ပြည်တွင်းကုန်သွယ်မှုသတင်း

         ရွှေဘိုခရိုင်အတွင်းရှိ မြို့နယ်များ၌ ဧပြီလ ပထမဆုံးပတ်တွင် စပါးဈေးနှုန်းနှင့် ဆန်ဈေးနှုန်းမှာ အနည်းငယ် တည်ငြိမ်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ မတ်လ နောက်ဆုံးပတ်တွင် ရန်ကုန်သို့ အိတ်ရေ ၄၈၀၀၀ ၊ မန္တလေးသို့ အိတ်ရေ ၄၂၄၀၀၊ နေပြည်တော်သို့ အိတ်ရေ ၉၀၀၀၊ ရှမ်း(တောင်)သို့ အိတ်ရေ ၅၅၀၀၊ ရှမ်း(မြောက်)သို့ အိတ်ရေ ၅၅၀၀၊ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၁၁၄၀၀၊ တန်အားဖြင့် ၅၅၇၀တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြား တိုင်းဒေသကြီးများသို့ ဆန်စီးထွက် မှုမှာ ရန်ကုန်သို့ အိတ်ရေ ၃၇၀၀၀၊ မန္တလေးသို့ အိတ်ရေ ၄၂၆၀၀၊ နေပြည်တော်သို့ အိတ်ရေ၁၀၀၀၀ ၊ ရှမ်း(တောင်)သို့ အိတ်ရေ၆၀၀၀ ၊ ရှမ်း(မြောက်)သို့ အိတ်ရေ ၅၀၀၀၊ပခုက္ကူသို့ အိတ်ရေ၁၀၀၀ ၊ စုစုပေါင်းအိတ်ရေ ၁၀၁၆၀၀ ၊ တန်အားဖြင့် ၅၀၈၀တန် စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ ၄၉၀၊ တန်အားဖြင့် ၂၄.၅တန် ပို၍ စီးထွက်ခဲ့ပါသည်။

          ရွှေဘိုမြို့၏ မတ်လ နောက်ဆုံးပတ်တွင် ဖြစ်ပေါ်နေသော စပါး/ဆန်ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၁၅၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၅၃၀၀၀၊ ဧရာမင်းစပါး တင်း၁၀၀လျှင် ကျပ်၁၀၀၀၀၀၀၊ ဧရာမင်းဆန် ၂၄ပြည်ပါတစ်အိတ်လျှင် ကျပ် ၄၃၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

       ကယားပြည်နယ်၊ လွိုင်ကော်မြို့အတွင်းတွင် စက်သုံးဆီအရောင်းဆိုင်များ ပုံမှန်ပြန်လည်ဖွင့်လှစ်ရောင်းချလျက်ရှိပြီး ယခု ဧပြီလ ပထမအပတ် စက်သုံးဆီဈေးနှုန်းများမှာ ဒီဇယ်ရိုးရိုးတစ်လီတာကို (၂၂၇၃) ကျပ်၊ ဒီဇယ်(ပရီမီယမ်) တစ်လီတာကို (၂၂၇၃) ကျပ်၊ ဓါတ်ဆီ 92 တစ်လီတာ ကို(၂၀၉၀)ကျပ်နှင့် ဓါတ်ဆီ 95 တစ်လီတာကို (၂၂၅၀)ကျပ်တို့ဖြင့် ရောင်းချလျက်ရှိပြီး ယခင် မတ်လ စတုတ္ထအပတ် စက်သုံးဆီဈေးနှုန်းမှာ ဒီဇယ်ရိုးရိုးတစ်လီတာကို (၂၂၇၃) ကျပ်၊ ဒီဇယ်(ပရီမီယမ်) တစ်လီတာကို (၂၂၇၃) ကျပ်၊ ဓါတ်ဆီ 92 တစ်လီတာ ကို(၂၀၉၀)ကျပ်နှင့် ဓါတ်ဆီ 95 တစ်လီတာကို (၂၂၅၀)ကျပ်တို့ဖြင့် စက်သုံးဆီဈေးနှုန်းတည်ငြိမ်လျှက်ရှိကြောင်းကို မြို့တွင်းစက်သုံးဆီအရောင်းဆိုင်မှ သိရှိရပါတယ်။

