သတင်းနှင့် လှုပ်ရှားမှုများ

    စားသုံးသူရေးရာဦးစီးဌာန မအူပင်၊ ခရိုင်ဦးစီးမှူးရုံး၊ ညောင်တုန်းမြို့နယ်ဦးစီးမှူးရုံးမှ တာဝန်ရှိသူများသည်  မြို့နယ်စီမံအုပ်ချုပ်ရေးအဖွဲ့၊ အစည်းအဝေးခန်းမတွင် မိတ်ဖက်ဌာနမှ တာဝန်ရှိသူများနှင့် အတူ ဓါတ်မြေဩဇာ ရောင်းချသူ လုပ်ငန်းရှင်(၃၀)ဦးအား ဖိတ်ကြား၍ စားသုံးသူကာကွယ်ရေး အသိပညာပေး ဟောပြောဆွေးနွေးပွဲကို  ကျင်းပပြုလုပ်ခဲ့ပါသည်။

    အဆိုပါဟောပြောမှုတွင် ညောင်တုန်းမြို့နယ်ဦးစီးမှူးဦးအောင်လွင်က ညောင်တုန်းမြို့နယ် ဓါတ်မြေဩဇာရောင်းချသူလုပ်ငန်းရှင်များကို အသိပညာပေးဟောပြောရာ မိမိတို့နိုင်ငံသည် အခြေခံရှိပြီးသော စိုက်ပျိုးမွေးမြူရေး လုပ်ငန်းကို ခေတ်မီနည်းပညာများ အသုံးပြုပြီး စိုက်ပျိုးရေးကဏ္ဍ ဖွံ့ဖြိုးတိုးတက်ရေးအတွက် အရေးပါသည့်သွင်းအားစုတစ်ခုဖြစ်သော ဓါတ်မြေဩဇာများ ဖူလုံစွာသုံးစွဲနိုင် ရေးအတွက် သက်သာသောနှုန်းထားဖြစ်စေရေးကို အစိုးရနှင့်ပုဂ္ဂလိက လက်တွဲပူးပေါင်းဆောင်ရွက်ရန် လိုအပ်ကြောင်း၊ ဒေသအလိုက် မြေဆီအရည်အသွေးများကို စနစ်တကျ စစ်ဆေးဖော်ထုတ်ပြီး မြေဆီလွှာဖွံ့ဖြိုးရေးဆောင်ရွက်ရန်၊ သီးနှံနှင့် ဒေသရေမြေ လိုအပ်ချက်များနှင့် ညီညွတ်မျှတသော သွင်းအားစုအသုံးပြုမှုဖြစ်စေရန် တောင်သူပညာပေး လုပ်ငန်းများအပြင် လက်လီလက္ကား ရောင်းချသူများအတွက် အသိပညာပေးလုပ်ငန်းများကိုလည်း ဆောင်ရွက် ပေးရန်လို အပ်သည့်အတွက် ဓါတ်မြေဩဇာ ရောင်ချသည့် လုပ်ငန်းရှင်များအနေဖြင့် ဓာတ်မြေဩဇာ ဈေးနှုန်းများကို သတ်မှတ်ဈေးနှုန်းဖြင့် ရောင်းချရန် ကုမ္ပဏီများကို ညွှန်ကြားထားပြီး ရောင်းချခြင်းမရှိပါက တိုင်ကြားနိုင်ကြောင်း မြန်မာနိုင်ငံမြေဩဇာ၊ မျိုးစေ့နှင့် စိုက်ပျိုးရေးဆေးလုပ်ငန်းရှင်များအသင်း (MFSPEA) မှ အသိပေးထုတ်ပြန်ထားသည်။ စားသုံးသူကာကွယ်ရေးဥပဒေ (၂၀၁၉)အရ ကုန်စည်အမျိုးအစားအလိုက် ကုန်အညွှန်းအမှတ်အသား ဖော်ပြပါဝင်သော ကုန်စည်ကို လုပ်ငန်းရှင်များက ရောင်းချရန်လိုအပ်ကြောင်း၊ သက်ဆိုင်ရာဌာနတို့၏ ခွင့်ပြုချက်၊ ထောက်ခံချက်မပါရှိသော တရားမဝင် ကုန်စည်များကို ရောင်းချနေကြောင်း စစ်ဆေးတွေ့ရှိပါက လုပ်ငန်းရှင်တို့ တားမြစ်ချက်များကို ဖောက်ဖျက်ကျူးလွန်သဖြင့် ထိရောက်စွာအရေးယူဆောင်ရွက်ခံရမည်ဖြစ်ကြောင်းကို အသိပေးပြောကြားပြီး တက်ရောက်လာသူလုပ်ငန်းရှင်များက သိလိုသည်များမေးမြန်းကြကာ ပြန်လည်ဖြေကြားဆွေးနွေးပေးခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူး ဦးအောင်လွင်နှင့် ဝန်ထမ်းများသည် ညောင်တုန်း ရွှေမြင့်မိုရ် ဆန်စက်သို့သွားရောက်၍ ၉.၇.၂၀၂၄ ရက်နေ့၊ နံနက်(၁၀:၀၀)အချိန်တွင် ဆန်စက်လုပ်ငန်း ဖွံ့ဖြိုးတိုးတက်ရေးနှင့် ထုတ်ကုန်လုံခြုံစိတ်ချရမှုရှိစေရေး ကွင်းဆင်းဆောင်ရွက်ခဲ့ကြပါသည်။

