သတင်းနှင့် လှုပ်ရှားမှုများ

      စားသုံးသူရေးရာဦးစီးဌာန၊ ဇလွန်မြို့နယ်တာဝန်ခံသည် (၁၂.၅.၂၀၂၄)ရက်နေ့ နံနက်(၀၉:၀၀) အချိန်တွင် ဇလွန်မြို့၊ အဒါးလမ်း၊ လမ်းမတော်မြောက်ရပ်ကွက်ရှိ မြို့နယ်စားသုံးသူရေးရာဦးစီးဌာနရုံး၊ အစည်းအဝေးခန်းမတွင် စားအုန်းဆီ လက္ကားကိုယ်စားလှယ်များနှင့် လက်လီအရောင်းဆိုင်လုပ်ငန်းရှင် (၃၀)ဦးအား စားအုန်းဆီများဖြန့်ဖြူးရောင်းချရာတွင် စနစ်တကျခွဲဝေပေးနိုင်ရေး  အသိပညာပေး ဟော ပြောခြင်းများကို ဆောင်ရွက်ခဲ့ပါသည်။

      ဟောပြောပွဲတွင် မြို့နယ်တာဝန်ခံ ဦးသန့်ဇင်ဦးက  စားသုံးသူရေးရာဦးစီးဌာန၏ လက်ရှိဆောင်ရွက်နေသော စားသုံးသူကာကွယ်ရေးဆိုင်ရာလုပ်ငန်းတာဝန်များအကြောင်း၊ ခွဲတမ်းရစားအုန်းဆီ လက် လီ/လက္ကားအရောင်းဆိုင်လုပ်ငန်းရှင်များအနေဖြင့် စားသုံးသူပြည်သူများသို့ စားအုန်းဆီဖြန့်ဖြူးရောင်း ချရာတွင် သတ်မှတ်ကာလအတွင်း၊ သတ်မှတ်ပမာဏကို သတ်မှတ်ဈေးနှုန်းဖြင့် အရည်အသွေး၊ အလေးချိန်မှန်ကန်စွာဖြင့် အချိန်မှီရောင်းချပေးနိုင်ရေး၊ ဈေးကွက်အတွင်းစားအုန်းဆီပြတ်လပ်မှုမရှိစေရေးနှင့် စားသုံးသူတို့ အလွယ်တကူ ဝယ်ယူရရှိ နိုင်ရေးဆွေးနွေးပြောကြားခဲ့ပြီး၊ သတ်မှတ်စည်းမျဉ်း စည်းကမ်းများကို လိုက်နာ ဆောင်ရွက်ခြင်း မရှိပါက အရေးကြီးကုန်စည် နှင့်ဝန်ဆောင်မှုဥပဒေအရ အရေးယူဆောင်ရွက်မည်ကိုသိရှိပါကြောင်း ခံဝန်ကတိလက်မှတ်ရေးထိုးရခြင်းကိုရှင်းလင်းဆွေးနွေးခဲ့ပြီး လုပ်ငန်းရှင်မှလည်း ခံဝန်ကတိ လက်မှတ်ရေးထိုးကာ နံနက်(၁၀:၃၀)အချိန်တွင် ဟောပြောပွဲကို ရုပ်သိမ်းခဲ့ကြောင်း သိရှိရပါသည်။ 

DOCA(ဧရာဝတီ)

     စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၁၂.၅.၂၀၂၅)ရက်နေ့၊ နံနက် (၁၁:၃၀)နာရီအချိန်တွင် လေးမျက်နှာမြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ဌာနဆိုင်ရာဝန်ထမ်းများအား စားသုံးသူကာကွယ်ရေးဆိုင်ရာ အသိပညာပေးဟောပြောခြင်းကို ဆောင် ရွက်ခဲ့ပါသည်။

