည် သွားရောက်၍ မိမိတို့ ဖြန့်ဖြူးရောင်းချလျက်ရှိသောကုန်စည်များတွင် အရည် အသွေး၊ အလေးချိန်၊ အချိန်အတွယ်၊ ပမာဏနှင့် အမျိုးအစားများ မှန်ကန်စွာဖြန့်ဖြူး ရောင်းချမှုရှိစေရေး၊ စီးပွားရေးကျင့်ဝတ်၊ စည်းကမ်းနှင့်အညီ ထုတ်လုပ် ရောင်းချ မှုရှိစေရေး၊ ကုန်စည်အလိုက် ဖေါ်ပြရမည့် ကုန်အညွှန်း အမှတ်အသားများ၊ ပြည့်စုံ မှန်ကန်စွာ ဖေါ်ပြ မှုရှိစေရေး လိုက်နာ ဆောင်ရွက်ကြရန်နှင့် နောက်ပိုင်း ကာလများတွင် ကွင်းဆင်းစစ်ဆေးမှုများနှင့် အတူ အရေးယူ ဆောင်ရွက်မှုများပြုလုပ် ဆောင်ရွက်သွားမှာဖြစ်သည့်အတွက် စီးပွားရေး လုပ်ငန်းရှင်များ အနေဖြင့် အထူးအလေးထား လိုက်နာ ဆောင်ရွက်ကြရန် ရှင်းလင်းဆွေးနွေး ပြောကြားခဲ့ကြောင်း သတင်းရရှိပါသည်။

DOCA(ပဲခူး)