ပြည်တွင်းကုန်သွယ်မှုသတင်း

        စစ်ကိုင်းတိုင်းဒေသကြီး၊ ကလေးခရိုင်အတွင်းရှိ ကလေးဝမြို့မှ ထွက်ရှိသည့် ဇီးဖျော်ရည်နှင့် မန်ကျည်းဖျော်ရည်သည် ဒေသထွက်အစားအစာအဖြစ် လူကြိုက်များ နာမည်ကြီး လှပါသည်။

    ကလေးဝမြို့၊ အမှတ် ( ၂ ) ရပ်ကွက်မှ ထုတ်လုပ်ရောင်းချလျက်ရှိသည့် ဇီးဖျော်ရည် လုပ်ငန်းရှင် ဒေါ်သီတာထံသို့ (၂၅.၁.၂၀၂၃)ရက်နေ့တွင် သွားရောက်၍ ဇီးဖျော်ရည်ထုတ်လုပ်ပုံအဆင့်ဆင့်နှင့် ရောင်းဝယ် ဖောက်ကားမှု အခြေအနေများကို လုပ်ငန်းရှင်နှင့် တွေ့ဆုံမေးမြန်းခဲ့ပါသည်။

    တွေ့ဆုံမေးမြန်းရာတွင် မိမိအနေဖြင့် ဇီးသီးများကို ဇန်နဝါရီလမှစ၍ စတင်စုဆောင်း ရပါကြောင်း၊ ဇီးသီးကုန်ကြမ်းများကို ကလေးဝမြို့နယ်များဖြစ်သည့် ကျော်ဇင်ကျေးရွာ၊ ကျွဲနံကျေးရွာများမှထွက်ရှိသည့် ဇီးချဉ်သီးများကို ဝယ်ယူရရှိပါသည်။ သကြားများကို  ကလေးမြို့မှ တဆင့် ဝယ်ယူ၍ အသုံးပြုရပါသည်။

    ကျိုချက်ရာတွင် ဇီးသီးများကို ရေစိမ်၍ စနစ်တကျဖြင့် စင်အောင်ဆေးကြောပြီးနောက် အနှစ်ကျသည်ထိ ကျိုချက်ပြီးနောက် သကြား၊ ဆားများကို သင့်တင့်ရုံထည့်ကြိုပြီး အအေးခံ၍ ပုလင်းများအတွင်း ထည့်သွင်းရောင်းချပါကြောင်း၊ ဇီးဖျော်ရည်ပုလင်းများကို ကလေးဝမြို့တွင်းနှင့် ကလေးမြို့၊ မုံရွာမြို့၊ မန္တလေးမြို့များသို့ ဒေသထွက်ဇီးဖျော်ရည်များကို လက်ဆောင်များအဖြစ် တင်ပို့ ရောင်းချလျက်ရှိပါကြောင်းနှင့် ဇီးဖျော်ရည် တစ်ပုလင်းလျှင် ( ၄၀၀၀ - ၅၀၀၀ ) ကျပ်ခန့် ပေါက်ဈေးနှုန်းများဖြင့် ရောင်းဝယ်ဖောက်ကားလျက်ရှိပါသည်။

     ဒေါ်သီတာအနေဖြင့် ဇီးဖျော်ရည်လုပ်ငန်းသည် နှစ်စဉ်ဝင်ငွေရရှိနေသော လုပ်ငန်း ဖြစ်ကြောင်းနှင့် မိရိုးဖလာ အိမ်တွင်းလက်မှု  တပိုင်တနိုင်လုပ်ငန်းဖြစ်သောကြောင့် စဉ်ဆက်မပြတ် ဇီးဖျော်ရည်များကို ထုတ်လုပ်ရောင်းချလျက်ရှိပါသည်။ ဇီးသီး ( ၂ ) တင်းခွဲလျက် ဇီးဖျော်ရည် ပုလင်း ( ၃၀ ) ရရှိပြီး တစ်နှစ်လျှင် ဇီးဖျော်ရည် ပုလင်းပေါင်း ( ၃၀၀၀ မှ ၅၀၀၀ ) ခန့်ထိ ထုတ်လုပ်ဖြန့်ဖြူး ရောင်းချလျက်ရှိပါကြောင်း သိရှိရပါသည်။

DOCA(စစ်ကိုင်း)

