ပြည်တွင်းကုန်သွယ်မှုသတင်း

   အခြေခံစားကုန်ဈေးနှုန်း ဈေးကွက်ဖြစ်ပေါ်ပြောင်းလဲမှု အခြေအနေများအား ဘားအံမြို့ ရေပေါ်ဈေးကို အခြေခံ၍ ကုန်ဈေးနှုန်းစာရင်းများ ကောက်ယူလျက်ရှိရာ ၁-၂-၂၀၂၄ မှ ၁၃-၂-၂၀၂၄ ရက်နေ့ထိ  ဖြစ်ပေါ်လျက်ရှိသော အခြေခံစားကုန်ဈေးနှုန်းများမှာ  ဧည့်မထဆန် တစ်ပြည် ၃၅၀၀ကျပ်၊ ပေါ်ဆန်း (သထုံ)မွှေးဝါ တစ်ပြည် ၅၄၀၀ ကျပ်၊ စားအုန်းဆီ  တစ်ပိဿာ ၅၉၀၀ကျပ်၊ ငရုတ်ခြောက်ရှည် ၁၃၀၀၀ ကျပ်၊ ကြက်သွန်နီ တစ်ပိဿာ ၂၈၀၀ ကျပ်၊ ကြက်သွန်ဖြူရှမ်းစ တစ်ပိဿာ ၁၇၀၀၀ ကျပ်၊ ကြက်သား တစ်ပိဿာ ၁၀၅၀၀ ကျပ်၊ ဝက်သား ၁၅၀၀၀ကျပ်၊ ငါးမြစ်ချင်း တစ်ပိဿာ ၈၀၀၀ ကျပ်၊ အာပြဲခြောက် တစ်ပိဿာ ၂၅၀၀၀ ကျပ်၊ ကြက်ဥ တစ်လုံး ၂၇၀ ကျပ်၊ ဘဲဥ တစ်လုံး ၃၅၀ ကျပ်၊ ကုလားပဲ တစ်ပိဿာ ၇၀၀၀ ကျပ် ဖြစ်ကြောင်းနှင့် အာလူး တစ်ပိဿာ ၂၈၀၀ ကျပ် ဖြင့် အရောင်းအဝယ်ဖြစ်လျက်ရှိကြောင်းသိရသည်။

     ဈေးနှုန်းနှိုင်းယှဉ်ချက်များအရ ယခုအပတ်တွင် ကြက်သွန်နီ ၁ ပိဿာလျှင် ၃၀၀၀ ကျပ်မှ ၂၈၀၀ ကျပ်သို့လည်းကောင်း၊ ကြက်သွန်ဖြူ(ရှမ်းစ)မှာ ၁ ပိဿာလျှင် ၁၈၀၀၀ ကျပ်မှ ၁၇၀၀၀ ကျပ်သို့လည်းကောင်း၊ အာလူးတစ်ပိဿာလျှင် ၃၂၀၀ ကျပ်မှ ၂၈၀၀ ကျပ်သို့လည်းကောင်း ဈေးနှုန်းအသီးသီး ကျဆင်းခဲ့ပြီး ကျန်စားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း နှင့် ကြက်သွန်နီနှင့် ကြက်သွန်ဖြူ ဈေးနှုန်းကျဆင်းလာရခြင်းမှာ ယခုနှစ် အသစ်ပေါ်ထွက် လာသော ကြက်သွန်အသစ်များကို ထွက်ရှိရာဒေသမှ တိုက်ရိုက်ဝယ်ယူ၍ ပြည်နယ်အတွင်း ဖြန့်ဖြူးသောကြောင့် ဈေးနှုန်းသက်သာပြီး ဈေးကျရခြင်းဖြစ်ကြောင်းနှင့် အာလူးမှာ ကုန်အသစ် ပေါ်၍ ဝယ်ဈေးသက်သာသောကြောင့် ဈေးနှုန်းကျရခြင်းဖြစ်ကြောင်း စုံစမ်းသိရှိရပါသည်။

DOCA(ကရင်)

