HighLight News

          ဘိုကလေးမြို့စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည်  ၂၀၂၅ ခုနှစ် (၁၀)ရက်နေ့တွင် (၁၇)ရပ်ကွက် ဒုတိယလမ်းရှိ “သုခ” သုံးထောင်မုန့်လုပ်ငန်းသို့ ကွင်းဆင်းစိစစ်ခဲ့ကြောင်းသိရသည်။

          အဆိုပါ“သုခ” အမှတ်တံဆိပ် သုံးထောင်မုန့်လုပ်ငန်းမှာ ကုန်အညွှန်းအမှတ်အသားဖြင့် ထုတ်လုပ်လျက်ရှိကြောင်း၊  ဂျုံ၊ သကြား၊ ဆီ၊ ရေသန့်၊ ကြက်ဥ၊ နို့၊ ဆား၊ ထောပတ်များပါဝင်ပြီး တစ်နေ့ထုတ်လုပ်မှုအနေဖြင့် ဘူးအရေအတွက် (၁၅၀)ခန့် ထုတ်လုပ်နိုင်ကြောင်း သိရသည်။ ဈေးကွက်အနေဖြင့် ဒေသတွင်းသာမက မအူပင်၊ ဝါးခယ်မ၊ ဖျာပုံဒေသများပါ ဖြန့်ဖြူးရောင်းချလျက်ရှိနေပါသည်။ လုပ်သားအင်အား (၆)ဦးရှိပြီး တစ်ဦးလျှင် လုပ်သားခ တစ်သိန်းခွဲ/နှစ်သိန်းကျပ်ဖြင့် အသီးသီးပေးအပ် လျက်ရှိကြောင်း လုပ်ငန်းရှင်ထံမှ သိရှိရသည်။ ထို့နောက် မြို့နယ်တာဝန်ခံက စီးပွားရေးလုပ်ငန်းရှင်များ လိုက်နာရမည့် တာဝန်များအကြောင်းပြောကြားခြင်းနှင့် Online မှ ဖြန့်ဖြူးရောင်းချလျှင် Online မှတ်ပုံတင် ထားရှိရမည်ဖြစ်ကြောင်း ဆွေးနွေးခဲ့သည်ဟု သတင်းရရှိပါသည်။

DOCA(ဧရာဝတီ)

          ဘိုကလေးမြို့နယ် စားသုံးသူရေးရာဦးစီးဌာန မြို့နယ်တာဝန်ခံနှင့် ဝန်ထမ်းတို့သည်  မတ်လ (၁၁)ရက်နေ့တွင် (၃)ရပ်ကွက်ပြည်သူ(၁၈)ဦးအား (၅)ရပ်ကွက် ဘုရားတန်ဆောင်းတွင် Online စနစ်ဖြင့် ရောင်းချခြင်းနှင့် ပတ်သက်၍ အသိပညာပေး ဟောပြောခဲ့ပါသည်။

          ထိုအသိပညာပေးပွဲတွင် online စနစ်ဖြင့် ရောင်းချခြင်းလုပ်ငန်း၌ အလှကုန်များ ဆေးဝါးများ လူအသုံးအဆောင်ပစ္စည်း အစားအသောက်ပစ္စည်းများ ကုန်စည်နှင့် ပတ်သက်၍ မှတ်ပုံတင်ဆောင်ရွက်ရမည်ဖြစ်ပါကြောင်းနှင့် ထိုလုပ်ငန်း မှတ်ပုံတင်ဆောင်ရွက်ရာတွင် eComreg System တွင် မှတ်ပုံတင်၍ လျှောက်ထားနိုင်ပါသည်။ စားသုံးသူရေးရာဦးစီးဌာနမှ ကုန်သွယ်ရေးဦးစီးဌာနနှင့် ချိတ်ဆက်ဆောင်ရွက်ပေးသွားမည် ဖြစ်ပါကြောင်း မှတ်ပုံတင်ကြေးအနေဖြင့် online application  အတွက် ဖောင်ကြေး  မှတ်ပုံတင် လက်မှတ်ကြေး၊ သက်တမ်းတိုးကြေး၊ ပြင်ဆင်ကြေး အဆင့်လေးဆင့် ခွဲခြားထားပါသည်။ ကုန်သွယ်ရေးဦးစီးဌာနမှ Certificate မှတ်ပုံတင်လက်မှတ် online မှ ပြန်ပေးသွားမည်ဖြစ်ကြောင်း online တွင် မှတ်ပုံတင်ဆောင်ရွက် ထားခြင်းမရှိပါက အရေးကြီးကုန်စည်ဥပဒေအရ  ကုန်သွယ်ရေးဦးစီးဌာနမှ အရေးယူဆောင်ရွက် သွားမည်ဖြစ်ပါကြောင်း၊ ထို့ကြောင့် စီးပွားရေးလုပ်ငန်းရှင်များ အနေနှင့် online စနစ်မှ မှတ်ပုံတင်ဆောင်ရွက်ကြပါရန် တိုက်တွန်းပြောကြား အသိပညာပေး ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

