ပြည်တွင်းကုန်သွယ်မှုသတင်း

        ကကတစ်ငါး (ကပေါင်း)ကို မြိတ်မြို့၌ ‌ရေချိုတွင်လည်းကောင်း၊ ရေငန်တွင်လည်းကောင်း၊ ရေချိုရေငန်အစပ်တွင်လည်းကောင်း စီးပွားဖြစ် မွေးမြူကြပြီး မြေကန်များ၊ မြစ်ချောင်းများနှင့် ပင်လယ်ပြင်တွင် လှောင်အိမ်ဖောင်များဖြင့် မွေးမြူလျက်ရှိပါသည်။ ကကတစ်ငါး (ကပေါင်း)ကို ငါးသားပေါက် (၁၀၀၀၀)ခန့်မွေးမြူးလျှင် စုစုပေါင်းကုန်ကျစရိတ်မှာ (၂၉၄,၀၀,၀၀၀/-)ကျပ် ကုန်ကျမည် ဖြစ်ပြီး၊ ငါးဖော်ချိန်၌ ကကတစ်ငါး(ကပေါင်း) (အရှင်) ၈၀ ရာခိုင်နှုန်း အောင်မြင်ပါက ရရှိနိုင်မည့် အကျိုးအမြတ်မှာ (၅၆၀,၀၀,၀၀၀/-)ကျပ်ခန့်ရရှိ၍ အသားတင်အမြတ်အစွန်းမှာ (၂၃၈,၀၀,၀၀၀/-)ခန့် ရရှိနိုင်မည်ဖြစ်ကြောင်း သိရှိရပါသည်။

      ၂၀၂၁-၂၀၂၂ ခုနှစ်၌ မြိတ်ဒေသတွင် ကကတစ်ငါး (ကပေါင်း) တစ်ပိဿာလျှင် (၆၀၀၀)ကျပ် မှ (၈၀၀၀)ကျပ်ဈေးအထိ ရရှိခဲ့ပြီး၊ ယခုနှစ် ၂၀၂၂-၂၀၂၃ ခုနှစ်တွင် စက်သုံးဆီဈေးနှုန်းနှင့် ငါးအစာဈေးနှုန်းများ မြင့်တက်လာသည့်အတွက် မွေးမြူသည့်ကုန်ကျစရိတ်မှာလည်း ယခင်နှစ် ထက် ပိုမိုကုန်ကျခဲ့သည့်အတွက် ရောင်းချရသည့်တန်ဖိုးမှာ တစ်ပိဿာလျှင်  (၁၂၀၀၀)ကျပ် မှ (၁၅၀၀၀)ကျပ်ခန့် အထိရရှိခဲ့ပါသည်။ ကကတစ်ငါး (ကပေါင်း)ကို ဒေသတွင်းစားသုံးရန် ရောင်းချပြီး၊ ရန်ကုန်မြို့နှင့် အခြားမြို့ကြီးများသို့ အအေးခန်းကွန်တိန်နာဖြင့် တင်ပို့ရောင်းချလျက်ရှိကြောင်း ကကတစ်ငါး(ကပေါင်း)မွေးမြူလုပ်ကိုင်သူထံမှ သိရှိရပါသည်။

DOCA(တနင်္သာရီ)  

     တနင်္သာရီတိုင်းဒေသကြီးသည် ရော်ဘာ၊  ကွမ်းသီးများကို အဓိကထား စိုက်ပျိုးလျက်ရှိသည့် တိုင်းဒေသကြီးဖြစ်ပါသည်။ မှိုင်းခံရော်ဘာကို  အဆင့်သတ်မှတ်ချက် ( ၅ ) မျိုးဖြင့် သတ်မှတ်ထား ရှိပြီး ယခုလက်ရှိတွင် တနင်္သာရီတိုင်းဒေသကြီးအတွင်း RSS-3 နှင့် RSS-5 ( ၂ )မျိုးသာ အဓိက အရောင်းအဝယ်ဖြစ်လျက်ရှိပါသည်။ ရော်ဘာဈေးနှုန်းမှာ နိုဝင်ဘာလ ပထမအပတ်တွင် ဈေးနှုန်းအနည်းငယ်ကျဆင်းလျက်ရှိပြီး ယခုအပတ် (၈.၁၁.၂၀၂၂) မှ (၁၀. ၁၁ .၂၀၂၂)အထိ ရော်ဘာစျေးနှုန်းမှာ RSS-3 တစ်ပေါင်လျှင် ကျပ် ၁၃၀၀  နှုန်း၊ RSS-5 တစ်ပေါင်လျှင် ကျပ် ၁၂၀၀ နှုန်း ပေါက်ဈေးရှိပြီး RSS-3 သည် RSS-5 ထက် အပြစ်အနာဆာကင်းသောကြောင့် ဈေးကောင်းပိုရလျက် ရှိကြောင်း သိရှိရပါသည်။

