ပြည်တွင်းကုန်သွယ်မှုသတင်း

     ပြည်ထောင်စုနယ်မြေအတွင်း ခရိုင်(၄)ခု၊ မြို့နယ်(၈)မြို့နယ်ရှိရာ မြို့နယ်အားလုံးမှ မန်ကျည်းထွက်ရှိပါသည်။ မန်ကျည်းထွက်ရှိမှုအနေဖြင့် နှစ်စဉ်ပိဿာချိန် သိန်း(၈၀)အထက်တွင် ရှိနေပြီး ရောင်းဝယ်မှုအနေအထား အကောင်းဆုံးအခြေအနေကို တပ်ကုန်း မြို့နယ်တွင် တွေ့ရှိရပါသည်။

     မန်ကျည်းသီးရောင်းဝယ်မှုပုံစံများတွင် အသီးနု တင်ချိန်မှစ၍ အသီးရင့်မှည့်၍ အသီးချွေရန် အချိန်နီးလာသည့်ကာလအထိ အပင်သီးအား အခြေအနေကိုကြည့်၍ ဈေးဖြတ်ကာ ဝယ်ယူမှုများ ရှိနေပါသည်။ ဝယ်ယူမှုများ စတင်ချိန်သည် ဇူလိုင်လမှစတင်၍ ဝယ်ယူမှုများရှိသော်လည်း အများဆုံးဝယ်ယူသည့်အချိန်သည် နိုဝင်ဘာလနှင့် ဒီဇင်ဘာလများ ဖြစ်ပါသည်။

     မန်ကျည်းဈေးကွက်တွင် မန်ကျည်းရွက်နု၊ အသီးနုနှင့် အသီးအမှည့်အနေအထားများဖြင့် ဈေးကွက်အတွင်းသို့ ဝင်ရောက်လျက်ရှိသည်ကို တွေ့ရပြီး မန်ကျည်းရွက်နုသည် မန္တလေးဈေးကွက်သို့ တင်ပို့မှုရှိပြီး မန်ကျည်းသီးအနုနှင့် ရင့်မှည့်ပြီး မန်ကျည်းသီးတို့သည် ရန်ကုန်ဈေးကွက်သို့ တင်ပို့ မှုရှိပါသည်။ မန်ကျည်းမှည့်သည် ပြည်တွင်းသုံးစွဲမှုအပြင် ပြည်ပသို့ တင်ပို့မှုများရှိနေသဖြင့် ပြည်ပ ဝင်ငွေရှာဖွေနိုင်သော အနေအထားတွင်ရှိနေပါသည်။

   မန်ကျည်းအရွက်၊ အသီးရောင်းဝယ်မှုများတွင် ပိဿာချိန်အရေအတွက်နှင့်သာ ရောင်းဝယ်မှု ပုံစံရှိနေပြီး မန်ကျည်းသီးတွင် ထုပ်ပိုးမှုပုံစံနှင့် ကုန်ပစ္စည်းအနေအထားတွင် ပုံစံပြောင်းလဲမှု အနေအထားများသာရှိလာပါသည်။ ယခင်(၁၀)နှစ်ကျော်ကာလများ မန်ကျည်းသီးမှည့် တင်ပို့မှုတွင် အစေ့မပါ အနေအထားဖြင့် နှီးခြင်းတောင်းများဖြင့် တင်ပို့မှုရှိသော်လည်း ယခုအခါ အစေ့ပါအနေအထားဖြင့် ပီနံအိတ်တွင် ရေစိုခံအိတ်ဖြင့် ထည့်သွင်းပြီး သင်္ဘောတင်အဆင့် တင်ပို့မှုအခြေအနေသို့ ရောက်ရှိနေသည်ကို တွေ့ရပါသည်။

