HighLight News

       ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်စန်းစန်းမော်သည် စက်တင်ဘာလ(၁၂)ရက်နေ့၊ နံနက်(၁၀:၃၀)နာရီအချိန်တွင် အမှတ်(၉)ရပ်ကွက်ရှိ အ.ထ.က မြို့မကျောင်းတွင် စားသုံးသူကာကွယ်ရေး အသိပညာပေးဆောင်ရွက်ခဲ့ကြောင်း သိရသည်။

         ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ပူးပေါင်း ကျင်းပသော စာဖတ်ရှိန်မြှင့်တင်ရေး လှုပ်ရှားမှုအခမ်းအနား လူငယ်ရေးရာအသိပညာပေး  ဟောပြောပွဲတွင် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်စန်းစန်းမော်က ဌာန၏ဆောင်ရွက်လုပ်ကိုင်နေရသော လုပ်ငန်းများအကြောင်း၊ စားသုံးသူပြည်သူများအား ကာကွယ်ပေးရသည့် ဥပဒေလိုအပ်ရသည်အကြောင်း၊ စားသုံးသူအခွင့်အရေးနှင့်တာဝန်များအကြောင်းနှင့် ကုန်အညွှန်းအမှတ်အသား ဖော်ပြခြင်းဆိုင်ရာများအား ရှင်းလင်းပြောကြားခြင်း၊ ကုန်စည်များအား ရွေးချယ်ဝယ်ယူတတ်စေရေး အသိပညာပေးခြင်း အွန်လိုင်းရောင်းချမှုလုပ်ငန်းများနှင့် စပ်လျဉ်း၍ စိစစ်သင့်သည့် အချက်များအကြောင်း အသိပညာပေး ဆွေးနွေးခဲ့ကြောင်း သိရသည်။

          ဆက်လက်၍ ပြန်ကြားရေးနှင့်ပြည့်သူဆက်ဆံရေးဦးစီးဌာနမှ ဦးစီးအရာရှိ ဒေါ်တင်တင်ထွေးမှ စာဖတ်ရှိန်မြှင့်တင်ရေးအခမ်းအနား ကျင်းပရခြင်း၏ ရည်ရွယ်ချက်နှင့် သုတ၊ရသစာပေများအကြောင်း၊ မြို့နယ်အားကစားမှူး ဦးခုပ်စွမ်းခိုင်မှ လူငယ်နှင့်အားကစား လှုပ်ရှားမှုများအကြောင်း အသိပညာပေးခဲ့ပါသည်။ အသိပညာပေး ဟောပြောပွဲသို့ ဆရာ/ ဆရာမ (၂၈)ဦးနှင့် ကျောင်းသား/ ကျောင်းသူ (၂၅၀)ဦး စုစုပေါင်း (၈၈)ဦး တက်ရောက်ခဲ့ကြောင်း သိရသည်။ အဆိုပါ အခမ်းအနားအပြီးတွင် ကျောင်းမုန့်ဈေးတန်းအား ဆက်လက်၍ ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(ရန်ကုန်)

          ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်ရှိ စားအုန်းဆီလက်လီ လက်ကားအရောင်းဆိုင်များသို့ ကွင်းဆင်းစိစစ်ခြင်းများကို ကွမ်းခြံကုန်းမြို့နယ် စားသုံးသူရေးရာ ဦးစီးဌာနမှ မြို့နယ်တာဝန်ခံနှင့် ဝန်ထမ်းများသည် ပူးပေါင်းအဖွဲ့ဖြင့်  စက်တင်ဘာလ(၁၂)ရက်နေ့၊ နံနက်(၀၉:၀၀)နာရီအချိန်တွင် ဈေးကွက်အတွင်း ကွင်းဆင်းစိစစ်ခဲ့ကြောင်း သိရှိရသည်။