   အဆိုပါ‌ဟောပြောပွဲတွင် မြို့နယ်တာဝန်ခံ ဦးအောင်သန်းဌေးက စားသုံးသူကာကွယ်ရေးဆိုင်ရာ လုပ်ငန်းများနှင့်ပါတ်သတ်၍ စားသုံးသူကာကွယ်ရေးဥပဒေ  စတင်ဖြစ်ပေါ်လာပုံ၊ စားသုံးသူများ၊စီးပွားရေး လုပ်ငန်းရှင်များ၏ ရရှိနိုင်သောအခွင့်အရေးများကို အကျယ်တဝင့် ရှင်းလင်းပြောကြားခဲ့ပါသည်။ ဆက် လက်၍ အစားအသောက်များနှင့်လူသုံးကုန်ပစ္စည်းများတွင် ကုန်အညွှန်း အမှတ်အသားဖော်ပြထားခြင်း မရှိပါက သတိထား၍ ဝယ်ယူသုံးစွဲသင့်ကြောင်း၊ ကုန်အညွှန်းအမှတ်အသားပြည့်စုံစွာရိုက်နှိပ်ဖော်ပြ ထားသောပစ္စည်းများကိုသာရွေးချယ်ဝယ်ယူသုံးစွဲသင့်ကြောင်း၊ မိမိတို့ဌာနအနေဖြင့် ဈေးကွက်စောင့် ကြည့်စစ်ဆေးရခြင်း၏ လုပ်ငန်းတာဝန်များ၊ ထို့နောက် စားသုံးသူကာကွယ်ရေးဥပဒေပါ စားသုံးသူ အခွင့်အရေးနှင့်တာဝန်များအကြောင်း စားသုံးသူနစ်နာဆုံးရှုံးမှုများဖြစ်ပေါ်လာပါက တိုင်ကြားနိုင် ကြောင်းကိုလည်းကောင်း၊ စားသုံးသူသတင်းပြန်ကြားရေးနှင့်တိုင်ကြားမှုလက်ခံဆောင်ရွက်ရေးစင်တာ (Consumer Information and Complaint Center) CICC ဖွင့်လှစ်ထားရှိမှု အခြေအနေနှင့် Consumer Call Center 1535 သို့ ဆက်သွယ်မေးမြန်းနိုင်ကြောင်းကိုလည်းကောင်း အသေးစိတ် ပြောကြားခဲ့ပြီး နေ့လည်(၁၃:၀၀) နာရီအချိန်တွင် ဟောပြောပွဲကို ရုပ်သိမ်းခဲ့ပါ သည်။

DOCA(ဧရာဝတီ)

     ဧရာဝတီတိုင်းဒေသကြီး၊ ဖျာပုံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးထွေးသိမ်းနှင့် ဝန်ထမ်း တို့သည် ၂၀၂၅ ခုနှစ်၊ မေလ (၁၀) ရက်နေ့၊ နံနက် (၁၁:၀၀) နာရီအချိန်တွင် ဖျာပုံမြို့နယ် သလိပ်ကလေးကျေးရွာရှိ “ရွှေပြည်မိုး” ဆန်စက်သို့ ထုတ်ကုန်လုံခြုံစိတ်ချရမှု ရှိစေရေးနှင့် MSMEs လုပ်ငန်းများ ဖွံ့ဖြိုးတိုးတက်ရေး ကွင်းဆင်းစစ်ဆေးခဲ့ကြပါသည်။

