၂၅.၈.၂၀၂၃ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။
၂၅.၈.၂၀၂၃ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။
၂၇.၈.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
၂၆.၈.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
၂၅.၈.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
ကရင်ပြည်နယ်တွင် ၂၀၂၃ခုနှစ်၊ ဩဂုတ်လအတွင်း အရောင်းအဝယ်ဖြစ်လျက်ရှိသော ပဲမျိုးစုံ၏ ဈေးနှုန်း/ ဈေးကွက်အခြေအနေများကို ဘားအံမြို့၊ ကျော်စိုး(ပဲပွဲရုံ)သို့သွားရောက်၍ ကွင်းဆင်းလေ့လာမေးမြန်းခဲ့ရာ ပဲမျိုးစုံ၏ ၁ပိဿာဈေးနှုန်းများမှာ ထောပတ်ပဲ ၅၅၀၀/ကျပ်၊ ပဲလွန်းဖြူ ၃၀၀၀/ကျပ်၊ ဘိုကိတ် ၃၀၀၀/ကျပ်၊ ပဲပုတ် ၃၂၀၀/ကျပ်၊ ပဲနီပြား ၄၈၀၀/ကျပ်၊ မတ်ပဲ ၃၇၅၀ ကျပ်၊ ပဲတီရွှေဝါ ၃၉၀၀/ကျပ်၊ ပဲတီစိမ်း(ပဲနောက်) ၂၇၀၀/ကျပ်၊ မြေပဲဆန် ၈၇၀၀/ကျပ်၊ နှမ်း (ကိုင်း) ၆၅၀၀/ကျပ်၊ နှမ်း (တောင်ယာ) ၇၅၀၀/ကျပ်နှင့် စမှုံနက် ၈၅၀၀/ကျပ်တို့ဖြစ်ကြောင်းသိရသည်။
ဈေးကွက်အနေဖြင့် ပြည်နယ်အတွင်းစားသုံးရန်နှင့် လုပ်ငန်းသုံးအတွက်သာ အရောင်းအဝယ်ဖြစ်လျက်ရှိကြောင်းနှင့် ပဲပုတ်အနေဖြင့် ကုန်သည်လက်ကျန် (လှောင်ပဲ) အနည်းငယ်ရှိကြောင်း သိရပါသည်။
DOCA(ကရင်)
“ငါးပိမှာ ကော့ရင်း မျှစ်မှာ ကော့လုံ” ဆိုသည့်အတိုင်း ကရင်ပြည်နယ်တွင် ရေချိုငါးပိအကောင်းဆုံးမှာ ကော့ရင်းဒေသထွက် ငါးပိဖြစ်ကြောင်းနှင့် ငါးပိရည်နှင့် တွဲဖက်စားသုံးသော မျှစ်ချို (ဝါးနွယ်မျှစ်) မှာ ကော့လုံဒေသထွက် မျှစ်များဖြစ်ကြောင်း ဒေသခံများက ဆိုရိုးပြုရသည့်တိုင် မြန်မာလူမျိုးများနှစ်ခြိုက်စွာတွဲ၍ စားသုံးကြသည့် ကရင်ပြည်နယ်၊ ဘားအံခရိုင်၊ ကော့လုံဒေသထွက် မျှစ်များမှာ မကြာမီတွင် မျှစ်ချိုးချိန် /မျှစ်ပေါ်ချိန်ရာသီကုန်ဆုံးတော့မည်ဖြစ်သည်။
ကရင်ပြည်နယ်၊ ကော့လုံဒေသထွက် ဝါးနွယ်မျှစ် (မျှစ်ချို) များသည် နှစ်စဉ် မိုးဦးကျချိန် မေလနှောင်းပိုင်းတွင် စတင်ထွက်ပေါ်လေ့ရှိပြီး ဩဂုတ်လတွင် မျှစ်ချိုးရာသီကုန်ဆုံးလေ့ရှိသည်။ ကရင်ပြည်နယ်၊ ကော့လုံဒေသထွက် မျှစ်များသည် ပေါ်ဦးပေါ်စအချိန်တွင် ၁ပိဿာလျှင် ၁သောင်းကျပ်ဖြင့် အရောင်းအဝယ်ဖြစ်ကြောင်းနှင့် မျှစ်ပေါ်သည့်ကာလ ဇွန်လနှင့် ဇူလိုင်လတို့တွင် ၁ပိဿာလျှင် ၂၅၀၀ကျပ်သာဈေးနှုန်းရရှိကြောင်း၊ လက်ရှိတွင် ၁ပိဿာလျှင် ၃၅၀၀ကျပ်ဖြင့် အရောင်းအဝယ်ဖြစ်လျက်ရှိကြောင်း သိရသည်။
