ပြည်တွင်းကုန်သွယ်မှုသတင်း

            ရွှေဖရုံသီးကို အချိုချက်ပြုတ်စားသောက်ကြသကဲ့သို့ မိမိနှစ်သက်ရာ အသားတစ်မျိုးမျိုးနှင့် ရောစပ်၍လည်းစားသုံးနိုင်သည်။ အရွက်၊ အပွင့်နှင့် အညွှန့်တို့ကို ကြော်၍သော်လည်းကောင်း၊ ဟင်းချို၊ အသုပ်သုပ်၍အဖြစ်သော်လည်းကောင်း၊ ရေနွေးဖျော၍ အတို့မြှုပ်အဖြစ်သော်လည်းကောင်း စားသုံးနိုင်သည်။ ရွှေဖရုံအစေ့ကို လှော်၍စားသုံးလေ့ရှိကြပြီး ဆားအနည်းငယ်ထည့်၍လှော်ပါက အရသာပို၍ကောင်းကြောင်းသိရသည်။       ရွှေဖရုံသီးတွင် ဗီတာမင်စီအလွန်ကြွယ်ဝသဖြင့် ကိုယ်ခံစွမ်းအားကိုမြှင့်တင်ပေးသည်။ မျက်စိမှုန်ခြင်းနှင့် ကြက်မျက်သင့်ရောဂါဝေဒနာရှင်များအတွက် ဗီတာမင်အေအပြည့်အဝပါရှိသော ရွှေဖရုံသီးကိုစားသုံးခြင်းဖြင့် သက်သာစေနိုင်သည်။ မျက်စိကြောင်၍ နာတာရှည်အိပ်မပျော်သူများသည် ရွှေဖရုံသီးဖျော်ရည်ကို ပျားရည်အနည်းငယ်ရောစပ်ကာ သောက်သုံးသင့်ပေသည်။ ရွှေဖရုံစေ့တွင် L- tryptophan ဓာတ်ပါရှိ၍ နှစ်ခြိုက်စွာအိပ်မောကျစေသည်။ ရွှေဖရုံသီးသည် အချိုဓာတ်ပါရှိသော်လည်း သွေးထဲရှိသကြားပမာဏကိုလျှော့ချပေးသည့်အတွက် ဆီးချိုရောဂါရှိသူများလည်းစားပေးသင့်သည်။ ရွှေဖရုံသီးတွင် ဓာတ်တိုးဆန့်ကျင်ပစ္စည်းအပြင် ရေဓာတ်အလုံအလောက်ပါရှိ၍ မျက်နှာအတွင်းသားအထိအေးမြစေပြီး ကျန်းမာလှပသောအသား အရေကိုရရှိစေပါသည်။

      ရွှေဖရုံသီးသည် တစ်နိုင်တစ်ပိုင်သော်လည်းကောင်း၊ စီးပွားဖြစ်သော်လည်းကောင်း စိုက်ပျိုးကြကြောင်းလည်းသိရသည်။ ရွှေဖရုံသီးဈေးနှုန်းမှာ (၁)သားလျှင်(၃၀၀)ကျပ် ထိရှိကြောင်း သိရှိရပါသည်။

DOCA (ဧရာဝတီ)

 ပြည်ခရိုင်၊ ပြည်မြို့ရှိဈေးကွက်များတွင် အာလူးဈေးမှာ ယခင်လနှင့်စာလျှင် ယခုလမှာ ဈေးအနည်းငယ်မြင့်တက်လာခဲ့ပါသည်။  ယခင်လဖြစ်သော ဇွန်လတွင် အာလူးဈေးမှာ တစ်ပိဿာ လျှင် အနည်းဆုံး (၃၇၀၀)ကျပ်မှ အများဆုံး (၄၅၀၀)ကျပ် ဖြင့်ရောင်းချခဲ့ပါသည်။ ယခုဇူလိုင်လ တတိယပတ်တွင် အာလူးတစ်ပိဿာလျှင် အနည်းဆုံး(၄၅၀၀)ကျပ် မှ အများဆုံး (၅၅၀၀)ကျပ်ဖြင့် ရောင်းချသဖြင့် အာလူးဈေးမှှာ တစ်ပိဿာလျှင် (၈၀၀)ကျပ်မှ (၁၀၀၀)ကျပ်အထိ ဈေးမြင့်တက် လာခဲ့ပါသည်။ ယခင်နှစ် ဇူလိုင်လတွင် အာလူးဈေးမှာ တစ်ပိဿာလျှင် အနည်းဆုံး (၃၂၀၀)ကျပ် မှ အမြင့်ဆုံး (၅၀၀၀)ကျပ်ဈေးတို့ဖြင့် ရောင်းချခဲ့သဖြင့် ယခင်နှစ်အာလူးဈေးမှာ ယခုနှစ် အာလူး ဈေးမှာ အနိမ့်ဈေး(၁၃၀၀)ကျပ် နှင့် အမြင့်ဈေး (၅၀၀)ကျပ်သာ ဈေးမြင့် တက်မှုရှိတာ တွေ့ရှိရပါသည်။
  ယခုအပတ်တွင် အာလူးဈေးများအနည်းငယ်မြင့်တက်လာရခြင်းမှာ မိုးရာသီဖြစ်၍ အာလူး ပွဲရုံများသို့ ဝင်ရောက်မှုမရှိခြင်း၊ ပွဲရုံများတွင် အာလူးလက်ကျန်နည်းလာခြင်း၊ ဝယ်လက်များသာရှိ၍ အာလူးဈေးများမြင့်တက်လာရခြင်းဖြစ်ကြောင်း သိရှိရပါသည်။

