သတင်းနှင့် လှုပ်ရှားမှုများ

         စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် ၂၀၂၅ ခုနှစ် နိုဝင်ုဘာလ (၅) ရက် နေ့လယ်(၁၃:၃၀) နာ+-အချိန်တွင် ဟင်္သာတမြို့နယ် ဦးဝိစာရလမ်း၊ ဘုရားကြီးရပ်ကွက်ရှိ  စတိုင်ဆိုင်များတွင် Online မှတစ်ဆင့် ကုန်စည်/ ဝန်ဆောင်မှု ရောင်းချသည့်လုပ်ငန်းရှင်များနှင့် တွေ့ဆုံ၍ Online ရောင်းချမှုနှင့်ပတ်သက်၍ သိသင့်သိထိုက်သည်များကို အသိပညာပေးဟောပြော ဆောင်ရွက်ဆွေးနွေးခဲ့ကြောင်း သိရသည်။

        ထိုသို့ ဆောင်ရွက်ရာတွင် စားသုံးသူအခွင့်အရေးများ အပြည့်အဝရရှိနိုင်ရေး၊ ကုန်အညွှန်းအမှတ်အသားဆိုင်ရာအချက်များပြည့်စုံစွာဖော်ပြနိုင်ရေး လုပ်ငန်းရှင်များဘက်ကလည်း မိမိတို့ ရောင်းချသည့် ကုန်ပစ္စည်းများအပေါ်တွင် တာဝန်ယူမှု၊ တာဝန်ခံမှု အပြည့်ရှိစေခြင်းနှင့် စားသုံးသူကာကွယ်ရေးဥပဒေတွင်ဖော်ပြထားသည့် အခန်း(၁၀)၊ ဥပဒေပုဒ်မ(၂၁)၊ ပုဒ်မခွဲ(က)မှ ပုဒ်မခွဲ(ဋ) စီးပွားရေးလုပ်ငန်းရှင်၏တာဝန်များအား အသေးစိတ်နားလည်သဘောပေါက်စေရန် ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA (ဧရာဝတီ)

          ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ် အေးငြိမ်းသာမြို့သစ် မူလတန်း ကျောင်း၌ (၆.၁၁.၂၀၂၅)ရက်နေ့ နေ့လယ် (၁း၀၀)နာရီတွင် စားသုံးသူရေးရာ ဦးစီးဌာန ဝန်ထမ်းများနှင့် မြို့နယ်ပြန်ကြားရေးနှင့် ပြည်သူဆက်ဆံရေးဦးစီးဌာန ဝန်ထမ်းများနှင့် ပူပေါင်း၍ အသိပညာပေး ဟောပြောဆွေးနွေးခြင်းပြုလုပ်ခဲ့ပါသည်။

          ထိုသို့ ဟောပြောဆွေးနွေးရာတွင် စားသုံးသူရေးရာဦးစီးဌာန မြို့နယ်တာဝန်ခံ ဒေါ်အေးအေးဆွေ မှစားသုံးသူကွယ်ရေး ဥပဒေပါစားသုံးသူအခွင့်အရေးနှင့် တာဝန်များ၊ နစ်နာဆုံးရှုံးမှုများ ရှိပါကတိုင်ကြား နိုင်သည့်နည်းလမ်းများ၊ ကုန်ညွှန်းအမှတ်အသား ဖေါ်ပြခြင်းနှင့် ပတ်သက်၍ ဆွေနွေးဟောပြော ခဲ့ပါသည်။ ဆက်လက်၍ မြို့နယ်ပြန်ကြားရေးနှင့် ပြည်သူ ဆက်ဆံရေးဦးစီးဌာန  ဦးစီးအရာရှိ ဒေါ်ခင်သူဇာဝင်းက လူငယ်ရေးရာအသိပညာပေး ခေါင်းစဉ်ဖြင့် ဟောပြောခဲ့ပြီး နံရပ်ကပ်စာဆောင် များဖြင့်လည်းရှင်လင်းပြသခဲ့ရာ ဆရာ/ဆရာမ နှင့် ကျောင်းသား ကျောင်းသူ (၁၀၅)ဦးတက်ရောက်ခဲ့ကြောင်းသိရပါသည်။

DOCA (ပဲခူး)

       စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးနှင့် ဝန်ထမ်းများသည် ၂၀၂၅ ခုနှစ် နိုဝင်ဘာလ ၅ ရက်နေ့ နံနက်(၀၉:၃၀)နာရီခွဲအချိန်တွင် ဟင်္သာတမြို့၊ ဗိုလ်စောမောင်လမ်း၊ ရုံးကြီးရပ်ကွက်ရှိ  “MPT(FTTH)” သို့ ဆက်သွယ်ရေးဝန်ဆောင်မှုလုပ်ငန်းနှင့် စပ်လျဉ်း၍  ဈေးကွက်စောင့်ကြည့် စစ်ဆေးခြင်းကို ဆောင်ရွက်ခဲ့ကြောင်း သိရသည်။

          ထိုသို့စစ်ဆေးခဲ့ရာတွင် ဆက်သွယ်ရေးဝန်ဆောင်မှုလုပ်ငန်းများ၌ အရည်အသွေးပြည့်မီသော အင်တာနက်ဝန်ဆောင်မှုများရရှိစေရန်၊ စားသုံးသူများစိတ်ကျေနပ်မှုရရှိအောင် ဆောင်ရွက်ပေးနိုင်ရန်၊ သတင်းအချက်အလက်များ ပြည့်စုံမှန်ကန်စွာ ကြိုတင်အသိပေးချက်များရှိ/ မရှိ၊ တိုင်ကြားမှုများအား ဖြေရှင်းဆောင်ရွက်ပေးနိုင်ရန်နှင့် စားသုံးသူအခွင့်အရေး ပြည့်ဝစွာရရှိစေရန် ရည်ရွယ်၍ စစ်ဆေးခဲ့ကြောင်း၊ ဆက်သွယ်ရေး ဝန်ဆောင်မှုလုပ်ငန်းတွင် စားသုံးသူအပေါ် အရည်အသွေးပြည့်မီ သောကွန်ယက် ချိတ်ဆက်မှုများ ဆောင်ရွက်ထားလျက်ရှိကြောင်း၊ သက်ဆိုင်ရာဌာန ထောက်ခံချက်များရှိကြောင်း၊ တာဝန်ခံလုပ်ငန်းရှင်နှင့်တွေ့ဆုံ၍ စားသုံးသူကာကွယ်ရေးဥပဒေပါ စီးပွားရေးလုပ် ငန်းရှင်၏တာဝန်များအကြောင်း အသိပညာပေး ဆွေးနွေးခဲ့ပြီး စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA (ဧရာဝတီ)

    ၂၀၂၅ ခုနှစ်၊ နိုဝင်ဘာလ(၈)ရက်နေ့၊ နံနက်(၀၇:၀၀)အချိန်တွင် ကယားပြည်နယ် စားသုံး သူရေးရာဦးစီးဌာနသည် သက်ဆိုင်ရာဌာနများနှင့်ပူးပေါင်း၍ လွိုင်ကော်မြို့ သီရိမင်္ဂလာဈေးရှိ အသား/ငါးရောင်းချနေသည့် အရောင်းဆိုင်များတွင် အသား/ငါးများ သန့်ရှင်းလတ်ဆတ်မှု ရှိ/မရှိ  အလေးချိန်မှန်ကန်မှု ရှိ/မရှိ၊ ဈေးနှုန်းအဆမတန်မြှင့်တင်ရောင်းချမှု ရှိ/မရှိ တို့ကို ကွင်းဆင်း စစ်ဆေးဆောင်ရွက်ခဲ့ပါကြောင်း သိရှိရပါသည်။

