သတင်းနှင့် လှုပ်ရှားမှုများ

         ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြန်အောင်ခရိုင်၊  မြန်အောင်မြို့နယ် တာဝန်ခံသည် (၁၅.၈.၂၀၂၂) ရက်နေ့ နံနက်(၁၀:၀၀) နာရီအချိန်တွင် အမှတ်(၅)ရပ်ကွက်၊ ပြန်ကြားရေးနှင့် ပြည်သူ့ဆက်ဆံရေးရုံး၌ ကယေကယာနှင့် ပေါက်ပေါက်ဆုပ်လုပ်ငန်းရှင် (၂၀) ဦးအား စားသုံးသူကာကွယ်ရေး အသိပညာပေးဟော ပြောခြင်းကိုဆောင်ရွက်ခဲ့သည်။

          ဟောပြောပွဲတွင် စားသုံးသူ ကာကွယ်ရေးဥပဒေကို ၂၀၁၉ခုနှစ် မတ်လ(၁၅)ရက်နေ့တွင် အခန်း(၂၅)ခန်း၊ ပုဒ်မ(၈၄)ခုဖြင့် ပြဌာန်းခဲ့ကြောင်း၊ ဥပဒေတွင်ပါရှိသော အခန်း(၉)ပါ စားသုံးသူအခွင့် အရေးနှင့်တာဝန်များ၊ အခန်း(၁၀)ပါ စီးပွားရေးလုပ်ငန်းရှင်၏ တာဝန်များအကြောင်း၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းအကြောင်း၊ ပြစ်မှုနှင့် ပြစ်ဒဏ်များအကြောင်းနှင့် စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ(Consumer Informatio and Complaint Center) CICC ဖွင့်လှစ်ထားရှိမှု အခြေအနေကို လည်ကောင်း၊ စားသုံးသူရေးရာဦးစီးဌာန၏ လုပ်ငန်း ဆောင်ရွက်ချက်များအကြောင်း သိရှိလိုပါက www.doca.gov.mm Website တွင် ဝင်ရောက်လေ့လာနိုင်ကြောင်း စသည်တို့ကို အသိပညာပေးဟောပြောခဲ့ပြီး၊ တက်ရောက်သူများမှလည်း သိလိုသည်များကို မေးမြန်း၍ စားသုံးသူကာကွယ်ရေး ဥပဒေစာအုပ်နှင့် လက်ကမ်းစာစောင်များ ပေးဝေခဲ့ကြကြောင်း သိရှိရပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊စားသုံးသူရေးရာဦးစီးဌာနမှ ဝန်ထမ်းများသည် မြန်အောင်ခရိုင်၊ မြန်အောင်မြို့၊ မြို့ပေါ်ရပ်ကွက်ရှိ စက်သုံးဆီအရောင်းဆိုင်များသို့(၁၄.၈.၂၀၂၂)ရက်နေ့ နံနက်(၁၁:၃၀)နာရီအချိန်တွင် ခရိုင်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ရဲတပ်ဖွဲ့နှင့် စားသုံးသူရေးရာဦးစီးဌာနတို့ပူးပေါင်း၍ မြို့ပေါ်ရှိ  စက်သုံးဆီအရောင်းဆိုင်များသို့ ဈေးကွက်စောင့်ကြည့် စစ်ဆေးခြင်းများဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် စက်သုံးဆီဆိုင်များသို့ နေ့စဉ်ဆီဝင်ရောက်မှုအခြေအနေများ၊ သတ်မှတ်ရည်ညွှန်းဈေးအတိုင်းရောင်းချမှုရှိ/မရှိ၊ အလေးချိန်အခြင်အတွယ် ပြည်မှီခြင်းရှိ/မရှိခြင်းတို့ကို ရှောင်တခင်ဝင်ရောက်စစ်ဆေးခဲ့ပြီး စီးပွားရေးလုပ်ငန်းရှင်များအနေဖြင့် ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် စားသုံးသူဥပဒေပါ စီးပွားရေးလုပ်ငန်းရှင်၏ တာဝန်များအကြောင်း အသိပညာပေးဆွေးနွေးခဲ့၍၊ စစ်ဆေးခဲ့သော စက်သုံးဆီဆိုင်(၄)ဆိုင်မှာ သတ်မှတ်ရည်ညွှန်းဈေးအတိုင်း ရောင်းချနေသည်ကို စစ်ဆေးတွေ့ရှိခဲ့ကြောင်းသိရှိရပါသည်။

DOCA(ဧရာဝတီ)

          မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ ချောင်းဆုံမြို့နယ် တာဝန်ခံဦးပြည့်ဖြိုးဝေဦးစီး၍  ဝန်ထမ်းများသည် ပညာရေးဝန်ကြီးဌာန၊ ချောင်းဆုံမြို့နယ်၊ ပညာရေးမှူးတို့၏ချိတ်ဆက်ဆောင်ရွက်မှုဖြင့်  ၂၀၂၂ခုနှစ်၊ ဩဂုတ် ၁၂ရက်နေ့၊ နံနက်(၁၁:၀၀)နာရီ အချိန်တွင် ချောင်းဆုံမြို့နယ်၊ အခြေခံပညာအထက်တန်းကျောင်း(သက္ကော)၌ စားသုံးသူကာကွယ်ရေး အသိပညာပေးဟောပြောပွဲကျင်းပကြောင်း သိရပါသည်။

          အဆိုပါဟောပြောပွဲ၌ ကျောင်းအုပ်ဆရာမကြီး ဒေါ်သန်းသန်းဌေးက အဖွင့်အမှာစကားပြောကြားခြင်း၊ မွန်ပြည်နယ်ဦးစီးမှူးရုံးမှ၊ ဦးစီးမှူး ဒေါ်မိုးမိုးက စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များနှင့် လုပ်ငန်း ဆောင်ရွက်ချက်တို့အား ပြောကြားခြင်း၊ ဒုတိယဦးစီးမှူး ဒေါ်ခင်ကြည်က စားသုံးသူကာကွယ်ရေးဥပဒေ၊ ကမ္ဘာ့စားသုံးသူအခွင့် အရေးများနေ့အကြောင်း၊ စားသုံးသူနှင့်စားသုံးသူအခွင့်အရေး(၈)ချက်၊ တာဝန်(၄) ချက်၊ စားသုံးသူ နစ်နာလျင် တိုင်ကြားနိုင်သည့်နေရာနှင့် တိုင်ကြားနိုင်သူများ၊ ကုန်စည်ပေါ်မှာ ကုန်အညွှန်း အမှတ်အသားပြည်စုံမှစားသုံးသူများစိတ်ချယုံကြည်စားသုံးကြ၊ ကုန်အညွှန်း အမှတ်သား ဖော်ပြချက်ကိုစားသုံးသူက သေချာဖတ်ရှု့ပြီးမှ ရွေးချယ်ဝယ်ယူ စားသောက်ကြရန် စသည့်တို့ကို ဟောပြောဆွေးနွေးခဲ့ပြီး ကျောင်းသား/သူများနှင့် မေးမြန်းခြင်း ပြန်လည်ဖြေဆိုခြင်းဆောင်ရွက်ခဲ့ပါသည်။ ထို့နောက် ဟောပြောပွဲ တက်ရောက်သူ ဆရာမများ၊ ကျောင်းသား/သူ(၁၀၀)ဦးကို  စားသုံးသူကာကွယ်ရေးအသိပညာပေး လက်ကမ်းစာစောင် ဖြန့်ဝေပေးခဲ့ကြောင်း သတင်းရရှိပါသည်။

DOCA(မွန်)

(ညြလု                                                                                                                                      

           ၁၁-၈-၂၀၂၂ ရက်နေ့ နံနက်(၁၀:၀၀)အချိန်တွင် ဂွမြို့နယ် မွေးမြူရေးနှင့်ကုသရေးဦးစီးဌာန၊ မြို့နယ်စည်ပင်သာယာရေးအဖွဲ့၊ စားသုံးသူရေးရာဦးစီးဌာနရှိ ဝန်ထမ်းများပူးပေါင်း၍ စားသုံးသူ များဘေးအန္တရာယ် ကင်းရှင်းစွာသုံးစွဲနိုင်ရေး ဒေသတွင်းအသားရောင်းချခြင်းလုပ်ငန်း လုပ်ကိုင်သော လုပ်ငန်းရှင်များအား တွေ့ဆုံဆွေးနွေးအသိပညာပေးခြင်းကို ဂွမြို့နယ် မွေးမြူရေးနှင့်ကုသရေးဦးစီး ဌာနရုံးခန်းမတွင် ပြုလုပ်ခဲ့ပါသည်။

