ပြည်တွင်းကုန်သွယ်မှုသတင်း

       ကယားပြည်နယ်သည်   ကုန်စည်ရောင်းဝယ်သော စီးပွားရေးလုပ်ငန်းများအပြင် ရွှေထည်ရောင်းဝယ်ရေးလုပ်ငန်းများလည်း ပုံမှန်ရောင်းဝယ်လျက်ရှိရာ ရွှေထည်လက်ဝတ်ရတနာများကိုကိုယ်ပိုင်ပန်း တိမ်လုပ်ငန်းများဖြင့် ပြုလုပ်ရောင်းချခြင်း နှင့် မန္တလေး၊ တောင်ကြီးဘက်မှလည်း ရွှေထည်များမှာ ယူရောင်းချလျက်ရှိပါသည်။ ယခုလက်ရှိ ဒီဇင်ဘာလ ပထမပတ်အတွင်း ဈေးကွက်တွင် ဖြစ်ပေါ် နေသော ရွှေ ဈေးနှုန်းမှာ ၁၆ ပဲရည် တစ်ကျပ်သားလျှင် (၂၆၅၆၀၀၀) ကျပ်၊ ၁၅ ပဲရည် တစ်ကျပ်သားလျှင် (၂၄၉၀၀၀၀) ကျပ်ဖြင့် အရောင်းအဝယ်ဖြစ်လျက်ရှိပြီး ယခင်နိုဝင်ဘာလ ပထမပတ်အတွင်း  ၁၆ ပဲရည်တစ်ကျပ်သားလျှင် (၂၆၈၀၀၀၀)ကျပ်၊ ၁၅ ပဲရည် တစ်ကျပ်သားလျှင် (၂၅၁၂၅၀၀)ကျပ် ရှိခဲ့ပြီး ယခင် နိုဝင်ဘာလပထမပတ် နှင့် ယခု ဒီဇင်ဘာလ ပထမပတ်နှိုင်းယှဉ်လျှင် ၁၆ ပဲရည် တစ်ကျပ်သားလျှင် (၂၄၀၀၀)ကျပ်၊ ၁၅ ပဲရည် တစ်ကျပ်သားလျှင် (၂၂၅၀၀)ကျပ်ခန့် ဈေးနှုန်းများ အနည်းငယ်ပြန်လည်ကျဆင်းလာကြောင်း ရွှေဆိုင်လုပ်ငန်းရှင်တစ်ဦးထံမှ သိရပါတယ်။

DOCA(ကယား)

          ဆီထွက်သီးနှံမြေပဲ(အတောင့်/အဆံ)များ ပခုက္ကူဈေးကွက်သို့ နေ့စဉ်ဝင်ရောက်လျက်ရှိပြီး အရောင်းအဝယ်ဖြစ်လျက်ရှိပါသည်။ မြေပဲတောင့်များကို ပခုက္ကူမြို့နှင့် နီးစပ်ရာကျေးရွာများနှင့် ညောင်ဦးမြို့နယ် ဒေသကျေးရွာများမှ ဝင်ရောက်ပြီး မြေပဲဆံများကို ပခုက္ကူဒေသအပြင် ကျောက်ပန်းတောင်း၊ မုံရွာ၊ ပြည်၊ မြန်အောင်မြို့များမှ ဝင်ရောက်အရောင်းအဝယ်ဖြစ်လျက်ရှိပါသည်။ မြေပဲအဝင်နည်းပါးသွားသော်လည်း ကုန်ပစ္စည်းဝင်သလောက် အရောင်းအဝယ်ဖြစ်လျက်ရှိပြီး ဈေးငြိမ်နေခြင်းမှ ဈေးနှုန်းအနည်းငယ်ကျဆင်းသွားကြောင်း သိရှိရပါသည်။

