သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင် ဦးဆောင်၍ ဒု-ခရိုင်ဦးစီးမှူး၊ ပခုက္ကူမြို့နယ်တာဝန်ခံနှင့် ဝန်ထမ်းများအဖွဲ့ သည် ဒီဇင်ဘာလ (၂၁)ရက်နေ့၊ နံနက်(၁၀:၀၀)နာရီအချိန်တွင် ပခုက္ကူမြို့ ၊ မြို့ရှောင်လမ်းမ ပေါ်ရှိ “ရွှေဗျိုင်းဖြူ” စက်သုံးဆီ အရောင်းဆိုင်အား သတ်မှတ်ထားသော အထူး‌ဈေးနှုန်းနှင့်‌ အမှန်တကယ်ရောင်းချခြင်းရှိ/မရှိ၊အရည်အသွေး၊ အချင်အတွယ် ပြည့်မှီခြင်းရှိ/မရှိကွင်းဆင်း စစ်ဆေးခဲ့ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် မြန်မာနိုင်ငံစက်သုံးဆီတင်သွင်း ဖြန့်ဖြူးရောင်းချရေးအသင်းတို့နှင့် ပူးပေါင်းပြီး ပြည်သူများ သက်သာသော ဈေးနှုန်းဖြင့် ဝယ်ယူရရှိနိုင်ရန် ရည်ရွယ်၍ ဗဟိုဘဏ်မှ ရည်ညွှန်းငွေလဲလှယ်နှုန်းဖြင့် တိုက်ရိုက်ရောင်းချ ပေးသည့် နိုင်ငံခြားငွေဖြင့် မှာယူတင်သွင်းခဲ့သည့် စက်သုံးဆီများကို တိုင်းဒေသကြီး/ ပြည်နယ် များရှိ စက်သုံးဆီအရောင်းဆိုင်များတွင် ၂၀၂၁ ခုနှစ်၊ အောက်တိုဘာလမှ စတင်၍ ဖြန့်ဖြူး ရောင်းချ ပေးလျက်ရှိရာ မကွေးတိုင်းဒေသကြီးအတွင်း အထူးဈေးနှုန်းဖြင့်ရောင်းချပေးသည့် စက်သုံးဆီအရောင်းဆိုင်များအနက် ရွှေဗျိုင်းဖြူဆီဆိုင်မှာ သတ်မှတ်ဈေးနှုန်းအတိုင်း ရောင်းချ ပေးနေသည့် စက်သုံးဆီအရောင်းဆိုင် တစ်ဆိုင်ဖြစ်ပါသည်။
ခရိုင်ဦးစီးမှူးနှင့် ဝန်ထမ်းများအဖွဲ့သည် ပခုက္ကူမြို့၊ မြို့ရှောင်လမ်းမပေါ်ရှိ “ရွှေဗျိုင်းဖြူ” စက်သုံးဆီဆိုင်သို့ ကွင်းဆင်းစစ်ဆေးမေးမြန်းရာ မန်နေဂျာမှ စတုတ္ထအကြိမ် မြောက်အနေဖြင့် စက်သုံးဆီ(၃)မျိုးကို သတ်မှတ်ထားသော အထူးဈေးနှုန်းဖြင့် ရောင်းချပေး နေကြောင်း၊ Diesel (၁)လီတာ (၁၂၃၁/-)ကျပ်၊ Premium (၁)လီတာ (၁၂၃၇/-)ကျပ်၊ 92 (၁)လီတာ(၁၂၉၄/-)ကျပ်ဖြင့် ရောင်းချ ပေးကြောင်း၊ကားတစ်စီးလျှင် တစ်ခေါက်နှုန်းသာရောင်း ချကြောင်း၊ ပေပါ/ပုံးခွံများဖြင့် မရောင်းချကြောင်း စသည့်သတ်မှတ်ထားသော စည်းကမ်းချက် များကိုလည်း လိုက်နာဆောင်ရွက်လျက်ရှိကြောင်း၊ နေ့စဉ် စက်သုံးဆီအရောင်း စာရင်းများ ကိုလည်း စားသုံးသူရေးရာဦးစီးဌာန၊ မကွေးတိုင်းဒေသကြီးနှင့်ပခုက္ကူ ခရိုင်ဦးစီးမှူးရုံး သို့အချိန် နှင့်တစ်ပြေးညီပေးပို့လျက်ရှိကြောင်း၊ မိမိတို့"ရွှေဗျိုင်းဖြူ"စက်သုံးဆီဆိုင် ရုံးချုပ်မှ အထူး ဈေးနှုန်းဖြင့် ဆီခွဲတမ်းပြည့်လျှင် အကြောင်းကြားသောကြောင့် ဆီရောင်းချမှုကို ရပ်နား၍ ပုံမှန် ဈေးနှုန်းဖြင့် ပြန်လည် ရောင်းချပေးပါကြောင်း သိရှိခဲ့ရပါသည်။
