သတင်းနှင့် လှုပ်ရှားမှုများ

        ပဲခူးတိုင်းဒေသကြီး၊ ပြည်ခရိုင်တွင် ၂၀၂၂-၂၀၂၃ ခုနှစ်တွင် မိုးစပါးစိုက်ဧက (၂၂၆၄၉၆) ဧက စိုက်ပျိုးပြီး ၃၈၇၁၆ ဧက ရိတ်သိမ်းပြီးဖြစ်ပါသည်။ မိုးစပါးအထွက်နှုန်းအနေဖြင့် (၈၀.၇၃) တင်းထွက်ရှိပြီး အထွက်တင်းမှာ ၃၁၂၅၆၃၅ တင်းထွက်ရှိပြီးဖြစ်ပါသည်။ ပြည်မြို့နယ်တွင် မိုးစပါးစိုက်ဧက ၇၄၆၄၂ ဧကတွင် ၄၇၀၅ ဧက ရိတ်သိမ်းပြီး တစ်ဧကအထွက်နှုန်းအနေဖြင့် ၈၃ တင်းကျော်ထွက်ရှိပါသည်။ ပေါက်ခေါင်းမြို့နယ်တွင် ၄၆၇၅၇ ဧက စိုက်ပျိုးထားရှိပြီး ယခုအချိန်အထိ ၂၄၁၄ ဧက ရိတ်သိမ်း၍ တစ်ဧကအထွက်နှုန်းအနေဖြင့် ၈၂ တင်းကျော်ထွက်ရှိပါသည်။ ရွှေတောင်မြို့နယ်တွင် မိုးစပါးစိုက်ဧက ၅၈၁၆၃ ဧကတွင် ၂၁၄၁၇ ဧက ရိတ်သိမ်းပြီး၍ တစ်ဧကလျှင် တင်း ၈၀ ခန့်ထွက်ရှိပါသည်။ ပန်းတောင်းမြို့နယ်တွင် ၄၆၉၃၄ ဧက စိုက်ပျိုး၍ ၁၀၁၈၀ ဧက ရိတ်သိမ်းပြီး တစ်ဧကအထွက်နှုန်းမှာ တင်း ၈၀ ကျော်ထွက်ရှိကြောင်း သိရှိရပါသည်။

       စားသုံးသူရေးရာဦးစီးဌာန၊ ပန်းတောင်းမြို့နယ် တာဝန်ခံနှင့်ဝန်ထမ်းများသည် (၂၂.၁၁.၂၀၂၂) ရက်နေ့ နံနက်ပိုင်းတွင် မိုးစပါးရိတ်သိမ်းနေသော နေရာသို့သွားရောက်၍ ကွင်းဆင်းလေ့လာခဲ့ရာ ပန်းတောင်းမြို့နယ်၊ ဝန်လိုရပ်ကွက်၊ စည်သာကွင်းတွင် မိုးစပါးစိုက်ပျိုးရိတ်သိမ်းသူ ဦးတင့်လွင်မှ မိုးစပါးစိုက်ဧက ၁၂ ဧကရှိပြီး ယခုအချိန်တွင်ရိတ်သိမ်းပြီးဖြစ်ပါသည်။ စိုက်ပျိုးသောစပါးမျိုးများမှာ မှော်ဘီစပါးမျိုးဖြစ်ပြီး တစ်ဧကလျှင် တင်း (၆၀) ခန့်ထွက်ရှိသည်ဟု သိရှိရပါသည်။ တစ်ဧကရိတ်သိမ်းခြွေလှေ့ခအနေဖြင့် (၈) သောင်းကျပ် ပေးချေရသည်ဟု သိရှိရပါသည်။ မိုးစပါးတစ်ဧကလျှင် စိုက်ပျိုးထုတ်လုပ်ကုန်ကျစရိတ်အနေဖြင့် ၂၈၀၀၀၀၀ ကျပ်ကျော်ကုန်ကျ၍ စပါးတင်း (၁၀၀) လျှင် ယခုပေါက်ဈေးမှာ ၁၂၅၀၀၀၀ ကျပ်ရရှိသည်ဟု သိရှိရပါသည်။ ထို့ကြောင့် တစ်ဧကဝင်ငွေမှာ ၇၅၀၀၀၀ ကျပ်ရရှိ၍ တစ်ဧကအကျိုးအမြတ်အနေဖြင့် ၄၇၀၀၀၀ ကျပ်ခန့်ရရှိသည်ဟု သိရှိရပါသည်။

        မိုးစပါးစိုက်ပျိုးသူတောင်သူများအနေဖြင့် စိုက်ပျိုးစရိတ်နှင့်သွင်းအားစုများ ဈေးမြင့်လာသော်လည်း စပါးဈေးများမြင့်တက်လာသဖြင့် တောင်သူများအဖို့ အကျိုးအမြတ်ရရှိသော်လည်း မိုးစပါးမှာ နွေစပါးလောက် အထွက်နှုန်းမများသဖြင့် အကျိုးအမြတ် ရသင့်သလောက် မရသော်ငြားလည်း တောင်သူများအတွက် တွက်ခြေကိုက်သည်ဟု သိရှိရပါသည်။

