ပြည်တွင်းကုန်သွယ်မှုသတင်း

    ၂၀၂၃ခုနှစ်၊ ဩဂုတ်လတွင် ကရင်ပြည်နယ်နယ်ထွက် RSS 3 ရော်ဘာဈေးနှုန်းမှာ တစ်ပေါင်လျှင် ၁၅၀၀ကျပ်မှ ၁၆၈၀ကျပ်အထိဈေးမြင့်တက်ခဲ့ကြောင်း သိရသည်။

    ပွင့်လင်းရာသီ ရော်ဘာအစေးခြစ်ချိန်ရာသီအတွင်း ကရင်ပြည်နယ်ဒေသထွက် RSS 3 အမျိုးအစား ရော်ဘာ ၁ပေါင်လျှင် ၁၂၁၀ကျပ်ဖြင့် ဈေးဖွင့်ခဲ့ပြီး မိုးဦးကျအစေးခြစ်ကာလပြီးဆုံးချိန်တွင် တစ်ပေါင်လျှင် ၁၃၄၀ကျပ်ဖြင့် ဈေးပိတ်ခဲ့ရာမှ တဖြည်းဖြည်းဈေးနှုန်းမြင့်တက်လာခဲ့ခြင်းဖြစ်ပြီး ယခုဩဂုတ်လတွင် ၁၅၀၀ကျပ်မှ ၁၆၈၀ကျပ်အထိမြင့်တက်လာပါသည်။ လက်ရှိအချိန်တွင် ကရင်ပြည်နယ်၌ RSS 3 နှင့် RSS 5 အမျိုးအစား ၂မျိုးတို့မှာ အရောင်းအဝယ်ဖြစ်လျက်ရှိပြီး RSS 5 အမျိုးအစားမှာ  တစ်ပေါင်လျှင် ၁၆၄၀ကျပ်ဖြစ်ကြောင်းနှင့် ယခုမိုးကာလမှာ ကရင်ပြည်နယ်တွင် ရော်ဘာစိုက်တောင်သူအများစုအနေဖြင့် ရော်ဘာအစေးခြစ်လုပ်ငန်းများရပ်နား၍ မြေပြုပြင်ခြင်း၊ ခြံရှင်း/ ခြုံခုတ်နှင့် အပင်အစာကျွေးခြင်းလုပ်ငန်းများကို ဆောင်ရွက်ဆဲကာလဖြစ်ကြောင်းနှင့် ရော်ဘာဈေးနှုန်းမြင့်တက်လာခြင်းကြောင့် လာမည့်အစေးခြစ်ကာလတွင် လုပ်ငန်းရှင်များအနေဖြင့် ရော်ဘာလုပ်ငန်းလုပ်ကိုင်ကြခြင်းဖြင့် အကျိုးအမြတ်ပိုမိုရရှိလာနိုင်ဖြစ်ကြောင်း သိရပါသည်။

DOCA(ကရင်)

    စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦးခရိုင်များအနေဖြင့် ရွှေဘိုနှင့်ရေဦးခရိုင်တို့တွင် ဧရာမင်းစပါးလက်ကျန်မရှိသလောက် နည်းပါနေကြောင်း၊ တောင်သူများ စပါးလက်ကျန်နည်းပါးလာပြီး အဝယ်များနေခြင်းကြောင့် ကလေးခရိုင်တစ်ခုသာ ဈေးအနည်းငယ်တက်နေပြီး ကျန်ခရိုင်အားလုံး‌‌ဈေးငြိမ်နေပါကြောင်း သိရှိရပါသည်။