   မန်ကျည်းရောင်းဝယ်မှုများကို ဒီဇင်ဘာလ ဒုတိယပတ်တွင် စတင်ပြီး ဧပြီလကုန်တွင် နည်းပါး သွားလေ့ရှိသည်ကို တွေ့ရပါသည်။ မန်ကျည်းမှည့်အစေ့ပါ အကြောဆွဲ တစ်ပိဿာ ယခင်နှစ် ပေါက်ဈေးနှုန်း (၁၃၀၀)ကျပ် ဝန်းကျင်ရှိခဲ့သော်လည်း ယခုနှစ်ဈေးနှုန်း ဖြစ်ပေါ်မှုများတွင် (၁၀၀၀) ကျပ်ဈေးဖြင့် ဈေးဖွင့်ခဲ့သော်လည်း မတ်လ ဒုတိယပတ်တွင် (၉၀၀)ကျပ် ဈေးနှုန်းသို့ လျော့ကျခဲ့မှု ရှိခဲ့ပါသည်။ တင်ပို့မှုအခြေအနေတွင် တိုက်ရိုက် သင်္ဘောတင်အဆင့်ဖြင့် (၃၀.၅)ပိဿာ ဝင်ဆန့်မှု အနေအထားဖြင့် ရေစိုခံအိတ်ပါပီနံအိတ်တွင် ထည့်သွင်းပြီး တင်ပို့မှုအနေအထား၊ ဘလောက်တုံးပုံစံသွင်း၍ ပလတ်စတစ်ထုတ်ပိုးမှုဖြင့် အိတ်သွပ်၍ တင်ပို့မှုများ ရှိနေပါသည်။

     မန်ကျည်းတင်ပို့ရန်အတွက် အိတ်သွပ်၊ ချိန်ချုပ်၊ ကားတင်ခ (၃၅၀)ကျပ်ခန့် ကုန်ကျမှုရှိပြီး ဘလောက်တုံးပုံစံသွင်း၍ ပလတ်စတစ်ပုံ အိတ်သွပ်လျှင် (၅၀၀)ကျပ်ခန့် ကုန်ကျနေပြီး နေပြည် တော်မှ ရန်ကုန်ကားခ တစ်အိတ်(၂၃၀၀)ကျပ်ရှိနေသည်ဟု သိရှိရပါသည်။ ပီနံအိတ်နှင့် ရေစိုခံအိတ် သည် (၄၀၀)ကျပ်ခန့် ကုန်ကျမှု ရှိနေသည်ကို သိရပါသည်။

    တပ်ကုန်းမြို့နယ်မှ ဦးတင်လွန်း(ရွှေနန်းတော်ပွဲရုံ၊ ၀၉-၄၃၀၄၄၇၈၄)၊ ဦးမင်းသိန်း(၀၉-၇၇၄၁၀၄၄၁၄) ကုန်သည်နှစ်ဦးနှင့် တွေ့ဆုံမှုအရ နှစ်စဉ်ကုန်ချိန် (၁၅)သိန်းခန့် ဝယ်ယူတင်ပို့မှုများ ရှိခဲ့သည်ဟု သိရှိရပြီး တိုက်ရိုက်သင်္ဘောတင်အဆင့်အထိ ဗီယက်နမ်၊ မလေးရှား၊ ပါကစ္စတန်နိုင်ငံများသို့် တင်ပို့ရန်အတွက် လုပ်ဆောင်ပေးခဲ့ရသည်ဟု သိရပါသည်။

DOCA(ပြည်ထောင်စုနယ်မြေ)

      ချောက်မြို့နယ်တွင် မြို့နယ်လူဦးရေအတွက် အဓိကလိုအပ်သော စားသောက်ကုန်များကို နီးစပ်ရာမြို့များဖြစ်သည့် ဆိပ်ဖြူ၊ တညောင်၊ စလင်း၊ ဆင်ဖြူကျွန်းမြို့များနှင့် ရှမ်းပြည်နယ် အောင်ပန်း၊ တောင်ကြီးတို့မှ မှာယူရောင်းဝယ်စားသုံးကြကြောင်း သိရှိရပါသည်။

