HighLight News

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ကံမမြို့နယ်တာဝန်ခံ၊ ဒုတိယဦးစီးမှူး ဒေါ်နွဲ့ယဉ်ဝင်းသည် (၈-၁၂-၂၀၂၃) ရက်နေ့၊ နံနက်(၁၀:၀၀)နာရီအချိန်တွင် စည်ပင်သာယာရေးအဖွဲ့မှ ဝန်ထမ်းများ၊ ရပ်ကွက်အုပ်ချုပ်ရေးမှူးနှင့်အတူ ကံမမြို့၊ အမှတ်(၁)ရပ်ကွက်အတွင်းရှိ ကုန်စုံဆိုင်များ၌ ကုန်အညွှန်းအမှတ်အသားပြည့်စုံသောကုန်စည်များ ဈေးကွက်အတွင်းရောင်းချနေမှုရှိ/မရှိ ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။

    ထိုသို့စစ်ဆေးရာတွင် ကံမမြို့နယ်တာဝန်ခံ ဒေါ်နွဲ့ယဉ်ဝင်းက ကုန်စုံဆိုင်ပိုင်ရှင်များအား စားသုံးသူကာကွယ်ရေးဥပဒေ ၂၀၁၉ အခန်း(၁၈)၊ ပုဒ်မ(၄၁)အရ ကုန်စည်များတွင် ကုန်အညွှန်း အမှတ်အသားပြည့်စုံစွာဖော်ပြထားသည့် ကုန်စည်များကိုသာရောင်းချရန်၊ မြန်မာနိုင်ငံစားသုံးသူကာကွယ်ရေးကော်မရှင်မှထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြရန်နှင့် မြန်မာဘာသာဖြင့်ဖော်ပြရမည့် အချက်များကို မဖြစ်မနေထည့်သွင်းဖော်ပြရမည်ဖြစ်ပြီး ထုတ်လုပ်သည့်ရက်စွဲနှင့် သက်တမ်းကုန်ဆုံးသည့်ရက်စွဲများကို ထည့်သွင်းဖော်ပြရမည်ဖြစ်ကြောင်း၊ ကုန်အညွှန်းအမှတ်အသားပြည့်စုံစွာဖော်ပြထားခြင်းမရှိသော ကုန်ပစ္စည်းများကိုရောင်းချနေကြောင်း စစ်ဆေးတွေ့ရှိပါက စားသုံးသူကာကွယ်ရေးဥပဒေအရ အရေးယူဆောင်ရွက်သွားမည်ဖြစ်ကြောင်း၊ စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏တာဝန်များအကြောင်းနှင့် ကုန်စည်များနှင့်စပ်လျဉ်း၍ အာမခံချက်ပေးခြင်းကို အသေးစိတ်ရှင်းလင်းပြောကြားခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်(၂/၂၀၁၉) လက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မကွေး)

     မကွေးတိုင်းဒေသကြီးအစိုးရအဖွဲ့၏ကြီးကြပ်မှုဖြင့် စားအုန်းဆီစျေးနှုန်းတည်ငြိမ်စေရန် မကွေးတိုင်းဒေသကြီးဆီကုန်သည်နှင့် ဆီလုပ်ငန်းရှင်များအသင်းအနေဖြင့် မကွေးမြို့နယ်ရှိ စျေးများနှင့် ရပ်ကွက်ကုန်စုံဆိုင်များအား စားအုန်းဆီ (၁)ပိဿာလျှင် ကျပ်(၅၂၀၀)နှုန်းကို အထိုင်စနစ်ဖြင့်ရောင်းချရန် ဖြန့်ဖြူးပေးထားကြောင်းသိရှိရပါသည်။