      စစ်ကိုင်းတိုင်းဒေသကြီးအတွင်း ဩဂုတ်လ(တတိယ)ပတ်တွင် ဖြစ်ပေါ်နေသော စပါး/ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း(စပါး)  တင်း ၁၀၀လျှင် ကျပ် ၃,၇၀၀,၀၀၀၊ ပေါ်ဆန်း (ဆန်) ၂၄ပြည်ပါ တစ်အိတ်လျှင် ၁၃၅,၀၀၀ကျပ်၊ ဧရာမင်း (ဆန်) ၂၄ပြည်ပါ တစ်အိတ်လျှင် ၁၃၈,၀၀၀ ကျပ်၊ နွေစပါး(ရွှေဝါထွန်း) စပါးတင်း(၁၀၀)လျှင် ကျပ် ၁,၉၀၀,၀၀၀၊  နွေစပါး(ရွှေဝါထွန်း)(ဆန်) ၂၄ပြည် ပါတစ်အိတ်လျှင် ကျပ် ၈၀,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

      ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)တင်း ၁၀၀လျှင် ကျပ် ၃,၇၀၀,၀၀၀၊ ပေါ်ဆန်း (ဆန်) တစ်အိတ်လျှင်ကျပ် ၁၃၅,၀၀၀၊  ဧရာမင်း(ဆန်)၂၄ပြည်ပါ တစ်အိတ် ၁၃၈,၀၀၀ ကျပ်၊ နွေစပါး (ရွှေဝါ ထွန်း) စပါးတင်း(၁၀၀)လျှင် ကျပ် ၁,၉၀၀,၀၀၀၊  နွေစပါး (ရွှေဝါထွန်း) (ဆန်) ၂၄ပြည်ပါ တစ်အိတ်လျှင် ကျပ် ၈၀,၀၀၀ များဖြင့် အရောင်းအဝယ် ဖြစ်နေကြောင်း သိရပါသည်။

      ကလေးခရိုင်၊ ကလေးမြို့နယ်မှ ဧည့်မထ(စပါး) တင်း၁၀၀ လျှင် ၂,၈၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၁၅,၀၀၀၊ ငစိန်(စပါး)တင်း၁၀၀လျှင် ၂,၇၀၀,၀၀၀၊ ငစိန် (ဆန်)၂၄ပြည်ပါ တစ်အိတ်မှာ ၁၀၅,၀၀၀၊ ဧရာမင်း(စပါး) တင်း ၁၀၀ လျှင် ကျပ် ၃,၀၀၀,၀၀၀၊ ဧရာမင်း(ဆန်)၂၄ပြည်ပါ တစ်အိတ်မှာ ကျပ် ၁၂၅,၀၀၀၊ နွေစပါး(ဒေသမျိုး)(စပါး) တင်း ၁၀၀ လျှင် ကျပ် ၁,၁၀၀,၀၀၀၊ နွေစပါး (ဒေသမျိုး)(ဆန်)၂၄ပြည်ပါ တစ်အိတ်မှာကျပ် ၈၇,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

      ကသာခရိုင်၊ အင်းတော်မြို့နယ်မှ မှော်ဘီ(၂)(စပါး) တင်း ၁၀၀ လျှင် ကျပ်၁,၉၅၀,၀၀၀၊ မှော် ဘီ(၂) ဆန် ၂၄ပြည် တစ်အိတ်လျှင် ကျပ် ၈၁,၀၀၀၊ ဆင်းဧကရီ(၃)(စပါး)  တင်း၁၀၀ လျှင် ကျပ် ၂,၁၀၀,၀၀၀၊ ဆင်းဧကရီ-၃ ဆန် ၂၄ပြည်တစ်အိတ်မှာကျပ် ၈၅,၀၀၀၊ ဧရာမင်း (စပါး)တင်း ၁၀၀လျှင် ကျပ် ၂,၄၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၁၁၀,၀၀၀၊ နွေစပါး(ဆင်း-၃)(စပါး) တင်း ၁၀၀ လျှင် ကျပ် ၁,၃၀၀,၀၀၀၊ နွေစပါး (ဆင်း-၃)(ဆန်)၂၄ပြည်ပါ တစ်အိတ်မှာကျပ် ၆၅,၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)တင်း ၁၀၀ လျှင် ကျပ် ၃,၁၅၀,၀၀၀၊  ဧရာမင်း (ဆန်) ၂၄ပြည် တစ်အိတ်မှာ ကျပ် ၁၃၀,၀၀၀၊ ပေါ်ဆန်း (စပါး) တင်း ၁၀၀ လျှင် ကျပ် ၃,၅၀၀,၀၀၀၊  ပေါ်ဆန်း (ဆန်) ၂၄ပြည် တစ်အိတ်မှာ ကျပ် ၁၃၅,၀၀၀၊ မနောသုခ(စပါး) တင်း ၁၀၀လျှင် ကျပ် ၂,၀၀၀,၀၀၀၊ မနောသုခ (ဆန်)၂၄ ပြည် တစ်အိတ်လျှင် ကျပ် ၉၀,၀၀၀ ဖြင့် အရောင်းအဝယ် ဖြစ်နေကြောင်း သိရ ပါသည်။

     ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)တင်း ၁၀၀ လျှင် ကျပ် ၃,၀၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၁၃၀,၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၃,၅၀၀,၀၀၀၊ ပေါ်ဆန်း (ဆန်)၂၄ပြည်တစ်အိတ်လျှင် ကျပ် ၁၃၀,၀၀၀၊ နွေစပါး ရွှေဝါထွန်း (စပါး)တင်း ၁၀၀ လျှင် ကျပ် ၁,၈၀၀,၀၀၀၊  ရွှေဝါထွန်း (ဆန်) ၂၄ပြည် တစ်အိတ်မှာ ကျပ် ၈၀,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

    စစ်ကိုင်းတိုင်းဒေသကြီးမှ ဩဂုတ်လ (တတိယ)ပတ်တွင် စစ်ကိုင်းတိုင်းဒေသကြီးမှ အခြားတိုင်း ဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၁၂,၅၀၀၊ မန္တလေး သို့ အိတ်ရေ ၂၈,၇၀၀၊ မကွေးသို့ အိတ်ရေ ၆၀၀၊ နေပြည်တော်သို့ အိတ်ရေ ၅,၅၀၀၊ ရှမ်း (တောင်)သို့ အိတ်ရေ ၄,၅၀၀၊ ရှမ်း(မြောက်) သို့အိတ်ရေ ၄,၅၀၀၊ ကချင်သို့ အိတ်ရေ ၁,၂၀၀၊ စုစုပေါင်း အိတ်ရေ (၅၆,၅၀၀)အိတ်၊ တန်အားဖြင့် (၂,၈၂၅) စီးထွက်ခဲ့ပြီး၊ ယခု ဩဂုတ်လ (စတုတ္တ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၁၅,၀၀၀၊ မန္တလေး သို့ အိတ်ရေ ၂၈,၁၀၀၊ မကွေး သို့ အိတ်ရေ ၆၀၀၊ နေပြည်တော်သို့ အိတ်ရေ ၅,၀၀၀၊ ရှမ်း (တောင်)သို့ အိတ်ရေ ၄,၅၀၀၊ ရှမ်း(မြောက်) သို့အိတ်ရေ ၄,၅၀၀၊ ကချင်သို့ အိတ်ရေ ၅၀၀၊ စုစုပေါင်း အိတ်ရေ (၅၈,၂၀၀)အိတ်၊ တန်အားဖြင့် (၂,၉၁၀) စီးထွက်ခဲ့သည့် အတွက် ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၁၇၀၀) တန်အားဖြင့် (၈၅) ပိုမို စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)                                                                                                                                 