       ဧရာဝတီတိုင်းဒေသကြီးတွင် ယခင်နှစ်ကနွေစပါးစိုက်ဧက (၁၃၇၈၈၉၅) ဧက ရှိခဲ့ပြီး တစ်ဧ ကလျှင် အထွက်နှုန်း (၉၇.၀၄) တင်း နှင့် အတွက်တင်းစုစုပေါင်း (၇၂၈၃၂၈၀၇) တင်း ထွက်ရှိခဲ့ပါ သည်။ ဧရာဝတီတိုင်းအတွင်း နွေစပါးစိုက်ပျိုးရာတွင် အထွက်နှုန်းကောင်းစေရန်အတွက် တောင်သူ များ မှ ဓါတ်မြေဩဇာများကိုပုံမှန်သုံးစွဲလျက်ရှိပါသည်။တိုင်းဒေသကြီးအတွင်းတွင် နွေစပါးတစ်ဧက  လျှင် ယူရီးယား (၁.၅) အိတ် ၊ ကွန်ပေါင်း (၁) အိတ် ၊ တီစူပါ (၁) အိတ် ပျမ်းမျှ အနည်းဆုံး (၃) အိတ် မှ (၄) အိတ် ထိသုံးစွဲခဲ့ပြီး ဓါတ်မြေဩဇာ (၁) အိတ်ဈေးမှာ ရှစ်သောင်းကျပ်ခန့် မှ တစ်သိန်းကျပ် ခန့်ထိ ဖြစ်ခဲ့ပါသည်။ ယခုနှစ်တွင်နွေစပါး စိုက်ဧက(၁၄၂၆၃၅၈) ဧက လျာထားခဲ့ပြီး (၁၅.၁.၂၀၂၃) နေ့ ထိ (၁၂၂၄၄၅၀)စိုက်ပျိုးခဲ့ပြီးဖြစ်ပါသည်။

       ယခုနှစ်တွင် တောင်သူများမှာ ဆန်စပါးဈေးနှုန်း ပိုမိုရရှိခြင်းကြောင့် ဓါတ်မြေဩဇာ သုံးစွဲမှုအားလျော့နည်း သုံးစွဲမှု မရှိပဲ မြန်မာ့လယ်ယာဖွံ့ဖြိုးရေးဘဏ် မှ (၁)ဧက မှ (၁၀) ဧက ထိ စိုက်ပျိုး သည့်တောင်သူများအား စိုက်ပျိုးစရိတ်ချေးငွေ (၁၅၀၀၀၀) ကျပ် ကို သက်သာသောအတိုးနှုန်းဖြင့် ချေးငွေထုတ်ပေးခြင်း၊ နိုင်ငံစီးပွားမြှင့်တင်ရေးအဖွဲ့မှ နိုင်ငံတော်ရန်ပုံငွေ ဖြင့် လျာထား နွေစပါး စိုက်ဧက အနက် မှ စိုက်ဧက (၄၀၅၀၀၀) ဧက အား ကျပ်ငွေ နှစ်သိန်း နှင့် ညီမျှသော ယူရီးယား ဓါတ်မြေဩဇာ (၂) အိတ် အားပံ့ပိုးပေးခြင်း ၊ သမဝါယမဦးစီးဌာနက သမဝါယမ အသင်းဝင်များအား တစ်ဧက လျှင် (၁၂၀၀၀၀)ကျပ် ချေးငွေထုတ်ပေးခြင်းများကြောင့် ဓါတ်မြေဩဇာသုံးစွဲမှုအား လျော့ နည်းသုံးစွဲခြင်း မရှိပဲ ပုံမှန်သုံးစွဲလျက်ရှိကြောင်း လေ့လာသိရှိရပါသည်။

