သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်ဦးစီးမှူးရုံးမှ ဦးခိုင်လွမ်းမိုး (အငယ်တန်းစာရေး)သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံး သူကာကွယ်ရေးအသိ ပညာပေး Talk Showကို ၂၀၂၄ခုနှစ် မတ်လ ၁၄ရက်နေ့ နေ့လယ် (၁၄:၀၀) နာရီ အချိန်တွင် ဓနုဖြူလူထု အခြေပြု ဗဟိုဌာန Communit Center ခန်းမ၌ ကျင်းပပြုလုပ်ခဲ့ကြပါသည်။

    အဆိုပါ အသိပညာပေး ဆွေးနွေးပွဲတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ စားသုံးသူကာကွယ်ရေးလုပ်ငန်းစဉ်နှင့်ပတ်သက်၍ စားသုံးသူများသိရှိနိုင်ဖို့ ရှင်းလင်းပြောကြားပေးပါရနဆွေးနွေးဖို့မေး မြန်းရာ ဦးခိုင်လွမ်းမိုးမှ စားသုံးသူအကာအကွယ်ပေးရေးဥပဒေကို ၂၀၁၄ခုနှစ် မတ်လ(၁၄)ရက်နေ့က ပြည် ထောင်စုလွတ်တော်မှ ဥပဒေအမှတ်(၁၀)ဖြင့် ပြဌာန်းခဲ့ပြီး စားသုံးသူအသိပညာပေးလုပ်ငန်းများ၊ ဟောပြောပွဲများ၊ ကွင်းဆင်းစစ်ဆေးခြင်းများ၊ စာသင်ကျောင်းများ၊ ဈေးများ၊ ရပ်ကွက်များ၊ ကျေးရွာများ၊ လူထုနှင့် စီးပွားရေးလုပ်ငန်းရှင်များအား အသိပညာပေးခြင်းလုပ်ငန်းများဆောင်ရွက်ခဲ့ပါသည်။ စားသုံးသူကာကွယ်ရေး ဥပဒေအတွက် စားသုံးသူအခွင့်အရေး အပြည့်အဝ ရရှိစေ ရန် ဥပဒေကို ထပ်မံ၍ ရေးဆွဲပြင်ဆင်ခဲ့ပြီး ၂၀၁၉ခုနှစ် ပြည်ထောင်စု လွတ်တော်ဥပဒေအမှတ် (၉) ဖြင့် ၂၀၁၉ မတ်လ ၁၅ရက်နေ့က အတည်ပြု ပြဌာန်းလိုက်ပါသည်။ စားသုံးသူကာကွယ်ရေးနည်းဥပဒေကို ၂၀၂၂ခုနှစ် ဇန်နဝါရီ ၁၈ရက်နေ့ အမိန်ကြော်ငြာစာအမှတ် ၉/၂၀၂၂ ဖြင့် ထုတ်ပြန်ထားပါသည်။ စားသုံးသူရေးရာဦးစီးဌာန၏ ရည်မှန်းချက်၊ မျှော်မှန်းချက်များဖြင့် ဆောင်ရွက်လျက်ရှိ ပြီး မျော်မှန်းချက်အနေဖြင့် “ပြည်တွင်းကုန်သွယ်မှုဖွံ့ဖြိုးတိုးတက်ရေးနှင့် စားသုံးသူကာကွယ်ရေးလုပ်ငန်းများ ဖြင့် နိုင်ငံစီးပွားဖွံ့ဖြိုးတိုးတက်စေရန် မျှော်မှန်းဆောင်ရွက်လျက်ရှိပါ သည်။

