ပြည်တွင်းကုန်သွယ်မှုသတင်း

       စစ်ကိုင်းတိုင်းဒေသကြီးအတွင်း ယခင်အပတ်တွင် ဓာတ်မြေသြဇာအမျိုးအစားများဖြစ်သည့် ပုလဲဓာတ်မြေဩဇာ(ရွှေတောင်) (50Kg)တစ်အိတ် (၁၃၀၀၀၀)ကျပ်၊ တီစူပါ၄၆% (သံကွင်း(တရုတ်)) (50Kg)တစ်အိတ် (၉၅၀၀၀)ကျပ်၊ ကျွဲနက် (၁၅း၁၅း၁၅) (50Kg)တစ်အိတ် (၁၅၀၀၀၀)ကျပ်၊ နိုက်ထိုဖောစကာ (သြဘာ) (50Kg)တစ်အိတ် (၁၅၅၀၀၀)၊ ပန်းဖူး(မြန်မာ့သြဘာ) (50Kg)တစ်အိတ် (၁၂၀၀၀၀)ကျပ်၊ MC(ကွန်ပေါင်း) (50Kg)တစ်အိတ် (၁၄၂၀၀၀)ကျပ်၊ ဇာမဏီ(ကွန်ပေါင်း) (50Kg)တစ်အိတ် (၇၇၀၀၀) ကျပ်ဖြင့်အရောင်း အဝယ်ရှိခဲ့ပြီး၊ ပိုးသတ် ဆေးအမျိုးအစားများဖြစ်သည့် စတား (အာမို) (100 CC)တစ်ဗူး (၅၅၀၀)ကျပ် ၊ လန်ဒါ (ဝိစာရ)(500 CC)တစ်ဗူး (၁၇၅၀၀)ကျပ် ၊ မိုရယ်မုန် (သြဘာ) (500 CC)တစ်ဗူး (၂၂၅၀၀)ကျပ်၊ အစီဖိတ်(သြဘာ) (500g) တစ်ဗူး (၂၀၀၀၀)၊ ရွှေတောနစ် (မြင်းကြား) (500 CC)တစ်ဗူး (၁၂၀၀၀) ကျပ်၊ ဖို့စတင်း (သြဘာ) (1 liter) တစ်ဗူး (၃၂၀၀၀) ကျပ်ဖြင့်အရောင်းအဝယ် ဖြစ်ခဲ့ကြောင်း   သိရှိရသည်။

          ယခုအပတ်တွင် ဓာတ်မြေသြဇာအမျိုးအစားများဖြစ်သည့် ပုလဲဓာတ်မြေဩဇာ (ရွှေတောင်) (50Kg)တစ်အိတ် (၁၃၀၀၀၀)ကျပ်၊ တီစူပါ၄၆% (သံကွင်း(တရုတ်)) (50Kg)တစ်အိတ် (၉၅၀၀၀)ကျပ်၊ ကျွဲနက် ၁၅း၁၅း၁၅ (50Kg)တစ်အိတ် (၁၅၀၀၀၀)ကျပ်၊ နိုက်ထိုဖောစကာ (သြဘာ) (50Kg)တစ်အိတ်(၁၆၃၀၀၀)၊ ပန်းဖူး (မြန်မာ့သြဘာ) (50Kg)တစ်အိတ် (၁05000)ကျပ်၊ MC(ကွန်ပေါင်း) (50Kg)တစ်အိတ်(၁၄၂၀၀၀)ကျပ်၊ ဇာမဏီ( ကွန်ပေါင်း) (50Kg)တစ်အိတ် (၇၇၀၀၀)ကျပ် ဖြင့်အရောင်းအဝယ် ရှိခဲ့ပြီး၊ ပိုးသတ်ဆေး အမျိုးအစားများဖြစ် သည့် စတား (အာမို) (100 CC)တစ်ဗူး (၅၅၀၀)ကျပ် ၊ လန်ဒါ (ဝိစာရ)(500 CC)တစ်ဗူး (၁၇၅၀၀)ကျပ် ၊ မိုရယ်မုန် (သြဘာ) (500 CC)တစ်ဗူး (၂၃၀၀၀)ကျပ်၊ အစီဖိတ်(သြဘာ) (500g) တစ်ဗူး(၁၉၀၀၀)ကျပ်၊ ရွှေတောနစ် (မြင်းကြား) (500 CC) တစ်ဗူး (၁၂၅၀၀) ကျပ်၊ ဖို့စတင်း(သြဘာ) (1 liter)တစ်ဗူး (၃၂၀၀၀) ကျပ်ဖြင့် အရောင်းအဝယ်ဖြစ်ခဲ့သည့်အတွက် ဓာတ်မြေဩဇာနှင့် ပိုးသတ်ဆေးဈေးနှုန်း များ အတက်၊ အကျ အနည်းငယ်သာရှိပြီး ဈေးနှုန်းတည်ငြိမ်လျှက်ရှိကြောင်း သိရှိရပါသည်။