  မွန်ပြည်နယ်၊ မုဒုံမြို့နယ်ရှိ ကျေးရွာများတွင် ဆောင်းသီးနှံစိုက်ပျိုးရာသီ၌ ဒေသခံတောင်သူများတစ်နိုင်တစ်ပိုင်စိုက်ပျိုးထားသည့် ဖူးစားပြောင်းစိုက်ခင်းများအောင်မြင်ဖြစ်ထွန်းပြီး ဈေးကောင်းရရှိကာ တောင်သူများတွက်ချေကိုက်လျက်ရှိသည်။

      မုဒုံမြို့နယ်တွင် တောင်သူအများစုက မိုးစပါးများရိတ်သိမ်းပြီးချိန်တွင် ဟင်းသီးဟင်းရွက်စိုက်ပျိုးရေးလုပ်ငန်းများကို အားထားလုပ်ကိုင်ကြပြီး ဆောင်းသီးနှံများအနေဖြင့် ဖူးစားပြောင်း၊ ပန်းဂေါ်ဖီ၊ မုန်လာဥဖြူ၊ ခရမ်းသီး၊ ရွှေဖရုံသီး၊ ကျောက်ဖရုံသီး၊ ငရုတ် စသည့်သီးနှံများကို စိုက်ဧကပေါင်း (၂၃၀၀) ကျော်စိုက်ပျိုးထားကြောင်းသိရှိရသည်။

     မုဒုံမြို့နယ်တွင် ဒေသခံတောင်သူများက သီးနှံဝင်ငွေတိုးပွားစေရေးအတွက် ရိုးရိုးသကြားပြောင်းနှင့် ကောက်ညှင်းပြောင်းဖူးများကို အများဆုံးစိုက်ပျိုးကြပြီး မြို့ပေါ်ဈေးများတွင် တစ်ဖူးလျှင် (၃၅၀) မှ (၄၀၀) ကျပ်ထိရောင်းချရပြီး တွက်ချေကိုက်လျက်ရှိကြောင်းသိရှိရပါသည်။

DOCA(မွန်)

   မွန်ပြည်နယ်၊ မုဒုံမြို့နယ်တွင် ဆီထွက်သီးနှံဆောင်းနေကြာမှ စားသုံးဆီပိုမိုထုတ်လုပ်နိုင်ရေးအတွက် လျာထားစိုက်ဧကများပြည့်မီအောင်စိုက်ပျိုးနိုင်ခဲ့ပြီး အောင်မြင်ဖြစ်ထွန်းလျက်ရှိပါသည်။

      ဆီထွက်သီးနှံဆောင်းနေကြာများအောင်မြင်ဖြစ်ထွန်းရေး၊ တစ်ဧကအထွက်နှုန်းတိုးတက်မြင့်မားရေးအတွက် ဒေသခံတောင်သူများကို နေကြာမျိုးကောင်းမျိုးသန့်များပံ့ပိုးဆောင်ရွက်ပေးခြင်း၊  စိုက်ပျိုးနည်းစနစ်များမှန်ကန်စေရေး၊ ဒေသနှင့်ကိုက်ညီသော မျိုးများရွေးချယ်ပေးခြင်း၊ ပိုးမွှားရောဂါကာကွယ်နှိမ်နင်းရေး၊ သွင်းအားစုမြေဩဇာများကို သက်သာသည့်ဈေးနှုန်းများဖြင့် ဖြန့်ဖြူးပေးခြင်းနှင့် စနစ်တကျထည့်သွင်းအသုံးပြုနိုင်ရေးနည်းပညာများကို ပြည်နယ်အစိုးရ၏ကြီးကြပ်မှုဖြင့် သက်ဆိုင်ရာဌာနများက ဆောင်ရွက်ပေးလျက်ရှိပြီး ဒေသခံတောင်သူများနှင့်ပူးပေါင်းကာ အထွက်နှုန်းတိုးရေးစံပြစိုက်ခင်းများ၌ ဆောင်ရွက်လျက်ရှိကြောင်းသိရှိရသည်။

      မုဒုံမြို့နယ်တွင် (၂၀၂၃-၂၀၂၄) ခုနှစ်ဆောင်းရာသီ ဆီထွက်သီးနှံနေကြာကို စိုက်ဧက (၁၁၀၀) ဧကစိုက်ပျိုးရန်လျာထားပြီး လျာထားချက်ပြည့်မီအောင် (၁၁၀၁) ဧကစိုက်ပျိုးနိုင်ခဲ့ကြောင်း သိရှိရပါသည်။