     စားသုံးသူရေးရာဦးစီးဌာနက အဓိကဆောင်ရွက်နေတဲ့ လုပ်ငန်းကတော့ စားသုံးသူကာကွယ်ရေးလုပ် ငန်းများကို ဆောင်ရွက်နေပြီး စားသုံးသူများ ထိခိုက်နစ်နာမှု မရှိသေးမီအခြေအနေနှင့် ထိခိုက်နစ်နာမှုရှိပြီး အခြေအနေဆိုပြီး ယေဘုယျအားဖြင့် (၂)မျိုးခွဲခြားလိုရကြောင်း ထိခိုက်နစ်နာမှုရှိတဲ့အခြေအနေမှာတော့ စားသုံးသူနှင့် စီးပွားရေးလုပ်ငန်းရှင်အကြား ကော်မရှင်နှင့် ကော်မတီအဆင့်ဆင့်တို့က သတ်မှတ် ဆောင်ရွက် ပေးသည့်မျှတမှုရှိသော လုပ်ငန်းများကို ဆောင်ရွက်လျက်ရှိပါသည်။ စားသုံးသူဘက်က တစ်ဖက်သတ်ရပ် တည်ပြီး စီးပွားရေးလုပ်ငန်းရှင်များကို ဖိနှိပ်ထားတာမျိုးမဟုတ်ဘဲ စားသုံးသူများကိုလည်း စားသုံးသူ ကာကွယ်ရေးဥပဒေအရကာကွယ်ပေးပြီး စီးပွားရေးလုပ်ငန်းရှင်များကို ဥပဒေပါပြဌာန်းချက်တွေနဲ့အညီ လိုက် နာဆောင်ရွက်စေရန် ထိန်းကြောင်းတည့်မတ်ပေးသော လုပ်ငန်းများဖြစ်ကြောင်း၊ အကြံပြုဖြည့်စွက် ပြောကြားရလျှင် စားသုံးသူများ ကုန်စည် (သို့) ဝန်ဆောင်မှုကို အသုံးပြုမည်ဆိုလျှင် ယနေ့ခေတ်အခါမှာ လူတော်တော်များများက ဆိုရှယ်မီဒီယာကို တွင်တွင်ကျယ်ကျယ် အသုံးပြုလာကြပါသည်။ အသုံးပြုလာမှု အပေါ်တွင် ကောင်းကျိုးတွေတွေ့ရသလို ဆိုးကျိုးတွေလည်းတွေ့ရပါသည်။ ကောင်းကျိးဆိုတာကတော့ ပစ္စည်းတွေ ရောင်းတဲ့အခါ Online Internet အသုံးပြုပြီး Page တွေ Online Shop တွေမှတဆင့် ကိုယ်လိုချင်သော ကုန်ပစ္စည်းတွေကို မအားလပ်လို့ ကိုယ်တိုင်ကိုယ်ကျ ဆိုင်မှာ မဝယ်ယူနိုင်တဲ့အခါ အိမ်တိုင်ရာရောက်မှာယူ လို့ရနိုင်ပြီးဖြစ်ကြောင်း၊ အချိန်ပေးပြီးမဝယ်ယူနိုင်သူအတွက် အဆင်ပြေစေနိုင်သည်။ ဆိုးကျိုးအနေနဲ့ကတော့ လုပ်ငန်းရှင်တိုင်းကိုမဆိုလိုပါ တစ်ချို့စားသုံးသူအနေနဲ့ Online ကနေ့တဆင့် မှာယူတဲ့အခါ ကြော်ငြာထားသော ပစ္စည်းပုံစံကတစ်မျိုး လာပို့သည့်ပစ္စည်းပုံစံကတစ်မျိုး ဖြစ်နေတာတွေ့ ကြုံတွေ့နေကြသည်။ ပစ္စည်းဝယ်ယူသည့်အခါ ပစ္စည်းမရောက်ခင် ငွေကြိုလွဲပေးရပြီး ပစ္စည်းမရောက်၍ ဆက်သွယ်သည့်အခါ ဆက်သွယ်၍မရပဲ Block ပြုလုပ်၍ လိမ်ညာမှုများဖြစ်ပေါ်နေကြောင်း၊ ကျွန်တော်တို့ စားသုံးမိဘပြည်သူများအနေဖြင့် အွန်လိုင်းမှတဆင့် ကုန်ပစ္စည်းဝယ်ယူသောအခါ Blue Markရပြီးသား Page ၊ ဆိုင်လိပ်စာ အတိအကျသိသောဆိုင်များ၊ ယုံကြည်စိတ်ချရသော ဆိုင်များတွင်သာဝယ်ယူရန် အသိပညာပေးအကြံပြု အသိပညာပေးခဲ့ကြောင်း သိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးသည် ၂၀၂၄ခုနှစ် မတ်လ (၁၅)ရက်တွင်ကျရောက်မည့် ကမ္ဘာ့စားသုံးသူအခွင့်အရေးများနေ့ (World Consumer Rights Day) ကို “မျှတအလေးမှု တာဝန်ယူ၊ စားသုံးသူအကျိုးပြုဉာဏ်ရည်တု” ဆောင်ပုဒ်နှင့်အတူ စားသုံးသူအခွင့်အရေးနှင့် အကျိုးစီးပွား ကိုကာကွယ်ရန် မအူပင်ခရိုင်ဦးစီးမှူးရုံးမှ ခရိုင်ဦးစီးမှူးဦးဇော်မင်းနှင့် မအူပင်၊ပန်းတနော်၊ ညောင်တုန်း၊ဓနုဖြူမြို့နယ်မှ ဝန်ထမ်းများစုပေါင်း၍ ဌာနဆိုင်ရာမျာကို ဖိတ်ကြားကာ မအူပင်ခရိုင်မီးသတ်ဦးစီးဌာန ရုံးအရှေ့တွင် ကျင်းပပြုလုပ်ခဲ့ကြသည်။