DOCA(စစ်ကိုင်း)

          ရွှေဘိုခရိုင်အတွင်းရှိ မြို့နယ်များ၌ နိုဝင်ဘာလ ‌ဒုတိယပတ်တွင် စပါး /ဆန် ဈေးနှုန်းမှာ တည်ငြိမ်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ နိုဝင်ဘာလ ပထမပတ်တွင် ရန်ကုန်သို့ အိတ်ရေ ၃၃၀၀၀ ၊ မန္တလေးသို့ အိတ်ရေ၄၄၆၀၀၊ နေပြည်တော်သို့ အိတ်ရေ ၉၅၀၀၊ ရှမ်း(တောင်)သို့ အိတ်ရေ ၈၅၀၀၊ ရှမ်း(မြောက်)သို့ အိတ်ရေ ၈၅၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၀၅၁၀၀၊ တန်အားဖြင့် ၅၂၅၅တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၃၀၀၀၊ မန္တလေးသို့ အိတ်ရေ ၄၃၆၀၀၊ နေပြည်တော်သို့ အိတ်ရေ၉၀၀၀ ၊ ရှမ်း(တောင်)သို့ အိတ်ရေ၈၅၀၀ ၊ ရှမ်း(မြောက်)သို့ အိတ်ရေ ၈၅၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၀၃၆၀၀ ၊ တန်အားဖြင့် ၅၁၈၀တန် စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ ၁၅၀၀၊ တန်အားဖြင့် ၇၅တန် လျော့၍ စီးထွက်ခဲ့ပါသည်။

         ရွှေဘိုမြို့၏ နိုဝင်ဘာလ ဒုတိယပတ်တွင် ဖြစ်ပေါ်နေသော စပါး/ဆန်  ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၄၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၈၅၀၀၀၊ ဧရာမင်းစပါး တင်း၁၀၀လျှင် ကျပ်၁၄၅၀၀၀၀၊ ဧရာမင်းဆန် ၂၄ပြည်ပါတစ်အိတ်လျှင် ကျပ် ၆၅၀၀၀၊ ၂၀၂၁-၂၀၂၂ခုနှစ်ထွက် နွေစပါး ရွှေဝါထွန်းစပါး တင်း၁၀၀လျှင် ကျပ် ၁၁၀၀၀၀၀၊ ‌ရွှေဝါထွန်းဆန် ၂၄ပြည်ပါ တစ်အိတ်လျှင် ကျပ် ၄၃၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

        ပြည်ခရိုင်၊ ရွှေတောင်မြို့နယ်၊ မီးလောင်အုပ်စု၊ အင်္ဂလှိုင်ဂန် ကျေးရွာတွင် ဟင်းသီးဟင်းရွက် အုပ်စုဝင်ဖြစ်သော ပဲစောင်းလျားသီးများ စိုက်ပျိုးလျက်ရှိပါသည်။

     စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံ ဦးအောင်နိုင်ဦးနှင့် ဝန်ထမ်းများသည် မီးလောင်အုပ်စု၊ အင်္ဂလှိုင်ဂန်ကျေးရွာသို့ သွားရောက်၍ ပဲစောင်းလျားသီးစိုက်ပျိုးသူ ဒေါ်သဇင်အေးနှင့် တွေ့ဆုံ၍မေးမြန်းရာ ပဲစောင်းလျားသီးကို အတို့အမြုပ်ပြုလုပ်၍လည်းကောင်း၊ သုပ်စား၍ လည်းကောင်း စားသုံးကြပါသည်။ ပဲစောင်းလျားမြစ်ကိုလည်း ပဲမြစ်အဖြစ် စားသုံးမှုများကြပါသည်။ ပဲစောင်း လျားပင်ကို နယုန်လတွင် စတင်စိုက်ပျိုးပြီး ဝါခေါင်လတွင် စတင်ခူးဆွတ်ရပါသည်။ မိုးဦးကာလတွင် စိုက်ပျိုးသောသီးနှံဖြစ်၍ ရက်(၉၀)ခန့် အကြာတွင် ခူးဆွတ်ရပါသည်။ စိုက်ပျိုးသည့်မျိုးများမှာ ကင်းခြေများမျိုးဖြစ်ပြီး ဧကဝက်စိုက်ပျိုးကြောင်း သိရှိရပါသည်။ ထိုစိုက်ပျိုးသောဧကဝက်တွင် ပဲစောင်းလျားအပင်ရေ (၁၀၀၀)ကျော်ခန့် စိုက်ပျိုးကြောင်းသိရှိရပါသည်။ ပဲစောင်းလျားပင် စိုက်ပျိုးရာတွင် ဘောင်များပြုလုပ်၍ တစ်ဘောင်နှင့် တစ်ဘောင် အလျားလိုက်မြောင်းဆွဲပြီး ကျင်းများ တူးကာ မျိုးစေ့များထည့်၍ စိုက်ပျိုးရပါသည်။ တစ်ပင်နှင့်တစ်ပင် တတောင်ခန့်ခြား၍ စိုက်ပျိုးရပါသည်။ ပဲစောင်းလျားသီး စတင်ထွက်ပေါ်ချိန်မှစ၍ တစ်ရက်ခြားတစ်ခါ ခူးဆွတ်ရပြီး တစ်ခါခူးဆွတ်လျှင် အတောင့်(၃၀၀၀) ကျော်ခန့် ခူးဆွတ်ရကြောင်း သိရှိရပါသည်။ ထွက်ရှိလာသော ပဲစောင်းလျားသီးများကို ရွှေတောင်ဒေသရှိ ကုန်စိမ်းဒိုင်များမှတစ်ဆင့် ရန်ကုန်မြို့ရှိ ဈေးကွက်နှင့် ပြည်မြို့ရှိ ကုန်စိမ်း ဈေးကွက်သို့ ရောင်းချကြောင်းသိရပါသည်။ ပဲစောင်းလျားသီးဈေးကွက်အနေဖြင့် လက်ကားဈေး တစ်တောင့်လျင် (၄)ကျပ်နှုန်းဖြင့်ရောင်းချသလို လက်လီဈေးတစ်တောင့်လျှင် (၅)ကျပ်နှုန်းဖြင့် ရောင်းချကြောင်း သိရှိရပါသည်။

         ပဲစောင်းလျားသီးစိုက်ပျိုးသူအနေဖြင့် တစ်ရက်ခြားတစ်ခါ ဝင်ငွေ ၁၂၀၀၀ကျပ်ခန့်ရရှိသဖြင့် သုံးစွဲရန်အပိုဝင်ငွေရရှိသလို ဧကများလည်းတိုးချဲ့စိုက်ပျိုးပါက မိသားစုဝင်ငွေလည်းရရှိပြီး အကျိုးအမြတ်ပိုမိုဖြစ်ထွန်းမည်ဖြစ်ကြောင်း လေ့လာသုံးသပ်တင်ပြအပ်ပါသည်။

DOCA(ပဲခူး)

        သဖန်းချိုကျေးရွာတွင် တန်ဆောင်မုန်းပဲများ ထွက်ပေါ်လာတော့မည်ဖြစ်သဖြင့် တန်ဆောင်မုန်း ပဲစိုက်ပျိုးမှုဈေးနှုန်းဈေးကွက်နှင့် အကျိုးအမြတ်ကို သိရှိစေရန်အတွက်  လေ့လာတင်ပြလိုက်ရပါသည်။ တန်ဆောင်မုန်း ပဲဆိုသည်မှာ ဒေသအခေါ်အဝေါ်ဖြစ်ပြီး တိုင်ထောင်ပဲနှင့် ဆင်တူပါသည်။ တန်ဆောင် မုန်းပဲကို ဝါခေါင်လမှစတင် စိုက်ပျိုးပြီး (၄) လအကြာ တန်ဆောင်မုန်းလတွင် စတင်အသီးများ ခူးဆွတ် ရပါသည်။