     ကွင်းဆင်းစစ်ဆေးရာတွင် စားသုံးသူများ အသုံးပြုသည့် ဈေးကွက်မရောက်မီ ကုန်စည်နှင့် ဝန်ဆောင်မှုများ ဘေးအန္တရာယ်ကင်းရှင်းစေရမည်ဟု မျှော်မှန်းပြီး ယခုညောင်တုန်းမြို့နယ်၊ အရွဲကျေးရွာရှိ ရွှေမြင့်မိုရ် ဆန်စက်တွင် စပါးဝယ်ယူကြိတ်ခွဲမှုအခြေအနေနှင့် ကုန်သည်များမှ စပါးလာရောက်ကြိတ်ခွဲမှု လုပ်ငန်းအခြေအနေများ၊ စက်မှကြိတ်ခွဲထွက်ရှိလာသော ဆန်များကို ရန်ကုန်ဘုရင့်နောင် ဆန်ဈေးကွက်သို့ တင်ပို့နိုင်မှုအခြေအနေများကို မေးမြန်းခဲ့ပြီး၊ ဆန်များကိုရောင်းချရာတွင့် ပစ္စည်းမှန်၊ ဈေးနှုန်းမှန်၊ အလေးချိန်မှန်၊ အရည်အသွေးမှန်၊ အရောင်းအဝယ်မှန်စွာ ဖြန့်ဖြူးရောင်းချရန်၊ မိမိစက်မှ အမှတ်တံဆိပ်ဖြင့် ထုတ်ပိုးရောင်းချသော ဆန်အိတ်များရှိပါက ဆန်အိတ်များတွင် ဖော်ပြထားရှိသော မြန်မာဘာသာ ကုန်အညွှန်းအမှတ်အသားမဖြစ်မနေဖော်ပြပါဝင်ရမည့် အချက်အလက်များအကြောင်းကို ဆွေးနွေးခဲ့ကြပြီး ဆန်စက်လည်ပတ်မှု ဆန်စက်အဆင့်မြှင့်တင်ရေးနှင့် ဆန်စက်တွင် Gasifire သုံးစနစ်အခြေအနေများ၊ ဆန်စက်မှ ဆန်စီးဝင်/ စီးထွက်မှုများကို အသေးစိတ်မှတ်တမ်းစာရင်းပြုစုထားရန်၊ အရွဲကျေးရွာရှိ ရွှေမြင့်မိုရ်ဆန်စက်သိုလှောင်ရုံ မှတ်ပုံတင်ပြီးကြောင်း စစ်ဆေးတွေ့ရှိရပြီး ဆန်စက်လုပ်ငန်းရှင်ကို အသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန ခရိုင်ဦးစီးမှူးရုံး၊ ညောင်တုန်းမြို့နယ်ဦးစီးမှူးရုံးမှ တာဝန်ရှိသူများသည်  မြို့နယ်စိုက်ပျိုးရေးဦးစီးဌာန၊ အစည်းအဝေးခန်းမတွင် မိတ်ဖက်ဌာနမှ တာဝန်ရှိသူများနှင့် အတူ စားသုံးဆီ ရောင်းချသူ လုပ်ငန်းရှင်(၂၀)ဦးအား စီးပွားရေးလုပ်ငန်းရှင်၏ တာဝန်နှင့် စားသုံးသူအခွင့်အရေး  အသိပညာပေး ဟောပြောဆွေးနွေးပွဲကို  ကျင်းပပြုလုပ်ခဲ့ပါသည်။