      စားသုံးသူရေးရာဦးစီးဌာန၊ မကွေးမြို့နယ်တာဝန်ခံသည် စျေးတာဝန်ခံ (စည်ပင်သာယာရေးအဖွဲ့) စျေးကော်မတီများနှင့်ပူးပေါင်း၍ မကွေးမြို့၊ ကန်သာစျေး၌ အထိုင်စနစ်ဖြင့်ရောင်းချရန် ခွဲတမ်းရရှိထားသော စားအုန်းဆီလက်လီအ‌ရောင်းဆိုင်(၁၄)ဆိုင်အား ရရှိထားသောခွဲတမ်းများအတိုင်း အမှန်တကယ်ရောင်းချမှုရှိ/မရှိ၊ ရောင်းချရာ၌ သတ်မှတ်ရည်ညွှန်းစျေးနှုန်းများအတိုင်း ရောင်းချမှုရှိ/မရှိနှင့် အလေးချိန်ပြည့်ဝမှန်ကန်မှုရှိ/မရှိ ကွင်းဆင်းစစ်ဆေးခဲ့ရာ လက်လီအရောင်းဆိုင်များအနေဖြင့် ခွဲဝေရရှိသောခွဲတမ်းအတိုင်း ဗီနိုင်းဆိုင်းဘုတ်များကပ်၍ တိုကင်ကတ်များဝေပြီး သတ်မှတ်ရည်ညွှန်းစျေးနှုန်းများအတိုင်း ရောင်းချလျက်ရှိကြောင်းသိရှိရပါသည်။

DOCA(မကွေး)

  မကွေးတိုင်းဒေသကြီး၊ မကွေးခရိုင်အတွက် ခွဲတမ်းရရှိသော ရုံးပိတ်ရက်မပါ တစ်ရက်ဆီပေပါ (၂၁၀)လုံးအား မြို့နယ်အလိုက် ပြန်လည်ခွဲဝေဖြန့်ဖြူးရန် အစည်းအဝေးအား (၁၁-၁၂-၂၀၂၃)ရက်နေ့၊ နံနက်(၁၀:၃၀)နာရီအချိန်တွင် မကွေးခရိုင်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ရာ မကွေးခရိုင်ထွေထွေအုပ်ချုပ်ရေးဦးစီးဌာန၊ မကွေးခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမောင်ထူး (မကွေးမြို့နယ်၊ တောင်တွင်းကြီးမြို့နယ်၊ နတ်မောက်မြို့နယ်နှင့် မြို့သစ်မြို့နယ်) မြို့နယ်စီမံအုပ်ချုပ်ရေးအဖွဲ့ဥက္ကဋ္ဌများ၊ စားသုံးသူရေးရာဦးစီးဌာန၊ မကွေးခရိုင်ဦးစီးမှူးနှင့် မြို့နယ်တာဝန်ခံများ၊ မကွေးတိုင်း/ ခရိုင်/ မြို့နယ်ဆီကုန်သည်နှင့် ဆီလုပ်ငန်းရှင်အသင်းမှ ဥက္ကဋ္ဌအပါအဝင် ဆီကုန်သည် (၃၀)ဦးတို့တက်‌‌ရောက်ခဲ့ကြပါသည်။

      အဆိုပါ အစည်းအဝေးတွင် စားသုံးသူရေးရာဦးစီးဌာန၊ မကွေးခရိုင်ဦးစီးမှူးက ၂၀၂၃ခုနှစ်၊ ဒီဇင်ဘာလမှစ၍ ခရိုင်အလိုက် ခွဲဝေချထားပေးသည့် စားအုန်းဆီခွဲတမ်းအတိုင်း အချိန်မီငွေပေးသွင်းခြင်း၊ နေ့အလိုက် ဆီထုတ်ယူခြင်း၊ သက်ဆိုင်ရာဒေသအရောက် စားအုန်းဆီ(၁)ပိဿာစျေးနှုန်းအပေါ် (၂%)အမြတ်ထက်မပိုသောစျေးနှုန်းတို့ဖြင့် စျေးကွက်အတွင်း ဖြန့်ဖြူးရောင်းချရန်၊ မကွေးခရိုင်အတွက် ခွဲတမ်းရရှိသော တစ်ရက်ဆီပေပါ (၂၁၀)လုံးခွဲဝေရရှိမှုအပေါ် မြို့နယ်အလိုက် တာဝန်ယူဖြန့်ဖြူးရောင်းချမည့် ဆီကုန်သည်အမည်စာရင်းနှင့် ဆီထုတ်ကိုယ်စားလှယ်အမည်စာရင်းတို့ကို ခရိုင်ကုန်စျေးနှုန်းတည်ငြိမ်ရေးလုပ်ငန်းကော်မတီ၏ အတည်ပြုချက်ရယူပြီး ဆောင်ရွက်သွားရမည်ဖြစ်ကြောင်းနှင့် မိမိတို့ခရိုင်/ မြို့နယ်အတွင်း ဆီပြတ်လပ်မှုမရှိစေရေးနှင့် စျေးနှုန်းတည်ငြိမ်ရေးတို့အတွက် မကွေးခရိုင်အတွင်းရှိ မြို့နယ်အားလုံးရှိ ဆီကုန်သည်များအား ပွင့်လင်းမြင်သာစွာချပြဆွေးနွေးခဲ့ပြီး ဆီကုန်သည်များအားလုံးသို့ မျှမျှတတခွဲဝေချထားပေးရန်၊ စျေးကစားရန်ရည်ရွယ်ချက်ဖြင့် သိုလှောင်ထားခြင်း၊ စျေးနှုန်းမြှင့်တင်ရောင်းချခြင်းမပြုလုပ်ရန်နှင့် ရောင်းချရာတွင် နေရာဒေသအနှံ့ရောက်အောင် ပြန့်ပြန့်နှံ့နှံ့ရောင်းချပေးရန် ဆွေးနွေးခဲ့ကြောင်းသိရှိရပါသည်။