     ထိုသို့ကွင်းဆင်းစစ်ဆေးရာတွင် ခရိုင်ဦးစီးမှူး ဦးထွေးသိမ်းက ဆန်စပါး ဈေးနှုန်းဈေးကွက် အခြေအနေများ တည်ငြိမ်မှု ရှိ/မရှိ ၊ ထုတ်ကုန်လုံခြုံစိတ်ချရမှုရှိစေရေးနှင့် MSMEs လုပ်ငန်းများ ဖွံ့ဖြိုးတိုးတက်ရေးအတွက် ခေတ်မီ စက်ကိရိယာများ တပ်ဆင်ထားရှိမှု အခြေအနေ၊ ဆန်စက်လည်ပတ် ရာမှ ထွက်ရှိလာသော စွန့်ပစ်ပစ္စည်းများ စနစ်တကျ စွန့်ပစ်ထားရှိမှု အခြေအနေတို့ကို ကွင်းဆင်း စစ်ဆေးခဲ့ကြပြီး ခေတ်မီ စက်ကြီးများနှင့် လည်ပတ်ရခြင်းကြောင့် ထုတ်ကုန်များ ပိုမိုထုတ်လုပ်နိုင်ပြီး အလုပ်သမားမိသားစုဝင်များ၏ စားဝတ်နေရေး အဆင်ပြေနိုင်မည်ဖြစ်ကြောင်း ကွင်းဆင်းစစ်ဆေးခဲ့မှု အပေါ် သတင်းရရှိပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ ဖျာပုံခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးဦးထွေးသိမ်းနှင့် ဝန်ထမ်းတို့သည် ဖျာပုံမြို့နယ် အောက်ကွင်းကျေးရွာရှိ “ရွှေကောင်းစံ” ဆီစက်သို့ MSMEs ဖွံ့ဖြိုးတိုးတက်မှုရှိစေရေးတို့အတွက် ၂၀၂၅ ခုနှစ်၊ မေလ(၁၀) ရက်နေ့ ၊ နံနက်(၁၁:၀၀) နာရီအချိန်တွင်  ကွင်းဆင်းစစ်ဆေးခဲ့ကြပါသည်။

     ခရိုင်ဦးစီးမှူး ဦးထွေးသိမ်းမှ ရွှေကောင်းစံ ဆီစက်ပိုင်ရှင် ဦးမျိုးမင်းထွဋ်အား ဆီထုတ်လုပ်ရာ တွင် ကုန်ကြမ်းဝယ်ယူရရှိရာဒေသ၊  ဆီစက်၏ ကြိတ်ခွဲထုတ်လုပ်မှုနှင့် ထွက်ရှိမှုပိဿာနှုန်း၊ လုပ်သား အင်အားနှုန်းနှင့် ဈေးနှုန်းဈေးကွက်အနေဖြင့် မည်သည့် အရပ်ဒေသတို့ကို ဖြန့်ဖြူးရောင်းချကြောင်း မေးမြန်းခဲ့ရာ ၊ ဦးမျိုးမင်းထွဋ်မှ ဆီထုတ်လုပ်ရာတွင် ကုန်ကြမ်းဖြစ်သော မြေပဲကို ရန်ကုန် ဘုရင့်နောင် ပွဲရုံမှ လိုသလောက် ဝယ်ယူရရှိကြောင်း၊ စက်ကြိတ်စွမ်းအား‌ အနေဖြင့် (၀.၁၆၃) တန်ရှိပြီး ၊ တစ်လ ကြိတ်ခွဲထုတ်လုပ်မှုပျမ်းမျှ ပိဿာ အနေဖြင့် (၂၅၀၀) ခန့် ထွက်ရှိကြောင်း၊ လုပ်သားအင်အား (၅) ဦးခန့် ဖြင့်လည်ပတ်လျက်ရှိကြောင်း၊ ဈေးနှုန်းဈေးကွက် အနေဖြင့် ဖျာပုံမြို့တွင်းနှင့် ဘိုကလေး၊ ကျိုက်လတ်၊ ဒေးဒရဲ မြို့များသို့ ဖြန့်ဖြူးရောင်းချလျက်ရှိကြောင်း ကွင်းဆင်းစစ်ဆေးမှုအရ  သတင်းရရှိပါသည်။

DOCA(ဧရာဝတီ)