    ကမ္ဘာ့စားသုံးသူအခွင့်အရေးများနေ့ကို ၂၀၂၄ခုနှစ် မတ်လ (၁၅)ရက်နေ့ နံနက် (၀၇:၀၀)မှ (၁၀:၀၀) နာရီအချိန်ထိ ပြည်သူများအား အသိပညာပေး လက်ကမ်းစာစောင်များဝေငှခြင်း၊ အသိပညာပေး Short Viedo များပြသခြင်း၊ စားသုံးသူကာကွယ်ရေးလုပ်ငန်းစဉ်နှင့် ပတ်သက်၍ ပြည်သူများအား ရှင်းလင်း အသိပညာပေးခြင်းများကို ပြုလုပ်ဆောင်ရွက်ခဲ့ကြသည်။ အဆိုပါအခမ်းအနားသို့ ခရိုင်အထွေထွေ အုပ်ချုပ်ရေး ဦးစီးဌာန၊ မြို့နယ်စည်ပင်သာယာရေးအဖွဲ့၊ ခရိုင်မီးသတ်ဦးစီးဌာန၊ ခရိုင်စက်မှုကြီးကြပ်ရေးနှင့်စစ်ဆေးရေးဦးစီးဌာန၊ ခရိုင်ကျန်းမာရေးဦးစီးဌာန၊ ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန တို့ပါဝင်ပူးပေါင်း ဆောင်ရွက် ကြပြီးအလားတူ အခြားသော တိုင်းဒေသကြီးနှင့် ပြည်နယ်များတွင်လည်း ကမ္ဘာစားသုံးသူအခွင့်အရေးများနေ့ကို ကျင်းပကြကြောင်း သိရပါသည်။

DOCA(ဧရာဝတီ)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် (၁၄-၃-၂၀၂၄) ရက်နေ့၊ နံနက် (၁၀:၀၀)နာရီအချိန်တွင် ကမ္ဘာ့စားသုံးသူအခွင့်အရေးများနေ့  (World Consumer Rights Day) ကို ကြိုဆိုဂုဏ်ပြုသောအားဖြင့် ပခုက္ကူခရိုင်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံး၌ စားသုံးသူရေးရာဦးစီးဌာန၊ ရေစကြိုမြို့နယ်တာဝန်ခံ ဦးမြတ်မင်းနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ရေစကြိုမြို့နယ်တာဝန်ခံ ဦးမျိုးမြင့်အောင်တို့ပူးပေါင်း၍ “စားသုံးသူအခွင့်အရေးမြှင့်တင်ရေး၊ ဝိုင်းဝန်းကြိုးပမ်းဆောင်ရွက်ပေး” Talk Show ပြုလုပ်ကျင်းပခဲ့ပါသည်။