            ထိုသို့ ကွင်းဆင်းစိစစ်ခြင်းဆောင်ရွက်ရာတွင် ကွမ်းခြံကုန်းမြို့နယ် ပြည်သူ့ကျန်းမာရေးဦးစီးဌာန အမျိုးသမီးကျန်းမာရေးဆရာမ ဒေါ်သန်းသန်းစိုး၊ မြို့နယ်စည်ပင်သာယာရေးအဖွဲ့ စာရင်းကိုင်-၃အဆင့် ဒေါ်ခိုင်သဇင်၊ ဈေးတာဝန်ခံ ဦးထွန်းထွန်း၊ မြို့နယ်စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်း၍ ကွမ်းခြံကုန်းမြို့နယ် မြို့မဈေးအတွင်း စားသုံးဆီအမျိုးမျိုးရောင်းချသော ဒေါ်ထက်ထက်ထွန်း ကုန်စုံဆိုင်၊ ဒေါ်ကျင်သန်းကုန်မျိုးစုံဆိုင်၊ ဒေါ်ရီရီသန်းကုန်စုံဆိုင်တို့မှ MEGA (၁၀၀% သန့်စင်ပြီး သဘာဝ နေကြာဆီစစ်)၊ အမေထွား (သဘာဝမြေပဲဆီ)၊ ရွှေအုံ (မြေပဲဆီသန့်)၊ Meizan (မေဇင်)ဟင်းသီး ဟင်းရွက်ဆီ (အဆင့်မြင့်စားအုန်းဆီ)၊ Duck (ဘဲလေး ဟင်းသီးဟင်းရွက်ဆီ) အဆင့်မြင့်သန့်စင်ထားသော စားအုန်းဆီတို့တွင် ကုန်အညွှန်းအမှတ်အသား ပြည့်စုံစွာပါရှိမှုရှိ/ မရှိ စစ်ဆေးခဲ့ကြသည်။

         ထို့နောက် ကွင်းဆင်းစိစစ်ခြင်းများ ဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာမြို့မဈေးအဖွဲ့မှ ဈေးတာဝန်ခံ ဦးထွန်းထွန်း၊ စာရင်းကိုင်-၃ ဒေါ်ခိုင်သဇင်၊ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းတို့ ပူးပေါင်း၍ ကွမ်းခြံကုန်းမြို့နယ် ဈေးပိုင်းရပ်ကွက်ရှိ ဦးဟိန်းသော်ဇင်ဦး လက်လီလက်ကား အရောင်းဆိုင်၊ ဦးခင်မောင်အေး လက်လီဆိုင်၊ ဒေါ်မော်မော် လက်လီဆိုင်၊ ကံကြီးမကျီးရပ်ကွက်တွင် ရောင်းချသော ဦးကျော်လွင် လက်လီဆိုင်၊ ဦးရဲဝင်းဟိဏ်း လက်လီဆိုင်၊ မြို့မရပ်ကွက်တွင် ရောင်းချသော ဦးဟိန်းမင်းလတ် လက်လီဆိုင်၊ ဦးကျော်သူရအောင် လက်လီဆိုင်၊ ဒေါ်မြသီတာကျော် လက်လီဆိုင်များနှင့် မြို့မဈေးအတွင်း ရောင်းချသော ဒေါ်လဲ့လဲ့သင်း လက်လီဆိုင်၊ ဒေါ်မျိုးသူဇာထွန်း လက်လီဆိုင်၊ ဦးစန်းဌေး လက်လီဆိုင်၊ ဦးမြင့်မင်းသူ လက်လီဆိုင်များသို့ စားအုန်းဆီ ဖြန့်ဖြူးရောင်းချသည့် ကုမ္ပဏီခွဲတမ်းရရှိသည့် ပိဿာ၊ ပေပါ၊ တာဝန်ယူဖြန့်ဖြူးရောင်းချသည့် အရေအတွက် ပိဿာ၊ ပေပါ၊ ရောင်းချသည့်လက်လီလက်ကား ဈေးနှုန်းများနှင့် နေ့စဉ်ရောင်းချလျက်ရှိသည့် ပုံစံများကို စိစစ်ကြပ်မတ်ခဲ့ကြောင်း သိရှိရပါသည်။

          ထို့နောက် စားသုံးသူရေးရာဦးစီးဌာန မြို့နယ်တာဝန်ခံ ဒေါ်နွယ်နွယ်အေးက စားသုံးသူရေး ရာဦးစီးဌာနမှ အပတ်စဉ် စားအုန်းဆီရည်ညွှန်းဈေးများကို သတ်မှတ်ထုတ်ပြန်လျက်ရှိရာ ရည်ညွှန်းဈေးအပေါ် (၂%)အမြတ်နှင့် သယ်ယူခ၊ အလုပ်သမားခများကို ထည့်သွင်းတွက်ချက်၍ သင့်တင့်မျှတသော ဈေးနှုန်းဖြင့်ရောင်းချကြရန်၊ ဈေးကစားရန်ရည်ရွယ်၍ သိုလှောင်ခြင်း၊ ဖြန့်ဖြူးခြင်းများ မပြုလုပ်ကြရန် စားအုန်းဆီရောင်းချသော လက်လီလက်ကား ကိုယ်စားလှယ်လုပ်ငန်းရှင်များနှင့် တွေ့ဆုံဆွေးနွေး ကွင်းဆင်းစိစစ်ခဲ့ကြောင်း သိရှိရပါသည်။