     နိုဝင်ဘာ(စတုတ္ထ)ပတ်အတွင်း နေ့စဉ် ပခုက္ကူဈေးကွက်သို့ မြေပဲတောင့်(အခြောက်) (၂/၃)တင်းဝင်အိတ် (၂၀၀)ခန့် (၁)ပတ်အတွင်း အိတ်(၁၅၀၀)ခန့်ဝင်ရောက်ပြီး မြေပဲဆံအဝင်မှာလည်း (၁)ရက်လျှင် (၂၅)ပိဿာဝင်ဆံ့အိတ်(၃၀၀)၊ (၁)ပတ်အတွင်း အိတ်(၂၀၀၀)ခန့်ဝင်ရောက်၍ အ‌ရောင်းအဝယ်ဖြစ်လျက်ရှိပါသည်။ မြေပဲတောင့်(အခြောက်)(၁)ပိဿာလျှင် ကျပ်(၁၅၀၀ ကျပ်မှ ၃၀၀၀)အထိ အရောင်းအဝယ်ဖြစ်ပြီး မြေပဲဆံ(လုံးဆံ)အကြီးအသေးလိုက်၍ (၁)ပိဿာလျှင် လက်ကားဈေး ကျပ် (၅၀၀၀ မှ ၄၅၀၀) ၊ လက်လီဈေး ကျပ်(၆၀၀၀ မှ ၅၅၀၀)အထိ အရောင်းအဝယ်ဖြစ်ကြောင်း၊ မြေပဲ(စက်)ဆီ(၁)ပိဿာလျှင် ကျပ်(၁၀၀၀၀/၉၅၀၀/၉၀၀၀)ရှိကြောင်း ယခင်တစ်ပတ်ထက် ဈေးအနည်းငယ်ကျဆင်းသွားပြီး ‌ဈေးကွက်အတွင်းသို့ မြေပဲတောင့်/မြေပဲဆံဝင်ရောက်မှုမှာ ယခင်တစ်ပတ်ထက် သိသိသာသာလျော့နည်းသွားကြောင်း ပခုက္ကူ မြေပဲဈေးကွက်မှ သိရှိရပါသည်။

        ကုန်စည်စီးဆင်းမှုအနေဖြင့် နိုဝင်ဘာ(စတုတ္ထ)ပတ်တွင် မြေပဲတောင့်များကို မြို့ပေါ်ရှိ မြေပဲရောင်းဝယ်ရေးပဲခွဲစက်လုပ်ငန်းရှင်များနှင့် မြေပဲဆုံဆီ၊ စက်ဆီလုပ်ငန်းရှင်များမှ ဝယ်ယူလျက်ရှိပြီး ရန်ကုန်မြို့သို့ အများဆုံးတင်ပို့လျက်ရှိကြောင်း၊  မြေပဲဆံ(လုံးဆံ/ဆီဆံ)များကို ဆီစက်လုပ်ငန်းရှင်များ၊ မြေပဲဆားလှော်၊ မြေပဲကြက်ဥလုပ်ငန်းရှင်များမှ ဝယ်ယူပြီး ပြည်တွင်းရှိ နေရာဒေသအနှံ့အပြား အမြို့မြို့အနယ်နယ်သို့လည်း တင်ပို့ဖြန့်ဖြူးလျက်ရှိပြီး ပြည်တွင်းသာမက ပြည်ပပို့ကုန်အဖြစ် မန္တလေးမြို့မှတစ်ဆင့် တရုတ်နိုင်ငံသို့ တင်ပို့လျက်ရှိကြောင်း၊ မြေပဲများဈေးကွက်အတွင်းသို့ အဝင်များပြီး အဝယ်လိုက်သော်လည်း ဈေးနှုန်းကျဆင်းလျက်ရှိကြောင်း သိရှိရပါသည်။

DOCA(မကွေး)

