HighLight News

            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ ဆောင်ပုဒ်ဖြစ်သည့် “စားသုံးသူအခွင့်အရေးဦးစားပေး” ဆိုသည့်အတိုင်း စားသုံးသူပြည်သူများသည် စားသုံးသူအခွင့်အရေးနှင့် ပတ်သက်သည့် အသိပညာဗဟုသုတများရရှိစေရန် ကျောင်း၊ ဈေး၊ ရပ်ကွက်၊ ကျေးရွာ  များ၊ ဌာနဆိုင်ရာရုံးများ၊ တက္ကသိုလ်/ ကောလိပ်များ၊ တပ်ရင်းတပ်ဖွဲ့များကို စားသုံးသူကာကွယ်ပေးရေး အသိပညာပေးဟောပြောပွဲများဆောင်ရွက်ခြင်း၊ ဈေးကွက်အတွင်းစားသုံးသူများအနေဖြင့် ကုန်စည်နှင့်ဝန် ဆောင်မှုများကို အသုံးပြုရာတွင် ဘေးအန္တရာယ်ကင်းရှင်းစေရန်နှင့် ထုတ်ကုန်များလုံခြုံစိတ်ချရမှုရှိစေရန် ဈေးကွက်မရောက်မီနှင့် ဈေးကွက်ရောက်ပြီးသောကုန်စည်များကို ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိရာ စားသုံးသူများ၏အခွင့်အရေး (၈)ချက်အနက် ကုန်စည် (သို့မဟုတ်) ဝန်ဆောင်မှုများနှင့် ပတ်သက်သည့် အသိပညာဗဟုသုတများနှင့် လိုအပ်သောအချက်အလက်များကို သိရှိလေ့လာနိုင်ရန်၊ နစ်နာဆုံးရှုံးမှုများကို ရှင်းလင်းတင်ပြနိုင်ရန်၊ တိုင်ကြားနိုင်ခြင်းကို သိရှိစေရန်ရည်ရွယ်၍ ရွှေဘိုမြို့နယ်အတွင်းရှိ ပြည်သူများအား စားသုံးသူကာကွယ်ရေး ဉပဒေ ၂၀၁၉ပါ အကြောင်းများကို သိရှိလေ့လာနိုင်စေရန် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ဒု-ခရိုင်ဦးစီးမှူးဦးဆောင်၍ ၂၀၂၄ခုနှစ်၊ အောက်တိုဘာလအတွင်း စားသုံးသူကာကွယ်ရေးအသိပညာပေးဆွေးနွေးပွဲ (၁) ကြိမ် ဆောင်ရွက်ခဲ့ကြောင်းသိရသည်။

          (၂၇.၁၁.၂၀၂၄)ရက်နေ့တွင် ရွှေဘိုမြို့၊ အမှတ်(၄)၊ အခြေခံပညာအထက်တန်းကျောင်းတွင် စားသုံးသူကာကွယ်ရေးဉပဒေ၊ စားသုံးသူအခွင့်အရေးနှင့် လိုက်နာရမည့်တာဝန်များ၊ အခန်း(၁၈)ပါကုန်အညွှန်းအမှတ်အသားဖော်ပြခြင်းအကြောင်းနှင့် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံစား သုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) ပါ အကြောင်းများ၊ စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်ကြောင်းနှင့် တိုင်ကြားနိုင်သည့်နေရာများ၊ ဌာနနှင့်သက်ဆိုင်သောအကြောင်းများကို မေးမြန်းစုံစမ်းနိုင်သည့် Concumer Call Center NO 1535 အ ကြောင်း၊ တိုင်ကြားစာများကို စိစစ်ညှိနှိုင်းဖြေရှင်းပေးသည့် အကြောင်းများကို အသေးစိတ်ရှင်းလင်း ဆွေးနွေးခဲ့ပြီး ဆရာ/ ဆရာမ (၇)ဦး နှင့် ကျောင်းသား/ ကျောင်းသူ(၁၃၀)ဦးအား လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

             ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်နှင့် ဓနုဖြူမြို့နယ်များတွင် မြို့နယ်ကုန်စျေးနှုန်းထိန်းညှိလျော့ချရေးကော်မတီအဖွဲ့၊ စည်ပင်သာယာရေးအဖွဲ့နှင့် စားသုံးသူရေးရာဦးစီးဌာတို့မှ သက်သာသောဈေးနှုန်းဖြင့် ပြည်သူများအား အခွန်လွတ်ဈေးအနီးတွင် နိုဝင်ဘာလ ၂၅ ရက်နေ့၊ နံနက် (၀၇း၀၀) နာရီအချိန်တွင် စတင်ရောင်းချပေးခဲ့ကြောင်းသိရသည်။