DOCA(ရန်ကုန်)

         ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့ရှိ စည်ပင်သာယာမြို့မဈေးအတွင်း စားအုန်းဆီရောင်းချလျက်ရှိသည့် လက်လီလက်ကား ကိုယ်စားလှယ်ဆိုင်များနှင့် လက်လီကိုယ်စားလှယ်ဆိုင်များတွင် နေ့စဉ်ခွဲတမ်းရရှိသည့် စားအုန်းဆီများအား စားသုံးသူပြည်သူများ လက်ဝယ်သို့ ဖြန့်ဖြူးရောင်းချပေးရာတွင် အရေအတွက်၊ အချိန်အတွယ်၊ ဈေးနှုန်းများ မှန်ကန်စွာရောင်းချနေမှုရှိ/ မရှိအား စားသုံးသူရေးရာဦးစီးဌာနမှ ဒုခရိုင်ဦးစီးမှူးနှင့် ဝန်ထမ်းများ၊ စည်ပင်သာယာမြို့မဈေးအဖွဲ့မှဝန်ထမ်းများသည်  စက်တင်ဘာလ(၁၁)ရက်နေ့၊ နေ့လယ်(၁၃:၀၀)နာရီအချိန်တွင် မြေပြင်ကွင်းဆင်း စစ်ဆေးခဲ့ကြောင်း သိရှိရပါသည်။

         ထိုသို့ မြေပြင်ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ တောင်ပိုင်းခရိုင်ဦးစီး မှူးရုံးမှ ဒု-ခရိုင်ဦးစီးမှူး ဦးဦးသိန်းမောင်က စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ စားအုန်းဆီ အခြေခံလက်ကားရည်ညွှန်းဈေးကို အပတ်စဉ်တနင်္လာနေ့တိုင်း ထုတ်ပြန်ကြေညာလျက်ရှိရာ စားအုန်းဆီခွဲတမ်းရရှိသည့် ကိုယ်စားလှယ်များမှ စားသုံးသူပြည်သူများ လက်ဝယ်သို့ စားအုန်းဆီများ ရောင်းချရာတွင် ဒေသအရောက် ဈေးနှုန်းများအပေါ် (၂%)အမြတ်ထက်မပိုသော ဈေးနှုန်းများဖြင့် ပြန်လည်ဖြန့်ဖြူးရေင်းချနေခြင်းရှိ/ မရှိ၊ ရောင်းချဖြန့်ဖြူးရာတွင် အရေအတွက်၊ အချိန်အတွယ်၊ ဈေးနှုန်းများမှန်ကန်စွာဖြင့် ရောင်းချနေခြင်းရှိ/ မရှိကို မြေပြင်ကွင်းဆင်းစစ်ဆေးခြင်းဖြစ်ကြောင်း ဆက်လက်၍ ဒေါ်ငြိမ်းငြိမ်းဝင်း ဦးစီးမှူးကလည်း စားသုံးဆီတင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ ထုတ်ပြန်ကြေညာထားသည့် ဈေးနှုန်းထက် ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့်သိုလှောင်ထားခြင်းအတိုင်း အမှန်တကယ်ရောင်းချမှုမရှိခြင်း၊ မသမာသည့်လုပ်ဆောင်မှုများပြုလုပ်ပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည်ဖြစ်ကြောင်း အသိပညာပေး ဟောပြောခဲ့ကြောင်း သိရှိရပါသည်။

DOCA(ရန်ကုန်)

            (၁၁.၉.၂၀၂၅)ရက်နေ့ နေ့လယ်(၁၃:၃၀)နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ  ဝန်ထမ်းများသည် အမှတ်(၆၂)၊ မြတောင်ဝန်ကြီးဦးမှိုလမ်း၊ စက်မှုဇုန်(၁)၊ လှိုင်သာယာ(အရှေ့ပိုင်း)မြို့နယ်ရှိ Good Morning မုန့်လုပ်ငန်းရှင်ထံ ကွင်းဆင်းသွားရောက်တွေ့ဆုံပြီး ထုတ်လုပ်ဖြန့်ဖြူးရောင်းချမှုအား ကွင်းဆင်းလေ့လာခြင်းများ ဆောင်ရွက်ခဲ့ပါသည်။