          နှစ်စဉ် မတ်လ(၁၅)ရက်နေ့ရောက်တိုင်း ကမ္ဘာ့စားသုံးသူအခွင့်အရေးများနေ့ အခမ်းအနားကို အပြည်ပြည်ဆိုင်ရာ စားသုံးသူများအဖွဲ့က နှစ်စဉ် ဆောင်ပုဒ်များသတ်မှတ်ထုတ်ပြန်၍ ကမ္ဘာတစ်ဝန်း စည်ကားသိုက်မြိုက်စွာကျင်းပလျှက်ရှိရာ ၂၀၂၅ ခုနှစ်၊ မတ်လ (၁၅)ရက်နေ့တွင် ကျရောက်မည့် ကမ္ဘာ့ စားသုံးသူအခွင့်အရေးများနေ့ ဆောင်ပုဒ်မှာ (A Just Transition to Sustainable Lifestyles )ဖြစ်ပြီး ဘာသာပြန်ဆိုချက်အရ "လူနေမှုဘဝအစဉ်တည်တံ့ဖို့ မျှတအသွင်ကူးပြောင်းစို့" ဖြစ်ပါသည်။

          အဆိုပါ ဆောင်ပုဒ်နှင့်အညီ စည်ကားသိုက်မြိုက်စွာကျင်းပရန် မကွေးတိုင်းဒေသကြီး အစိုးရအဖွဲ့ ဝန်ကြီးချုပ်၊ တိုင်းဒေသကြီးစားသုံးသူရေးကော်မတီဥက္ကဌတို့၏ လမ်းညွှန်မှုအရ ၂၀၂၅ ခုနှစ်၊ မတ်လ (၁၀)ရက်နေ့တွင်  မကွေးမြို့၊ မြို့တော်ခန်းမတွင် နံနက်(၀၉:၀၀)နာရီအချိန်မှစ၍ အစီအစဉ်နှစ်ပိုင်းဖြင့် စည်ကားသိုက်မြိုက်စွာကျင်းပခဲ့ပါသည်။ အစီအစဉ်ပထမပိုင်းတွင် တိုင်းဒေသကြီးအစိုးရအဖွဲ့ ဝန်ကြီးချုပ် သီရိပျံချီဦးတင့်လွင်က အဖွင့်အမှာစကားပြောကြားခြင်း၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး ဦးရဲမျိုးလွင်က ကမ္ဘာ့စားသုံးသူအခွင့်အရေးများနေ့ဖြစ်ပေါ်လာပုံနှင့် "လူနေမှုဘဝအစဉ်တည်တံ့ဖို့ မျှတအသွင်ကူးပြောင်းစို့" ဟူသော ဆောင်ပုဒ်နှင့်ပတ်သက်၍ ရှင်းလင်းဆွေးနွေးခြင်း၊ ၂၀၂၅ ခုနှစ်၊ မတ်လ (၁၅)ရက်နေ့ အထိမ်းအမှတ် Video Click ပြသခြင်း၊ အမှတ်တရဂါရဝလက်ဆောင်ပေးအပ်ခြင်း၊ မှတ်တမ်းဓါတ်ပုံရိုက်ကူးခြင်း၊ နံနက်စာဖြင့် ဧည့်ခံကျွေးမွေးခြင်းများ ဆောင်ရွက်ခဲ့ကြောင်း သိရသည်။

          ထို့နောက် တက်ရောက်လာသည့် မကွေးတိုင်းဒေသကြီးအစိုးရအဖွဲ့ ဝန်ကြီးချုပ်နှင့်ဇနီး၊ အစိုးရ အဖွဲ့ဝင်ဝန်ကြီးများနှင့် ဇနီးများ၊ တိုင်းဒေသကြီး၊ ခရိုင်အဆင့်၊ မြို့နယ်အဆင့် ဌာနဆိုင်ရာမှ တာဝန်ရှိသူများက ခင်းကျင်းပသထားသည့် ကုန်အညွှန်းအမှတ်အသား ပြည့်စုံစွာဖော်ပြထားသည့် ထုတ်ကုန်များ၊ ကုန်အညွှန်းအမှတ်အသားမပြည့် စုံသေးသည့် ထုတ်ကုန်များအား လှည့်လည် ကြည့်ရှုခြင်း၊ CICC တိုင်ကြားမှုများအား ဗီနိုင်းဘုတ်များဖြင့် ခင်းကျင်းပြသထားမှုအား မေးမြန်း လာမှုအပေါ် ဒုတိယတိုင်းဒေသကြီးဦးစီးမှူးမှ ရှင်းလင်းတင်ပြခြင်းများ ဆောင်ရွက်ခဲ့ပါသည်။