DOCA(မွန်)

     စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦး၊ ကသာခရိုင်(အင်းတော်မြို့နယ်)နှင့် မုံရွာခရိုင်များ အနေဖြင့် စပါး၊ ဆန် အသစ်များ ပေါ်လာပြီး  ဈေးနှုန်းများမြင့်တက် နေပါကြောင်း သိရှိရပါသည်။

    စစ်ကိုင်းတိုင်းဒေသကြီးအတွင်း ဖေဖော်ဝါရီလ  (ဒုတိယ) ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း ၁၀၀လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၃၁၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင်၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

    ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း ၁၀၀လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၃၁၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရပါသည်။

   ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်)တင်း၁၀၀ လျှင် ၂,၆၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ် ၈၅,၀၀၀၊ ဧည့်မထ(စပါး)(‌ဟောင်း) တင်း၁၀၀ လျှင် ၂,၉၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၀၅,၀၀၀၊ ငစိန်(စပါး)(ဟောင်း)တင်း၁၀၀လျှင် ၂၈၀၀,၀၀၀၊ ငစိန် (ဆန်)(ဟောင်း)၂၄ပြည်ပါ တစ်အိတ်မှာ ၉၅,၀၀၀၊ ငစိန်(စပါး)(သစ်)တင်း၁၀၀လျှင် ၂၄၅၀,၀၀၀၊ ငစိန် (ဆန်)(သစ်)၂၄ပြည်ပါ တစ်အိတ်မှာ ၇၀,၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၂,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၉၅,၀၀၀၊ ဧရာမင်း(စပါး) (ဟောင်း)တင်း ၁၀၀ လျှင် ကျပ် ၃,၁၀၀,၀၀၀၊ ဧရာမင်း(ဆန်)(‌ဟောင်း)၂၄ပြည်ပါ တစ်အိတ်မှာ ကျပ် ၁၃၀,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

     ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း ၁၀၀ လျှင် ကျပ် ၁,၅၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်တစ်အိတ်မှာကျပ် ၈၀,၀၀၀၊ ဆင်းဧကရီ(၃)(စပါး) (ဟောင်း) တင်း၁၀၀ လျှင် ကျပ် ၂,၀၀၀,၀၀၀၊ ဆင်းဧကရီ-၃ ဆန် (ဟောင်း) ၂၄ပြည်တစ်အိတ်မှာကျပ် ၉၅,၀၀၀ ဧရာမင်း (စပါး) သစ် တင်း ၁၀၀လျှင် ကျပ် ၂,၀၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၉၀၀၀၀၊ ဧရာမင်း (စပါး) (ဟောင်း) တင်း ၁၀၀လျှင် ကျပ် ၂,၅၀၀,၀၀၀၊ ဧရာမင်း(ဆန်) (ဟောင်း)  ၂၄ပြည် ဆန်တစ်အိတ်လျှင် ကျပ် ၁၂၀၀၀၀ ဖြင့်အရောင်းအဝယ်ဖြစ်နေကြောင်း သိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း ၁၀၀ လျှင် ကျပ် ၃,၀၀၀,၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၁၃၀၀၀၀၊ ဧရာမင်း(စပါး)(ဟောင်း)တင်း ၁၀၀ လျှင် ကျပ် ၃,၆၀၀,၀၀၀၊  ဧရာမင်း (ဆန်)(ဟောင်း) ၂၄ပြည် တစ်အိတ်မှာ ကျပ် ၁၅၀၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

    ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)(သစ်)တင်း ၁၀၀ လျှင် ကျပ် ၂၆၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၁၂၀၀၀၀၊ ပေါ်ဆန်း(စပါး)(သစ်) တင်း ၁၀၀လျှင် ကျပ် ၃၄၀၀၀၀၀ ပေါ်ဆန်း (ဆန်)၂၄ ပြည်တစ်အိတ်လျှင် ကျပ် ၁၃၀၀၀၀ ဖြင့် အရောင်း အဝယ်ဖြစ်နေကြောင်း သိရှိရပါသည်။