DOCA(ကယား)

          စစ်ကိုင်းတိုင်းဒေသကြီးသည် မြန်မာနိုင်ငံ၏ ဒုတိယဆီအိုးကြီးဟု တင်စားရအောင် ဆီထွက် သီးနှံစိုက်ပျိုးဖြစ်ထွန်းရာ နယ်မြေတစ်ခုဖြစ်သည်နှင့်အညီ ယခုရာသီတွင်နှမ်း၊မြေပဲတို့နှင့် အတူ နေ‌ကြာများထွက်ရှိသည်နှင့်အမျှ ကျေးလက်ဒေသရှိရွာများတွင် တစ်နိုင်တစ်ပိုင် ဆီကြိတ်ခွဲခြင်း၊ မြို့ပေါ်ဆီစက်များတွင်ဆီစက်များပုံမှန်ကြိတ်ခွဲခြင်းများအပြိုင်အဆိုင် ဆောင်ရွက်လာကြပါသည်။

             စစ်ကိုင်းတိုင်း‌ဒေသကြီးတွင် ၂၀၂၁-၂၀၂၂ဘဏ္ဍာနှစ် အတွက်နေကြာစိုက်ဧက (၃၅၆၉၁၅)ဧက ရှိပြီး တစ်ဧကလျင် တင်း(၂၀)ခန့်မှန်းထွက်ရှိမည်ဆိုပါက (၇၁၃၈၃၀၀)တင်း ထွက်ရှိမည်ဖြစ်ပါသည်။ နေကြာစေ့ကုန်ကြမ်း တင်း(၇၁၃၈၃၀၀)တွင်  ဆီအထွက်ပိဿာ(၂၁၄၁၄၉၀၀)၊ တန်အားဖြင့် (၃၄၉၆၉) ကျော် ထွက်ရှိမည်ဖြစ်ကြောင်း တိုင်းဒေသကြီဲးစိုက်ပျိုးရေးစာရင်းများအရ ခန့်မှန်းတွက်ချက်ရရှိပါသည်။

             မြန်မာနိုင်ငံတွင် စိုက်ပျိုးသောနေကြာသီးနှံအနေဖြင့် ရေဆင်း-၂နှင့် အိန္ဒိယမှ တင်သွင်းသော ဟိုက်ဘရစ်မျိုး (၂)မျိုးသာရှိပါသည်။ စစ်ကိုင်းတိုင်းဒေသကြီးအတွင်းရှိ ရေဦးနှင့် ဘုတလင်မြို့နယ်များ တွင် နေကြာကို မြေယာများပြုပြင်ပြီး သီးသန့်စိုက်ပျိုး ထုတ်လုပ်ရန် သတ်မှတ်ထားသောနေရာများရှိပါ သည်။ စပါးရိတ် သိမ်းပြီး အစိုဓါတ်ကျန်ရှိနေသော ရိုးဖြတ်များတွင် စိုက်ပျိုးပါက ကုန်ကျစရိတ်သက်သာ ပါသည်။ အကြမ်းအားဖြင့် နေကြာသီးနှံ(ဆောင်း)ကို အောက်တိုဘာလတွင် စိုက်ပျိုးပြီး ဇန်နဝါရီ၊ ဖေဖော်ဝါရီ၊မတ်၊လများတွင် ရိတ်သိမ်းသောကြောင့် ထိုကာလများတွင် ကုန်ကြမ်းများများပေါ်ပြီး နေကြာဆီများများ ထုတ်လုပ်ကြ ပါသည်။ လက်ရှိကြိတ်ခွဲ ထုတ်လုပ်နေသော နေကြာဆီကို အိမ်တွင်း စားသုံးရန်အတွက် နဝလီသာကြိတ်ခွဲ ကြပါသည်။