  ကရင်ပြည်နယ်၊ ဘားအံမြို့သို့ မိတ္ထီလာဒေသထွက် ဖရဲသီးများမှာ ဈေးကွက်အတွင်းသို့ ဝင်ရောက်လျက်ရှိကြောင်းနှင့် ကုန်သည်လောကအခေါ်မှာ ဒုံးပျံဖရဲသီးအမျိုးအစားဖြစ်ကြောင်း၊ ဖရဲသီးအလုံးရေ ၅၀၀၀ပါ ၁၂ဘီးကားတစ်စီးလျှင် ဘားအံအရောက် သယ်ယူပို့ဆောင်ခမှာ ၆သိန်းကျပ်ကုန်ကျစရိတ်ရှိကြောင်းနှင့် ဖရဲသီးများကို ထွက်ရှိရာဒေသများ၌ အခင်းပြတ်စနစ်ဖြင့်ဝယ်ယူ၍ သယ်ယူပို့ဆောင်ခ/ လုပ်သားခ/ အခြားကုန်ကျစရိတ်များထပ်ပေါင်းပါက အကြီး/အသေးသောင်းပြောင်းကုန်ကျစရိတ်တို့မှာ ၈၅၀ခန့်ကျသင့်ကြောင်း၊ ၂၀၂၃ခုနှစ်၊ ဩဂုတ်လ၊ တတိယအပတ်တွင် ဖောက်သည်ဈေးအနေဖြင့် အကြီး/ အသေးတစ်လုံးလျှင် ၁၀၀၀ကျပ်ဖြင့် ဖြန့်ဖြူးလျက်ရှိကြောင်းနှင့် ပယ်သီးနှင့် အလေအလွင့် ၅ရာခိုင်နှုန်းခန့်ထွက်ရှိကြောင်း သိရသည်။

  ကရင်ပြည်နယ်၌ ဒေသထွက် ဖရဲသီးများကို အဓိကရောင်းဝယ်မှုပြုကြောင်းနှင့် မိုးကာလ ဖရဲမထွက်ရှိချိန်ဖြစ်သော ဇူလိုင်လ၊ ဩဂုတ်လနှင့် စက်တင်ဘာလတို့တွင် ပြည်တွင်းမှ ဖရဲသီးများကိုဝယ်ယူရောင်းချလျက်ရှိကြောင်းသိရှိရပါသည်။

DOCA(ကရင်)

  ရှမ်းပြည်နယ်(မြောက်ပိုင်း)၊ ပလောင်ကိုယ်ပိုင်အုပ်ချုပ်ခွင့်ရဒေသ၊ နမ့်ဆန်မြို့နယ်၊ နမ်ခေး၊ ကုလား၊ မိုးဟိန်းကျေးရွာများနှင့် အခြားကျေးရွာများတွင် မိသားစုဝင်ငွေရရှိရန်အတွက် ဒေသအာလူးများကို တစ်နိုင်တစ်ပိုင်စိုက်ပျိုးကြကြောင်းတွေ့ရှိရပါသည်။

 နမ့်ဆန်မြို့နယ်အတွင်း အာလူးစိုက်ဧက(၂၅)ဧကရှိပြီး မတ်လမှ ဇွန်လအထိ စိုက်ပျိုးလျက်ရှိကြောင်း၊ စိုက်ပြီး သုံးလ၊ လေးလအတွင်း အပင်များခြောက်သွေ့လာချိန်တွင် တူးဖော်ရကြောင်း၊ ထွက်ရှိလာသောအာလူးများကို ကာလပေါက်ဈေး (၁)ပိဿာလျှင် ကျပ်(၂၀၀၀)မှ ကျပ်(၃၀၀၀)အထိ အလုံးအရွယ်အစားပေါ်မူတည်၍ ဈေးအသီးသီးရရှိကြောင်း၊ ဈေးကွက်အနေဖြင့် နမ့်ဆန်မြို့နယ်အတွင်း ဖြန့်ဖြူးရောင်းချလျက်ရှိကြောင်းသိရပါသည်။

 အာလူးစိုက်ပျိုးခြင်းကြောင့် မိသားစုစားဝတ်နေရေးအဆင်ပြေလျက်ရှိပြီး တစ်ဖက်တစ်လမ်းဝင်ငွေအဖြစ်လည်းရပ်တည်လျက်ရှိနေကြောင်း လေ့လာသိရှိရပါသည်။