DOCA(မကွေး)

စားသုံးသူရေးရာဦးစီးဌာန၊ မင်းဘူးခရိုင်ဦးစီးမှူးနှင့်ဝန်ထမ်းများသည် ဒေသခံပြည်သူများ အစားအသောက်များ ဘေးကင်းလုံခြုံစွာ သုံးစွဲနိုင်စေရေးအတွက် ၂၀၂၁ခုနှစ် ဒီဇင်ဘာ(၂၁)ရက် နံနက် (၁၀:၃၀)ချိန်တွင် ခရိုင်ဦးစီးမှူးရုံး၌ မင်းဘူးမြို့မဈေးကြီးအတွင်း ကုန်အညွှန်းအမှတ်အသား မပြည့်စုံသော စားသောက်ကုန်များ ဖြန့်ဖြူးရောင်းချလျက်ရှိသည့် လုပ်ငန်းရှင်များနှင့်တွေ့ဆုံ ဆွေးနွေးခြင်းနှင့် အသိပညာပေးလုပ်ငန်းများဆောင်ရွက်ခဲ့ပါသည်။
ထိုသို့ဆောင်ရွက်ရာ၌ ခရိုင်စားသုံးသူရေးရာဦးစီးဌာန လက်ထောက်ညွှန်ကြားရေးမှူး ဒေါ်စုစုထွန်း၊ မင်းဘူးမြို့နယ်တာဝန်ခံ ဦးမြင့်ကြည်နှင့်ခရိုင်ဦးစီးမှူးရုံးမှ ဝန်ထမ်း (၅)ဦးတို့မှ မုန့်လုပ်ငန်းရှင်(၁၀)ဦးအား ကုန်အညွှန်းအမှတ်အသားများ ပြည့်စုံစွာဖော်ပြကြရန်နှင့် ကုန်အညွှန်း အမှတ်အသားမပြည့်စုံသောကုန်ပစ္စည်းများ ဖြန့်ဖြူးရောင်းချခြင်းတွေ့ရှိပါက အရေးယူဆောင်ရွက်သွားမည့် ဥပဒေအကြောင်းအရာများအား အသိပညာပေးရှင်းလင်းဆွေးနွေး ပြောကြားခဲ့ပြီး လုပ်ငန်းရှင်များမှ လိုအပ်သော ကုန်အညွှန်းအမှတ်အသားများကို အမြန်ဆုံး ပြည့်စုံစွာပါရှိလာစေရန် ဆောင်ရွက်သွားမည်ဖြစ်ကြောင်းဆွေးနွေးခဲ့ပြီး အစည်းအဝေးကို (၁၂:၀၀)အချိန်တွင် ရုတ်သိမ်းခဲ့ ပါသည်။
စားသုံးသူရေးရာဦးစီးဌာန မင်းဘူးခရိုင်အနေဖြင့် မိမိခရိုင်အတွင်းရှိ စားသုံးသူပြည်သူများ လုံခြုံစိတ်ချရမှုရှိစေရေးအတွက် လုပ်ငန်းရှင်များအား ခေါ်ယူတွေ့ဆုံဆွေးနွေးခြင်းနှင့် ဘေးကင်း လုံခြုံစိတ်ချရသော အစားအသောက်များ ဈေးကွက်အတွင်း ဝယ်ယူသုံးစွဲနိုင်စေရေးအတွက် ဈေးကွက်စောင့်ကြည့်စစ်ဆေးခြင်းများကို အခါအားလျော်စွာ ဆောင်ရွက်လျက်ရှိကြောင်းသတင်းရရှိပါသည်။
စားသုံးသူရေးရာဦးစီးဌာန(မကွေးတိုင်းဒေသကြီး)

စားသုံးသူရေးရာဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ ဦးစံကြည် ဦးဆောင်၍ မအူပင်ခရိုင်၊ စားသုံးသူရေးရာ ဦးစီးဌာနမှ ခရိုင်ဦးစီးမှူး ဦးဇော်မင်း၊ ဒုခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများသည် မအူပင် မြို့နယ်၊ တော်တလုပ်ကျေးရွာအုပ်စု၊ ကျီးချောင်းကျေးရွာရှိ ရှူးဂါးဂိမ်း ပြောင်းစိုက်ပျိုး အောင်မြင် ဖြစ်ထွန်းမှုများကို (၂၀.၁၂.၂၀၂၁) ရက်နေ့ နံနက်(၁၀:၀၀)နာရီမှ (၁၂:၀၀) နာရီ အချိန်အထိ သွားရောက် ကွင်းဆင်းလေ့လာခဲ့ပါသည်။
မအူပင်မြို့နယ်၊ တော်တလုပ်ကျေးရွာအုပ်စု၊ ကျီးချောင်းကျေးရွာတွင် တောင်သူ ဦးဌေးဝင်း စိုက်ပျိုးထားသည့် (၁)လသားအရွယ်ပြောင်းပင်များကို ကွင်းဆင်းလေ့လာရာ၌ တောင်သူဦးဌေးဝင်း က မိမိ၏ ကိုင်းမြေ(၁)ဧကပေါ်တွင် ရှူးဂါးဂိမ်း ပြောင်းမျိုး (၁)ထုပ်လျှင် (၁၅၀၀၀)ကျပ်ဖြင့် (၃)ထုပ် ဝယ်ယူစိုက်ပျိုးခဲ့ပါသည်။
ထိုသို့စိုက်ပျိုးရာတွင် သွင်းအားစုအနေဖြင့် ထိုင်းပုလဲ (၁)အိတ် အသုံးပြုခဲ့ရပြီး ပြောင်းပင် များအတွက် ရေလိုအပ်ပါက ရေတင်ပေးရကြောင်း၊ ပြောင်းပင်များသည် တစ်ပင်လျှင် (၁)ဖူး၊ (၂)ဖူး ထွက်ရှိနိုင်ပြီး ပြောင်းပင်များမှာ (၂၅၀၀)ခန့်ရှိ၍ (၁)ပင်လျှင် (၁)ဖူးနှုန်း ဖြင့်တွက်ချက်ပါက ပြောင်းဖူး (၂၅၀၀)ဖူးခန့် ထွက်ရှိနိုင်သဖြင့် ယနေ့မအူပင်ဈေးကွက်တွင် ပြောင်း (၁)ဖူးလျှင် (၂၅၀)ကျပ်နှုန်းဖြင့် အရောင်းအဝယ်ရှိကြောင်း၊ ပြောင်းပေါ်ချိန်တွင် ကျဈေး ဖြစ်ပါက (၁)ဖူးလျှင် (၂၀၀)ကျပ်နှုန်းထက်မနိမ့်ကျနိုင်သဖြင့် ထွက်ရှိသော ပြောင်းဖူးမှ ရောင်းရငွေ(၅)သိန်းခန့် ရရှိနိုင်ပါသည်။ သို့ဖြစ်ပါ၍ တွက်ချေကိုက်ပြီး အကျိုးအမြတ်ရှိသော စိုက်ပျိုး သင့်သည့် သီးနှံဖြစ်ကြောင်း သိရှိခဲ့ရပါသည်။
တိုင်းဒေသကြီးဦးစီးမှူးရုံးမှ ဌာနခွဲ့မှူးဦးစံကြည်နှင့် ခရိုင်ဦးစီးမှူး ဦးဇော်မင်းတို့သည် မြို့နယ်ဈေးကွက်မှ ရန်ကုန်ဈေးကွက်ရရှိနိုင်ရေး အားထုတ်ကြိုးပမ်းဆောင်ရွက်ရန် သွင်းအားစုများကို စနစ်တစ်ကကျ သုံးစွဲရန်နှင့် တောင်သူအများ စုအားကျလာသည့် ဈေးကွက်ဝင်သီးနှံ အဆင့်ထိဆောင်ရွက်နိုင်ရန်တို့ကို အလေးထား ဆွေးနွေးခဲ့ကြောင်း သတင်းရရှိပါသည်။
ဧရာဝတီတိုင်းဒေသကြီး
စားသုံးသူရေးရာဦးစီးဌာန

စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးဦးဇော်မင်းနှင့် ညောင်တုန်းမြို့နယ် တာဝန်ခံဦးအောင်လွင်တို့သည် မအူပင်ခရိုင်၊ ညောင်တုန်းမြို့နယ်တွင် စိုက်ပျိုးအောင်မြင်ဖြစ် ထွန်းနေသော စတားဟော့၊ ဆန်းရှိုင်း၊ ကျားခေါင်း စသည့်ငရုတ်မျိုးများ စိုက်ပျိုးထုတ်လုပ်တင် ပို့ရောင်းချနေသည့် ဧရာဝတီတိုင်းဒေသကြီး၊ငရုတ်စိုက်ပျိုး ထုတ်လုပ်တင်ပို့ရောင်းချသူများ အ သင်းဥက္ကဌ ဦးဌေးဝင်းထံ သို့ (၂၀.၁၂.၂၀၂၁)နေ့နံနက် (၀၉:၀၀)နာရီမှ (၁၁:၀၀)နာရီအထိ ကွင်း ဆင်းလေ့လာဆောင်ရွက်ခဲ့ပါ သည်။
အဆိုပါကွင်းဆင်းလေ့လာ ဆောင်ရွက်မှုတွင် ညောင်တုန်းမြို့နယ်၊ ဧရာဝတီမြစ်ကူး တံတားအောက်တွင် စိုက်ပျိုးထားသည့် ငရုတ်စိုက်ခင်းများကို လေ့လာ ကြည့်ရှုပြီး ဧရာဝတီတိုင်းဒေသကြီး၊ ငရုတ်စိုက်ပျိုးထုတ်လုပ် တင်ပို့ရောင်းချသူများအသင်း ဥက္ကဌ လည်းဖြစ် ကိုယ်တိုင်စိုက်ပျိုးသူလည်းဖြစ်သည့် ဦးဌေးဝင်းက ယခုနှစ် စိုက်ပျိုးရာသီတွင် မနှစ်ကစိုက်ပျိုးမှုထက် ငရုတ်စိုက်ဧက လျော့နည်းနိုင်ကြောင်း၊ လျော့နည်းရသည့် အကြောင်း အရင်းများမှာ မျိုးစေ့နှင့် သွင်းအားစုများ ဈေးနှုန်းကြီးမြှင့်လာခြင်း ယခုနှစ် ငရုတ်စိုက်ပျိုး ချိန်တွင် မိုးများသဖြင့် ငရုတ်ပင်များ သေကြေပျက်စီးမှုရှိလာခြင်းတို့ကြောင့် လျော့နည်းနိုင်ကြောင်း သိရှိရပါသည်။
ဈေးကွက်နှင့်ဈေးနှုန်းအနေဖြင့် တရုတ်ဘက်တွင် ဈေးကွက်အားနည်းလာပြီး ထိုင်းဈေး ကွက်တွင် အရောင်းအဝယ်ဖြစ်နေသောကြောင့် ငရုတ်အစိမ်း (အစို) (၁)ပိဿာလျှင် (၂၀၀၀) ကျပ်၊ ငရုတ်အမှည့် (အစို) (၁)ပိဿာလျှင် (၃၀၀၀)ကျပ် ဈေးကွက်ရရှိသဖြင့် အကျိုးအမြတ် ရရှိ မှုမှာ ပဲနှင့် ဟင်းသီးဟင်းရွက် စိုက်ပျိုးထုတ်လုပ်မှုတို့ထက် ပိုမိုအကျိုးအမြတ်ရရှိကြောင်း ဆွေးနွေး ပြောကြား ခဲ့ပါသည်။
စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးဦးဇော်မင်းနှင့် ညောင်တုန်းမြို့နယ် တာဝန်ခံဦးအောင်လွင်တို့မှ ဈေးကွက်ရရှိနိုင်မှု၊ လမ်းပန်းဆက်သွယ်ရေး ကောင်းမွန်မှု၊ နည်း ပညာရှင်များနှင့် ချိတ်ဆက် ဆက်သွယ်ပေးမှု ငရုတ်လုပ်ငန်းရှင်များ ဖွံ့ဖြိုးတိုးတက်မှု တို့အတွက် လိုအပ်သည်များကို ကူညီဆောင်ရွက်ပေးနိုင်မည့် အခြေအနေကောင်းများကို အလေးထား ပြောကြားခဲ့ကြောင်း သတင်း ရရှိပါသည်။
စားသုံးသူရေးရာဦးစီးဌာန
ဧရာဝတီတိုင်းဒေသကြီး