HighLight News

             စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ စစ်ဆေးရေးမှူးနှင့် ဝန်ထမ်းများ သည်  ၂၀၂၅ ခုနှစ်  ဖေဖော်ဝါရီလ  (၇)ရက်နေ့၊  မွန်းလွဲ (၁၃:၃၀) အချိန်တွင်  တောင်ကြီးမြို့ ၊ အဝေရာမီးပုံးပျံကွင်း ၌ကျင်းပပြုလုပ်သော ရှမ်းပြည်နယ်နေ့အခမ်းအနားတွင် ခင်းကျင်းရောင်း ချလျက် ရှိသောဈေးဆိုင်များအား ထုတ်ကုန်များလုံခြုံစိတ်ချရမှု ရှိစေရန် အတွက် ကွင်းဆင်း စစ်ဆေးခြင်းများ ဆောင်ရွက်ခဲ့ပါသည်။

           ထိုသို့စစ်ဆေးရာတွင် ဈေးဆိုင်များမှရောင်းချနေသော ကုန်စည်များတွင် ကုန်အညွှန်း အမှတ်အသား ဖော်ပြမှုများသည် စားသုံးသူကာကွယ်ရေးဥပဒေပါ သတ်မှတ်ချက်များ နှင့် ကိုက်ညီမှု ရှိ/ မရှိ ကွင်းဆင်းစစ်ဆေးခဲ့ပါသည် ထိုနောက်စစ်ဆေးရေးမှူးနှင့်ဝန်ထမ်းများသည် လုပ်ငန်းရှင်များအား စားသုံးသူများဘေအန္တရာယ်ကင်းရှင်းစေရေးကိုအလေးထားဆောင်ရွက်ရန်၊ သက်ဆိုင်ရာဌာနများ၏ လုပ်ငန်းမှတ်ပုံတင်များ၊ ထောက်ခံချက်များ ပြုလုပ်ဆောင်ရွက်ရန်နှင့် စားသုံးသူကာကွယ်ရေးဥပဒေ အခန်း(၁၀)ပါ စီးပွား ရေးလုပ်ငန်းရှင်၏ တာဝန်များကို သိရှိလိုက်နာဆောင်ရွက်နိုင်စေရန် အသိပညာပေး ဆွေးနွေးခြင်းများ ဆောင်ရွက်ခဲ့ပါသည်။

DOCA(ရှမ်း)

           ၂၀၂၅ ခုနှစ်၊ ဖေဖော်ဝါရီလ ၁၄ ရက်နေ့တွင် ကော့သောင်းမြို့ သီရိမြိုင်ရပ်ကွက် အဝေးပြေး ယာဉ်ရပ်နားစခန်းသို့ Myanmar Oil Alliance Co.,ltd ကုမ္မဏီမှ လက်လီ/လက်ကား ကိုယ်စားလှယ်တိုက်ရိုက်ဖြန့်ဖြူးရောင်းချသည့်စနစ်အရ ကော့သောင်းခရိုင်အတွက် ခန့်အပ်သော ဦးနိုင်လင်း (ကိုယ်စားလှယ်)မှထုတ်ယူခဲ့သော စားအုန်းဆီ(၈၄)ပေပါမှ (၁၄)ပေပါအား ယာဉ်အမှတ် 2M/2996 ရွှေပြည်တိုးကားဖြင့် ဆီကန်မှထုတ်ယူပြီး ကော့သောင်းမြို့သို့ (၁၄.၁.၂၀၂၅) ရက်နေ့တွင် ရောက်ရှိလာမှုအား ခရိုင်စားသုံးသူရေးရာဦးစီးဌာနနှင့် တာဝန်ရှိသူများနှင့် အတူ သွားရောက်စစ်ဆေးခဲ့ကြောင်း သိရှိရပါသည်။

DOCA(တနင်္သာရီ)

           ၁၄.၂.၂၀၂၅ ရက်နေ့ နံနက်(၁၁:၃၀) နာရီအချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၃)ဦးတို့သည် အမှတ်(၁၀၃)၊ ယောမင်းကြီးအိမ်ရာ၊ ရွှေလင်ဗန်းရပ်ကွက်၊ လှိုင်သာယာမြို့နယ်ရှိ  အွန်လိုင်းစနစ်ဖြင့် ယာဉ်အမျိုးမျိုးနှင့် ဆက်စပ်ပစ္စည်းများရောင်းချမည့်နေရာသို့ မြေပြင်ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

           ထိုသို့ စစ်ဆေးရာတွင် ဒေါ်နီလာဝင်း၊ ဦးစီးမှူးက Online Sale ဆောင်ရွက်ခြင်းအတွက် လိုအပ်သော အချက်အလက်များကို မြေပြင်ကွင်းဆင်းစစ်ဆေးမှုများ ဆောင်ရွက်ခဲ့ပါသည်။ မြေပြင် ကွင်းဆင်းစစ်ဆေးတွေ့ရှိချက်များကို Online Sale Application တွင် ဖြည့်သွင်း ပေးပို့ခဲ့ပြီး  အဆိုပါ စစ်ဆေးချက်များကို ကုန်သွယ်ရေးဦးစီးဌာနမှ ဆက်လက်စိစစ်ပေးပြီးပါက Online Sale လုပ်ငန်းမှတ်ပုံတင်လက်မှတ်ထုတ်ပေးခြင်း(သို့)ပယ်ဖျက်ခြင်းတို့ကို ဆက်လက်ဆောင်ရွက်သွားမည်ဖြစ်ကြောင်း သိရှိရပါသည်။