     Talk Show တွင် စားသုံးသူရေးရာဦးစီးဌာန၊ ရေစကြိုမြို့နယ်တာဝန်ခံ ဦးမြတ်မင်းက စားသုံးသူရေးရာဦးစီးဌာန၏ဆောင်ပုဒ်၊ မျှော်မှန်းချက်၊ ရည်မှန်းချက်၊ ဌာန၏သမိုင်းအကျဉ်း၊ စားသုံးသူကာကွယ်ရေးဥပဒေ၊ နည်းဥပဒေထုတ်ပြန်သည့်ရက်စွဲ၊ ပါဝင်သည့်အခန်း၊ ပုဒ်မများကိုပြောကြားခဲ့ပြီး၊ ဆက်လက်၍ ကမ္ဘာ့စားသုံးသူအခွင့်အရေးများနေ့ဖြစ်ပေါ်လာပုံ၊ စားသုံးသူများရရှိမည့် အခွင့်အရေး (၈) ချက်၊ လိုက်နာရမည့်တာဝန် (၄)ချက်နှင့် နှစ်အလိုက် စားသုံးသူအခွင့်အရေးများနေ့၏ဆောင်ပုဒ်များ၊ ကျင်းပခဲ့သည့် တိုင်း၊ မြို့နယ်များအကြောင်းကို ကျယ်ကျယ်ပြန့်ပြန့် ရှင်းလင်းဆွေးနွေးခဲ့ကြောင်းသိရှိရပါသည်။

DOCA(မကွေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊  မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူးတို့၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံ ဦးဇော်နေလင်းနှင့် ဝန်ထမ်းတစ်ဦးသည် (၁၄-၃-၂၀၂၄)ရက်နေ့၊ နံနက်(၀၉:၀၀)နာရီအချိန်တွင် မတ်လ(၁၅)ရက်နေ့၌ကျရောက်မည့် ကမ္ဘာ့စားသုံးသူအခွင့်အရေးများနေ့ကို ကြိုဆိုဂုဏ်ပြုသောအားဖြင့် ဆိပ်ဖြူမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ပြုလုပ်သော ပန်းချီပညာအခြေခံသင်တန်းသို့သွားရောက်၍ ပန်းချီဆရာ(၂)ဦး၊ သင်တန်းသား/ သင်တန်းသူ(၃၃)ဦး၊ ပြန်ကြားရေးနှင့်ပြည်သူ့ဆက်ဆံရေးဦးစီးမှုးရုံးမှ ဝန်ထမ်း(၇)ဦး၊ စုစုပေါင်း(၄၂)ဦးအား စားသုံးသူကာကွယ်ရေးအသိပညာပေးဟောပြောပွဲကျင်းပပြုလုပ်ခဲ့ပါသည်။