      စစ်ကိုင်းတိုင်းဒေသကြီးမှ ဇန်နဝါရီလ (စတုတ္ထ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၃၀၀၀၊ မန္တလေး သို့ အိတ်ရေ ၂၈၅၀၀၊ နေပြည်တော်သို့ အိတ်ရေ ၃၅၀၀၊ ရှမ်း (တောင်)သို့ အိတ်ရေ ၂၅၀၀၊ မွန်သို့ အိတ်ရေ ၁၂၇၈၀၊ ကချင်သို့ အိတ်‌ရေ ၈၇၈၅၊ ပခုက္ကူသို့ အိတ်ရေ ၆၆၀  စုစုပေါင်း အိတ်ရေ (၇၉၇၂၅)  အိတ်၊ တန်အား ဖြင့် (၃၉၈၆)  စီးထွက်ခဲ့ပြီး ယခုဖေဖော်ဝါရီလ  (ဒုတိယ) ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၃၀၀၀၊ မန္တလေး သို့ အိတ်ရေ ၂၇၂၀၀ နေပြည်တော်သို့ အိတ်ရေ ၃၃၀၀၊ ရှမ်း (တောင်)သို့ အိတ်ရေ ၂၈၀၀၊ မွန်သို့ အိတ်ရေ ၉၉၀၀၊ ကချင်သို့ အိတ်‌ရေ ၃၉၅၀၊ ပခုက္ကူသို့ အိတ်ရေ ၆၀၀  စုစုပေါင်း အိတ်ရေ (၇၀၇၅၀)  အိတ်၊ တန်အားဖြင့် (၃၅၃၇) စီးထွက်ခဲ့သည့်အတွက်  ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၈၉၇၅) အိတ်၊ တန်အားဖြင့် ( ၄၄၉) လျော့နည်း စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)

     ကန့်ဘလူ၊ ကျွန်းလှမြို့တို့တွင် ၂၀၂၄ခုနှစ်၊ ဖေဖေါ်ဝါရီလ ဒုတိယပတ်အတွင်း အရောင်းအဝယ်ဖြစ်နေသော အခြေခံစားသောက်ကုန်ဈေးနှုန်းများမှာ ရွှေဘိုပေါ်ဆန်း (အသစ်)တစ်ပြည်လျှင် ကျပ်၅၅၀၀၊ ဧရာမင်း (အသစ်)တစ်ပြည်လျှင် ကျပ်၅၀၀၀ဖြင့် အရောင်းအဝယ်ဖြစ်လျက်ရှိသည်။ ကြက်သွန်နီလက်လီဈေးမှာ အလုံးအကြီး/အသေးနှင့် အမျိုးအစားပေါ်မူတည်၍ တစ်ပိဿာလျှင် ကျပ်(၂၀၀၀/၁၅၀၀)၊ ကြက်သွန်ဖြူ လက်လီဈေးမှာ (ဗမာ)အကြီးတစ်ပိဿာလျှင် ကျပ်၁၈၀၀၀ အလုံးအသေးတစ်ပိဿာလျှင် ကျပ်၁၆၀၀၀ ၊ ကြက်သွန်ဖြူ (ကြူကုတ်) တစ်ပိဿာလျှင် ကျပ်၁၂၀၀၀၊ ချင်းတစ်ပိဿာလျှင် ကျပ်၅၅၀၀၊ အာလူးအသေး/အကြီးတစ်ပိဿာလျှင် အမျိုးအစားအလိုက် ကျပ်(၂၅၀၀/၃၀၀၀)၊ ငရုတ်သီးခြောက်တစ်ပိဿာလျှင် ကျပ်၁၄၀၀၀၊ ကုလားပဲဆံတစ်ပြည်လျှင် ကျပ်၈၅၀၀၊ စွန်တာနီပဲလုံးကြားတစ်ပြည်လျှင် အလုံးလှလျှင် ကျပ်၄၈၀၀ဖြင့် အရောင်းအဝယ်ဖြစ်လျက်ရှိသည်။