DOCA(ရန်ကုန်)

             စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် ၁၄.၂.၂၀၂၅ ရက်နေ့ နံနက်(၁၀:၁၅) နာရီအချိန်တွင် အွန်လိုင်းရောင်းချမှုနှင့်စပ်လျဉ်း၍ မှတ်ပုံတင်‌ လျှောက်ထားသည့် အမှတ်(၁၁၈)၊ ၂၉/၂ ရပ်ကွက်၊ နွယ်သာကီလမ်း၊ ရွှေပြည်သာမြို့နယ်ရှိ အစား အသောက်ဝန်ဆောင်မှုနှင့်ခရီးသွားလာရေးဝန်ဆောင်မှု Let’s Travel Easily Online လုပ်ငန်းသို့ မြေပြင်ကွင်းဆင်းစစ်ဆေးခြင်း ဆောင်ရွက်ခဲ့ကြောင်းသိရသည်။

              ထိုသို့ဆောင်ရွက်ရာတွင် အွန်လိုင်းမှတ်ပုံတင်စနစ်တွင် မှတ်ပုံတင်ထားရှိသည့် အချက် အလက်များအား မြေပြင်စစ်ဆေးရာတွင် လုပ်ငန်းပိုင်ရှင်၏ နေရပ်လိပ်စာ၊ မှတ်ပုံတင်၊ ရပ်ကွက် ထောက်ခံချက်၊ အကျင့်စာရိတ္တကောင်းမွန်ကြောင်း ရဲစခန်းထောက်ခံချက်၊ လုပ်ငန်း၏ Logoနှင့် မှတ်ပုံတင်ထားသောကုန်စည်၊ ဝန်ဆောင်မှုကိုက်ညီမှုများရှိ/မရှိနှင့် အခြားလိုက်သည့် အချက်အလက် များပြည့်စုံမှန်ကန်မှုရှိ/ မရှိအား DOCA Application အသုံးပြု၍ စစ်ဆေးခဲ့ပြီး စီးပွားရေးလုပ်ငန်း ရှင်များ လိုက်နာရမည့်တာဝန်များအကြောင်း ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

            ရန်ကုန်တိုင်းဒသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ ညွှန်ကြား ချက်အရ ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ တောင်ဥက္ကလာပမြို့နယ်၊ အမှတ် (၁၂၃) မင်္ဂလာလမ်း၊ (၁၃)ရက်ကွက်ရှိ ဟိန်းနဒီ Online   ရောင်းဝယ်ရေးလုပ်ငန်း သို့ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယညွှန်ကြားရေးမှူး၊ ဦးတင်မိုးအောင်၊ သင်္ဃန်းကျွန်းခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့ ခေါင်းဆောင် ခရိုင်ရဲတပ်ဖွဲ့မှူးဒုတိယရဲမှူးကြီး လှသိန်း+၅ ၊   အရှေ့ပိုင်းခရိုင်စားသုံးသူရေး ရာဦးစီးဌာနမှ ခရိုင်မှူးဦးလှစိုး+၁၊     မြောက်ပိုင်းခရိုင် စားသုံးသူရေးရာဦးစီးဌာနမှ ခရိုင်မှူး ဦးအောင်တင်စိုး + ၁ ၊  အကောက်ခွန်ဦးစီးဌာနမှ ဒု-အကောက်ခွန်မှူး ဦးဝင်းဇော် (၅)+၁၊  မြို့နယ်အထွေထွေအုပ်ချုပ်ဦးစီးဌာနမှ ဒု-ဦးစီးမှူး ဒေါ်မိုးအိစံ + ၁ ၊ (၁၃) ရပ်ကွက်ဥက္ကဌ ဦးသန်းလိူင်တို့ပါဝင်လျက် ဖော်ပြပါလိပ်စာနေရာသို့ (၁၁.၂.၂၀၂၅)ရက်နေ့၊ ညနေ( ၁၅း၀၀)  အချိန်တွင် သွားရောက်စစ်ဆေးခဲ့ကြောင်းသိရှိရပါသည်။

         စစ်ဆေးတွေ့ရှိချက်များအရ ဖော်ပြပါနေအိမ်အတွင်း ဘေထုပ်အဝတ်အထည်မျိုးစုံ (40kg)၊  ထုပ်များကို စစ်ဆေးတွေ့ရှိရပြီး အဆိုပါဘေထုပ်များမှာ တရားဝင်တင်သွင်းထား ခြင်းမဟုတ်ကြောင်း သက်ဆိုင်ရာအကောက်ခွန်ဦးစီးဌာနမှ စစ်ဆေးတွေ့ရှိခဲ့သောကြောင့် တရားမဝင်ကုန်ပစ္စည်းများအဖြစ် သိမ်းဆည်း၍ အကောက်ခွန်ဦးစီးဌာန၏ လုပ်ထုပ်လုပ်နည်းများနှင့်အညီ ဆက်လက်ဆောင်ရွက်သွားမည်ဖြစ်ပါကြောင်း သိရှိရပါသည်။

DOCA(ရန်ကုန်)