    ချောက်မြို့၊ မြို့မစျေး၌ ဧပြီလ(ပထမအပတ်)အတွင်း ရောင်းချနေသော ကုန်စျေးနှုန်းအခြေအနေများမှာ ခရမ်းချဉ်သီး (၁)ပိဿာလျှင် (၁၆၀၀မှ ၁၈၀၀)ကျပ်အတွင်း၊ ဂေါ်ဖီထုပ် (၁)ထုပ်လျှင် (၁၇၀၀ မှ ၂၀၀၀)ကျပ်အတွင်း၊ ပန်းဂေါ်ဖီ (၁)ပွင့်လျှင်(၁၂၀၀)ကျပ်၊ ပန်းဂေါ်ဖီစိမ်း (၁)ပွင့်လျှင် (၆၀၀ မှ ၈၀၀) ကျပ်အတွင်း၊ ပဲသီး (၁)ပိဿာလျှင် (၃၀၀၀)ကျပ်၊ ဘူးသီး (၁)လုံးလျှင် (၅၀၀မှ ၇၀၀)ကျပ်အတွင်း၊ အာလူး (၁)ပိဿာလျှင် (၂၂၀၀)ကျပ်၊ မုန်ညှင်းထုပ် (၁)ပိဿာလျှင်(၂၀၀၀)ကျပ်၊ ကန်စွန်းရွက် (၁)စီး လျှင် (၇၀)ကျပ်၊ ချဉ်ပေါင်ရွက် (၁)စီးလျှင် (၇၀)ကျပ်၊ နံနံပင် (၁)ပိဿာလျှင်(၃၀၀၀)ကျပ်၊ ငရုတ်ခြောက် အရှည် (၁)ပိဿာလျှင် (၁၆၀၀၀မှ ၁၈၀၀၀)ကျပ်၊ ကြက်သွန်နီ (၁)ပိဿာလျှင် (၁၂၀၀မှ ၁၃၀၀)ကျပ် အတွင်း၊ ကြက်သွန်ဖြူ (ရှမ်း) (၁)ပိဿာလျှင် (၆၀၀၀မှ ၇၀၀၀)ကျပ်အတွင်း၊ ကြက်သွန်ဖြူ (ကြူကုတ်) (၁)ပိဿာလျှင် (၄၅၀၀မှ ၅၀၀၀)ကျပ်အတွင်း၊ ကြက်သွန်ဖြူ(ဗမာ) (၁)ပိဿာလျှင် (၄၅၀၀)ကျပ်၊ နနွင်းတက် (၁)ပိဿာလျှင် (၂၅၀၀မှ ၂၆၀၀)ကျပ်အတွင်း၊ ဂျင်း (၁)ပိဿာလျှင် (၂၅၀၀) ကျပ်၊ ဆား(၁) ပိဿာလျှင်(၅၀၀)ကျပ်၊ မကျီးသီးမှည့် (၁)ပိဿာလျှင် (၃၀၀၀)ကျပ်၊ မြေပဲဆံ (၁)ပြည်လျှင် (၇၀၀၀) ကျပ်၊ ကုလားပဲခြမ်း (၁)ပြည်လျှင် (၆၀၀၀မှ ၆၈၀၀)ကျပ်အတွင်း၊ သကြား (၁)ပိဿာလျှင် (၃၂၀၀)ကျပ်၊ ပဲရာဇာ(၁)ပြည်လျှင် (၈၅၀၀မှ ၉၀၀၀)ကျပ်အတွင်း၊ ငရုတ်သီးစိမ်း (၁)ပိဿာလျှင် (၄၀၀၀)ကျပ်၊ မျှစ်ပေါက် (၁)ပိဿာလျှင် (၁၈၀၀)ကျပ်၊ ကြက်ဟင်းခါးသီး (၁)ပိဿာလျှင် (၂၅၀၀)ကျပ်၊ ပဲပင်ပေါက် (၁)ပိဿာလျှင် (၁၆၀၀)ကျပ်၊ ရုံးပတီသီး (၁)ပိဿာလျှင် (၃၀၀၀)ကျပ်၊ ကြက်(မွေးမြူရေး) (၁)ပိဿာလျှင် (၁၂၀၀၀)ကျပ်၊ ဝက်သား (၁)ပိဿာလျှင် (၁၇၀၀၀) ကျပ်၊ အမဲသား (၁)ပိဿာလျှင် (၁၆၀၀၀)ကျပ်၊ ဆိတ်သား (၁)ပိဿာလျှင် (၂၂၀၀၀)ကျပ်၊ ငါးမြစ်ချင်း (၁)ပိဿာလျှင် (၆၀၀၀)ကျပ်၊ ပေါ်ဆန်းဆန်(၁) ပြည်လျှင် (၃၆၀၀မှ ၄၀၀၀)ကျပ်အထိ၊ ဧည့်မထ (မိုး) (၁)ပြည်လျှင် (၂၆၀၀မှ ၂၈၀၀)ကျပ်အထိ၊ ပဲဆီ (၁)ပိဿာလျှင် (၁၂၀၀၀)ကျပ်၊ နှမ်းဆီ (၁)ပိဿာလျှင် (၁၁၀၀၀)ကျပ်၊ နေကြာဆီ (၁)ပိဿာလျှင် (၁၂၅၀၀)ကျပ်၊ ၁၆ပဲရည် ရွှေ(၁)ကျပ်သား လျှင် (၂၉၆၀၀၀၀)ကျပ်၊ ၁၅ ပဲရည် ရွှေ (၁)ကျပ်သားလျှင် (၂၇၇၅၀၀၀)ကျပ်၊ ၁၄ပဲရည် ရွှေ (၁)ကျပ်သားလျှင် (၂၅၉၀၀၀၀)ကျပ် စျေးနှုန်းများဖြင့် အရောင်းအဝယ်ဖြစ်ကြောင်း ရှိရပါသည်။