             စစ်ကိုင်းတိုင်းဒေသကြီးတွင် နေကြာဆီကြိတ်ခွဲထုတ်လုပ် မှုကို Physical Refining နည်းဖြင့်သာ ထုတ်လုပ်နိုင်ပြီး ထွက်ရှိသော ဆီမှ အချွဲအပျစ်များကို အဝတ်စခံပြီး အကြည်ရရှိအောင် ထုတ်လုပ်သည့် အဆင့်သာရှိပါသည်။ ရရှိသော ဆီအကြည်တွင် ဖယောင်းနှင့် နေကြာအနံ ကျန်ခဲ့သည့်အတွက် ၎င်းတို့ကို သန့်ဇင်ရန်အတွက် Chemical Refining အသုံးပြုရမည်ဖြစ်ပြီး လက်ရှိ အချိန် မြန်မာနိုင်ငံတွင် Chemical Refining စက်မရှိသေးပါ။

             ဈေးနှုန်းအနေဖြင့် မတ်လနောက်ဆုံးအပတ်တွင် နေကြာဆီ (၁)ပိဿာလျှင် ၇၅၀၀-၈၀၀၀ ကျပ် ပေါက်ဈေးရှိပြီး၊ နေကြာစေ့(၁)ပိဿာလျှင် ၂၆၀၀-၂၆၅၀ ကျပ်ရှိကြောင်း၊ ယခင်နှစ်က နေကြာစေ့ (၁) ပိဿာလျှင်၁၂၀၀ကျပ်၊ နေကြာဆီတစ်ပိဿာလျှင်(၄၀၀၀-၅၀၀၀)ကျပ်သာရှိပြီး ယခုနှစ် တွင်ဈေး ကောင်းရသောကြောင့်  တောင်သူများ တွက်ချေကိုက်သည့်အတွက် လာမည့်နှစ်တွင် နေကြာသီးနှံကို တိုးချဲ့စိုက်ပျိုးလာနိုင်ကြောင်း တိုင်းဒေသကြီး၊ ဆီစက်ပိုင်ရှင်များအသင်း၊ ဥက္ကဌနှင့် တွေ့ဆုံဆွေးနွေး ချက်များအရ လေ့လာသိရှိရပါသည်။

                   နေကြာဆီကို ကျန်းမာရေးအရ စားသုံးရန်လိုအပ်သောသူများ၊ စားလေ့စားထ ရှိသော သူများ သာသုံးစွဲသည့်အတွက် ဈေးကွက်အနည်းငယ်ကျဉ်းသည်ဟုဆိုနိုင်ပါသည်။ စားအုန်းဆီကို အကြော် အလှော် များတွင် အသုံးပြုခြင်း၊ နှမ်းဆီကို အိမ်တွင်းစားသုံးမှုနှင့် အသုံးပြုခြင်း၊ ပဲဆီကို အိမ်တွင်း စားသုံးရန်နှင့် အကြော် အလှော်များတွင် အသုံးပြုကြပြီး ယခုအခါ နေကြာဆီကို သုံးစွဲ နေကြခြင်းသည် စားအုန်းဆီနှင့် ဈေးနှုန်း ကွာခြားမှုမရှိသည့်အတွက်သာ ဖြစ်သည်ဟုသုံးသပ်ရပါသည်။ စိုက်ပျိုး ထုတ်လုပ်သူ တောင်သူများအနေဖြင့်လည်း အိမ်တွင်း စားသုံးရန်နှင့် ကျန်းမာရေးသုံးရန် အတွက်သာ ရည်ရွယ်ပြီး စိုက်ပျိုးနေကြပါသည်။ ထိုသို့ မဟုတ်ဘဲ တစ်နိုင်ငံလုံးအတိုင်းအတာဖြင့် တိုးချဲ့ စိုက်ပျိုးမည်ဆိုပါက ထွက်ရှိလာသောဆီကို မည့်သည့် ဈေးကွက်တွင် ယှဉ်ပြိုင်ရောင်းချရမည်ကို ထည့်သွင်း စဉ်းစားရန်လိုအပ်သလို နိုင်ငံတော်အနေဖြင့်လည်း စားသုံးဆီနှင့် ပတ်သက်ပြီး ခိုင်မာသောမူဝါဒများ ချမှတ်ပေးရန်လိုအပ်ပါသည်။            