DOCA(မကွေး)

        စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးရုံးအစည်းအဝေးခန်းမ၌ (၁၄-၁၁-၂၀၂၃)ရက်နေ့၊ နံနက်(၁၀:၀၀)နာရီအချိန်တွင် ဝန်ထမ်းများစွမ်းဆောင်ရည်မြှင့်တင်ရေးအထောက်အကူပြု Thursday Talk အသိပညာပေးဟောပြောပွဲကျင်းပပြုလုပ်ခဲ့ပါသည်။

     ပထမဦးစွာ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး ဦးမြင့်ဝင်းက အဖွင့်အမှာစကားပြောကြားခဲ့ပြီးနောက် ဝန်ထမ်းတစ်ဦးချင်း Capacity ပြည့်ဝစေရေး၊ စွမ်းဆောင်ရည်မြင့်မားစေရေးအတွက် Thursday Talk အသိပညာပေးသင်တန်းများ ကျင်းပရခြင်းဖြစ်ကြောင်း၊ ဝန်ထမ်းများအနေဖြင့် ပိုချသည့်အကြောင်းအရာများကို သေချာစွာလေ့လာမှတ်သားကြစေလိုကြောင်း ပြောကြားခဲ့ပါသည်။ ဆက်လက်၍ မင်းဘူးခရိုင်ဦးစီးမှူးရုံးမှ ဒေါ်မွန်မွန်သက်(ဒုတိယဦးစီးမှူး)က Online Shop အကြောင်းသိကောင်းစရာများကိုလည်းကောင်း၊ မကွေးခရိုင်ဦးစီးမှူးရုံးမှ ဦးအောင်ဖြိုးဝေ (ဒုတိယဦးစီးမှူး)က Recall and Ban အကြောင်းကိုလည်းကောင်း၊ တိုင်းဒေသကြီးဦးစီးမှူးရုံး၊ သရက်ခရိုင်ဦးစီးမှူးရုံးမှ ဦးကျော်ရွှေ (ဒုတိယကြီးကြပ်ရေးမှူး)က စီးပွားရေးလုပ်ငန်းရှင်များ၏တာဝန်များ၊ ကုန်စည်(သို့မဟုတ်)ဝန်ဆောင်မှုနှင့်စပ်လျဉ်း၍ အာမခံချက်ပေးခြင်းအကြောင်းကိုလည်းကောင်း၊  မကွေးတိုင်းဒေသကြီး၊ တိုင်းဒေသကြီးဦးစီးမှူးရုံး၊ စီမံရေးရာဌာနခွဲမှ ဦးသိန်းဦး (ဌာနခွဲစာရေး)က ခွင့်အမျိုးအစားအကြောင်း သိကောင်းစရာများအကြောင်းကိုလည်းကောင်း Power Point များဖြင့် ဟောပြောဆွေးနွေးခဲ့ပြီး တက်ရောက် လာသည့်ဝန်ထမ်းများ၏ သိရှိလိုသည်များကို မေးမြန်းမှုအပေါ် အပြန်အလှန်ဆွေးနွေးခြင်းများ ပြုလုပ်ခဲ့ပြီး နေ့လယ် (၁၂း၀၀) နာရီအချိန်တွင် ဟောပြောဆွေးနွေးပွဲရုပ်သိမ်းခဲ့ပါသည်။ အဆိုပါသင်တန်းသို့ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူး၊ ဒုတိယတိုင်းဒေသကြီးဦးစီးမှူး၊ ခရိုင်ဦးစီးမှူးများနှင့် ဌာနတာဝန်ခံများ၊ အရာထမ်း/ အမှုထမ်းများ၊ စုစုပေါင်း (၃၆) ဦးတက်ရောက်ခဲ့ကြကြောင်း သတင်းရရှိပါသည်။

