ဟင်းသီးဟင်းရွက်ဆီနှင့်စပ်လျဉ်းပြီး ကုန်အညွှန်းအမှတ်အသား ဖော်ပြချက်များနှင့် ပတ်သက်၍ ဈေးကွက်စောင့်ကြည့်စစ်ဆေးခြင်း
ရှမ်းပြည်နယ်(အရှေ့ပိုင်း)၊ ကျိုင်းတုံမြို့၊ စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ စစ်ဆေးရေးမှူးနှင့်တာဝန်ရှိသူများသည် ၂၀၂၃ ခုနှစ်၊ ဖေဖော်ဝါရီလ (၈)ရက်နေ့ နံနက် (၉:၃၀)နာရီအချိန်တွင် ကုန်အညွှန်းအမှတ်အသားဆိုင်ရာ ပြဋ္ဌာန်းချက်များနှင့်စပ်လျဉ်း၍ စီးပွားရေးလုပ်ငန်းရှင်များအနေဖြင့် လိုက်နာဆောင်ရွက်ရာတွင် အခက်အခဲမရှိစေရန်နှင့် ကုန်စည်များတွင် ကုန်အညွှန်းအမှတ်အသားဖော်ပြချက်နှင့်စပ်လျဉ်းပြီး အခက်အခဲနှင့် အကြံပြုချက်ရှိ/မရှိ မြေပြင်ကွင်းဆင်းပြီး မေးမြန်းဆောင်ရွက်ခဲ့ပါသည်။
ထို့နောက် စစ်ဆေးရေးမှူးနှင့်တာဝန်ရှိသူများသည် မြို့မဈေးနှင့် ရပ်ကွက်လက်လီ/ လက်ကားဟင်းသီးဟင်းရွက်ဆီ အရောင်းဆိုင်(၅)ဆိုင်အား ကုန်အညွှန်းအမှတ်အသားဖော်ပြချက်များနှင့်ပတ်သက်၍ ဈေးကွက်စောင့်ကြည့်စစ်ဆေးရာတွင် ဟင်းသီးဟင်းရွက်ဆီရောင်းချသည့် စီးပွားရေးလုပ်ငန်းရှင်များအနေဖြင့် ၎င်းတို့ရောင်းချသည့် ဟင်းသီးဟင်းရွက်ဆီများ မှာ တရားဝင်ကိုယ်စားလှယ်များက ဝယ်ယူသိုလှောင်ပြီး ဈေးကွက်အတွင်းသို့ ပြန်လည်ဖြန့်ဖြူးရောင်းချခြင်းဖြစ်ကြောင်း၊ ၎င်းတို့ဒေသအနေဖြင့် ကိုယ်ပိုင်အမည်တံဆိပ်ပြုလုပ်၍ ထုတ်လုပ်ဖြန့်ဖြူးရောင်းချနိုင်ခြင်းမရှိသည့်အတွက် ကုန်အညွှန်းအမှတ်အသားဖော်ပြခြင်းနှင့်ပတ်သက်၍ အခက်အခဲနှင့် အကြံပြုချက်မရှိပါကြောင်း စစ်ဆေးတွေ့ရှိရပါသည်။
ဆက်လက်၍ ရှမ်းပြည်နယ်(အရှေ့ပိုင်း)အတွင်းရှိ စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားနှင့်ပြည့်စုံသော ကုန်စည်များကိုသာ ဝယ်ယူရောင်းချရန်၊ တရားမဝင်တားမြစ်ထားသောကုန်စည်များကို ဈေးကွက်အတွင်း ရောင်းဝယ်ဖောက်ကားမှုပြုလုပ်ခြင်းကို စစ်ဆေးတွေ့ရှိပါက သက်ဆိုင်ရာဥပဒေများနှင့်အညီ အရေးယူသွားမည်ဖြစ်ကြောင်း ရှင်းလင်းပြောကြားပြီး “စားသုံးသူကာကွယ်ရေးဥပဒေအခန်း(၁၀)ပါစီးပွားရေးလုပ်ငန်းရှင်၏တာဝန်များ”ကို သိရှိလိုက်နာဆောင်ရွက်နိုင်စေရန် အသိပညာပေးဆွေးနွေးခြင်းများ ဆောင်ရွက်ခဲ့ပါသည်။
DOCA(ရှမ်း)