          မက်ခါသီးသည် ကယားလူမျိုးများ၏ မရှိမဖြစ်အသုံးပြုသည့် ဟင်းခတ်အမွှေးအကြိုင် တစ်မျိုးဖြစ်ပါသည်။ မက်ခါသီးကို ကယားပြည်နယ်တွင် လွိုင်ကော်မြို့နယ် ၊ဒီးမောဆိုမြို့နယ် ၊ ဒေါငံခါးကျေးရွာ၊ ဒေါညေးခူ‌ကျေးရွာ၊ ဖရူဆိုမြို့နယ်အတွင်းရှိကျေးရွာများ၊ ဘောလခဲမြို့နယ် အတွင်းရှိ လွိုင်ဝိန်ကျေးရွာနှင့် ကယားပြည်နယ်၏ ကယားလူမျိုးအများဆုံးနေထိုင်ရာ ကျေးရွာများတွင် တစ်နိုင်တစ်ပိုင် စိုက်ပျိုးကြပါသည်။ မက်ခါသီးသည် မိုးရာသီတွင် အသီးသီး၍ အောက်တိုဘာတွင် ရင့်မှည့်ကြပါသည်။ ဈေးကွက်အတွင်း မက်ခါသီးအစို၊ အခြောက်၊ အမှုန့်များ ဈေးကောင်းရနေပြီး ယခု ဒီဇင်ဘာလအတွင်း မက်ခါသီးခြောက်နို့ဆီဘူး တစ်ဘူးလျှင်( ၃၂၀၀ )ကျပ်၊ ၇၀( ဂရမ်ပါ )မက်ခါ သီးအမှုန့် တစ်ဘူးလျှင်( ၁၅၀၀ )ကျပ် ယခင်နိုဝင်ဘာလတွင် မက်ခါသီးခြောက်နိုဆီဘူး တစ်ဘူးလျှင် ( ၂၅၀၀ )ကျပ်၊ ၇၀( ဂရမ်ပါ )မက်ခါသီး အမှုန့်တစ်ဘူးလျှင် (၁၀၀၀)ကျပ်သာရှိခဲ့ပြီး ယခင်လထက်ပို၍ ဈေးကောင်းပိုရလာပါကြောင်း ကယားပြည်နယ်တွင် မက်ခါသီးစိုက်ပျိုးသူများအနေဖြင့် မက်ခါသီးကို ဒေသထွက်ကုန်အဖြစ် စီးပွားဖြစ်ထုတ်လုပ်ရောင်းချနိုင်ရန် ပိုမိုတိုးချဲစိုက်ပျိုးနေပြီးဖြစ်ကြောင်း နောင်ယားဈေး အတွင်းရှိ ရောင်းချနေသူတစ်ဦးထံမှ သိရှိရပါသည်။

DOCA(ကယား)

          ၂၀၂၂ခုနှစ်၊ ဒီဇင်ဘာ ပထမပတ်အတွင်း နေပြည်‌တော်ကောင်စီနယ်မြေတွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် ၃၅၈၀ကျပ်၊ ဧည့်မထ တစ်ပြည် လျှင် ၂၂၅၀ကျပ်၊ မနောသုခ တစ်ပြည် လျှင် ၁၇၀၀ကျပ်နှုန်းဖြင့် အ‌ရောင်းအဝယ် ဖြစ်လျက်ရှိပါသည်။ ကြက်သွန်နီ လက်လီဈေးမှာ (ကြီး)တစ်ပိဿာလျှင် ၄၂၀၀ကျပ်၊ (လတ်)တစ်ပိဿာလျှင် ၃၈၀၀ကျပ်၊ (သေး)တစ်ပိဿာလျှင် ၃၄၀၀ ကျပ်နှုန်းဖြင့် ‌အရောင်းအဝယ်ဖြစ်လျက်ရှိပါသည်။ ကြက်သွန်ဖြူ လက်လီဈေးမှာ (ကြူကုတ်) တစ်ပိဿာလျှင် ၄၀၀၀ကျပ်မှ ၅၂၀၀ကျပ်ထိ၊ (ရှမ်း)တစ်ပိဿာလျှင် ၃၈၅၀ကျပ်မှ ၄၆၀၀ကျပ်ထိ၊ ငရုတ်သီး ခြောက်လက်လီဈေးမှာ (အရှည်) တစ်ပိဿာလျှင် ၁၂၅၀၀ကျပ်မှ ၁၆၀၀၀ကျပ်ထိ၊ (အပု)တစ်ပိဿာ လျှင် ၁၆၀၀၀ကျပ်မှ ၂၂၀၀၀ကျပ်ထိ၊ အာလူးလက်လီဈေးမှာ ၂၅၀၀ကျပ်မှ ၂၈၀၀ကျပ်ထိ၊ ခရမ်းချဥ်သီး တစ်ပိဿာလျှင် ၁၀၀၀ကျပ်မှ ၁၈၀၀ကျပ်ထိ အရောင်းအဝယ် ဖြစ်လျက်ရှိပါသည်။

