HighLight News

            ဘိုကလေးမြို့ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးသည် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် ပူးပေါင်းဆောင်ရွက်၍ ၂၀၂၅ခုနှစ်၊ ဖေဖော်ဝါရီလ(၁၉)ရက်နေ့တွင် ပြန်/ဆက်ရုံး၌ Talk Show အစီအစဉ် ဟောပြောဆောင်ရွက်ခဲ့ကြောင်းသိရသည်။

        အဆိုပါအစီစဉ်တွင် စားသုံးသူရေးရာဦးစီးဌာန၊ မြို့နယ်တာဝန်ခံမှ စားသုံးသူကာကွယ်ရေးဥပဒေ၏ အဓိပ္ပာယ် ဖော်ပြချက်များအကြောင်း၊  ဥပဒေပါ ရည်ရွယ်ချက်၊ မျှော်မှန်းချက်၊ ရည်မှန်းချက်များအကြောင်း၊ သိရှိလိုက်နာရမည့်အကြောင်း သိကောင်းစရာများ ပြောကြားခြင်း၊ စားသုံးသူကာကွယ်ရေးဥပဒေပါ အခန်း(၉)၊ ပုဒ်မ (၁၉) မှ ပါရှိသည့် စားသုံးသူများတွင် စားသုံးသူအခွင့်အရေးရှိကြောင်း ပြောကြားခြင်းနှင့် တာဝန်များအကြောင်း ပြောကြားခြင်း၊ online shop ဝယ်ယူသုံးစွဲသူများအနေဖြင့် online ငွေကြေးဝန်ဆောင်မှု လုပ်ငန်းများနှင့် ပတ်သက်၍ သိရှိလိုက်နာရမည့်အချက်များအား ပြောကြားခြင်း၊ ကုန်စည်နှင့်ဝန်ဆောင်မှုများ သုံးစွဲခြင်းအပေါ် စားသုံးသူအခွင့်အခွင့်အရေး နစ်နာဆုံးရှုံးမှုများ ရှိပါက တိုင်ကြားနိုင်ကြောင်း ပြောကြား၍ တိုင်ကြားမှုပုံစံအမျိုးမျိုးအား ရှင်းလင်းဆွေးနွေးမှု ပြုလုပ်ခဲ့ကြောင်း သိရှိရပါသည်။

DOCA(ဧရာဝတီ)

           ဖျာပုံမြို့နယ် စားသုံးသူရေးရာ ဦးစီးဌာနမှ ခရိုင်ဦးစီးမှူးနှင့် မြို့နယ်တာဝန်ခံတို့သည် ဖေဖော်ဝါရီလ (၂၀)ရက်နေ့တွင် သီတာညွှန့်ဆန်စက်သို့ ထုတ်ကုန်လုံခြုံစိတ်ချရမှု့ ရှိစေရေးနှင့် MSMEs လုပ်ငန်းများ ဖွံ့ဖြိုးတိုးတတ်စေရေး ကွင်းဆင်းဆောင်ရွက်ခဲ့ကြောင်း သိရသည်။

          ထိုသို့ကွင်းဆင်းဆောင်ရွက်ရာတွင် ဆန်စက်အတွင်း ဆန်သိုလှောင်ထားရှိမှု အခြေအနေ၊ ဆန်စပါး လက်ကျန်အခြေအနေများ၊ ပုံမှန်လည်ပတ် ကြိတ်ခွဲမှု ရှိ/မရှိ၊ ဆန်၊စပါးဈေးနှုန်း၊ ဈေးကွက်  တည်ငြိမ်စေရေး၊ ဆန်စက်ကြိတ်ခွဲရာမှ ထွက်ရှိသော ထုတ်ကုန်များ အရည်အသွေး ပြည့်မီစေရေး၊ ထုပ်ပိုးမှု အခြေအနေများ၊ ဆန်၊စပါးသက်မှတ်ရည်ညွှန်းဈေးနှုန်းများအတိုင်း ရောင်းချခြင်းရှိ/မရှိတို့အား ကွင်းဆင်းစိစစ်ခဲ့ပြီး ဆန်စက်ရှိသိုလှောင်ရုံများအား online မှတ်ပုံတင်ထားခြင်းဆောင်ရွက်ထားမှုရှိ/မရှိတို့ကိုကွင်းဆင်းစစ်ဆေးဆောင်ရွက်ခဲ့ကြောင်းသိရှိရပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်မှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဖေဖော်ဝါရီလ(၂၁)ရက်နေ့ ရပ်ကွက်နေ ပြည်သူများအား (၅)ရပ်ကွက်ရှိ ဘုရားတန်ဆောင်းတွင် စားသုံးသူကာကွယ်ရေး အသိပညာပေး ဟောပြောခဲ့ကြောင်း သိရပါသည်။

