သတင်းနှင့် လှုပ်ရှားမှုများ

       စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူးနှင့်  ဝန်ထမ်း များသည် ၃.၉.၂၀၂၅ ရက်နေ့တွင် ကြည့်မြင်တိုင်မြို့နယ်အတွင်းရှိ ကမ္ဘာကျော်ဆန်ဆိုင် နှင့် ၆၈ ဆန်ဆိုင်တို့အား (၉:၃၀) အချိန်တွင် အဖွဲ့စုံနှင့်ပူးပေါင်းပြီး ဆန်ရောင်းချမှုအခြေ အနေများကို ကွင်း ဆင်းစစ်ဆေး အသိပညာပေးမှုများအား ဆောင်ရွက်ခဲ့ကြောင်း သိရှိရပါသည်။

   ထိုသို့ ကွင်းဆင်းအသိပညာပေးရာတွင် သတ်မှတ်ထားသော ရည်ညွှန်းဈေးနှုန်းများ အတိုင်း ရောင်းချခြင်းရှိ/မရှိနှင့် ဆန်ဈေးနှုန်းကြီးမြင့်မှု မဖြစ်ပေါ်စေရေး အတွက်စစ်ဆေးခဲ့ကြပြီး လိုက်နာမှု မရှိသော လုပ်ငန်းရှင်များကို အရေးကြီးကုန်စည်နှင့်ဝန်ဆောင်မှုဥပဒေအရ အရေးယူခံရမည်ဖြစ် ကြောင်း အသိပညာပေး ဆောင်ရွက်ခဲ့ကြောင်း သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး၊ သန်လျင်ခရိုင်၊ သန်လျင်မြို့အတွင်းရှိ Modern Mart နှင့် စည်ပင်သာယာမြို့မဈေးအတွင်းရှိ လူသုံးကုန်များနှင့် စားသောက်ကုန်ပစ္စည်းများ ရောင်းချသည့် ဆိုင်များ တွင် ထိုင်းနိုင်ငံထုတ်ပစ္စည်းများ ပြတ်လပ်နေမှုရှိ/မရှိနှင့် ဈေးနှုန်းမြှင့်တင်ရောင်းချနေခြင်းရှိ/မရှိ မြေပြင်ကွင်းဆင်းစစ်ဆေးခြင်းအား စက်တင်ဘာလ(၂)ရက်နေ့၊ နေ့လည်(၁၃၀၀)နာရီအချိန်တွင် ခရိုင်ဦးစီးမှူးနှင့်ဝန်ထမ်းများမှ မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

      အဆိုပါ ကွင်းဆင်းစစ်ဆေးမှုတွင် တောင်ပိုင်းခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် သန်လျင်မြို့နယ်အတွင်းရှိ Modern Mart များနှင့် စည်ပင်သာယာမြို့မဈေးအတွင်းရှိ ထိုင်းနိုင်ငံထုတ် လူသုံးကုန်ပစ္စည်းများနှင့် စားသောက်ကုန်ပစ္စည်းများ ရောင်းချနေသည့်ဆိုင်များ တွင် ဈေးနှုန်းမြှင့်တင်ရောင်းချနေမှုရှိ/မရှိနှင့် ဈေးကွက်အတွင်း ပြတ်လပ်နေမှုရှိ/မရှိ မြေပြင်ကွင်း ဆင်းစစ်ဆေးခဲ့ပြီး အဆိုပါ ပစ္စည်းများနှင့် ပတ်သတ်၍ ဈေးကွက်အတွင်း ဈေးနှုန်းမြှင့်တင်ရောင်းချမှုမရှိစေရေး မြေပြင်ကွင်းဆင်း စစ်ဆေးခဲ့ကြောင်း သိရှိရပါသည်။

DOCA(ရန်ကုန်)

     စားသုံးသူရေးရာဉီးစီးဌာန၊ မြောက်ပိုင်းခရိုင်ဉီးစီးမှူးရုံးမှ ဉီးလှစိုး၊ ခရိုင်ဉီးစီးမှူး နှင့်ဝန်ထမ်းများ သည် (၂.၉.၂၀၂၅)ရက်နေ့ နံနက်(၁၀:၀၀)နာရီအချိန်တွင် အမှတ်(၂၀)၊ မင်းကြီးမဟာမင်းခေါင်လမ်း၊ စက်မှုဇုန်(၃)၊ လှိုင်သာယာမြို့နယ်ရှိ FAME ဆေးဝါးစက်ရုံသို့ ကွင်းဆင်းလေ့လာခြင်းများ ဆောင်ရွက် ခဲ့ပါသည်။