             ကလေးမြို့မှ ထွက်ရှိသောနေကြာဆီကို   ချင်းပြည်နယ်၊ တမူးနှင့် ကလေးမြို့ပေါ်ဈေးကွက်သို့ အဓိကဖြန့်ဖြူးရောင်းချပြီး ပိုလျှံသောဆီများကိုရန်ကုန်နှင့်မန္တလေးမြို့များသို့ အနည်းငယ်တင်ပို့ ရောင်း ချပါသည်။ ဆီကြိတ်ခအနေဖြင့် ကလေးမြို့တွင် နေကြာစေ့(၁)တင်းလျှင်ကြိတ်ခ ၃၀၀၀ ကျပ်၊ ဘုတလင်မြို့တွင် ၂၀၀၀ ကျပ်ရှိပြီး နေကြာဖတ်(၁)ပိဿာလျှင် ၉၀၀ ကျပ်ဖြင့် ရောင်းချလျက်ရှိရာ မွေးမြူရေးသမား များမှ လာရောက်ဝယ်ယူရကြောင်း စုံစမ်းသိရှိရပါသည်။

         နေကြာစိုက်တောင်သူအများစုသည် နေကြာကိုကုန်ကြမ်းအတိုင်းရောင်းချခြင်းထက် ဆီကြိတ် ခွဲရောင်းချခြင်းဖြင့် မိသားစုအတွက်စားသုံးဆီဖူလုံစေရုံသာမက ပိုလျှံသောဆီများကို ဈေးကောင်းကောင်း ဖြင့်ရောင်းချရခြင်း၊နေကြာကြိတ်ဖတ်ရောင်းချရခြင်းတို့ကြောင့် တွက်ခြေကိုက်လျက်ရှိပါသည်။ ဆီစက် ပိုင်ရှင်များအနေဖြင့်လည်း နေကြာ(၁)တင်းလျင်ကြိတ်ခ(၂၀၀၀-၃၀၀၀)ကျပ်နှုန်းဖြင့် သီးနှံပေါ်ချိန် တရက်လျှင် (၂၅)တင်းခန့်ခွဲလည်ပတ်ရသည့်အတွက် တွက်ခြေကိုက်သည့်အပြင် ဒေသခံပြည်သူများ အနေဖြင့် လည်း အလုပ်အကိုင်အခွင့်အလမ်းများရရှိစေပါသည်။

             အချုပ်အားဖြင့် နေကြာတိုးချဲ့စိုက်ပျိုးထုတ်လုပ်ခြင်းသည် တောင်သူများ၊ဆီစက်ပိုင်များ တွက်ချေကိုက်သကဲ့သို့ ဒေသခံများအတွက် အလုပ်အကိုင်အခွင့်အလမ်းများရရှိစေပါသည်။ ဒေသခံပြည် သူများ အနေဖြင့်လည်း ဈေးနှုန်း သင့်တင့်ပြီး ကျန်းမာရေးနှင့်ညီညွတ်သော နေကြာဆီကို သုံးစွဲနိုင်မည် ဖြစ်သည့်အတွက် နေကြာနှင့် ဆက်စပ်သော လူတန်းစား (၃) ရပ်စလုံး အကျိုးအမြတ်ရရှိစေသော နေကြာဆီဈေးကွက်ကို ယခုထက် ပိုမိုဖွံ့ဖြိုးလာစေရန် နိုင်ငံတော်နှင့်သက်ဆိုင်ရာအဖွဲ့အစည်းများက ဝိုင်းဝန်းဖေးမပေးရန် အချိန်တန်ပြီ ဖြစ်ပါကြောင်း အကြံပြုလိုက်ရပါသည်။

DOCA(စစ်ကိုင်း)