            အခွန်လွတ်ဈေးတွင် မြို့နယ်ကုန်စျေးနှုန်း ထိန်းညှိလျော့ချရေးကော်မတီအဖွဲ့ဝင်များ၊ တိ‌မွေးကုဦးစီးမှူးနှင့် စားသုံးသူရေးရာဦးစီးဌာ၊ ဦးစီးမှူးနှင့် ဝန်ထမ်းများ၊ မြို့နယ်စည်ပင်သာယာရေးအဖွဲ့ အမှုဆောင်အရာရှိနှင့် ဝန်ထမ်းတို့က ပြင်ပဈေးနှုန်းထက် သက်သာသောဈေးနှုန်းဖြင့် ညောင်တုန်းမြို့နယ်တွင် ကြက်ဥတစ်လုံးဈေး(၃၅၀)ကျပ်ဖြင့် အလုံးရေ(၆၀၀)၊ ဘဲဥတစ်လုံး(၄၈၀)ကျပ်ဖြင့် အလုံးရေ (၃၀၀)ကိုလည်းကောင်း၊ (၂၆.၁၁.၂၀၂၄)ရက်နေ့က ကြက်ဥအလုံး(၄၀၀)၊ ဘဲဥအလုံး(၅၀၀)ကိုရောင်းချပေးကြောင်းသိရသည်။

              ဓနုဖြူမြို့နယ်တွင်လည်း၂၅ရက်နေ့တွင် ပြည်သူများအား ကြက်ဥတစ်လုံး(၄၀၀)ကျပ်ဖြင့် ကြက်ဥအလုံးရေ (၆၀၀)၊ ဘဲဥ တစ်လုံး(၅၀၀)ကျပ်ဖြင့်အလုံးရေ (၃၀၀)ကိုလည်းကောင်း၊ ၂၆ရက်နေ့ကလည်း ထပ်မံရောင်းချပေးလျှက်ရှိပြီး ယခုလို ပြည်သူများသက်သာစွာဝယ်ယူနိုင်ရန်အတွက် အပတ်စဉ်အလိုက် အခွန်လွတ်ဈေးတွင် ရောင်းချပေးသွားမည်ဖြစ်ကြောင်း သိရှိရပါသည်။

DOCA(ဧရာဝတီ)

            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင်အနေဖြင့် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် ဒေသတွင်းရှိ MSMEsလုပ်ငန်းများ၏ လိုအပ်ချက်တို့ကို ပေါင်းစပ်ညှိနှိုင်းဆောင်ရွက်ပေးနိုင်ရန် လစဉ် စီးပွားရေးလုပ်ငန်းရှင်များနှင့် ကွင်းဆင်းတွေ့ဆုံဆွေးနွေးခြင်းများ ဆောင်ရွက်လျက်ရှိကြောင်း သိရသည်။

              ၂၀၂၄ခုနှစ်၊ နိုဝင်ဘာလအတွင်း ကန့်ဘလူမြို့နယ်တာဝန်ခံ ဦးမျိုးဝင်းသန်းနှင့် ဒေါ်အိမွန်ကျော် အကြီးတန်းစာရေးတို့သည် ကန့်ဘလူမြို့ ၊ အမှတ်(၃)ရပ်ကွက်ရှိ ဆီစက်လုပ်ငန်းရှင်နှင့်ကွင်းဆင်းတွေ့ဆုံ၍ ကုန်စည်သို့မဟုတ် ဝန်ဆောင်မှုများဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေးအတွက် ဆောင်ရွက်သွားရန် ရှင်းလင်းပြောကြားဆွေးနွေးခဲ့ကြောင်း၊ ကျွန်းလှမြို့နယ်တာဝန်ခံ  သည်ကျွန်းလှမြို့၊ သစ်ရာမြိုင်ရပ်ကွက်ရှိ ဆီစက်လုပ်ငန်းရှင်နှင့်တွေ့ဆုံခဲ့ပြီး ကုန်အညွှန်းအမှတ်အ သားလျှောက်ထားခဲ့ရာ အတည်ပြုပေးနိုင်ခဲ့ပြီး စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များကို သိရှိထားရန်လိုအပ်ကြောင်းနှင့်မိမိတို့ထုတ်လုပ်သည့် ကုန်စည်များကို ဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေးဆောင်ရွက်သွားရန် စသည်တို့ကို အသိပညာပေးဆွေးနွေးခဲ့ကြပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ တိုင်း‌ဒေသကြီးဦးစီးမှူး၏  လမ်းညွှန်မှုဖြင့် တိုင်ဒေသကြီး စားသုံးသူဌာနခွဲတာဝန်ခံ  ဦးစီးအရာရှိ ဒေါ်ခိုင်မို့မို့နှင့်ဝန်ထမ်းများသည်    (၂၇-၁၁-၂၀၂၄) ရက်နေ့၊ နံနက် ၁၁း၀၀ နာရီအချိန်တွင် စစ်ကိုင်းတိုင်းဒေသကြီး (မုံရွာ)ပညာရေးဒီဂရီကောလိပ်တွင် စားသုံးသူအသိပညာပေးဟောပြောပွဲဆောင်ရွက်ရာ၌ ကျောင်းအုပ်ဆရာမကြီး ဒေါ်နီလာဝေက အဖွင့်အမှာစကားပြောကြားခဲ့ပြီး ဆရာ/ဆ၇ာမ (၅၀)ဦး၊ ကျောင်းသား/ကျောင်းသူ (၄၀၀)ဦး၊ စုစုပေါင်း(၄၅၀)ဦးတက်‌ရောက်ခဲ့ကြောင်း သတင်းရရှိပါသည်။