          အစီအစဉ် ဒုတိယပိုင်းတွင် စားသုံးသူကာကွယ်ရေးနှင့်ပတ်သက်၍ ဉာဏ်စမ်းပဟေဠိများအား မေးခွန်းလွှာများဝေငှ၍ တက်ရောက်လာကြသည့် ဌာနဆိုင်ရာမှ ဝန်ထမ်းများ၊ စီးပွားရေးလုပ်ငန်းရှင်များမှ ဖြေကြားမှုအပေါ် စိစစ်ရွေးချယ်၍ ပထမ၊ ဒုတိယ၊ တတိယနှင့် နှစ်သိမ့်ဆု(၁၀)ဆုကို ချီးမြှင့်ခြင်းများ ဆောင်ရွက်ခဲ့ကြောင်း သိရသည်။

             အဆိုပါအခမ်းအနားသို့ မကွေးတိုင်းဒေသကြီးအစိုးရအဖွဲ့ ဝန်ကြီးချုပ်နှင့်ဇနီး၊ အစိုးရအဖွဲ့ဝင် ဝန်ကြီးများနှင့် ဇနီးများ၊ တိုင်းအဆင့်၊ ခရိုင်အဆင့်၊ မြို့နယ်အဆင့် ဌာနဆိုင်ရာမှ တာဝန်ရှိသူများ၊ စီးပွားရေးလုပ်ငန်းရှင်များ စုစုပေါင်း(၁၈၄)ဦးတက်ရောက်ခဲ့ကြပြီး တက်ရောက်လာသူများအား စားသုံးသူကာကွယ်ရေးဆိုင်ရာအသိပညာပေး လက်ကမ်းစာစောင်များဝေငှခဲ့ကြောင်း သိရှိရပါသည်။

DOCA(မကွေး)

          မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံနှင့် ဝန်ထမ်းသည်(၇-၃-၂၀၂၅) ရက်နေ့နံနက်(၁၁း၀၀)နာရီအချိန်တွင် မြို့နယ်အထွေထွေအုပ်ချုပ်ရေး ဦးစီးဌာန၊ မြို့နယ်စည်ပင် သာယာရေးအဖွဲ့၊ ရပ်ကွက်အုပ်ချုပ်ရေးမှူးတို့နှင့်အတူ ကံမမြို့ အမှတ်(၄)ရပ်ကွက်ရှိ ကုန်စုံဆိုင်(၃) ဆိုင်တို့တွင် ကုန်အညွှန်းအမှတ်အသား ပြည့်စုံသော ကုန်စည်များ ဈေးကွက်အတွင်းရောင်းချနေမှု ရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်းသိရပါသည်။

          ထိုသို့ဆောင်ရွက်ရာတွင် ကံမမြို့နယ်တာဝန်ခံ ဒေါ်နွဲ့ယဉ်ဝင်းမှ စားသုံးသူများဘေးကင်း လုံခြုံစိတ်ချရမှုရှိစေရေးအတွက် ကုန်စုံဆိုင်ပိုင်ရှင်များအား စားသုံးသူကာကွယ်ရေးဥပဒေ ၂၀၁၉ အခန်း(၁၈) ပုဒ်မ(၄၁)အရ ကုန်စည်များတွင် ကုန်အညွှန်း အမှတ်အသားပြည့်စုံစွာ ဖော်ပြထားသည့် ကုန်စည်များသာရောင်းချရန်နှင့် မြန်မာနိုင်ငံစားသုံးသူ ကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာဖော်ပြရန်နှင့် မြန်မာဘာသာဖြင့် ဖော်ပြရမည့်အချက်များအား မဖြစ်မနေ ထည့်သွင်းဖော်ပြရမည်ဖြစ်ပြီး ထုတ်လုပ်သည့်ရက်စွဲနှင့် သက်တမ်း ကုန်ဆုံးသည့်ရက်စွဲများကို ထည့်သွင်းဖော်ပြရမည် ဖြစ်ကြောင်း ကုန်အညွှန်း အမှတ်အသား ပြည့်စုံစွာဖော်ပြထားခြင်းမရှိသော ကုန်ပစ္စည်းများကို ရောင်းချနေကြောင်းစစ်ဆေးတွေ့ရှိပါက စားသုံးသူ ကာကွယ်ရေးဥပဒေအရ အရေးယူဆောင် ရွက်သွားမည်ဖြစ်ပါကြောင်းနှင့် စားသုံးသူကာကွယ်ရေး ဥပဒေအခန်း(၁၀)ပါ စီးပွားရေးလုပ်ငန်းရှင်၏တာဝန်များအကြောင်းနှင့် ကုန်စည်များနှင့် စပ်လျဉ်း၍ အာမခံချက်ပေးခြင်းကို အသေးစိပ်ရှင်းလင်း ပြောကြားခဲ့ပြီး အသင့်သောက်အချိုရည်အမျိုးမျိုးအား ဈေးကွက်စောင့်ကြည့်စစ်ဆေးခဲ့ရာ စမ်းပါဝါ လိမ္မော်အနံ့အရသာ အချိုရည်တွင် ညွှန်ကြားချက် အမှတ် (၂/၂၀၁၉)နှင့်အညီ ကိုက်ညီမှုရှိကြောင်း စစ်ဆေးတွေ့ရှိရကြောင်း သိရှိရပါသည်။