ကော့လုံဒေသထွက် မျှစ်များကို ဘားအံမြို့၊ ရေပေါ်ဈေးတွင်လာရောက်ရောင်းချနေသော ဒေသခံတိုင်းရင်းသူတစ်ဦးက မျှစ်ရောင်းချရမှုနှင့်ပတ်သက်၍ “ အေး ကော့လုံက လာရောင်းတာ၊ မျှစ်က ဒီလဆိုကုန်တော့မှာလေ၊ ခု ၁ပိဿာ ၃၅၀၀ ရောင်းတယ်၊ တစ်နေ့ကို ၅သောင်းဖိုးလောက် ရောင်းရတယ်၊ ကယ်ရီခ ၅ထောင်ပေးရတယ်၊ ငါ့အတွက် ၂သောင်းလောက်ကျန်တယ်၊ နင်လိုချင်ယူသွား” ဟု ခပ်ပြုံးပြုံးဖြင့် ပြောပြလေသည်။ မျှစ်ကို ဝါးပင်ရက်သတ္တပတ် နှစ်ပတ်သား မတိုင်ခင် ဝါးပင်ပေါက်အရွယ်၌ ချိုးယူ၍ မျှစ်အဖြစ် စားသောက်ခြင်းဖြစ်ကြောင်းနှင့် မျှစ်ကို ချက်ချင်းလက်ငင်းချိုးယူ၍ ငါးပိရည်၊ ငရုတ်သီးစပ်စပ်တို့နှင့် တို့မြှုပ်၍ စားသုံးနိုင်သကဲ့သို့ တာရှည်ခံအောင်ထား၍လည်း နည်းအမျိုးမျိုးစားသုံးကြလေ့ရှိပြီး မြန်မာလူမျိုများကြိုက်နှစ်သက်သော အစား အစာတစ်မျိုးဖြစ်ပေသည်၊၊
DOCA(ကရင်)
မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။
မုံရွာမြိုတွင် စက်သုံးဆီဆိုင် (၂၇)ဆိုင် ပုံမှန်ဖွင့်လှစ်ရောင်းချလျက်ရှိပြီး ဩဂုတ်လ တတိယပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၃၄၀) ကျပ်၊ ဓါတ်ဆီ (95) တစ်လီတာလျှင် (၂၄၅၀)ကျပ် ၊ ဒီဇယ်(ရိုးရိုး) တစ်လီတာလျှင် (၂၄၈၅) ကျပ်၊ ဒီဇယ်(ပရီမီယမ်) တစ်လီတာလျှင် (၂၅၆၀)ကျပ်ဖြင့် ရောင်းချလျက်ရှိကြောင်း သိရသည်။
ယခုဩဂုတ်လ စတုတ္ထပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၃၀၅) ကျပ်၊ ဓါတ်ဆီ (95) တစ်လီတာလျှင် (၂၄၂၅)ကျပ် ၊ ဒီဇယ်(ရိုးရိုး) တစ်လီတာလျှင် (၂၄၇၀) ကျပ်၊ ဒီဇယ်(ပရီမီယမ်) တစ်လီတာလျှင် (၂၅၅၀)ကျပ်ဖြင့် ရောင်းချနေသောကြောင့် ယခင်အပတ် နှင့် နှိုင်းယှဉ်ပါက ဓါတ်ဆီ(92) တစ်လီတာလျှင် (၃၅)ကျပ်၊ ဓါတ်ဆီ(95) တစ်လီတာလျှင်(၂၅)ကျပ် ၊ ဒီဇယ် (ရိုးရိုး) တစ်လီတာလျှင် (၁၅)ကျပ်၊ ဒီဇယ်(ပရီမီယမ်) တစ်လီတာလျှင် (၁၀) ကျပ်ဖြင့် ဈေးနှုန်းအသီးသီး ကျဆင်းလျက်ရှိကြောင်း စက်သုံးဆီဆိုင်များမှ သတင်းရရှိသည်။
DOCA(စစ်ကိုင်း)
ကရင်ပြည်နယ်၊ ဘားအံမြို့၊ ရေပေါ်ဈေးရှိ အခြေခံစားကုန်များ၏ နေ့စဉ်ကုန်ဈေးနှုန်းအခြေအနေများကို ကွင်းဆင်းကောက်ယူစာရင်းပြုစုလျက်ရှိရာ (၂၂-၈-၂၀၂၃) ရက်နေ့တွင် ကွင်းဆင်း၍ စာရင်းကောက်ယူမှုအရ အခြေခံစားသောက်ကုန်ဖြစ်သော ကြက်သွန်နီဈေးနှုန်းမြင့်တက်ခဲ့ကြောင်း သိရသည်။