DOCA(ပဲခူး)

       စားသုံးသူရေးရာဦးစီးဌာန၊ ဖျာပုံခရိုင်ဘိုကလေးမြို့နယ်တာဝန်ခံနှင့် ဝန်ထမ်းတို့သည် ၂၀၂၂ ခုနှစ်၊ နိုဝင်ဘာလ(၂၃)ရက်နေ့၊ နံနက်(၁၀:၀၀)နာရီ အချိန်တွင်(၇)ရပ်ကွက်နေ ပြည်သူ(၁၅)ဦးတို့အား စားသုံးသူကာကွယ်ရေး အသိပညာပေးခြင်းကို ဘိုကလေးမြို့နယ်တာဝန်ခံရုံးတွင် ပြုလုပ်ဆောင်ရွက်ခဲ့ပါသည်။ ထိုဟောပြောပွဲတွင် မြို့နယ်တာဝန်ခံမှ စားသုံးသူကာကွယ်ရေး ဥပဒေအကြောင်းအရာများထဲမှ စားသုံးသူအခွင့်အရေးနှင့်တာဝန်များ၊ ကုန်စည်ဝန်ဆောင်မှုနှင့်စပ်လျဉ်၍ အာမခံပေးထားမှုအပေါ် စားသုံးသူတောင်းဆိုနိုင်သည့်အခွင့်အရေးများ လုပ်ငန်းရှင်များမှမိမိထုတ်လုပ်ဖြန့်ဖြူးသော ကုန်စည်များ၏ တာဝန်ယူမှု၊ အာမခံချက်များအကြောင်း၊ ဈေးကွက်အတွင်းဖြန့်ဖြူးရောင်းချလျက်ရှိသော ကုန်စည်၊ ဝန်ဆောင်မှုများကို မည်သို့ရွေးချယ်ဝယ်ယူရမည်ဖြစ်ကြောင်း၊ ကုန်အညွှန်းအမှတ်အသားများပါဝင်မှု၊ ဖော်ပြထားရှိမှုများနှင့် ပတ်သက်၍ပြောကြားပြီးနောက် တိုင်း/ခရိုင်/မြို့နယ်များတွင် လည်းတိုင်ကြားမှု လက်ခံစင်တာများထားရှိကြောင်း၊ စားသုံးသူများအနေဖြင့် ကုန်စည်နှင့်ဝန်ဆောင်မှုများကို ဝယ်ယူသုံး စွဲခြင်းကြောင့် နစ်နာဆုံးရှုံးမှုတစ်စုံတစ်ရာ ဖြစ်ပေါ်ပါက လူကိုယ်တိုင်ဖြစ်စေ၊ ဖုန်းနှင့်ဖြစ်စေ၊ လူထုမီဒီယာမှတစ်ဆင့်ဖြစ်စေ၊ တိုင်ကြားနိုင်သလို Callcenter 1535 မှလည်းဆက်သွယ် တိုင်ကြားနိုင်ကြောင်း စားသုံးသူကိစ္စရပ်များနှင့် သိလိုသည်များကိုလည်း ဆက်သွယ်မေးမြန်းတိုင်ကြားနိုင်ကြောင်း အသိပညာပေးဟောပြောခဲ့ပါသည်။

DOCA(ဧရာဝတီ)

        စစ်ကိုင်းတိုင်း‌‌ဒသကြီး၊ စားသုံးသူရေးရာဦးစီးဌာန ကလေးခရိုင်ဦးစီးမှူးရုံးအနေဖြင့် (၂၂.၁၁.၂၀၂၂) ရက်နေ့တွင် ခရိုင်အတွင်းရှိ ဖောင်းပြင်မြို့နှင့် တမူးမြို့များတွင် ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။

       ထိုသို့ သွားရောက်စစ်ဆေးရာတွင် ဈေးကွက်အတွင်းရောင်းချနေသည့်ကုန်စည်များတွင် ကုန်ညွှန်းအမှတ်အသားများ ပြည့်စုံစွာဖော်ပြထားခြင်း ရှိ/မရှိနှင့် စားသုံးရန်မသင့်သည့် အစားအသောက်များရောင်းချခြင်း ရှိ/မရှိကို အဓိကထား၍ စည်ပင်သာယာဈေးနှင့် ရပ်ကွက်များသို့ လစဉ် ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိကြောင်း၊ ယခုလအတွင်း ဖောင်းပြင်မြို့တွင် ကျွန်းရွှေဝါရပ်ကွက်အတွင်းရှိ မုန့်မျိုးစုံဆိုင်နှင့် တမူးမြို့တွင် စည်ပင်သာယာဈေးအတွင်းရှိ ကုန်မျိုးစုံဆိုင်များအား စစ်ဆေးခဲ့ကြောင်း သိရှိရပါသည်။