             အဆိုပါ ဟောပြောပွဲတွင် စားသုံးသူကာကွယ်ရေး ဥပဒေနှင့်စပ်လျဉ်း၍ စားသုံးသူ ပြည်သူများ ဘေးအန္တရာယ်ကင်းရှင်းစေရေး၊  ကျန်းမာရေးစိတ်ကျေနပ်မှုရရှိစေရေးအတွက် ကုန်စည်နှင့် ဝန်ဆောင်မှုများကို ရွေးချယ်ဝယ်ယူရာတွင်       ကုန်အညွှန်းအမှတ်အသား  ဖော်ပြချက်များ ကြည့်၍ဝယ်ယူရမည်ဖြစ်ကြောင်း ထိုနောက် Online Shop နှင့် စပ်လျဉ်း၍ ဆောင်ရန်ရှောင်ရန်များကိုလည်း အကျယ်တဝင့်ဟောပြောဆွေးနွေးပြီး Online Shop ရောင်းချသူများအနေဖြင့် မှတ်ပုံတင် မဖြစ်မနေလုပ်ဆောင်ကြရန် လိုကြောင်းနှင့် ကုန်စည်/ဝန်ဆောင်မှုနှင့် စပ်လျဉ်း၍ စားသုံးသူကျေနပ်မှုမရှိပါက “၁၅၃၅” သို့ ဆက်သွယ်တိုင်ကြားနိုင်ကြောင်း အသိပညာပေး ဟောပြောခဲ့ပါသည်။ အဆိုပါအခမ်းအနားသို့ တက်ရောက်လာသူများမှ တင်ပြဆွေးနွေးသည့်အပေါ် တာဝန်ရှိသူများမှ ပြန်လည် ရှင်းလင်းခဲ့ပြီး  တက်ရောက်သူဦးရေ(၂၀)ဦးရှိပါကြောင်း သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ် စားသုံးသူရေးရာဦးစီးဌာနရုံးမှ မြို့နယ်တာဝန်ခံ ဦးသိန်းမောင်သည် ၂၀၂၅ခုနှစ်၊ ဖေဖော်ဝါရီလ (၂၀)ရက်နေ့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးတွင်  MSMEs  လုပ်ငန်းဖွံ့ဖြိုးတိုးတက်ရေး Talk Show ကျင်းပပြုလုပ်ခဲ့ကြောင်းသိရသည်။

          အဆိုပါအစီစဉ်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်မြင့်မြင့်ခိုင်မှ  အဖွင့်အမှာစကား ပြောကြားပြီး စားသုံးသူရေးရာဦးစီးဌာနမှ မြို့နယ်တာဝန်ခံ ဦးသိန်းမောင်က မိမိတို့ဌာနအနေဖြင့် MSMEs ဖွံ့ဖြိုးရေးလုပ်ငန်းများ ဆောင်ရွက် လျက်ရှိကြောင်း၊ ဒေးဒရဲမြို့နယ်အတွင်း လုပ်ကိုင်နေသော MSMEsလုပ်ငန်းများတွင် ဆန်စက်လုပ်ငန်း၊ စက်မှုလက်မှုလုပ်ငန်း၊  စတီးသံပန်းနှင့် သံတံခါးလုပ်ငန်း၊ သစ်အခြေပြု ပရိဘောဂလုပ်ငန်းများ၊ စပါးခွံလောင်စာတောင့်လုပ်ငန်းများ၊ လုပ်ကိုင်လျက်ရှိကြောင်းနှင့် ၎င်းလုပ်ငန်းများအနေဖြင့် ရင်းနှီးမြုပ်နှံမှု၊ တစ်နှစ်ထုတ်လုပ်နိုင်မှု၊ အသုံးပြုစက်စွမ်းအား၊  လုပ်သားဦးရေပေါ်မူတည်ပြီး အကြီး၊ အသေး၊ အလတ် အမျိုးအစားများဖြင့် လည်ပတ်နေလျက်ရှိကြောင်း ပြောကြားခဲ့သည်ဟု သတင်းရရှိပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ် တာဝန်ခံ ဦးမြင့်ဌေးသည် (၂၀.၂.၂၀၂၅)ရက်နေ့ နေ့လည်(၁:၀၀)အချိန်တွင် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနတို့နှင့်ပူးပေါင်း၍ စားသုံးသူပြည်သူများအား လပွတ္တာမြို့နယ်၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာနရုံး၌ စားသုံးသူအသိပညာပေး Talk Show ပြုလုပ်ခဲ့ပါသည်။

          ထိုသို့ဟောပြောဆွေးနွေးရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ဦးစီးမှူးမှ စားသုံးသူအသိပညာပေး Talk Show ပြုလုပ်ရခြင်း၏ ရည်ရွယ်ချက်အားရှင်းလင်းပြောကြားပြီး စားသုံးသူရေးရာဦးစီးမှုးရုံး မြို့နယ်တာဝန်ခံမှ ဌာန၏မျှော်မှန်းချက်၊ ရည်မှန်းချက်များ ရှေ့ဆက်လက်ဆောင် ရွက်ရမည့်လုပ်ငန်းတာဝန်များအား ဦးစွာရှင်းလင်းပြောကြားခဲ့ပြီး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ပါ ပြဌာန်းချက်များမှ အခန်း(၁)ပါ ပုဒ်မ(၂)၊ ပုဒ်မခွဲ(ဆ)(ဇ)(ဍ)ပါ အချက်များအား စားသုံးသူများသိရှိနားလည်စေနိုင်ရန် အသေးစိတ်ရှင်းလင်း ဟောပြောခဲ့ပါသည်။ ဥပဒေပါအချက်အလက်များ သိရှိလိုပါက စားသုံးသူရေးရာဦးစီးဌာန ခရိုင်ဦးစီးမှူးရုံး တွင်လည်းကောင်း စားသုံးသူရေးရာဦးစီးဌာနရုံးချုပ်၏ www.doca.gov.mm website တွင်လည်း ဝင်ရောက်ကြည့်ရှုနိုင်ပါကြောင်း အသိပညာပေးဟောပြောဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)