          ထိုသို့ဆွေးနွေးရာတွင် မွေး/ကုမြို့နယ်ဦးစီးအရာရှိမှ အသားများရောင်းချရာတွင် လိုက်နာ ရမည့်အချက်များနှင့်ပတ်သက်၍ ရှင်းလင်းပြောကြားခြင်း၊ မြို့နယ်စည်ပင်အမှုဆောင် အရာရှိမှ လုပ်ငန်းလိုင်စင်ရယူခြင်း၊ သန့်ရှင်းလတ်ဆတ်သောအသားများထုတ်လုပ်ရောင်းချကြရန်၊ အလေး ချိန်နှင့်ဈေးနှုန်းများ မှန်ကုန်စွာရောင်းချကြရန် စံချိန်စံညွန်းနှင့်အညီ အသားထုတ်လုပ် ဖြန့်ဖြူး ရောင်းချကြရန်နှင့် ကိုက်ညီမှုမရှိပါက စည်ပင်သာယာရေးဥပဒေနှင့်အညီ အရေးယူ ဆောင်ရွက် သွားမည်ဖြစ်ကြောင်း၊ ဂွမြို့နယ် စားသုံးသူရေးရာဦးစီးဌာန မြို့နယ်တာဝန်ခံမှ ၂၀၁၉ စားသုံးသူ ကာကွယ်ရေးဥပဒေပါ စားသုံးသူများ၏အခွင့်အရေးများ၊ စီးပွားရေးလုပ်ငန်းရှင်များ လိုက်နာကျင့် သုံးရမည့်တာဝန်များ၊ လုပ်ငန်းရှင်များဖြန့်ဖြူးရောင်းချသည့် ကုန်စည်၏အရည် အသွေး၊ အချိန်အတွယ် ပမာဏနှင့်အလေးချိန်မှန်ကန်မှုရှိစေရန်နှင့် ဘေးအန္တရာယ်ကင်းရှင်းစေရေးတို့ နှင့်ပတ်သက်၍ အာမခံချက်ပေးရန် အကယ်၍ မိမိထုတ်လုပ်ဖြန့်ဖြူးရောင်းချသည့် ကုန်စည်နှင့်စပ်လျဉ်း၍ အာမခံချက်အား ဖောက်ဖျက်ခဲ့သည်ရှိသော် စားသုံးသူမှတောင်းဆိုနိုင်သည့် အခွင့်အရေးများ၊ လုပ်ငန်းရှင်ဘက်မှ တာဝန်ယူဆောင်ရွက်ရမည့်အချက်များအား အကျယ်တဝင့် ရှင်းလင်းဆွေးနွေးခဲ့ပါကြောင်း သတင်း ရရှိပါသည်။

DOCA(ရခိုင်)

            ဧရာဝတီတိုင်းဒေသကြီး၊စားသုံးသူရေးရာဦးစီးဌာန မြောင်းမြခရိုင်၊ ခရိုင်ဦးစီးမှူးရုံးမှ ခရိုင်ဦးစီးမှူးဦးဇော်လင်းအောင်နှင့်မြို့နယ်ဦးစီးမှူးဦးလှထွဋ်ဦးတို့သည် (၁၁.၈.၂၀၂၂)ရက်နေ့ နေ့လည်(၁၃:၃၀)နာရီက မြောင်းမြမြို့နယ် စက်သုံးဆီအ‌ရောင်းဆိုင်များသို့ ကွင်းဆင်းစိစစ်ကြပ်မတ်ဆောင်ရွက်ခဲ့ပါသည်။

         ထိုသို့စိစစ်ရာတွင်ခရိုင်ဦးစီးမှူးဦးဇော်လင်းအောင်မှစက်သုံးဆီတင်သွင်းရောင်းချဖြန့်ဖြူးနေသည့် လုပ်ငန်းရှင်များအား တရားမဝင်သွင်းကုန် စက်သုံးဆီ၊ ချောဆီများအား တရားမဝင်ကုန်သွယ် မှုတိုက်ဖျက်ရေးအထူးအဖွဲ့ဖြင့် စစ်ဆေးဖော််ထုတ်ဆောင်ရွက်နေကြောင်း၊ စက်သုံးဆီ၊ ချောဆီများ သယ်ဆောင်မှုအား စောင့်ကြည့်စစ်ဆေးခြင်း၊ မြို့နယ်အလိုက် စက်သုံးဆီအရောင်းဆိုင်အရေအတွက်နှင့်လက္ကားဝယ်ယူသည့် ကုမ္ပဏီစာရင်းများ ကောက်ယူနေကြောင်း၊ လုပ်ငန်းရှင်များအနေဖြင့် တရားမဝင်စက်သုံးဆီ၊ ချောဆီများတင်သွင်းဖြန့်ဖြူးရောင်းချပါက အရေးယူဆောင်ရွက်သွားမည်ဖြစ်ကြောင်း PPRD မှ နေ့စဉ်ထုတ်ပြန်ထားသော စက်သုံးဆီရည်ညွှန်းဈေးထက် ပိုမိုရောင်းချခြင်း ရှိ/မရှိနှင့်ပြည်သူများအဆင်ပြေစွာဝယ်ယူနိုင်ရေးအတွက်မြို့နယ်အတွင်းရှိ စက်သုံးဆီအရောင်းဆိုင်များ စက်သုံးဆီပြတ်လပ်မှုမရှိစေရေးနှင့်ပုံမှန်ဖွင့်လှစ်ရောင်းချနိုင်ရေး စက်သုံးဆီများကို သတ်မှတ်ဈေးနှုန်းထက် ပိုမိုရောင်းချခြင်းမပြုပဲ အချိန်အတွယ်မှန်ကန်စွာရောင်းချနိုင်ရေး ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန် စက်သုံးဆီလုပ်ငန်းရှင်များသို့ ကွင်းဆင်းစစ်ဆေး ဆောင်ရွက်ခဲ့ကြောင်းသိရှိရပါသည်။

DOCA(ဧရာဝတီ)