    ထိုသို့ကွင်းဆင်းလေ့လာရာတွင် FAME ဆေးဝါးစက်ရုံမှ တာဝန်ခံဒေါက်တာ ဖြိုးဝေအောင် နှင့် တွေ့ဆုံပြီး  ဒေါက်တာဖြိုးဝေအောင်မှ စက်ရုံကို ၁၉၉၄ ခုနှစ်တွင် စတင်တည်ထောင်ခဲ့ပြီး China၊ India၊ Turkey၊ France နိုင်ငံမှ ကုန်ကြမ်းတင်သွင်းကာ ဆေးဝါးထုတ်ပိုးရာတွင် အသုံးပြုသည့် ကော်ဗူး၊ စက္ကူဗူးများ၊ စက္ကူပုံးများနှင့် အညွှန်းစာရွက်များကို ပြည်တွင်း၌သာ ဝယ်ယူအသုံးပြုကာ ဆေးဝါးထုတ်ရာတွင် အသုံးပြုသည့်ဆေးဝါးကုန်ကြမ်းအများစုအား မိမိတို့၏ ကိုယ်ပိုင်ခြံ၊ ပြင်ဉီးလွင် မြို့ရှိ FAME Organic Pharming Project မှရရှိပြီး အချို့ဆေးဖက်ဝင် အပင်များကို ပြည်တွင်းရှိ စီးပွား ဖြစ်စိုက်ပျိုးသူ တောင်သူများထံမှ ဝယ်ယူအသုံးပြု၍ ဝန်ထမ်းများအား ကျား(၁၇၈)ဉီး၊ မ(၁၇၉)ဉီး စုစုပေါင်း(၃၅၇)ဉီးဖြင့် သဘာဝ Organic ထုတ်ကုန် (၉၈)မျိုး ကုန်ထုတ်လုပ်မှု၏ (၈၀%)အား မြန်မာ ပြည်တစ်နိုင်ငံလုံးသို့ အရောင်းကိုယ်စားလှယ် များမှတစ်ဆင့်လည်းကောင်း၊ ကိုယ်တိုင်သော်လည်း ကောင်း ဖြန့်ဖြူးရောင်းချလျက်ရှိပြီး (၂၀%)အား ပြည်ပနိုင်ငံများသို့ တင်ပို့ရောင်းချလျက်ရှိကြောင်း သိရှိရပါသည်။

DOCA (ရန်ကုန်)

     (၁.၉.၂၀၂၅)ရက်နေ့ နံနက်(၉:၀၀)နာရီအချိန်တွင် တိုက်ကြီးခရိုင်အတွင်း ၂၀၂၅ ခုနှစ်၊ တက္ကသိုလ်ဝင်တန်းစာမေးပွဲတွင် ထူးချွန်စွာအောင်မြင်သော ကျောင်းသား/ကျောင်းသူများအား ဂုဏ်ပြုဆုချီးမြှင့်ခြင်းအခမ်းအနားအား ကျင်းပပြုလုပ်ခဲ့ပါသည်။

    အခမ်းအနားသို့ တိုက်ကြီးခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌနှင့် အဖွဲ့ဝင် များ၊  တိုက်ကြီးမြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌနှင့်အဖွဲ့ဝင်များ၊ ခရိုင်/မြို့နယ်အဆင့် ဌာနဆိုင်ရာဝန်ထမ်းများ၊ ကျောင်းအုပ်ဆရာ/ဆရာမ၊ ကျောင်းသား/ကျောင်းသူမိဘများ နှင့် ကျေးရွာအုပ်ချုပ်ရေးမှူးများ စုစုပေါင်းအင်အား(၄၀၀)ဉီးတက်ရောက်ခဲ့ပြီး တက္ကသိုလ်ဝင် စာမေးပွဲတွင် (၄) ဘာသာနှင့်အောက်ဂုဏ်ထူးဖြင့်အောင်မြင်ခဲ့သည့် ကျောင်းသား/ကျောင်းသူ (၁၄၁)ဉီးအား ခရိုင်/ မြို့နယ်စီမံခန့်ခွဲရေးဥက္ကဌမှ ဂုဏ်ပြုဆုများချီးမြှင့်ခြင်း၊ တိုက်ကြီးခရိုင်အတွင်း အောင်ချက်ကောင်းမွန် သောကျောင်းများမှ ကျောင်းအုပ်ကြီးများအား ဂုဏ်ပြုဆုချီးမြှင့်ခဲ့ပြီး အခမ်းအနားကို နံနက်(၁၁:၁၅) အချိန်တွင် ရုပ်သိမ်းခဲ့ကြောင်း သိရှိရပါသည်။

DOCA (ရန်ကုန်)

    စားသုံးသူရေးရာဉီးစီးဌာန၊ မြောက်ပိုင်းခရိုင်၊ တိုက်ကြီးမြို့နယ်ခွဲတာဝန်ခံ ဉီးရှင်းခန့်ကိုကို သည်မြို့မဈေးတာဝန်ခံတို့ပါဝင်လျက် (၂.၉.၂၀၂၅)ရက်နေ့ နံနက် (၁၀:၅၀)အချိန်တွင် တိုက်ကြီး မြို့နယ်၊ မြို့မဈေးရှိ ကုန်မျိုးစုံဆိုင်များတွင် စားသုံးဆီအမျိုးမျိုးအား ကွင်းဆင်းစစ်ဆေးခြင်း လုပ်ငန်းများ ဆောင်ရွက်ခဲ့ပါသည်။

     ထိုသို့ဆောင်ရွက်ခဲ့ရာတွင် စားသုံးဆီအမျိုးမျိုးရောင်းချနေသော ကုန်မျိုးစုံဆိုင်များအနေ ဖြင့် စားသုံးသူကာကွယ်ရေးဥပဒေ(၂/၂၀၁၉)အခန်း(၁၈)ပါ ကုန်အညွှန်းအမှတ်အသားဆိုင်ရာ ပြဌာန်းချက်များနှင့် စီးပွားရေးလုပ်ငန်းရှင် လိုက်နာရမည့်တာဝန်များကို လိုက်နာဆောင်ရွက်ရမည်ဖြစ်ပြီး စားသုံးသူများ ဘေးအန္တရာယ်ကင်းရှင်စေရေးအတွက် ကုန်အညွှန်းအမှတ်အသား ပြည့်စုံစွာပါဝင်သည့် ကုန်ပစ္စည်းများကိုသာ ရောင်းချရန်နှင့် တရားမဝင်တင်သွင်းလာသော ကုန်ပစ္စည်းများကို ရောင်းချခြင်းမပြုရန် ဆွေးနွေးပြောကြားခဲ့ကြောင်း သိရှိရပါသည်။

DOCA (ရန်ကုန်)