MyROမှတ်ပုံတင်ထားသောလုပ်ငန်းများအား သက်တမ်းတိုးခြင်းလုပ်ငန်းများဆောင်ရွက်ရန်နှင့် ထုတ်ကုန်လုံခြုံစိတ်ချရမှုရှိစေရေးအသိပညာပေး
၂၀၂၆ခုနှစ် ဖေဖော်ဝါရီလ ၂၁ ရက်နေ့ တွင် ညောင်တုန်းမြို့နယ် ဆန်စက်လုပ်ငန်းရှင်များအသင်း တာဝန်ရှိသူများနှင့် စားသုံးသူရေးရာဦးစီးဌာနမှဝန်ထမ်းများ၊ သိုလှောင်ရုံလုပ်ငန်းရှင်များနှင့် မြို့နယ်အထွေထွေ အုပ်ချုပ်ရေးဦးစီးဌာန အစည်းအဝေးခန်းမတွင် တွေ့ဆုံ၍ သိုလှောင်ရုံများမှကုန်ရ ကုန်ထုတ်၊ လက်ကျန်အခြေအနေများကို စာရင်းရေးသွင်းခြင်းလုပ်ငန်းများ မဖြစ်မနေဆောင်ရွက်ရန်ကို သိုလှောင်ရုံ လုပ်ငန်းရှင် ၇ ဦးအား အသိပညာပေး ဆွေးနွေးခဲ့ကြောင်း သိရသည်။
ညောင်တုန်းမြို့နယ် ဦးစီးမှူး ဦးအောင်လွင်သည် သိုလှောင်လုပ်ငန်းရှင်များကို စပါး/ ဆန်လုပ်ငန်းများ ဆောင်ရွက်ရာတွင် စပါးတင်း ၅၀၀၊ ဆန် အိတ် ၅၀၀ အစရှိသသောလုပ်ငန်းများပါ မှတ်ပုံတင်ဆောင်ရွက်ပြီး လုပ်ကိုင်ဆောင်ရွက်ရန်ကိုလည်းကောင်း၊ မှတ်ပုံတင်ဆောင်ရွက်ပြီးစီးသည့် လုပ်ငန်းရှင်များကလည်း သိုလှောင်ရုံများမှကုန်ရ ကုန်ထုတ်၊ လက်ကျန်အခြေအနေများကို စာရင်းရေးသွင်းခြင်းလုပ်ငန်းများ မဖြစ်မနေဆောင်ရွက်ရန်ကိုလည်းကောင်း၊ စပါး/ဆန် လုပ်ငန်းများ ဆက်လက်လုပ်ကိုင်ခြင်း မပြုတော့ပါက လုပ်ငန်းရပ်ဆိုင်းကြောင်းကို မိမိတို့ဌာနမှ တာဝန်ရှိသူများက မြေပြင်ကွင်းဆင်းစစ် ဆေးဆောင်ရွက်မည်ဖြစ်ပြီး သက်ဆိုင်ရာ ထောက်ခံချက်များယူ၍ လုပ်ငန်းရပ်နားကြောင်း စစ်ဆေးဆောင်ရွက်ပြီး အသိအမှတ်ပြုသွားမည်ဖြစ်ကြောင်း၊ သက်တမ်းတိုး ပြည်မီသူ လုပ်ငန်းရှင်များကလည်း ထပ်မံသက်တမ်းတိုးခြင်း လုပ်ငန်းများကို လုပ်ဆောင်ကြရန် ဆွေးနွေးပြီး မအူပင်ခရိုင်ဦးစီးမှူးရုံးတွင် MyRo Software အသုံးပြုခြင်း သင်တန်းကို မတ်လအတွင်း ဖွင့်လှစ်မည်ဖြစ်သဖြင့် ညောင်တုန်းမြို့နယ်အတွင်းရှိ MyRo တွင် မှတ်ပုံတင်ထားသော ဆန်စက်လုပ်ငန်းရှင်များ၊ ဆန်စပါးကုန်သည်များ တက်ရောက်နိုင်ရေး MyRo ဝက်ဆိုဒ်သို့ ဝင်ရောက်၍ လစဉ်ကုန်ရ၊ ကုန်၊ ကုန်လက်ကျန်များ ဖြည့်သွင်းရာတွင် လုပ်ငန်းရှင်များ ကျွမ်းကျင်စွာလုပ်ဆောင်နိုင်ရန် အသိပေးပြောကြားဖိတ်ကြားခဲ့ပြီး ဆန်စပါး သိုလှောင်ရာတွင် ညွှန်ကြားချက်များကိုလည်း လိုက်နာကြပါရန်နှင့် ဆန်စပါး မှတ်ပုံတင်ခြင်းဆိုင်ရာ အမိန့်နှင့် ညွှန်ကြားချက်များကို သိရှိစေရန် ရှင်းလင်းတင်ပြဆွေးနွေးပြီး လစဉ်/ လတိုင်း၊ ကုန်ရ၊ ကုန်ထုတ်၊ ကုန်လက်ကျန်များ ဖြည့်သွင်းရမည်ဖြစ်ကြောင်းတို့ကို အသိပညာ ပေးဆောင်ရွက်ခဲ့ကြောင်း သိရှိရပါသည်။
DOCA(ဧရာဝတီ)