        ဧရာဝတီတိုင်းဒေသကြီးတွင် ပဲမျိုးစုံ နှင့်ပြောင်းအား စိုက်ပျိုးလျက်ရှိရာလျာထား ပဲမျိုးစုံ စိုက်ဧက (၁၆၀၆၈၈၃) ဧက ၊ ပြောင်းလျာထားစိုက်ဧက (၅၇၆၈၈) ဧက စိုက်ပျိုးရန် လျာထား ထားရှိခဲ့ပြီး ပဲမျိုးစုံတွင် ဓါတ်မြေဩဇာ အား မြေခံအဖြစ် အနည်းငယ်သာ အသုံးပြုပါသည်။ မြန်မာ့ လယ်ယာဖွံ့ဖြိုးရေး ဘဏ်မှ ဆောင်းသီးနှံ (၁) ဧက မှ (၁၀) ဧက အထိ စိုက်ပျိုး သည့်တောင်သူများ အား (၁၀၀၀၀၀) ကျပ် ချေး ငွေထုတ်ချေးခဲ့ပြီး ၊ နိုင်ငံစီးပွားမြှင့်တင်ရေးအဖွဲ့မှ ပဲတီစိမ်းစိုက်ဧက လျာထား (၂၆၉၆၈၅) ဧက အနက်မှ စိုက်ဧက (၁၅၀၀၀၀) အား တစ်ဧကလျှင်ငွေကျပ် (၁၂၀၀၀၀)နှင့် ညီမျှသော ရွက်ဖျန်းဆေးနှင့် ပိုးသတ်ဆေးများအား ပံ့ပိုးကူညီပေးခဲ့ပါသည်။ အစေ့ထုတ်ပြောင်း  စိုက်ပျိုးမှုအနေဖြင့် လည်း မြန်မာ့လယ်ယာဖွံ့ဖြိုးရေးဘဏ်မှ (၁) ဧကမှ (၁၀) ဧကထိ စိုက်ပျိုးသည့် တောင်သူများအား (၁) ဧက လျှင် (၁၀၀၀၀၀) ကျပ်နှုန်းဖြင့် သက်သာသောအတိုးနှုန်းဖြင့် ချေးငွေ ထုတ်ချေးလျက်ရှိပါသည်။ အစေ့ထုတ်ပြောင်းတစ်ဧကလျှင် ယူရီးယား (၁.၅) အိတ် ၊ တီစူပါ(၁)အိတ် ၊ ကွန်ပေါင်း (၁) အိတ် စုစုပေါင်း (၃) အိတ်မှ (၄)အိတ် ပျှမ်းမျှသုံးစွဲကြောင်း၊ အစေ့ထုတ်ပြောင်း ယခင်နှစ် ဈေးမှာ တစ်တင်းလျှင် (၁၈၀၀၀)ကျပ် ၊ ယခုနှစ်တွင် တစ်တင်းဈေး(၂၀၀၀၀) ကျပ် ဖြစ်ပေါ်နေသဖြင့် တောင်သူများမှာဈေးကောင်းရရှိသည့်သီးနှံများဖြစ်သည့်အတွက် အထွက်နှုန်းကောင်း စေ ရန် ဓါတ်မြေဩဇာများကို ယခင်နှစ်နည်းများအတိုင်း ပုံမှန်သုံးစွဲလျက်ရှိကြောင်း လေ့လာသိရှိရပါ သည်။

DOCA(ဧရာဝတီ)

      တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံတစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစုတင်ပြအပ်ပါသည်။

          ၂၀၂၃ခုနှစ် ဇန်နဝါရီလ စတုတ္ထပတ်အတွင်း ရွှေဘိုမြို့နယ်တွင် ဖြစ်ပေါ်ခဲ့သော အခြေခံစားကုန်များ၏ ဈေးနှုန်းများမှာ ရွှေဘိုပေါ်ဆန်းဆန်(ဟောင်း) တစ်ပြည် ၃၈၀၀ကျပ်၊ ဧရာမင်းဆန်(ဟောင်း) တစ်ပြည် ၂၈၀၀ကျပ်၊ ရွှေဘိုပေါ်ဆန်းဆန်(သစ်) တစ်ပြည် ၂၉၀၀ကျပ်၊ ဧရာမင်းဆန်(သစ်) တစ်ပြည် ၂၅၀၀ကျပ်ဖြင့် အရောင်းအဝယ်ဖြစ်လျက်ရှိသည်။ကြက်သွန်နီ(သစ်) လက်လီဈေးမှာ (ကြီး) တစ်ပိဿာ ၂၃၀၀ကျပ်၊ (လတ်) တစ်ပိဿာ ၁၈၀၀ကျပ်၊ (သေး)တစ်ပိဿာ ၁၃၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျင် ၃၅၀၀ကျပ်မှ ၄၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာ ၄၅၀၀ကျပ်မှ ၅၀၀၀ကျပ်ထိ ၊ (ကြူကုပ်) တစ်ပိဿာ ၅၀၀၀ကျပ်မှ ၆၀၀၀ကျပ်ထိ၊ ချင်းတစ်ပိဿာ ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ အာလူး တစ်ပိဿာ ၁၈၀၀ကျပ်မှ ၂၆၀၀ကျပ်ထိ ၊ခရမ်းချဉ်သီး တစ်ပိဿာ ၂၀၀၀ကျပ်ဖြင့် အရောင်းအဝယ် ဖြစ်နေပါသည်။

          ကြက်ဥ လက်လီဈေးနှုန်းမှာ (ကြီး)တစ်လုံး ၂၅၀ကျပ်၊ (သေး) တစ်လုံး ၂၀၀ကျပ် ၊ ဘဲဥ (ကြီး) တစ်လုံး (၃၀၀)ကျပ်၊ (သေး)တစ်လုံး (၂၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP)  တစ်ပိဿာ ၇၀၀၀ကျပ်မှ ၉၀၀၀ကျပ်ထိ၊ကြက်သား (ဗမာ)တစ်ပိဿာ ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာ ၁၄၀၀၀ကျပ်မှ ၁၈၀၀၀ကျပ်ထိ၊ အမဲသားတစ်ပိဿာ ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာ ၇၀၀၀ကျပ်၊ ငါးကြင်း တစ်ပိဿာ ၆၀၀၀ကျပ်ဖြင့် ရောင်းဝယ်နေကြောင်း သိရသည်။