     မအူပင်ခရိုင် မြို့နယ်များတွင် လယ်ယာထွက်ကုန်သီးနှံ မိုး၊ ဆောင်းသီးနှံများကို နှစ်စဉ်စိုက်ပျိုး လျှက်ရှိသည်။ မိုးသီးနှံ စိုက်ဧက  ခရိုင်အနေဖြင့် စပါးပေါင်း ၆၁၁၄၀၉ ဧက စိုက်ပျိုးပြီး ဆောင်းသီးနှံစုံအနေဖြင့် ပဲအမျိုးမျိုးနှင့် ဆီထွက်သီးနှံ၊  အခြားသီးနှံစုံ (၂၇) မျိုးကို ၅၇၂၀၄၉ ဧက စိုက်ပျိုးကြောင်း မြို့နယ် မြေစာရင်းများအရသိရသည်။ ပိုက်ဆံလျှော်ကို စိုက်ဧက (၄၄၀၀)ဧက စိုက်ပျိုးပြီး ပန်းတနော်မြို့နယ်အနေဖြင့် စိုက်ဧက (၁၃၅၀) ဧက စိုက်ပျိုးထားကြောင်း သိရသည်။

     သက်ဆိုင်ရာဌာနများ ပူးပေါင်းသောအဖွဲ့ စိုက်ပျိုးရေးဦးစီးဌာန၊ မြေစာရင်းဦးစီးဌာန၊ စားသုံးသူရေး ရာဦးစီးဌာန၊ အထွေထွေအုပ်ချုပ်ရေးဦးစီးဌာန တို့ပါဝင်ကြပြီး ၂၀၂၅ခုနှစ် မေလ ၂ ရက်နေ့ နံနက် (၁၀၀၀)နာရီအချိန်က ပန်းတနော်မြို့နယ်၊ဘဝိုင်းကျေးရွာအုပ်စု၊ကွင်းအမှတ် ၄၆၃၊ ဦးပိုင် ၂၇ ရှိ ဒေါ်ယဥ်ဌေးပါ တောင်သူ ၄ ဦးတို့၏ မြေ ၁၀ ဧက အား ပိုက်ဆံလျှော် (သစ်စိမ်းမြေသြဇာ) ပေးအပ်ထောက်ပံခြင်းနှင့်  ကြဲပက်ခြင်းအသိပညာပေး လှုပ်ရှားဆောင်ရွက်မှုများပြုလုပ်ခဲ့ကြသည်။

      စိုက်ပျိုးသူတောင်သူများကို စားသုံးသူရေးရာဦးစီးဌာန မြို့နယ်တာဝန်ခံ ဦးအောင်ကျော်သက်က ပိုက်ဆံလျှော် သစ်စိမ်းမြေဩဇာပင်များသည် မြေဆီလွှာ၏ အရည်အသွေးကို တိုးတက်စေရုံသာမက ပိုက်ဆံလျှော်ပင်သည် ပေါင်းပင်များပေါ်မှ အုပ်မိုးကြီးထွား လေ့ရှိသဖြင့် ပေါင်းပေါက်ရောက်မှု လျော့ပါးစေခြင်း၊ မြေတွင်းသို့ အခြားသဘာဝမြေဩဇာများ (မြေဆွေး၊ နွားချေး) များ လိုက်လံ ထည့်ပေးရသည်ထက် လုပ်အားခသက်သာခြင်း၊ စိုက်ပျိုးရလွယ်ကူခြင်း၊ ဓာတ်မြေဩဇာသုံးစွဲမှုကို လျော့နည်းစေကာ ကုန်ကျစရိတ်သက်သာစေခြင်း၊ မြေဆီလွှာတိုက်စားမှုမှ ကာကွယ်ပေးခြင်းစသော အကျိုးကျေးဇူးများ ရရှိစေသောကြောင့် တောင်သူများစိုက်ပျိုးသင့်သော သီးနှံဖြစ်ကြောင်း အသိပညာ ပေးပြော ကြားခဲ့ကြောင်း သိရသည်။

DOCA {ဧရာဝတီ)