    အဆိုပါဟောပြောမှုတွင် ညောင်တုန်းမြို့နယ်ဦးစီးမှူးဦးအောင်လွင်က ဆန်လက်လီ/ လက်ကားရောင်းချသော ညောင်တုန်းဆန်ဆိုင်လုပ်ငန်းရှင်များကို ဟောပြောဆွေးနွေးရာ စားသုံးသူပြည်သူများ သက်သာသောနှုန်းထားဖြင့် စားအုန်းဆီများအား ဝယ်ယူသုံးစွဲနိုင်ရန်အတွက် နိုင်ငံတော်မှ ဆီတင်သွင်းသို‌လှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီ ဖွဲ့စည်း၍ သတ်မှတ်ရည်ညွှန်းဈေး ထုတ်ပြန်၍ သက်ဆိုင်ရာတိုင်းဒေသကြီး၊ ပြည်နယ်အလိုက် စားသုံးဆီတင်ပို့ ရောင်းချသောလုပ်ငန်းရှင် ကိုယ်စားလှယ်များမှတဆင့် ရောင်းချပေးခဲ့ပါကြောင်း၊ စားသုံးသူရေးရာဦးစီးဌာနအနေဖြင့်လည်း သက်ဆိုင်ရာ မိတ်ဖက်ဌာနများနှင့်ပူးပေါင်း၍ ဈေးကွက်၏စောင့်ကြည့် စစ်ဆေးခြင်းများ ဆောင်ရွက်လျက်ရှိပါကြောင်း၊ စားအုန်းဆီလက်လီလက်ကား ရောင်းချသူများအနေဖြင့် အပတ်စဉ်ထုတ်ပြန်ပေးသည့် လက်ကားရည်ညွှန်းဈေးအပေါ် ဒေသအလိုက် သယ်ယူပို့ဆောင်ခ ကုန်ကျစရိတ်များ ထပ်ပေါင်း၍ ၂ ရာခိုင်နှုန်း အမြတ်ထက်မပိုသော ဈေးနှုန်းဖြင့်ရောင်းချသွားရန်၊ ဈေးကွက်အတွင်း ဈေးနှုန်းမြှင့်တင် ရောင်းချခြင်း၊ ဈေးနှုန်းမြှင့်တင်ဖြန့်ဖြူးခြင်း(သို့မဟုတ်) ဈေးကစားရန်ရည်ရွယ်ချက်ဖြင့် သိုလှောင်ခြင်းများ ဆောင်ရွက်နေသည်ကို စိစစ်တွေ့ရှိရပါက အရေးကြီးကုန်စည်နှင့် ဝန်ဆောင်မှုဥပဒေအရ တိုင်းဒေသကြီးအစိုးရအဖွဲ့ထံလမ်းညွှန်မှုခံယူပြီး ဆောင်ရွက်သွားရန် လမ်းညွှန်မှုရှိပါသဖြင့် မှန်မှန်ကန်ကန် အရောင်းအဝယ်ပြုလုပ်ကြရန်နှင့် စားသုံးသူကာကွယ်ရေးဥပဒေအရ လုပ်ငန်းရှင်လိုက်နာဆောင်ရွက်ရန် အချက်များကို ရှင်းလင်းဆွေးနွေးခဲ့ပါသည်။အဆိုပါဟောပြော ဆွေးနွေးပွဲသို့ လုပ်ငန်းရှင် (၂၀)ဦး တက်ရောက်ခဲ့ကြောင်း သိရပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ သာယာဝတီခရိုင်ရှိ ဝန်ထမ်းများသည် (၉.၇.၂၀၂၄)ရက်နေ့ နံနက်(၁၀:၃၀)နာရီအချိန်တွင် မင်းလှမြို့ ဇီးကုန်းလေးရပ်ကွက်တွင် ရပ်ကွက်နေပြည်သူများ သိသင့်သိထိုက်သည့် ဗဟုသုတများ သိရှိနိုင်စေရန်ရည်ရွယ်၍ စားသုံးသူကာကွယ်ရေးဆိုင်ရာ အသိပညာပေးဟောပြောပွဲကို ကျင်းပပြုလုပ်ခဲ့ကြောင်းသိရှိရပါသည်။