          စားသုံးဆီ ဈေးနှုန်းများမှာ ပဲဆီသန့် တစ်ပိဿာလျင် ၁၂၀၀၀ကျပ်မှ ၁၃၀၀၀ကျပ်ထိ၊  စားအုန်းဆီ တစ်ပိဿာလျင် ၆၇၅၀ကျပ်နှင့် နှမ်းဆီ တစ်ပိဿာလျင် ၁၃၀၀၀ကျပ်ဖြင့် အရောင်း အဝယ် ဖြစ်နေကြောင်း သိရသည်။

DOCA(စစ်ကိုင်း)

          ၂၀၂၃ ခုနှစ် ဇန်နဝါရီလ စတုတ္ထပတ်အတွင်း မုံရွာမြို့နယ်တွင် ဖြစ်ပေါ်ခဲ့သော အခြေခံစားကုန်ဈေးနှုန်းများမှာ ရွှေဘိုပေါ်ဆန်းဆန်တစ်ပြည် (၃၆၀၀)ကျပ်၊ ဧရာမင်းဆန်တစ်ပြည်အဟောင်း (၃၀၀၀) ကျပ်နှင့် ဧရာမင်းဆန်တစ်ပြည်အသစ်(၂၈၀၀)ကျပ်ဖြင့်အရောင်းအဝယ် ဖြစ်လျက်ရှိကြောင်း၊ စားအုန်းဆီ တစ်ပိဿာလျှင်(၆၇၅၀)ကျပ်၊ မြေပဲဆီတစ်ပိဿာလျှင်(၁၂၀၀၀) ကျပ်၊ နှမ်းဆီ တစ်ပိဿာလျှင် (၁၁၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီ လက်လီ တစ်ပိဿာလျှင် (၂၄၀၀)ကျပ်မှ (၂၅၀၀) ကျပ်ထိ၊ ကြက်သွန်ဖြူလက်လီ (ဗမာ) တစ်ပိဿာ လျှင် (၅၅၀၀)ကျပ်မှ (၆၀၀၀) ကျပ်ထိ၊ ကြက်သွန်ဖြူ (ရှမ်း)တစ်ပိဿာလျှင် (၅၀၀၀)ကျပ်မှ (၅၅၀၀)ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၅၀၀၀)ကျပ်မှ(၅၅၀၀)ကျပ်ထိ၊ ချင်း တက်တစ်ပိဿာ လျှင် (၁၉၀၀)ကျပ်မှ (၂၀၀၀)ကျပ်ထိ၊ ငရုတ် ခြောက်အမျိုးအစားအလိုက်  (၁၈၀၀၀)  ကျပ် မှ (၁၉၀၀၀)ကျပ်ထိ၊ အာလူး (၂၃၀၀)ကျပ်မှ (၂၄၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၁၆၀၀)ကျပ်မှ (၁၈၀၀)ကျပ်တို့ ဖြင့်အရောင်းအဝယ်ဖြစ်လျက်ပါသည်။

        ကြက်ဥလက်လီဈေးနှုန်းမှကြီး တစ်လုံး(၂၅၀)ကျပ်၊ သေးတစ်လုံး(၂၀၀)ကျပ်၊ ဘဲဥ(ကြီး) တစ်လုံး (၃၀၀)ကျပ်၊ သေးတစ်လုံး(၂၅၀)ကျပ်ရှိသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာ( ၉၀၀၀)ကျပ်မှ  (၉၅၀၀)ကျပ်ထိ ၊ ကြက်သား(ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာ(၁၅၀၀၀)ကျပ်မှ (၁၆၀၀၀) ကျပ်ထိ၊ အမဲသားတစ်ပိဿာ (၁၄၀၀၀) ကျပ်မှ (၁၆၀၀၀)ကျပ်ထိ၊ ငါးမြစ်ချင်းတစ်ပိဿာလျှင်(၇၀၀၀)ကျပ်၊ ငါးကြင်း တစ်ပိဿာလျှင် (၆၀၀၀) ကျပ် တို့ဖြင့်အရောင်းအဝယ်ဖြစ်နေကြောင်းသိရပါသည်။

          ဇန်နဝါရီလ စတုတ္ထပတ်တွင် အခြေခံစားကုန်များဖြစ်သည့် ဆန်၊စားအုန်းဆီ၊ နှမ်းဆီနှင့် ပဲဆီ ဈေးနှုန်းများသည် ယခင်ပတ်ထက်ဈေးတက်ပြီး ခရမ်းချဉ်သီးနှင့် ဈေးနှုန်းများသည် ယခင်အပတ် ထက်ဈေးအနည်းငယ်ကျကြောင်း သိရှိရပါသည်။

DOCA(စစ်ကိုင်း)