DOCA(မကွေး)

            မကွေးတိုင်းဒေသကြီး၊ သရက်ခရိုင်၊ ကံမမြို့နယ်တာဝန်ခံသည် (၇-၃-၂၀၂၅)ရက်နေ့၊ (၁၃း၀၀)နာရီအချိန်တွင် ကံမမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ စားသုံးသူများ ဘေးကင်းလုံခြုံစိတ်ချရမှုရှိစေရေးအတွက်  ကမ္ဘာ့စားသုံးသူအခွင့်အရေးများနေ့အထိမ်းအမှတ်အား ကြိုဆိုဂုဏ်ပြုသောအားဖြင့် အသိပညာပေး Talk Show ဟောပြောပွဲဆောင်ရွက်ခဲ့ကြောင်း သိရသည်။

            ကံမမြို့နယ်တာဝန်ခံ ဒေါ်နွဲ့ယဉ်ဝင်းမှ ကမ္ဘာ့စားသုံးသူအခွင့်အရေးများနေ့ ဖြစ်ပေါ်လာပုံ၊ စားသုံးသူများ စားသုံးသူကာကွယ်ရေးဥပဒေအရ ရရှိနိုင်သည့်အခွင့်အရေးများ၊ လိုက်နာဆောင်ရွက်ရမည့် တာဝန်များအကြောင်းအား အသေးစိတ်ရှင်းလင်းပြောကြားခြင်း၊ စားသုံးသူများ နစ်နာဆုံးရှုံးမှု များရှိခဲ့ပါက ဆက်သွယ်တိုင်ကြားနိုင်သည့် စားသုံးသူ သတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေးစင်တာ (CICC) မကွေးတိုင်းဒေသကြီး ဦးစီးမှူးရုံးသို့လည်းကောင်း၊ Consumer Call Center Hotline (1535)သို့ နေပြည်တော်ရုံးချုပ်တွင် လိုင်းခွဲ(၁)သို့လည်းကောင်း၊ ရန်ကုန်တိုင်းဒေသကြီးဦးစီးမှူးရုံးတွင် လိုင်းခွဲ(၂)သို့လည်းကောင်း၊ မန္တလေးတိုင်း‌ဒေသကြီးဦးစီးမှူး ရုံးတွင် လိုင်းခွဲ (၃)သို့လည်းကောင်း ပြည်တွင်းမှ မည်သည့်ဖုန်းနံပါတ်များမဆို ဆက်သွယ်တိုင်ကြားလျှင် တိုက်ရိုက်တိုင်းဒေသကြီး (သို့မဟုတ်)ပြည်နယ်များသို့ ချိတ်ဆက်ဆောင်ရွက်ပေးလျက်ရှိပါကြောင်းနှင့် သရက်ခရိုင်ဦးစီးမှူးရုံး စားသုံးသူရေးရာဦးစီးဌာနတွင် စားသုံးသူ သတင်းပြန်ကြားရေးနှင့် လက်ခံ ဆောင်ရွက်ရေးစင်တာ (CICC) ၂၀၂၅ခုနှစ်၊ မတ်လမှစတင်ဖွင့်လှစ်ထားရှိပြီး ဆက်သွယ်တိုင်ကြား နိုင်ကြောင်း စားသုံးသူပြည်သူများသိရှိစေရန် အသိပညာပေး Talk Show ဟောပြောခဲ့ကြောင်း သိရှိရပါသည်။

DOCA(မကွေး)