              မုံရွာကုန်စည်ဒိုင်၌ ဧပြီလ ပထမအပတ်အတွင်း အရောင်းအဝယ်ဖြစ်လျက်ရှိသော သီးနှံပေါက်စျေးနှုန်းများမှာ ဂျုံဖြူသန့်တစ်တင်း ကျပ်၃၆၀၀၀၊ ဂျုံထွက်တိုးတစ်တင်း ကျပ်၃၆၀၀၊ ကုလားပဲထိုင်ဝမ်တစ်တင်း ကျပ်၄၁၀၀၀၊ ကုလားပဲ 929 တစ်တင်း ကျပ်၄၀၀၀၀၊ ကုလားပဲဖြူလုံးကြီးV2 တစ်တင်း ကျပ်၄၁၀၀၀၊ ပဲစဉ်းငုံတစ်တင်း ကျပ်၄၃၃၀၀၊ ပဲတီစိမ်းကြီး တစ်တင်း ကျပ်၃၃၀၀၀မှ ကျပ်၃၆၀၀၀ထိ၊ပဲတီစိမ်းသေးတစ်တင်း ကျပ်၃၅၀၀၀၊ ပဲကြီးတစ်တင်း ကျပ်၅၀၀၀၀မှ ကျပ်၅၈၀၀၀ထိ၊ ပဲနီလုံးရိုးရိုးတစ်တင်း ကျပ်၄၀၀၀၀၊ ပဲနီကြားတစ်တင်း ကျပ်၄၁၅၀၀၊ မတ်ပဲတစ်တင်း ကျပ်၄၅၇၀၀၊ ပုဂံပဲတစ်တင်း ကျပ်၅၅၀၀၀မှ ကျပ်၅၅၀၀၀၊ ပဲလွန်းပြာတစ်တင်း ကျပ်၃၂၀၀၀၊ CPပြောင်းဖူးစေ့တစ်တင်း ကျပ် ၁၆၅၀၀၊ ပြောင်းနီတစ်တင်း ကျပ်၁၂၀၀၀၊ ဆန်ပြောင်းဖြူတစ်တင်း ကျပ်၁၃၅၀၀၊ ပြောင်းဘီလူး ကျပ်၁၃၂၀၀၊ ဆီထွက်သီးနှံဖြစ်သော နှမ်းဖြူတစ်တင်း ကျပ်၅၆၀၀၀မှ ကျပ်၆၀၀၀၀ထိ၊ နှမ်းနက်တစ်တင်း ကျပ်၆၀၀၀၀မှ ကျပ်၇၆၀၀၀ထိ၊ နှမ်းညို၊ နှမ်းနီ၊ နှမ်းဝါများမှာ တစ်တင်း ကျပ်၅၂၀၀၀နှုန်း၊ မြေပဲလုံး ဆံဖြူ တစ်ပိဿာ ၃၅၀၀မှ ၃၇၀၀၊ မြေပဲလုံးဆံနီ တစ်ပိဿာ ကျပ်၃၄၀၀၊ မြေပဲဖတ်တစ်ပိဿာ ကျပ် ၁၅၇၀၊ နှမ်းဖတ်တစ်ပိဿာ ကျပ်၁၂၇၀၊ နေကြာဖတ်တစ်ပိဿာ ကျပ်၁၀၀၀နှုန်းဖြင့် အသီးသီးအရောင်း အဝယ်ဖြစ်လျက်ရှိကြောင်း သိရပါသည်။

          သီးနှံပေါက်စျေးနှုန်းများမှာ ယခင်တစ်ပတ်နှင့်နှိုင်းယှဉ်ပါက စျေးနှုန်းများအနည်းငယ်ကျဆင်းနေကြောင်း မုံရွာကုန်စည်ဒိုင် စျေးနှုန်းများမှ သိရှိရပါသည်။

DOCA(စစ်ကိုင်း)