      တနင်္သာရီတိုင်းဒေသကြီးထားဝယ်တွင် ရာဘာအစေးခြစ်လုပ်ငန်းများ ပုံမှန်လုပ်ကိုင်လျက် ရှိပြီး ပွင့်လင်းရာသီဖြစ်သောကြောင့် အရောင်းအဝယ်မှာပုံမှန်ရှိ၍ ရာဘာစျေးနှုန်းမှာ တစ်ပေါင်လျှင် (၁၄၀၀/)ကျပ်၊ ရာဘာကို ထားဝယ်မှ ရန်ကုန်သို့လည်းကောင်း၊ ထားဝယ်မှ မုဒုံဘက်သို့  လည်းကောင်း  တင်ပို့ရောင်းချလျက်ရှိပြီး  တစ်ပေါင်လျှင်(၁၆၀၀/-)ကျပ်ခန့်စျေးရှိကြောင်းသိရှိရပြီး  သယ်ယူပို့ဆောင်ခ(ကားခ) မှာ တစ်ပိဿာလျှင်(၁ဝဝိ/-)ကျပ် ပေးဆောင်ရကြောင်းကုန်သည်တစ်ဦး ထံမှ စုံစမ်းသိရှိရပါသည်။

DOCA(တနင်္သာရီ)

         အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ နိုဝင်ဘာလ (၂)ရက်နေ့မှ နိုဝင်ဘာလ (၈)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စု ကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါတယ်။ ထိုသို့ဝင်ရောက် ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ)ကျပ် ၁၄၀၀ မှ ၂၄၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၅၀၀ မှ ၁၆၀၀ အတွင်း၊ ပန်းဂေါ်ဖီ(ထုပ်)ကျပ် ၁၀၀၀ မှ ၁၅၀၀ အတွင်း၊ အာလူး(ပိဿာ)ကျပ် ၂၂၀၀ မှ ၂၃၀၀ အတွင်း၊ မုန်လာဥနီ(ပိဿာ) ကျပ် ၁၃၀၀ မှ ၂၀၀၀ အတွင်း၊ ရွှေဖရုံသီး(လုံး)ကျပ် ၁၂၀၀ မှ ၃၅၀၀ အတွင်း၊ ဗူးသီး(လုံး) ကျပ် ၇၀၀ မှ ၂၀၀၀ အတွင်း၊ မုန်ညှင်း(ထုပ်)(ပိဿာ)ကျပ် ၁၀၀၀ မှ ၂၀၀၀ အတွင်း၊ ကြက်သွန်နီ(ဆိပ်ဖြူ)ကျပ် ၃၃၀၀ မှ ၄၄၀၀ အတွင်း၊ ကြက်သွန်ဖြူ(ရှမ်း)(ပိဿာ) ၃၀၀၀ မှ ၃၈၀၀ အတွင်း၊ ကြက်သွန်ဖြူ(ကြူကုတ်)(ပိဿာ) ကျပ် ၃၈၀၀ မှ ၄၀၀၀ အတွင်း၊ ချင်း(ပိဿာ)ကျပ် ၁၅၀၀ မှ ၂၀၀၀ အတွင်း၊ ဆလပ်ရွက်(စီး)ကျပ် ၁၅၀ မှ ၃၀၀ အတွင်း၊ ချဉ်ပေါင်ရွက်(စီး) ကျပ် ၆၀ မှ ၁၀၀ အတွင်း၊ ခရမ်းသီး(ရှည်)(ပိဿာ)ကျပ် ၁၂၀၀ မှ ၁၆၀၀ အတွင်း၊ သံပရာသီး(လုံး)ကျပ် ၂၀ မှ ၁၀၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ) ၂၂၀၀ မှ ၂၈၀၀ အတွင်း၊ ဖရဲသီး(အကြီး၊ အလတ်၊ အသေး)ကျပ် ၁၀၀၀ မှ ၂၅၀၀ အတွင်း ဖြစ်ကြောင်း သိရှိရပါတယ်။ တညင်းကုန်းလက်ကားဈေးကြီး အတွင်းသို့ ယခုရက်သတ္တပတ်အတွင်း သံပုရာသီး အလုံးပေါင်း (၁၇၂၅၀၀)ကျော်၊ ခရမ်းသီး (ရှည်)(လုံး) (၈၅၄၀)ကျော်၊ ဗူးသီးအလုံးပေါင်း (၅၇၅၀) ကျော်၊ ရွှေဖရုံသီးအလုံးပေါင်း (၆၀၀)ကျော်၊ ဂေါ်ဖီထုပ်ပေါင်း (၃၃၅၀၀)ကျော်၊ ပန်းဂေါ်ဖီထုပ်ပေါင်း (၁၅၉၅၀)ကျော်၊ မုန်ညှင်းထုပ်(ပိဿာ)ပေါင်း (၁၀၆၁၀)ကျော်၊ ဖရဲသီးလုံးပေါင်း (၂၆၄၀၀)ကျော် အသီးသီးကုန်အဝင်ရှိကြောင်း သိရပါတယ်။