          ကြက်ဥ လက်လီဈေးမှာ  တစ်လုံး လျှင် ၁၉၀ကျပ်မှ ၂၂၀ကျပ်ထိ ဖြစ်ပါသည်။ နေပြည်တော် ကောင်စီနယ်မြေ၏ အသား/ငါး ဈေးနှုန်းများမှာ ကြက်သား(CP) တစ်ပိဿာလျှင် ၈၅၀၀ကျပ်မှ ၁၂၀၀၀ ကျပ်ထိ၊ ကြက်သား(ဗမာ) တစ်ပိဿာလျှင် ၁၁၀၀၀ကျပ်မှ ၁၄၀၀၀ကျပ်ထိ၊ ဝက်သား တစ်ပိဿာလျှင် ၁၁၅၀၀ကျပ်မှ ၁၄၀၀၀ကျပ်ထိ၊ အမဲသား တစ်ပိဿာ လျှင် ၁၁၀၀၀ကျပ်မှ ၁၃၀၀၀ကျပ်ထိ၊ ငါးမြစ်ချင်း တစ်ပိဿာလျှင် ၅၁၀၀ကျပ်မှ ၈၅၀၀ထိ၊ ငါးကြင်း တစ်ပိဿာလျှင် ၁၀၀၀၀ကျပ်မှ၁၄၀၀၀ကျပ်ထိ ရောင်းဝယ်နေကြောင်း သိရသည်။

          စားသုံးဆီ ဈေးနှုန်များမှာ ပဲဆီ တစ်ပိဿာလျှင် ၁၂၅၀၀ကျပ်၊ စားအုန်းဆီ တစ်ပိဿာလျှင် ၅၈၀၀ကျပ်နှင့် နှမ်းဆီ တစ်ပိဿာလျှင် ၁၁၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။  

DOCA(ပြည်ထောင်စုနယ်မြေ)

