HighLight News

           ပုသိမ်ခရိုင်၊ သာပေါင်းမြို့နယ်၊ မြို့နယ်ဦးစီးမှူးဦးထွန်းမင်းလတ်သည် (၁၄.၁၀.၂၅) ရက်နေ့တွင် သီရိရွှေသာဈေးရှိ ဒေါ်ဇင်အောင်၊ ဒေါ်သူဇာ မုန့်ဟင်းခါးဆိုင်များ၌ အထွေထွေအုပ်ချုပ်ရေးဦးစီးဌာန၊ ပြည်သူ့ကျန်းမာရေးဦးစီးဌာနနှင့် မွေးမြူရေးနှင့် ကုသရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍  ခေါက်ဆွဲများသန့်ရှင်းသပ်ရပ်စွာ ရောင်းချရေး၊ ယင်မနားစေရေးနှင့် မုန့်ဟင်းခါးဖက်များတွင်တာရှည်ခံဆေးဝါး ဖော်မလင်မသုံးဆွဲစေရေး၊ မုန့်ဖတ်များ လတ်ဆက်မှုမရှိပါက မရောင်းချရန်၊ မုန့်များထုတ်လုပ်သည့်နေရာတွင် စနစ်တကျထုတ်ုလပ်ရန်၊ အနံအသက်များ ကောင်းမွန်စေရန်အတွက် ပတ်ဝန်းကျင်သန့်ရှင်းစေရေး၊ သုံးရေများသန့်ရှင်းစေရေးနှင့် ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA (ဧရာဝတီ)

          ပုသိမ်ခရိုင်၊ သာပေါင်းမြို့နယ်၊ မြို့နယ်ဦးစီးမှူးဦးထွန်းမင်းလတ်သည် (၉.၁၀.၂၅) ရက်နေ့တွင် အောင်တပ်ကျေးရွာအုပ်စု၊ လူထုခန်းမဆောင်၌ ဆီကိုယ်စားလှယ် (၁) ဦး၊  ရပ်ကျေးအုပ်ချုပ်ရေးမှူး၊ အောင်တပ်၊ ဖဲကုန်း၊ ဒိုးငူ၊ အစိုကြီး၊ မြကျွန်းသာ၊ အေးချမ်းသာ၊ လက်ခုပ်၊ ရွာခွဲ(၇) ရွာမှ စားအုန်းဆီ လက်လီအရောင်းဆိုင် (၈) ဦးတို့နှင့် တွေ့ဆုံ၍ ကျေးရွာအုပ်စုအတွင်းရှိ အိမ်ထောင်စုပေါင်း (၄၈၀) စု အတွက် ဆီစာအုပ်ဖြင့် ဖြန့်ဝေရောင်းချပေးရန်နှင့် ဆီရောင်းချရာတွင် စားသုံးသူများ နစ်နာမှုမရှိစေရန် သတ်မှတ်ရည်ညွှန်းဈေး၊ အလေးချိန်ပြည့်ဝမှန်ကန်စွာရောင်းချရန် တွေ့ဆုံအသိပညာပေး ဆွေးနွေးခဲ့ကြောင်း သိရှိရပါသည်။

DOCA (ဧရာဝတီ)

          ပုသိမ်ခရိုင်၊ သာပေါင်းမြို့နယ် (၇.၁၀.၂၅) ရက်နေ့တွင် မြို့နယ်ဦးစီးမှူး ဦးထွန်းမင်းလတ်သည် ဆီကိုယ်စားလှယ် (၄) ဦး၊ ရပ်ကွက်(၂) အုပ်ချုပ်ရေးမှူးတို့နှင့် တွေ့ဆုံ၍ ရွှေသောင်ယံမြို့နယ်ခွဲရှိ ဘောမိကျေးရွာအုပ်စု၊ မကျီးဇင်ကျေးရွာအုပ်စု၊ သာပေါင်းမြို့နယ်အတွင်းရှိ တိုက်ပွဲရှောင်ကျေးရွာအုပ်စုနှင့် သစ်ဖြူကျေးရွာအုပ်စုများမှ တိုက််ပွဲရှောင်များ သာပေါင်းမြို့ရပ်ကွက် (၁)၊ (၂)၊ (၃) တွင် လာရောက်နေထိုင်ပြီး စားအုန်းဆီဝယ်ယူသုံးစွဲရာတွင် အခက်အခဲမရှိစေရေး သတ်မှတ်ရည်ညွှန်းဈေးဖြင့် သုံးစွဲနိုင်ရေးအတွက် ဆီကိုယ်စားလှယ် (၄) ဦးနှင့် အုပ်ချုပ်ရေးမှူးတို့နှင့် ပူးပေါင်း၍ မြို့ပေါ် လက်လီအရောင်းဆိုင်များမှ ဆီစာအုပ်များ ပြုလုပ်ဖြန့်ဝေခဲ့ကြောင်း သိရှိရပါသည်။