DOCA(မကွေး) 

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး၊ ဓနုဖြူမြို့နယ်တာဝန်ခံရုံးမှ  ဦးခိုင်လွမ်းမိုး (အငယ်တန်းစာရေး)သည်  (၁၁-၁၂-၂၀၂၃) ရက်နေ့၊ နံနက် (၁၀:၃၀) နာရီအချိန်တွင် ဓနုဖြူမြို့၊အမှတ် (၁၁)ရပ်ကွက်၊ (၂)လမ်းရှိ ပိုင်ရှင်ဒေါ်လှလှမြင့်၏ ပဲကြက်ခေါက်မုန့်လုပ်ငန်းခွင်သို့သွားရောက်၍ ထုတ်ကုန်လုံခြုံစိတ်ချရမှုရှိစေရန် ကွင်ဆင်းစစ်ဆေး အသိပညာပေးဆောင်ရွက်ခြင်းပြုလုပ်ခဲ့ပါသည်။

  အဆိုပါကွင်ဆင်းဆောင်ရွက်မှုတွင် ဦးခိုင်လွမ်းမိုးက တစ်နိုင်တစ်ပိုင်လုပ်ကိုင်ဆောင်ရွက်လျက်ရှိသော ပဲကြက်ခေါက်လုပ်ငန်းရှင် ဒေါ်လှလှမြင့်နှင့်တွေ့ဆုံ၍ မုန့်လုပ်ငန်းဆောင်ရွက်ပုံအဆင့်ဆင့်ကိုမေးမြန်းပြီး ကုန်ကြမ်းဝယ်ယူမှုအတွက် တစ်နေ့တာအသုံးပြုကုန်ကျစရိတ်နှင့် ထွက်ရှိသောမုန့်များ တွက်ခြေကိုက်အကျိုးအမြတ်ရရှိမှုအခြေအနေများ၊ မုန့်များ ဈေးကွက်ဖြန့်ချိမှုလုပ်ငန်းအဆင့်ဆင့်ကို ပိုင်ရှင်က ရှင်းလင်းပြောကြားခဲ့ပြီး စားသုံးသူရေးရာဦးစီးဌာနမှ စားသုံးသူကာကွယ်ရေးဥပဒေပါ အခန်း(၁၈)အရ ကုန်အညွှန်းအမှတ်အသားဖော်ပြပါဝင်ရမည့် အချက်အလက်များအကြောင်းနှင့် စီးပွားရေးလုပ်ငန်းရှင်တာဝန်များအကြောင်းကိုလည်းကောင်း၊ စားသုံးသူဘေးအန္တရာယ်ကင်းရှင်သောကုန်စည်များကို ဈေးကွက်အတွင်းဖြန့်ချိနိုင်ရေး ပဲကြက်ခေါက်မုန့်လုပ်ငန်း Packing ထုပ်ပိုးမှုအဆင့်မြှင့်တင်နိုင်ရေးနှင့် မုန့်လုပ်ငန်းတို့အား စားသောက်ကုန်လုံခြုံစိတ်ချရေးဆိုင်ရာ လမ်းညွှန်ချက်များနှင့်အညီ မုန့်ထုတ်လုပ်သောကုန်ကြမ်းနှင့်လုပ်ငန်းခွင်များ၌ ကျန်းမာရေးနှင့်ညီညွတ်မှုရှိစေးရေးတို့ကို အကျယ်တဝင့်ရှင်းလင်းအသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)