        မြန်မာနိုင်ငံသည် စိုက်ပျိုးရေးကို အခြေခံသောနိုင်ငံဖြစ်သဖြင့် စပါးကို အဓိကထားစိုက်ပျိုးခြင်းကြောင့် သွင်းအားစုအဖြစ် မြေသြဇာကို မြေဆီအဖြစ် အများဆုံးအသုံးပြုလျက်ရှိပါသည် ။ မန္တလေးတိုင်းဒေသကြီး ၊ ကျောက်ဆည်ခရိုင်သည် လယ်တွင်းကိုးခရိုင်တွင် တစ်ခုပါဝင်ပြီး မိုးစပါးကို အဓိကထားစိုက်ပျိုးသော ဒေသဖြစ်သည့်အတွက် တောင်သူများအနေဖြင့် မိုးစပါးကို သြဂုတ်လဆန်းတွင် စတင်စိုက်ပျိုးလျက်ရှိကြောင်း ၊ မိုးစပါးစိုက်ပျိုးပြီး (၁၅)ရက်အကြာတွင် မြေသြဇာ ကိုစတင်အသုံးပြုရကြောင်း  ၊   မိုးစပါးစိုက်ပျိုးချိန်တွင် မြေသြဇာဈေးနှုန်းများ  မြင့်တက်လျက်ရှိပြီး (သြဂုတ်၊စက်တင်ဘာ၊အောက်တိုဘာ)လများတွင် မြေသြဇာဈေးနှုန်းအနေဖြင့် ထိုင်း(ပုလဲ) တစ်အိတ်  (၁၄၅၀၀၀/-)ကျပ် ၊ အာမို(ပုလဲ)တစ်အိတ်(၁၄၅၀၀၀/)ကျပ် ၊ ပန်းဖူးတစ်အိတ် (၁၃၅၀၀၀/-)ကျပ်၊ ပုလဲသာတစ်အိတ်(၁၂၀၀၀၀/-)ကျပ်၊ ပင်သန်(ပုလဲ)တစ်အိတ်(၁၅၀၀၀၀/-)ကျပ်၊   အာမို(15:15:15) တစ်အိတ်(၁၈၀၀၀၀/-)ကျပ် ၊ အာမို(19:9:19) တစ်အိတ်(၁၅၀၀၀၀/-)ကျပ် ၊ အာမို(365) (15+15+15+75)တစ်အိတ် (၁၅၀၀၀၀/-)ကျပ်၊ ကောမက်(50)kgတစ်အိတ်(၈၀၀၀၀/) ကျပ်၊  မြှားကမ္ဘာ တစ်အိတ်(၁၀၅၀၀၀/-)ကျပ်၊ သံကွင်းတစ်အိတ်(၁၀၅၀၀၀/-)ကျပ်၊ တက်တိုးဓါတ်ဆား တစ်အိတ် (၈၀၀၀၀/-)ကျပ်ဖြင့် ရောင်းချလျက်ရှိကြောင်း ၊ ယခုအချိန်တွင် မိုးစပါးများ စတင်ရိတ်သိမ်းနေပြီ ဖြစ်သောကြောင့် အခြားသီးနှံများသည် မြေသြဇာကို အသုံးပြုမှုနည်းပါးခြင်းကြောင့် မြေသြဇာ ဈေးနှုန်းများ အနည်းငယ်ကျဆင်းလျက်ရှိကြောင်း ၊ ထိုင်း(ပုလဲ)  တစ်အိတ် (၁၁၀၀၀၀/-)ကျပ် ၊ အာမို(ပုလဲ) တစ်အိတ် (၁၁၀၀၀၀/-) ကျပ် ၊ အာမို(ပုလဲ) တစ်အိတ် (၁၁၀၀၀၀/-)ကျပ် ၊ ပန်းဖူး တစ်အိတ်(၈၅၀၀၀/-)ကျပ် ၊ ပုလဲသာတစ်အိတ် (၁၀၅၀၀၀/-)ကျပ် ၊ ပင်သန်(ပုလဲ) တစ်အိတ် (၁၀၅၀၀၀/-)ကျပ် ၊ အာမို(15:15:15) တစ်အိတ်(၁၅၅၀၀၀/-)ကျပ် ၊ အာမို (19:9:19) တစ်အိတ် (၁၃၅၀၀၀/-) ကျပ် ၊ အာမို (365) (15+15+15+75) တစ်အိတ် (၁၃၅၀၀၀/-)ကျပ် ၊ ကောမက် (50)kg တစ်အိတ်(၆၅၀၀၀/-)ကျပ် ၊ မြှားကမ္ဘာတစ်အိတ်(၉၀၀၀၀/-)ကျပ် ၊ တက်တိုးဓါတ်ဆား တစ်အိတ် (၆၀၀၀၀/-)ကျပ် ၊ သံကွင်းတစ်အိတ်(၉၀၀၀၀)ကျပ်ဈေးဖြင့် ရောင်းချလျက်ရှိကြောင်း စျေးကွက်အတွင်းရှိ ဓါတ်မြေသြဇာအရောင်း ဆိုင်များမှသိရှိရပါသည်။

DOCA(မန္တလေး)