DOCA (ဧရာဝတီ)

          ပုသိမ်ခရိုင်၊ သာပေါင်းမြို့နယ် (၄.၁၀.၂၀၂၅) ရက်နေ့တွင် ပုသိမ်မြို့ မြို့တော်ခန်းမ၌ ကျင်းပပြုလုပ်မည့် MSMEs လုပ်ငန်းပြပွဲ၊ ပြိုင်ပွဲ၊ ထုတ်ကုန်လုပ်ငန်းများ ပြပွဲ၊ ပြိုင်ပွဲ၊ ဈေးရောင်းပွဲတော်အား ဖွင့်ပွဲပြုလုပ်ပြီး (၅.၁၀.၂၅)  ရက်နေ့ နေ့လယ် (၁၅း၀၀) နာရီအချိန်တွင် ဆုပေးပွဲများ ကျင်းပပြုလုပ်၍ ဧရာဝတီတိုင်းဒေသကြီး (၂၆) မြို့နယ်မှ ဒေသထွက်ကုန်အရောင်းပြခန်းများ၊ ဌာနဆိုင်ရာပြခန်း (၁၀) ခန်းဖြင့်လည်းကောင်း၊ လယ်ယာထွက်ကုန်အရောင်းပြခန်းများ၊ စက်ပစ္စည်းအရောင်းပြခန်းများဖြင့် စည်ကားသိုက်မြိုက်စွာ ပြသရောင်းချသွားမည်ဖြစ်ကြောင်း သိရှိရပါသည်။

DOCA (ဧရာဝတီ)

       စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၁၁.၁၀.၂၀၂၅)ရက်နေ့၊ နေ့လယ် (၁၃:၀၀) နာရီအချိန်တွင် ဇလွန်မြို့ လမ်းမတော်(တ)ရပ်ကွက်ရှိ ရပ်ကွက်နေပြည်သူများအား စားအုန်းဆီဝယ်ယူခွင့် စာအုပ်များဖြင့် ခွဲတမ်းရ စားအုန်းဆီကိုယ်စားလှယ်များမှတစ်ဆင့် ဆီဖြန့်ဖြူးရောင်းချနေမှုများအား မြေပြင်ကွင်းဆင်းစစ်ဆေးခြင်းကို ဆောင်ရွက်ခဲ့ကြောင်း သိရသည်။

         ထိုသို့ကွင်းဆင်းစစ်ဆေးခဲ့ရာ ဆီထုတ်လက်ကား ကိုယ်စားလှယ်များမှတစ်ဆင့် ခွဲတမ်းရရှိသောဆီများအား လမ်းမတော်(တ)ရပ်ကွက်အတွင်းရှိ ရပ်ကွက်နေပြည်သူများအား ဆီထုတ်ကိုယ်စားလှယ်မှ တစ်ဆင့် စားသုံးသူများထံသို့ ဖြန့်ဖြူးရောင်းချလျက်ရှိပြီး၊ ထိုသို့ရောင်းချရာတွင်လည်း စားအုန်းဆီ သတ်မှတ်ရည်ညွှန်းဈေးထက် ကျော်လွန်၍ ရောင်းချမှုမရှိကြောင်း၊ ရောင်းချမှုလက်ခံ စာအုပ်များထားရှိခြင်း၊ သတ်မှတ်ရည်ညွှန်းဈေးဖြင့်သာ ရောင်းချခြင်း၊ အခြားမသမာသော နည်းလမ်းများသုံး၍ ရောင်းချမှုမရှိခြင်းနှင့် ဈေးကစားရန်ရည်ရွယ်ပြီး သိုလှောင်ထားခြင်းများမရှိကြောင်း သိရှိရပါသည်။ စာအုန်းဆီဝယ်ယူခွင့် စာအုပ်များဖြင့် တစ်ကြိမ်လျှင် တစ်အိမ်ထောင် (၅၀ ကျပ်သား) ရောင်းချပြီး တစ်လလျှင် ၂ ကြိမ်ရရှိကြောင်း၊ သတ်မှတ်ရည်ညွှန်းဈေးဖြင့်သာ ရောင်းချလျက်ရှိကြောင်း သတင်းရရှိပါသည်။

DOCA (ဧရာဝတီ)