            ထိုသို့ပညာပေးဟောပြောပွဲဆောင်ရွက်ရာတွင် တိုင်းဒေသကြီး စားသုံသူဌာနခွဲတာဝန်ခံက စားသုံးသူကာကွယ်ရေးဥပဒေပါ စားသုံးသူအခွင့်အရေး(၈)ချက်နှင့် ကုန်အညွှန်းအမှတ်အသားများအကြောင်း၊ တိုင်ကြားနိုင်သည့်နည်းလမ်း၊ ဖြေရှင်းညှိံ့နှိုင်ဆောင်ရွက်မှုများအကြောင်း၊ (၁၅၃၅) နံပါတ်ကိုခေါ်ဆို၍ တိုင်ကြားနိုင်ကြောင်းနှင့် ရုံးချုပ်မှ ညွှန်ကြားမှုဖြင့် ပညာပေးဟောပြောရာတွင် ထည့်သွင်းဟောပြောရမည့် အချက်များကိုလည်း ကျယ်ကျယ်ပြန့်ပြန့်ဟောပြောဆွေးနွေးခဲ့ပြီး တက်ရောက်လာသော ကျောင်းသား/ ကျောင်းသူ၊ ဆရာ/ဆရာမများ၏ သိလိုသည်များမေးမြန်ခြင်းကို အပြန်အလှန်ရှင်းလင်းဆွေးနွေးခဲ့ကြပြီး ဌာန၏ပညာပေးလက်ကမ်းစာစောင်များဖြန့်ဝေ၍ စားသုံးသူအသိပညာပေးဟောပြောပွဲ အောင်မြင်စွာကျင်းပဆောင်ရွက်ခဲ့ကြောင်း သတင်းရရှိပါသည်။

DOCA(စစ်ကိုင်း)

         စားသုံးသူရေးရာဦးစီးဌာနအနေဖြင့် ပုသိမ်ခရိုင်အတွင်း စားသုံးဆီဖြန့်ဖြူးခြင်းနှင့်ပတ်သက်၍ တစ်ရက်လျှင် ၁၄၅ပေပါဖြန့်ဖြူးရောင်းချလျက်ရှိပြီး မြို့နယ်ဆီထုတ်ကိုယ်စားလှယ်များက လက်လီ/လက်ကားဆိုင်များသို့ရောင်းချရာတွင်လည်း သတ်မှတ်ရည်ညွှန်းဈေးအတိုင်းရောင်းချရန်နှင့် စားသုံးဆီခွဲတမ်းရရှိမှုအပေါ်  အပြည့်အဝပြန်လည်ရောင်းချမှုရှိစေရေးအား ကုန်ဈေးနှုန်းတည်ငြိမ်ရေးအဖွဲ့အနေဖြင့် သက်ဆိုင်ရာဌာနဆိုင်ရာများဖြင့် လစဉ်၊ အပတ်စဉ်၊ နေ့စဉ် ကွင်းဆင်းကြီးကြပ်ဆောင်ရွက်လျက်ရှိပါသည်။ ထိုသို့ကွင်းဆင်းဆောင်ရွက်ခဲ့သည့် စည်ပင်သာယာဈေးအတွင်းရှိဆိုင်များ၊ ရပ်ကွက်ရှိကုန်စုံဆိုင်များအား ညွှန်ကြားချက်များကိုသိရှိစေရန် အသိပညာပေးဆောင်ရွက်ခဲ့ပြီး ထုတ်ပြန်ထားသည့်ညွှန်ကြားချက်များအား လိုက်နာမှုမရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပညာပေး၊ သတိပေးဆောင်ရွက်လျက်ရှိကြောင်းသိရှိရပါသည်။

DOCA(ဧရာဝတီ)