DOCA(ရှမ်း)

  စားသုံးသူရေးရာဦးစီးဌာန၊ ခရိုင်ဦးစီးမှူးရုံးမှ ဒေါ်ဥမ္မာလင်း(ဦးစီးမှူး)နှင့် ဒေါ်အေးအေးသန့် (အကြီးတန်းစာရေး)တို့သည် (၁၈-၈-၂၀၂၃)ရက်နေ့၌ ကျောက်မဲမြို့နယ်အတွင်း ရောင်းချလျက်ရှိသည့် သစ်သီးဝလံအရောင်းဆိုင်များသို့သွားရောက်၍ ဈေးနှုန်းဈေးကွက်ဆိုင်ရာများနှင့်စပ်လျဉ်းပြီး ကွင်းဆင်းမေးမြန်းခဲ့ကြကြောင်းသိရသည်။

    အဆိုပါ ဈေးကွက်အတွင်းရှိ သစ်သီးဝလံများသည် ပြည်တွင်းမှထွက်ရှိသည့် သစ်သီးဝလံများအပြင် ပြည်ပ(တရုတ်)မှတင်သွင်းလာသည့် သစ်သီးဝလံများပါ ရောင်းချလျက်ရှိခြင်းဖြစ်ကြောင်းသိရသည်။   ဩဇာသီး၊  နဂါးမောက်သီးနှင့် ကမ္ဗလာသီးများသည် ပြည်တွင်းမှထွက်ရှိသည့် သီးနှံများဖြစ်ကြပြီး အခြားသီးနှံများကို တရုတ်မှဝယ်ယူရောင်းချခြင်းဖြစ်ကြောင်း သိရသည်။

  ဈေးနှုန်းများမှာ  ဩဇာသီး (၁)လုံးလျှင် (၅၀၀/-)ကျပ်၊ နဂါးမောက်သီး (၁)လုံးလျှင် (၁၀၀၀/-) ကျပ်နှင့် ကမ္ဗလာသီး(၁)လုံးလျှင် (၈၀၀/-)ကျပ်ဖြစ်ကြောင်းသိရသည်။ ပြည်ပမှဝယ်ယူရောင်းချသည့် ပန်းသစ်တော်(၁)လုံးလျှင် (၂၅၀၀/-) ကျပ်၊ ပန်းသီး(ကြီး)(၁)လုံးလျှင် (၂၅၀၀/-)ကျပ်၊ ပန်းသီး(အသေး)(၁)လုံးလျှင် (၁၅၀၀/-)ကျပ်၊ ပန်းသီး(လတ်)(၁)လုံးလျှင် (၂၀၀၀/-)ကျပ်၊ သစ်တော်သီး (၁)လုံးလျှင် (၂၅၀၀/-)ကျပ်၊ သလဲသီး ၁လုံးလျှင် (၁၅၀၀/-)ကျပ်၊ သရက်သီး(၁)လုံးလျှင် (၈၀၀/-)ကျပ်၊ သခွားမွှေး (၁)လုံးလျှင် (၄၀၀၀/-)ကျပ်၊  စပျစ်သီး (၁)ပိဿာလျှင် (၆၀၀၀/-)ကျပ်နှင့် မက်မန်း (၁)ပြည်လျှင် (၃၀၀၀/-)ကျပ်တို့ဖြစ်ကြောင်းသိရသည်။

  တချို့သစ်သီးဝလံဈေးနှုန်းများအနေဖြင့် ဈေးနှုန်းကြီးမြင့်လျက်ရှိသော်လည်း အရောင်းအဝယ်မှာ ပုံမှန်ဖြစ်လျက်ရှိကြောင်း သီးနှံရောင်းချသူများထံမှသိရပါသည်။

DOCA(ရှမ်း)