DOCA(စစ်ကိုင်း)

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူး ဦးဇော်လင်းအောင် နှင့် ဝန်ထမ်းများသည် (၂၁.၁၁.၂၀၂၂)ရက်နေ့ နံနက်(၁၀:၀၀)နာရီက အိမ်မဲမြို့နယ် ဦးစီးမှူးရုံးတွင် ဆန်စက်လုပ်ငန်းရှင်များနှင့် တွေ့ဆုံဆွေးနွေးပွဲ ဆောင်ရွက်ခဲ့ပါသည်။

          ထိုသို့တွေ့ဆုံဆွေးနွေးရာတွင် မြောင်းမြခရိုင်ဦးစီးမှူးမှ စားသုံးသူရေးရာဦးစီးဌာန၏ လက်ရှိဆောင်ရွက်နေသော လုပ်ငန်းတာဝန်များ၊ ရှေ့ဆက်လက်ဆောင်ရွက်ရမည့်လုပ်ငန်းတာဝန်များကို ဦးစွာရှင်းလင်းပြောကြားခဲ့ပြီး တက်ရောက်လာကြသော ဆန်စက်လုပ်ငန်းရှင်များအနေဖြင့် လက်ရှိ Gasifier နှင့် စပါးခွံလောင်စာတောင့်စက်ရုံများ တိုးချဲ့တည်ဆောက်ရေးနှင့် ပတ်သက်၍ တိုင်းဒေသကြီးအစိုးရအဖွဲ့မှ လုပ်ငန်းတိုးချဲ့တည်ဆောက်ရေးအတွက် လိုအပ်သည့်ချေးငွေကိစ္စများအား အသေးစိတ်ရှင်းလင်းဆွေးနွေးခဲ့ပြီး လက်ရှိရောင်းဝယ်ကြိတ်ခွဲ၊ ထုတ်လုပ်နေသော ဆန်  စပါး ဈေးနှုန်းဈေးကွက်အခြေအနေများ အချိန်အတွယ်မှန်ကန်မှုရှိစေရေး အလေးထားဆောင်ရွက်ရန် စားသုံးသူများနစ်နာမှုမရှိစေနိုင်ရေး မလိုလားအပ်သော အငြင်းပွားမှုများမဖြစ်ပေါ်စေရေး ဂရုစိုက်ဆောင်ရွက်ကြရန် ဆွေးနွေးမှာကြားခဲ့ပါသည်၊ ဆန်စက်လုပ်ငန်းရှင်များအသင်းမှ တာဝန်ရှိသူများမှ သိရှိလိုသည်များ မေးမြန်းဆွေးနွေးခြင်းအား ခရိုင်ဦးစီးမှူးမှ ပြန်လည်ရှင်းလင်းဆွေးနွေးခဲ့ကြောင်း သိရှိရပါသည်၊ ဆွေးနွေးပွဲသို့ ဆန်စက်လုပ်ငန်းရှင်(၁၂)ဦး တက်ရောက်ခဲ့ပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ဟင်္သာတခရိုင်၊ ဇလွန်မြို့နယ်မှ ဝန်ထမ်းများသည်(၂၁.၁၁.၂၀၂၂)ရက်နေ့ နံနက် (၁၀:၀၀)နာရီ အချိန်တွင် မြို့မဈေးအတွင်းရှိ စတိုးဆိုင်နှင့် ကုန်မျိုးစုံဆိုင် များအား မြို့နယ် စည် ပင်သာယာဦးစီးဌာနနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်းများ ကွင်းဆင်းဆောင်ရွက်ခဲ့ပါ သည်။

        ထိုသို့ကွင်းဆင်းစစ်ဆေးခဲ့ရာတွင် ဈေးကွက်အတွင်းရောင်းချနေသော ကုန်စည်များအား ဝယ်ယူ စားသုံးသူမိဘပြည်သူများ အန္တရာယ်မဖြစ်စေရန်နှင့် ကုန်စည်ပေါ်တွင် ကုန်အညွှန်းအမှတ်အသားများ ပြည့်စုံမှုရှိ/မရှိ၊ တားမြစ်ကုန်စည်များ တင်သွင်းရောင်းချမှုရှိ/မရှိတို့ကို စစ်ဆေးခဲ့ပြီး၊ ဆိုင်ပိုင်ရှင်များ လိုက်နာရမည့်အချက်များ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအကြောင်းနှင့် တရားဝင်တင်သွင်းလာသည့် ကုန်ပစ္စည်းများကိုသာရောင်းချရန် အသိပညာပေးဆွေးနွေးခဲ့ပြီး၊ ကုန်မျိုးစုံဆိုင်(၅)ဆိုင်အား စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)