         တန်ဆောင်မုန်းပဲစိုက်ပျိုးဧကမှာ နှစ်ယောက်စိုက်ဖြစ်ပြီး၊ စိုက်ပျိုးသောမျိုးမှာ ဒေသမျိုး ဖြစ်ပါ သည်။ တန်ဆောင်မုန်းပဲ နှစ်ယောက်စိုက်လျင် မျိုးအနေဖြင့် နို့ဆီဗူး (၁)ခန့်ကုန်ကျပြီး တစ်ဘူးလျှင် (၁၀၀၀၀) ကျပ်ဖြင့် ဝယ်ယူစိုက်ပျိုးကြောင်း သိရှိရပါသည်။ နှစ်ယောက်စိုက်ကုန်ကျစရိတ်မှာ (၁၅၀၀၀၀) ကျပ်ခန့်ကုန်ကျပြီး ထွက်ရှိလာသော ပဲသီးများကို ပြည်ဈေးကွက်သို့ ပို့သလို၊ ပြည်မြို့မှတစ်ဆင့် ရန်ကုန်မြို့သို့ တင်ပို့ရောင်းချလျက်ရှိကြောင်း သိရှိရပါသည်။ တန်ဆောင်မုန်းပဲသီး ဈေးနှုန်းများမှာ တစ်တောင့်လျှင် (၅ - ၁၀) ကျပ်ဈေးဖြင့် ရောင်းချလျက်ရှိပါသည်။ တန်ဆောင်မုန်း ပဲသီး နှစ်ယောက် စိုက်လျှင် အကျိုးအမြတ်အနေဖြင့် (၉၀၀၀၀၀) ကျပ်ခန့်ရရှိသဖြင့် ပိုမိုတိုးချဲ့စိုက်ပျိုးသင့်သည့် သီးနှံ ဖြစ်ပါကြောင်း တင်ပြလိုက်ရပါသည်။

DOCA(ပဲခူး)

            တောင်ငူခရိုင်၊ ဖြူးမြို့နယ်တွင် ဆီကြော်မုန့်လုပ်ငန်းများနှင့် ပဲကြော် လုပ်ငန်းများ လုပ်ကိုင် လျက်ရှိပါသည်။ ထိုလုပ်ငန်းများထဲတွင်  စာကလေးခွေကြော် (ခေါ်)ပဲချောင်းခွေကြော် လုပ်ငန်းလည်း တစ်ခုအပါအဝင်ဖြစ်ပါသည်။ စာလေးခွေဆီကြော်မုန့် ပြုလုပ်ရန်အတွက် လိုအပ်သော ကုန်ကြမ်း ပစ္စည်းများမှာ ကုလားပဲမှုန့်၊ ကော်မှုန့်၊ စားအုံးဆီနှင့် ဆားအနည်းငယ်တို့ဖြစ်ပါသည်။

              စာကလေးခွေဆီကြော်မုန့်ပြုလုပ်ပုံမှာ ကုလားပဲမှုန့်၊ ကော်မှုန့်နှင့် ဆားတို့အား အချိုးကျ သမစွာပေါင်းစပ်၍ အခွေပုံစံလေးရအောင် ပုံစံခွက်ထဲတွင်ထည့်၍ ဆီနှင့် ကြော်ပြီးသောအခါတွင် အခွေ ပုံစံ စာကလေးခွေ ကြော်လေးများရရှိပါသည်။

              စာကလေးခွေ ထုပ်ပိုးမှုပုံစံအား ပုံစံ(၂)မျိုးဖြင့် ထုပ်ပိုးထားသည်ဟု သိရှိိရပါသည်။ ရရှိလာ သော စာကလေးခွေများအား ပလတ်စတစ်အိတ်ဖြင့် ပါကင်ထုပ်၍တစ်မျိုး၊ ဘူးတွင်ပါကင်ပိတ်၍ တစ်မျိုး ထုတ်လုပ်ထားကြောင်း သိရှိရပါသည်။

              ဈေးနှုန်းဈေးကွက်အနေဖြင့် ပလတ်စတစ်ဖြင့်ထုပ်ပိုးထားသော စာကလေးခွေ တစ်အိတ် လျင် (၅၀၀) ကျပ်နှုန်းဖြင့် ရောင်းချပြီး ပါကင်ဘူးဖြင့် ထုပ်ပိုးထားသော စာကလေးခွေ တစ်ဘူးလျင် (၁၄၀၀) ကျပ်နှုန်းဖြင့် ရောင်းချပါသည်။

             ဈေးကွက်အနေဖြင့် ဖြူးမြို့အနီးတဝိုက်ရှိ မြို့များဖြစ်သော ညောင်ပင်သာ၊ ကညွတ်ကွင်း နှင့်ဇေယျဝတီမြို့များသို့ ဖြန့်ဖြူးရောင်းချသည့် အပြင် (၁၁၅) မိုင် ယာဉ်ရပ်နားစခန်းရှိ စားသောက် ဆိုင်များသို့ပါ ရောင်းချလျက်ရှိပြီး တစ်နေ့လျင် စာကလေးခွေ အထုပ် (၁၅၀) မှ (၂၀၀) ဝန်းကျင်ထိ ထုတ်လုပ်နိုင်ကြောင်း အေးအေးခိုင် နှစ်ပြန်ကြော်လုပ်ငန်းပိုင်ရှင် ဒေါ်အေးအေးခိုင်၏ ပြောကြား ချက်အား တင်ပြလိုက်ရပါတယ်။

DOCA(ပဲခူး)