          တာဝန်ခံဖြစ်သူက Good Morning မုန့်လုပ်ငန်းသည် ၁၉၉၆ ခုနှစ်တွင် စတင်တည် ထောင်ခဲ့ပြီး ထုတ်လုပ်သောအမှတ်တံဆိပ်များမှာ လိမ္မော်အရသာကိတ်၊ ငှက်ပျောအရသာကိတ်၊ ချောကလက် ကိတ်အစရှိသော ကိတ်၊ ကွတ်ကီးအမျိုးအစားပေါင်း (၁၇)မျိုးထုတ်လုပ်လျက်ရှိပြီး တစ်ရက်ထုတ်လုပ်မှုမှာ တစ်နေ့လျှင် အမျိုးအစားတစ်မျိုးသာထုတ်လုပ်၍ အထုပ်ပေါင်း(၄) သိန်းထုတ်ကာ တစ်ပါကင် (၂၀၀)ထုပ်ပါ ပါကင်(၂၀၀၀)ထုတ်လုပ်လျက်ရှိပါကြောင်း၊ မြန်မာပြည်အနှံအပြားသို့ ဖြန့်ဖြူးရောင်းချလျက်ရှိကြောင်း၊ Good Morning မုန့်လုပ်ငန်းမှာ လုပ်ငန်းခွဲ(၃)ခုရှိပြီး ကွင်းဆင်းလေ့လာသောလုပ်ငန်းခွဲ၌ ဝန်ထမ်းအင်အားမှာ ကျား(၈၈)ဦး၊ မ(၇၂) စုစုပေါင်း (၁၆၀)ဦးဖြင့် လုပ်ငန်းအဆက်မပြတ်လုပ်ကိုင် လည်ပတ်လျက်ရှိကြောင်း သိရှိရပါသည်။

DOCA (ရန်ကုန်)

             စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ  ဒေါ်နီလာဝင်း၊ ဦးစီးမှူးပါ (၄)ဦး တို့သည် အမှတ်(၆၂)၊ မြတောင်ဝန်ကြီးဦးမှိုလမ်း၊ လှိုင်သာယာမြို့နယ်ရှိ L & M Myason Co.,Ltd မှ Good Morning မုန့်လုပ်ငန်းစက်ရုံသို့ (၁၁.၉.၂၀၂၅)ရက်နေ့ နေ့လယ် (၁၃:၁၅)နာရီအချိန်တွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ဈေးကွက်မရောက်မီ စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ဆောင်ရွက်ခဲ့ရာတွင် မြို့နယ်စည်ပင်သာယာအုပ်ချုပ်ရေးမှူးရုံးမှ ဒုတိယမြို့နယ် အုပ်ချုပ်ရေးမှူး ဦးခင်ဇော်အောင်ပါ (၂)ဦး၊ စက်မှုဇုန်(၁)ကော်မတီရုံးမှ ဒုတာဝန်ခံ ဦးနေမျိုးဦးတို့ ပူးပေါင်းပါဝင်လျက် ရောင်းချနေသော Good Mrning အမှတ်တံဆိပ်ကိတ်/ ကွတ်ကီးအမျိုးအစားပေါင်း (၁၇)မျိုးတို့တွင် စားသုံးသူကာကွယ်ရေးဥပဒေ ၂၀၁၉ ၊ အခန်း(၁၈)တွင် ပြဌာန်းထားသော ကုန်အညွှန်းအမှတ်အသားဖော်ပြခြင်းဆိုင်ရာအချက်များနှင့် ကိုက်ညီမှုရှိခြင်း၊ သက်ဆိုင်ရာဌာနတို့၏ ခွင့်ပြုထောက်ခံချက်အမှတ်များလည်းပါဝင်ကြောင်း စစ်ဆေးတွေ့ရှိရပြီး လုပ်ငန်းရှင်ကိုလည်း စီးပွားရေးလုပ်ငန်းရှင်၏တာဝန်များကို ပြောကြားခဲ့ကြောင်း ကွင်းဆင်းစစ်ဆေးချက်အရ သိရှိရပါသည်။

DOCA (ရန်ကုန်)