DOCA(မကွေး)

   တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

    ၁၉.၄.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

       Beetroot အား မြောက်အမေရိကတွင် စတင်စိုက်ပျိုးဖြစ်ထွန်းကာ အသုံးများခဲ့သည်ဟု သိရှိရပါသည်။ Beetroot အား မြန်မာလို "သကြားမုန်လာဥ" ဟူ၍ ခေါ်ဆိုကြပါသည်။ မြန်မာနိုင်ငံတွင် စားသုံးသူနည်းပြီး တခြားနိုင်ငံတွင် ဟင်းလျာတစ်ခုအနေဖြင့် စားသုံးကြ သကဲ့သို့ Juice အနေဖြင့်သောက်သုံးကြပါသေးသည်။ ချိုမြပြီး အရသာကိုကြိုက်၍ လေ့လာကြည့်မိပါသည်။ ၁၉ရာစု အလယ်လောက်တွင် Beetroot အား ဝိုင်၏အရောင်ချယ်ရာမှ စတင် အသုံးပြုလာကြပါသည်။ Beetroot သည် မုန်လာဥကဲ့သို့အပင်တစ်မျိုးဖြစ်ပြီး အရိုးနီညိုရောင်နှင့် အစိမ်းရောင်အရွက်အပင်ပု တစ်မျိုးဖြစ်ပါသည်။

  စိုက်ပျိုးထုတ်လုပ်ရန် စတင်စိုက်ပျိုးချိန်မှ ရိတ်သိမ်းချိန်အထိအချိန် (၂)လနီးပါးသာကြာ မြင့်ပါသည်။ ကမ္ဘာနိုင်ငံအနှံ့အပြားတွင်  Beetroot သည် အမည်မျိုးပေါင်းများစွာ ခေါ်ဝေါ် ကြပါသည်။ Beetroot၏ အရွက်အားစားသုံး၍ရသကဲ့သို့ အရသာမှာမုန်ညှင်းရွက်နှင့်တူပြီး ဥကိုပြုတ်ပြီးစားခြင်း၊ စွပ်ပြုတ်လုပ်ကာသောက်သုံးခြင်း၊ မီးဖုတ်၍ စားလျှင်လည်း ရပါသေးသည်။ City Mart ၊ Ocean Center ကုန်တိုက်များသို့ရောက်လျှင် သတိထားမိသော ဥတစ်မျိုးအဖြစ် တွေ့ရမည်ဖြစ်ပါသည်။ Beetroot တွင် ဗီတာမင်နှင့်သတ္တု ဓာတ်ကြွယ် ဝစွာပါဝင်ပြီး ကျန်းမာရေးအတွက်လည်း အထောက်အကူပြုပါသည်။ 

   Beetroot မှရရှိသောအကျိုးကျေးဇူးမှာ သွေးအားနည်းရောဂါကာကွယ်ပေးခြင်း၊ ဦးနှောက်စွမ်းရည်ကို ကောင်းမွန်စေခြင်း၊ အစာချေဖျက်မှုကောင်းမွန်စေခြင်း၊ အသည်းနှင့် ကျောက်ကပ်အတွက် ကောင်းမွန်စေခြင်း၊ အရိုးများသန်မာစေခြင်း၊ အရေပြားလှပစေခြင်း၊ ကင်စာအမျိုးမျိုးအတွက် ကာကွယ်တာဆီးပေးခြင်းတို့အပြင် ဆီးချိုသွေးချိုရောဂါသမားများ အသင့်အတင့် စားပေးပါက သင့်လျှော်သည့်အပြင် အမျှင်ဓာတ်ပြည့်ဝသည့်အတွက် အစာစားချင်စိတ်ကို လျော့နည်းသည့်အတွက် ဝိတ်ကျစေချင်သူများအတွက် အကောင်း ဆုံးဖြစ်ပါသည်။

DOCA(ကယား)