     ကန့်ဘလူ၊ ကျွန်းလှတို့၏ အသီးအရွက်ဈေးနှုန်းများမှာ ခရမ်းချဉ်သီး(ထိုင်ဝမ်) တစ်ပိဿာလျှင် ကျပ်၅၀၀၊ ခရမ်းချဉ်သီး (ဗမာ) တစ်ပိဿာလျှင် ကျပ်၁၀၀၀၊ ခရမ်းသီးတစ်ပိဿာလျှင်ကျပ်၅၀၀၊ ငရုတ်သီးစိမ်းတစ်ပိဿာလျှင် ကျပ်၂၅၀၀၊ ပန်းဂေါ်ဖီတစ်ပွင့်လျှင် ကျပ်၈၀၀၊ ဂေါ်ဖီထုပ်တစ်ထုပ်လျှင် ကျပ်၈၀၀၊ ပဲသီးတောင့်ရှည်တစ်စည်းလျှင် ကျပ်၂၅၀၊ ကန်စွန်းရွက်တစ်စည်းလျှင် ကျပ်၁၅၀၊ ချဉ်ပေါင်ရွက်တစ်ပုံလျှင် ကျပ်၂၀၀၊ မုံညှင်းဖူးတစ်စည်းလျှင် ကျပ်၃၀၀၊ ကိုက်လန်တစ်စည်းလျှင် ကျပ်၃၀၀၊ မုန်ညှင်းဥဖြူ(၃)လုံးပါ တစ်တွဲလျှင် ကျပ်၃၀၀၊ သံပရာသီးတစ်လုံးလျှင် ကျပ်၁၀၀၊ ထောါပတ်ပဲစို နို့ဆီတစ်ဘူးလျှင် ကျပ်၈၀၀တို့ဖြင့် အရောင်းအဝယ်ဖြစ်လျက်ရှိသည်။

     ကန့်ဘလူ၊ ကျွန်းလှတို့၏ အသား/ငါးဈေးနှုန်းများမှာ ကြက်သား(ဗမာ/cp) တစ်ပိဿာလျှင် ကျပ်(၁၄၀၀၀/ ၁၈၀၀၀)၊ ဝက်သားတစ်ပိဿာလျှင် ကျပ်၁၆၀၀၀၊ အမဲသားတစ်ပိဿာလျှင် ကျပ်၁၄၀၀၀၊ ငါးကြင်းအကောင်လိုက်တစ်ပိဿာလျှင်  ကျပ်၁၀၀၀၀၊ ငါးကြင်းခုတ်သားတစ်ပိဿာလျှင် ကျပ်၁၆၀၀၀၊ တီလားဗီးယားငါးအကောင်သေးတစ်ပိဿာလျှင် ကျပ်၆၀၀၀၊ အကြီးတစ်ပိဿာလျှင် ကျပ်၉၀၀၀၊ ကြက်ဥတစ်လုံးလျှင် ကျပ်၂၅၀၊ ဘဲဥတစ်လုံးလျှင် ကျပ်၄၀၀တို့ဖြင့်အရောင်းအဝယ်ဖြစ်လျက်ရှိပြီး စားသုံးဆီဈေးနှုန်းများမှာ မြေပဲဆီသန့်တစ်ပိဿာလျှင် ကျပ်၁၄၀၀၀၊ စားအုန်းဆီတစ်ပိဿာလျှင် ကျပ်၆၁၀၀ဖြင့် အရောင်းအဝယ်ဖြစ်နေကြောင်းသိရှိရပါသည်။

   ဖေဖေါ်ဝါရီလ ဒုတိယပတ်အတွင်းဖြစ်ပေါ်နေသော အခြေခံစားသောက်ကုန်ဈေးနှုန်းများကို ဖေဖေါ်ဝါရီလ ပထမအပတ်ဈေးနှုန်းများနှင့်နှိုင်းယှဉ်ကြည့်ပါက အခြားအခြေခံစားသောက်ကုန်ဈေးနှုန်းများနှင့် အသားငါးဈေးနှုန်းများမှာ တည်ငြိမ်လျက်ရှိကာ အသီးအရွက်ဈေးနှုန်းများမှာ အနည်းငယ်ကျဆင်းလျက်ရှိကြောင်း ကန့်ဘလူမြို့မစည်ပင်သာယာဈေးရှိ ဈေးရောင်းချသူများထံမှသိရှိရပါသည်။

DOCA(စစ်ကိုင်း)