    ထိုသို့ ဌာနဆိုင်ရာပူးပေါင်းအဖွဲ့ဖြင့် ကွင်းဆင်းစစ်ဆေးဆောင်ရွက်ရာတွင် အသား/ငါး ရောင်းချနေသည့် အရောင်းဆိုင်များတွင် အသားငါးများ သန့်ရှင်းလတ်ဆတ်မှုရှိပါကြောင်း၊ အလေးချိန် မှန်ကန်မှု ရှိ/မရှိနှင့်ပတ်သက်၍ စစ်ဆေးရာတွင် ရောင်းချနေသော အသား/ငါးများ အလေးချိန် မှန်ကန်မှုရှိပါကြောင်းနှင့် အသား/ငါးများ ဈေးနှုန်းအဆမတန်မြှင့်တင်ရောင်းချမှု ရှိ/မရှိနှင့် ပတ်သက်၍စစ်ဆေးရာတွင် ကြက်သား(အမာ) တစ်ပိဿာလျှင် ၂၄၀၀၀/-ကျပ်၊ ကြက်သား (အပျော့) တစ်ပိဿာလျှင် ၂၄၀၀၀/-ကျပ်၊ ကြက်သား(ဒေသ)တစ်ပိဿာလျှင် ၃၅၀၀၀/-ကျပ်၊ ဝက်သား တစ်ပိဿာလျှင် ၃၅၀၀၀/-ကျပ်၊ အမဲသားတစ်ပိဿာလျှင် ၃၅၀၀၀/-ကျပ်၊ ဆိတ်သား တစ်ပိဿာလျှင် ၅၀၀၀၀/-ကျပ်၊ ငါးမြစ်ချင်း တစ်ပိဿာလျှင် ၂၂၀၀၀/-ကျပ်၊ ငါးကြင်း(ဖြူ) တစ်ပိဿာလျှင် ၃၂၀၀၀/-ကျပ်၊ ငါးရံ့တစ်ပိဿာလျှင် ၂၈၀၀၀/-ကျပ်၊ ငါးခူတစ်ပိဿာလျှင် ၂၀၀၀၀/-ကျပ် တို့ဖြင့် အရောင်းအဝယ်ဖြစ်လျက်ရှိပါကြောင်းသိရှိရပါသည်။

    အသား/ငါးဈေးနှုန်းများသည် ယခင်အပတ်ဈေးနှုန်းများနှင့်နှိုင်းယှဉ်ကြည့်လျှင် ဈေးနှုန်း တည်ငြိမ်လျက်ရှိပြီး ဌာနဆိုင်ရာပူးပေါင်းအဖွဲ့ဖြင့် ကွင်းဆင်းစစ်ဆေးခြင်းဖြင့် အများပြည်သူ အတွက် အလေးချိန်မှန်ကန်စွာဖြင့် သန့်ရှင်းလတ်ဆတ်သော အသား/ငါးများ ဝယ်ယူစားသုံး နိုင်ခြင်းနှင့် ဖြစ်သင့်ဖြစ်ထိုက်သည့်ဈေးနှုန်းထက် အဆမတန်ဈေးနှုန်းမြှင့်တင်ရောင်းချခြင်း မဖြစ်ပေါ်စေရန်တားဆီးနိုင်ခြင်းစသည့် အကျိုးကျေးဇူးများရရှိနိုင်မည်ဖြစ်ကြောင်း သုံးသပ်မိပါ သည်။

DOCA(ကယား)

  စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၅.၁၁.၂၀၂၅)ရက်နေ့၊ နံနက် (၀၈:၃၀) နာရီအချိန်တွင် အင်္ဂပူမြို့မစည်ပင်ဈေးအတွင်းရှိ ကုန်မျိုးစုံဆိုင်များတွင် ရောင်းချသော ဗူးသွပ်ဆီများအား ထုတ်ကုန်လုံခြုံစိတ်ချရမှုရှိစေရေး ဈေးကွက်စောင့် ကြည့်စစ်ဆေးခြင်းကို ဆောင်ရွက်ခဲ့ကြောင်း သိရသည်။

          ထိုသို့ကွင်းဆင်းစစ်ဆေးခဲ့ရာတွင် မြို့နယ်တာဝန်ခံ ဦးဘိုဘိုက  စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ဗူးသွပ်ဆီများတွင် FDA ထောက်ခံချက်ပါရှိသည့်အပြင် ကုန်အညွှန်းအမှတ်အသားပြည့်စုံစွာ ဖော်ပြထားကြောင်း စိစစ်တွေ့ရှိခဲ့ပြီး၊   မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက် အမှတ်(၂/၂၀၁၉)နှင့်အညီ မြန်မာဘာသာဖြင့်ပြည်စုံစွာ ဖော်ပြထားသော ကုန်စည်များကိုသာ ရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် သတ်မှတ်အရည်အသွေး ပြည့်မီသောကုန်စည်များကိုသာ ရောင်းချရန်၊ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များနှင့် စသည်တို့ကို အသိပညာပေးပြောကြားခဲ့ပြီး၊ ကုန်မျိုးစုံဆိုင်(၅)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA (ဧရာဝတီ)