          မကွေးကုန်စည်ဒိုင်တွင် ယခင်အပတ်(၃၁.၃.၂၀၂၂)ရက်နေ့နှင့် ယခုအပတ်(၇.၄.၂၀၂၂) ရက်နေ့ အတွင်း နှမ်းမျိုးစုံအနေဖြင့် ဈေးနှုန်းပြောင်းလဲမှုမရှိဘဲ ကုလားပဲကြီး(929)(၁၉)ပိဿာ(၁)တင်း ယခင်အပတ် (၄၂၅၀ဝိ/-) ယခုအပတ်(၃၉၅၀ဝိ/-)ဖြစ်၍ (၃၀၀ဝိ/-)ဈေးနှုန်းလျော့၊ ကုလားပဲလုံးသေး(၁၉)ပိဿာ (၁)တင်း ယခင်အပတ်(၄၀၀၀ဝိ/-)ယခုအပတ်(၃၈၅၀ဝိ/-)(၁၅၀ဝိ/-)ဈေးလျော့၊ ကုလားပဲ(HL) (၁၉)ပိဿာ (၁)တင်း ယခင်အပတ်(၄၂၀၀ဝိ/-) ယခုအပတ်(၃၉၀၀ဝိ/-) (၃၀၀ဝိ/-)ဈေးလျော့၊ ပဲကြီးဖြူ(၁၉)ပိဿာ(၁)တင်း ယခင်အပတ်(၆၀၀၀ဝိ/-)ယခုအပတ်(၅၉၀၀ဝိ/-)(၁၀၀ဝိ/-) ဈေးလျော့၊ ပဲကြီးမဲ (၁၉)ပိဿာ(၁)တင်း ယခင်အပတ်(၅၅၀၀ဝိ/-) ယခုအပတ်(၅၀၀၀ဝိ/-) (၅၀၀ဝိ/-) ဈေးလျော့၊ ပဲထောပတ်(၁၉)ပိဿာ(၁)တင်း ယခင်အပတ်(၄၃၀၀ဝိ/-) ယခုအပတ်(၃၈၀၀ဝိ/-) (၅၀၀ဝိ/-) ဈေးလျော့၊ မတ်ပဲ(၂၀)ပိဿာ(၁)တင်း ယခင်အပတ်(၄၇၅၀ဝိ/-) ယခုအပတ်(၄၃၀၀ဝိ/-) (၄၅၀ဝိ/-) ဈေးလျော့၊ ပဲစဉ်းငုံနီ (၂၀)ပိဿာ (၁)တင်း ယခင်အပတ်(၄၄၅၀ဝိ/-) ယခုအပတ် (၄၂၃၀ဝိ/-) (၂၂၀ဝိ/-) ဈေးလျော့၊ စားတော်ပဲ(၂၀)ပိဿာ(၁)တင်း ယခင်အပတ်(၉၂၀၀ဝိ/-) ယခုအပတ် (၈၉၀၀ဝိ/-) (၃၀၀ဝိ/-) ဈေးလျော့ခဲ့ပါသည်။

     အရောင်းအဝယ်ဖြစ်မှုအနေဖြင့် နှမ်းဖြူ(မကွေး)(၃၀.၂၂)တန်၊ နှမ်းနီ (၅.၆၄)တန်၊ နှမ်းနက် (စမုံ)၄၀.၃၇တန်၊ နှမ်းနက်(ရိုးရိုး) (၁၀.၄၈)တန်၊ နှမ်းညိုကြား (၁၀.၅၄)တန်၊ ပဲနောက်(၅.၂၄)တန်၊ ပဲလွန်းဝါ(၄၀.၁၁)တန်၊ ကုလားပဲ(၄၀၀.၄၂)တန်၊ ပဲကြီးဖြူ(၇၀.၆၅)တန်၊ စားတော်ပဲ(၃၀.၁၂)တန်၊ မတ်ပဲ(၇၀.၂၄)တန်၊ ထောပတ်ပဲ(၂၀၀.၆၅)တန်တို့ဖြစ်ကြောင်းမကွေးကုန်စည်ဒိုင်မှ သိရှိရပါသည်။

DOCA(မကွေး)