DOCA(ရန်ကုန်)

     ကယားပြည်နယ်အတွင်း ကုန်စည်စီးဆင်းမှု ပုံမှန်လည်ပတ်အသက်ဝင်လာရာတွင် အိမ်ဆောက်ပစ္စည်းအချို့ ဘိလပ်မြေများ၊ လယ်ယာသီးနှံစိုက်ပျိုးရေးအသုံးပြု ဓာတ်မြေဩဇာများ ပြည်နယ်အတွင်းသို့ တင်သွင်းလျှက်ရှိကြောင်း မြို့ဦးဂိတ်စာရင်းအရသိရှိရပါတယ်။ အခြားစားသောက်ကုန်များ၊ လူသုံးကုန်များအနေဖြင့် အောက်တိုဘာလ ပထမပတ် ကုန်စည်စီးဝင်မှုမှာ ကုန်စုံကား(၁၁)စီး၊ ဘိလပ်မြေ(၁၈၂၀)အိတ်၊ မြေဩဇာ(၆၇၀)အိတ်၊ ကြက်ဥ(၈၉၆၀)ကဒ်၊ အချိုရည်(၂၅၀၀)ကဒ်တို့စီးဝင်လျက်ရှိပါကြောင်း၊ နိုဝင်ဘာလ ပထမပတ်ကုန်ပစ္စည်းအဝင်ကားများအနေဖြင့် ကုန်စုံကား (၃၀) စီး၊ ကြက်ဥ(၉၈၂၀)ကဒ်၊ အချိုရည်ကား(၇)စီး၊ ဘိလပ်မြေ (၆၀၂၀) အိတ်၊ မြေဩဇာ(၁၉၀၀)အိတ်တို့ဖြင့် စီးဝင်လျက်ရှိရာ ယခင်ပတ်နှင့် ယခုပတ်နှိုင်း ယှဉ်မည်ဆိုလျှင် ယခင်ထက်ဘိလပ်မြေဝင်ရောက်မှုမှာ(၄၂၀၀)အိတ်၊မြေဩဇာ(၁၂၃၀)အိတ်၊ ကြက်ဥ(၈၆၀) ကဒ်၊ ကုန်စုံကား(၁၉)စီး ပိုမိုဝင်ရောက်လာနိုင်ပြီး အချိုရည်တို့သည် အနည်းငယ်မျှ လျော့နည်း စီးဝင်လာကြောင်း သိရှိရပါတယ်။

DOCA(ကယား)

        ကံမမြို့နယ် မြောက်ချောင်းဘက်ရှိ ကျေးရွာများမှထွက်ရှိသည့် ပဲမျိုးစုံသီးနှံများအနက် ဆောင်းပဲတီစိမ်းသီးနှံမှာ နိုဝင်ဘာလ ပထမပတ်တွင် ပဲတီစိမ်း (၂၀)ပိဿာဝင် တစ်တင်းလျှင် ကျပ်(၄၆၀၀၀) ဈေးနှုန်း ဖြစ်ပြီး ယခု ဒုတိယပတ်တွင် ပဲတီစိမ်း(၂၀)ပိဿာဝင် တစ်တင်းလျှင် ကျပ်(၄၉၀၀၀)ဈေးဖြင့် ယခင်အပတ်ထက် ကျပ်(၃၀၀၀)ဈေးနှုန်းမြင့်တက်ခဲ့ပြီး တစ်နေ့လျှင် အိတ်(၂၀)ဝန်းကျင်ခန့်၊ တစ်ပတ်လျှင် အိတ်(၁၅၀)ခန့် အရောင်းအဝယ်ဖြစ်လျှက်ရှိကြောင်း သိရှိရပါသည်။

     မတ်ပဲသီးနှံမှာ နိုဝင်ဘာလ ပထမပတ်တွင် (၂၀)ပိဿာဝင် တစ်တင်းလျှင် ကျပ်(၅၇၀၀၀)ဈေး ရှိခဲ့ပြီး ယခု ဒုတိယပတ်တွင် (၂၀)ပိဿာဝင် တစ်တင်းလျှင် ကျပ်(၆၀၀၀၀)ဈေးဖြင့် ယခင်အပတ်ထက် ကျပ်(၃၀၀၀)၊ ပဲကြီး(၂၀)ပိဿာဝင် တစ်တင်းလျှင် ပထမပတ်တွင် (၇၅၀၀၀)ဈေးရှိခဲ့ပြီး ယခု ဒုတိယပတ်တွင် ကျပ်(၇၆၀၀၀)ဖြင့် ယခင်အပတ်ထက် ကျပ်(၁၀၀၀) ဈေးနှုန်အသီးသီးမြင့်တက်ခဲ့ပြီး အဝယ်ရှိခဲ့ကြောင်း ရေနံ့သာကုန်သည်တစ်ဦးထံမှ သိရှိရပါသည်။

DOCA(မကွေး)