     အဆိုပါဟောပြောပွဲတွင် ဆိပ်ဖြူမြို့နယ်တာဝန်ခံ ဦးဇော်နေလင်းက ဌာန၏သမိုင်ကြောင်း၊ မျှော်မှန်းချက်၊ ရည်မှန်းချက်များနှင့် ဌာနအနေဖြင့် ဆောင်ရွက်နေသည့် လုပ်ငန်းများအကြောင်းကို ဦးစွာပထမရှင်းလင်းပြောကြားခဲ့ပြီး စားသုံးသူကာကွယ်ရေးဥပဒေ ၂၀၁၉၊ အခန်း(၉)ပါ စားသုံးသူအခွင့်အရေးနှင့် လိုက်နာရမည့်တာဝန်များကိုသိရှိရန်နှင့် အခန်း(၁၈)ပါ ကုန်အညွှန်းအမှတ်အသားများနှင့်စပ်လျဉ်းသည့် အချက်(၈)ချက်ကိုသိရှိရန် နမူနာမုန့်ထုပ်များဖြင့်ပြသ၍ ရှင်းလင်းဆွေးနွေးခြင်း၊  စားသုံးသူများအနေဖြင့် ကုန်စည်နှင့်ဝန်ဆောင်မှုများကို ဝယ်ယူအသုံးပြုရာတွင် သတင်းအချက်အလက်အမှန်အကန်ပြည့်စုံစွာရရှိရန်လိုအပ်ကြောင်း၊ မိမိစိတ်ကြိုက်ရွေးချယ်ဝယ်ယူခွင့်ရှိကြောင်း၊ စားသုံးသူများအတွက် ကုန်စည်များကိုဝယ်ယူသုံးစွဲရာတွင်ဖြစ်စေ၊ ဝန်ဆောင်မှုရယူရာတွင်ဖြစ်စေ ဘေးအန္တရာယ်ကင်းရှင်းမှုမှာ အလွန်အရေးကြီးသောကြောင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြချက်များနှင့်ကိုက်ညီသည့် ကုန်စည်များအား စိစစ်ရွေးချယ်ဝယ်ယူစေလိုကြောင်းနှင့် ကုန်စည်နှင့် ဝန်ဆောင်မှုကိုဝယ်ယူသုံးစွဲရာတွင် နစ်နာဆုံးရှုံးမှုများဖြစ်ပေါ်လာပါက ပြောရေးဆိုခွင့်၊ တိုင်ကြားနိုင်ခွင့်နှင့် ပြန်လည်ကုစားနိုင်ခွင့်များနှင့် တိုင်း/ ပြည်နယ်ခရိုင်ရုံးများတွင် CICC ရုံးများဖွင့်လှစ်ထားရှိပြီး တိုင်ကြားနိုင်ကြောင်း၊ DOCA Website၊ DOCA Myanmar Mobile Application နှင့် Consumer Call Center No. (1535) တွင် တိုင်ကြားနိုင်ကြောင်းတို့ကို အသေးစိတ်ရှင်းလင်းဆွေးနွေးခဲ့ပြီး တက်ရောက်လာသော သင်တန်းသား/ သင်တန်းသူများအား ဥပဒေပါ အခွင့်အရေး(၈)ချက်ကိုမေးမြန်းကာ ဖြေဆိုနိုင်သူများအား ဆုလက်ဆောင်များချီးမြှင့်ပေးအပ်ခဲ့ပြီးနောက် စားသုံးသူကာကွယ်ရေးဆိုင်ရာအသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒေါ်ဌေးဌေးဝင်း(ဒုတိယဦးစီးမှူး)သည် စားသုံးသူကာကွယ်ရေးလုပ်ငန်းများကို စဉ်ဆက်မပြတ် ဆောင်ရွက်လျက်ရှိရာ  ၂၀၂၄ခုနှစ်၊ မတ်လ(၁၅)ရက်နေ့တွင်ကျရောက်မည့် “ကမ္ဘာ့စားသုံးသူအခွင့်အရေးများနေ့”အား ကြိုဆိုဂုဏ်ပြုသောအားဖြင့် (၁၄-၂-၂၀၂၄)ရက်နေ့၊ နေ့လယ်(၁၃:၀၀) နာရီအချိန်တွင် ပွင့်ဖြူမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ အသိပညာပေး Talk Show ကို မြို့နယ်ရုံး၊ လူထုအကျိုးပြုဗဟိုဌာန Community Center ခန်းမ၌ ကျင်းပပြုလုပ်ခဲ့ပါသည်။

    အဆိုပါ Talk Show အစီအစဉ်တွင် မြို့နယ်တာဝန်ခံ ဒေါ်ဌေးဌေးဝင်း(ဒုတိယဦးစီးမှူး)က “ကမ္ဘာ့စားသုံးသူအခွင့်အရေးများနေ့” ဖြစ်ပေါ်လာပုံအကြောင်းများ၊ ဦးစီးဌာနအဆင့်ဆင့်ဖြစ်ပေါ်လာပုံအကြောင်း၊ ပြည်သူများအနေဖြင့် အစားအစာများကိုဝယ်ယူစားသုံးရာတွင် ဘေးကင်းလုံခြုံစိတ်ချရသည့် ကုန်အညွှန်းအမှတ်အသားများပြည့်စုံစွာပါဝင်သော စားသောက်ကုန်များကို ဝယ်ယူစားသုံးသုံးစွဲစေရေး၊ စားသုံးသူများတွင် စားသုံးသူအခွင့်အရေးများရှိပြီး လိုက်နာရမည့်တာဝန်များလည်းရှိကြောင်း၊ အမှန်တကယ်နစ်နာဆုံးရှုံးခဲ့လျှင် တိုင်ကြားနိုင်သောနည်းလမ်းများရှိကြောင်း၊ တိုင်ကြားရာတွင် အသေးအဖွဲ့မှစ၍ တိုင်ကြားနိုင်ကြောင်း၊ တိုင်ကြားရာ၌လည်း တွန့်ဆုတ်မနေကြဘဲ တိုင်ကြားစေလိုကြောင်း၊ သို့မှသာ မိမိတို့၏အခွင့်အရေးများကို ချိုးဖောက်မှုမှ ကာကွယ်ပေးနိုင်မည်ဖြစ်ကြောင်း အသေးစိတ်ဆွေးနွေးခဲ့မှုကိုသိရှိရပါသည်။

DOCA(မကွေး)