ဈေးနှုန်းစာရင်းနှိုင်းယှဉ်မှုများအရ ယခင်လတွင် ကြက်သွန်နီအလတ်စ လက်လီဈေးမှာ ၁ပိဿာလျှင် ၂၅၀၀/ကျပ်၊ ၁၀ပိဿာဝင် အိတ်ဆွဲတစ်ဆွဲလျှင် ၂၃၀၀၀ကျပ်ဖြစ်သော်လည်း ယခုလ၊ တတိယအပတ်တွင် ၁ပိဿာလျှင် ၃၅၀၀/ကျပ် ၁၀ပိဿာဝင် အိတ်ဆွဲတစ်ဆွဲလျှင် ၃၃၀၀၀ ကျပ်ဖြင့်လည်းကောင်း ဈေးကွက်အတွင်း အရောင်းအဝယ်ဖြစ်လျက်ရှိကြောင်းနှင့် ကြက်သွန်ဈေးမှာ ဈေးနှုန်းတည်ငြိမ်မှုမရှိဘဲ အတက်အကျဖြစ်နေသောကြောင့် ခန့်မှန်းရခက်လျက်ရှိကြောင်း သိရသည်။
စာရင်းဇယားများအရ ကရင်ပြည်နယ်တွင် ကြက်သွန်နီဈေးနှုန်းများမှာ ၂၀၂၂ခုနှစ်၊ ဒီဇင်ဘာလတွင် ၁ပိဿာလျှင် ၄၅၀၀ကျပ်ဖြင့် ဈေးနှုန်းအမြင့်ဆုံးဖြစ်ခဲ့ပြီး ယခုနှစ်ဧပြီလ၊ သင်္ကြန်မတိုင်မီတွင် ၁ပိဿာလျှင် ၁၂၅၀ကျပ်ဖြင့် အရောင်းအဝယ်ဖြစ်ခဲ့ကြောင်းသိရပါသည်။
DOCA(ကရင်)
နိုင်ငံတကာဈေးနှုန်းများ၊ အခြားကုန်ပစ္စည်းဈေးနှုန်းများ မြင့်တက်လျက်ရှိသဖြင့် အခြေခံစားသောက်ကုန်ဈေးနှုန်းများလည်း မြင့်တက်လာရာ ပြည်သူများ သက်သာသောဈေးနှုန်းဖြင့် ဝယ်ယူရရှိစေရေး တာဝန်ရှိသူများက ဆောင်ရွက်ပေးလျက်ရှိပါသည်။ အခြေခံစားကုန်များဖြစ်သော ဆန်(၁) ပြည်လျှင်လက်လီဆန်ဆိုင်များ၌ (၄၀၀၀)ကျပ်အထက်၊ စားအုန်းဆီ (၁)ပိဿာလျှင် (၉၀၀၀)ကျပ်အထက် ဈေးနှုန်းများဖြစ်ခြင်းကြောင့် တဆင့်ခံကုန်ကျစရိတ်မပါ ကိုယ်တိုင်စိုက်ပျိုး မွေးမြူထုတ်လုပ်သူများတိုက်ရိုက်ရောင်းချနိုင်သည့် သင့်တင့်သောဈေးနှုန်းဖြင့် စီစဉ်ပေးလျက်ရှိပါသည်။ အခွန်လွတ်ဈေးစီစဉ်ပေးခြင်း၊ စိုက်ပျိုးမွေးမြူထုတ်လုပ်သူများ ကိုယ်တိုင်ရောင်းချနိုင်စေရန် နေရာစီစဉ်ပေးခြင်း၊ ဌာနဆိုင်ရာနှင့် အသင်းအဖွဲ့များနှင့် ပူးပေါင်း၍ သက်သာသောဈေးနှုန်းဖြင့် အပတ်စဉ်ရောင်းချပေးခြင်း၊ ဆန်၊ဆီ၊ကြက်သွန်၊ကြက်ဥတို့ကို တစ်အိမ်ထောင်လျှင် ဝယ်ယူနိုင်သည့် ပမာဏတန်ဖိုးစုစည်း၍ ဝယ်ယူစေခြင်း နည်းလမ်းတို့ဖြင့် ပံ့ပိုးဆောင်ရွက် ပေးလျက်ရှိကြောင်း သိရပါသည်။
စစ်ကိုင်းတိုင်းဒေသကြီးတွင် ဩဂုတ် ၁၉ ရက်နေ့တွင် ရေဦးမြို့၌ အာလူး(၂၅)ကျပ်သား၊ ကြက်သွန်နီ(၂၅)ကျပ်သား၊ကြက်ဥ (၅)လုံးပါ(၃)မျိုးကို ငွေကျပ်(၂၀၀၀)နှုန်း၊ကန့်ဘလူမြို့၌ ဆန်တစ်ပြည်၊ဆီ ၅ကျပ်သားနှင့် ကြက်ဥ ၂လုံးပါ (၃)မျိုးကို ငွေကျပ်(၃၀၀၀)နှုန်း၊ ကျွန်းလှမြို့၌ ဆန်တစ်ပြည်၊ ဆီ ၁၀ ကျပ်သားနှင့် ကြက်ဥ ၃လုံးပါ(၃)မျိုးကို ငွေကျပ်(၃၀၀၀)နှုန်း၊ မုံရွာမြို့၌ ဆန်တစ်ပြည် (၃၀၀၀)ကျပ်၊ စားအုန်းဆီ ၁ပိဿာ(၄၅၀၀)ကျပ်၊ ကြက်ဥတစ်လုံး(၂၅၀) ကျပ်နှုန်းဖြင့် အများပြည်သူများကို ဈေးနှုန်းချိုသာစွာ ရောင်းချပေးခဲ့ပါသည်။ထိုသို့ ဝယ်ယူရသဖြင့် ဈေးသက်သာပြီးအထောက်အပံ့ဖြစ်ကြောင်း သိရပါသည်။
DOCA(စစ်ကိုင်း)