    အဆိုပါဟောပြောပွဲတွင် ဒေါ်ဇင်မာထွေး(ဒု-ဦးစီးမှူး)မှ စားသုံးသူအခွင့်အရေးများနှင့် တာဝန်များ၊ စားသုံးသူများကုန်စည်နှင့်ဝန်ဆောင်မှုများအား ဝယ်ယူသုံးစွဲရာတွင် ထိခိုက်နစ်နာဆုံးရှုံးမှုမရှိစေရေးအတွက် ဦးစီးဌာနမှ ဆောင်ရွက်နေမှုများ၊ ကုန်စည်များဝယ်ယူရာတွင် ကုန်အညွှန်းအမှတ်အသားများ ပြည့်စုံစွာဖော်ပြထားသော ကုန်စည်များကိုသာဝယ်ယူသုံးစွဲရန် အရေးကြီးပုံများ၊ စားသုံးသူကာကွယ်ရေးဥပဒေပါ အခန်း(၁၈) ပုဒ်မ(၄၁)ပါ ကုန်အညွှန်း အမှတ်အသားများတွင် ကုန်စည်အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှု၊ အညွှန်း၊ သုံးစွဲပုံနည်းလမ်းများ၊ ကျန်းမာရေးဆိုင်ရာ ဘေးထွက်ဆိုးကျိုး (သို့မဟုတ်) ဓါတ်မတည့်ကြောင်းဖော်ပြချက်နှင့် ကြိုတင်အသိပေးချက်၊ ထုတ်လုပ်ရက်စွဲ၊ ကုန်ဆုံးရက်စွဲ စသည်တို့ကို ဦးစွာစစ်ဆေးဖတ်ရှု၍ ဝယ်ယူသုံးစွဲသင့်ပါကြောင်း အကျယ်တဝင့်ပြောကြားပြီး စားသုံးသူများနစ်နာဆုံးရှုံးမှုများဖြစ်ပေါ်လာပါက တိုင်ကြားနိုင်မည့်နည်းလမ်းများအား ရှင်းလင်းဆွေးနွေးကာ အသိပညာပေးဟောပြောခဲ့ကြောင်းသိရှိရပါသည်။

     ဟောပြောပွဲတွင် ဆရာ/ဆရာမများ(၁၉)ဦးနှင့် ကျောင်းသား/ ကျောင်းသူ(၃၀၉)ဦး  တက်ရောက်ကြောင်းနှင့် အဆိုပါဟောပြောပွဲအားနံနက်(၁၁:၄၅)နာရီအချိန်တွင် ပြီးမြောက်ခဲ့ကြောင်း သိရှိရပါသည်။

DOCA(ပဲခူး)

     စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ  ခရိုင်ဦးစီးမှူး ဦးမောင်မောင်ခိုင်သည်          ၁၁.၇.၂၀၂၄ ရက်နေ့တွင် ဗန်းမော်မြို့၊ မင်းကုန်းရပ်ကွက် ရှိဦးဂျော်နီ ကုန်စုံဆိုင်သို့သွားရောက်၍ စားသုံးသူများဘေးအန္တယ်ကင်းရှင်းပြီး ထုတ်ကုန်လုံခြုံ စိတ်ချရမှုရှိစေရေး၊ ဘေးအန္တရာယ်ရှိသော ကုန်စည်များ ဈေးကွက်အတွင်း ပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်း အမှတ်အသား ဖော်ပြခြင်းနှင့်ပတ်သက်၍ ကိုက်ညီမှုရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးရာတွင် အသင့်စားမုန့်အမျိုးမျိုးအုပ်စုတွင် ပါဝင်သည့်  ရွှေကျီး(မုန့်မျိုးစုံ)တွင် ညွှန်ကြားချက်အမှတ် (၂/၂၀၁၉)အရ ကုန်စည်ပေါ်တွင် မြန်မာဘာသာဖြင့် ဖော်ပြရမည့် အမျိုးအမည်၊ အရွယ်အစား၊ အရေအတွက်အသားတင်ပမာဏ၊ ထားသိုသိမ်းဆည်းမှု အညွှန်းနှင့်ဓာတ်မတည့်ကြောင်းဖော်ပြချက်တို့ပြည့်စုံစွာ ဖော်ပြထားကြောင်းစစ်ဆေးတွေ့ရှိရပြီး ကုန်စုံဆိုင်ပိုင်ရှင်အား စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏လိုက်နာရမည့် တာဝန်များ၊ ကုန်အညွှန်းအမှတ်အသား ပြည့်စုံမှန်ကန်မှုရှိသော ကုန်စည်များကိုသာ ဈေးကွက်အတွင်း ရောင်းချကြရန် အသိပညာပေးဟောပြောခဲ့ပါသည်။

DOCA(ကချင်)