DOCA(ပဲခူး)

      အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ဇူလိုင်လ(9)ရက်နေ့မှ ဇူလိုင်လ (15)ရက်အတွင်း ညောင်တုန်း၊ မှော်ဘီ၊သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါသည်။ ထိုသို့ဝင်ရောက် ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ် (ပိဿာ) ကျပ် 24၀၀ မှ 33၀၀ အတွင်း၊ ဂေါ်ဖီထုပ်(တစ်ထုပ်)ကျပ် 10၀၀ မှ 25၀၀ အတွင်း၊ ပန်းဂေါ်ဖီ(ထုပ်)ကျပ် 15၀၀ မှ 25၀၀ အတွင်း၊ အာလူး(ပိဿာ)ကျပ် 25၀၀ မှ 30၀၀ အတွင်း၊ မုန့်လာဉနီ(ပိဿာ) ကျပ် 55၀၀ မှ 60၀၀ အတွင်း ရွှေဖရုံသီး(လုံး)ကျပ် 15၀၀ မှ 20၀၀ အတွင်း၊ ဗူးသီး(လုံး) ကျပ် 30၀၀ မှ 60၀၀ အတွင်း၊ မုန်ညှင်း(ထုပ်)(ပိဿာ)ကျပ် 400၀ မှ 45၀၀ အတွင်း၊ ကြက်သွန်နီ(ဆိပ်ဖြူ)ကျပ် 11၀၀ မှ 160၀ အတွင်း၊ ကြက်သွန်ဖြူ (ရှမ်း)(ပိဿာ)ကျပ် 50၀၀ မှ 70၀၀ အတွင်း၊ ကြက်သွန်ဖြူ (ကြူကုတ်) (ပိဿာ) ကျပ် 95၀၀ မှ 100၀၀ အတွင်း၊ ချင်း(ပိဿာ)ကျပ် 30၀၀ မှ 50၀၀ အတွင်း၊ ဆလပ်ရွက် (စီး) ကျပ် 30၀ မှ 50၀ အတွင်း၊ ချဉ်ပေါင်ရွက်(စီး) ကျပ် 10၀ မှ 20၀ အတွင်း၊ ခရမ်းသီး  (ရှည်) (ပိဿာ)ကျပ် 25၀၀ မှ 35၀၀ အတွင်း၊ သံပရာသီး(လုံး)ကျပ် 5၀ မှ 25၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ)ကျပ် 55၀၀ မှ 70၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် 15၀၀ မှ 60၀၀ အတွင်းဖြစ်ကြောင်း သိရှိရပါသည်။ တညင်းကုန်းလက်ကားဈေးကြီး အတွင်းသို့ ယခုရက် သတ္တပတ်အတွင်း သံပုရာသီးအလုံးပေါင်း (1631700)ကျော်၊ ခရမ်းသီး(ရှည်) (ပိဿာ) (41740) ကျော်၊ ဗူးသီးအလုံးပေါင်း (20415)ကျော်၊ ရွှေဖရုံသီး အလုံးပေါင်း(18425)ကျော်၊ ဂေါ်ဖီထုပ်ပေါင်း (110515)ကျော်၊ ပန်းဂေါ်ဖီထုပ်ပေါင်း (52500)ကျော်၊ မုန်ညှင်းထုပ်(ပိဿာ)ပေါင်း (18220) ကျော်၊ ဖရဲသီးလုံးပေါင်း(43208)ကျော် အသီးသီးကုန်အဝင်ရှိကြောင်း သိရပါသည်။

DOCA(ရန်ကုန်)

              ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မြောင်းမြခရိုင် မော်ကျွန်းမြို့နယ်တာဝန်ခံ ဦးမင်းဇော်လတ်နှင့် ဝန်ထမ်းများသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁၄.၇.၂၀၂၅)ရက်နေ့၊ နံနက်(၁၀း၃၀) နာရီအချိန်တွင် မော်ကျွန်းမြို့နယ် တပင်ရွှေထီးလမ်းရှိ လက်လီ/လက်ကားရောင်းချနေသောဆန်ဆိုင်များအား သတ်မှတ်ရည်ညွှန်းဈေးဖြင့် ရောင်းချမှုရှိ/ မရှိ ကွင်းဆင်းစစ်ဆေးခဲ့ပါသည်။

           ထိုသို့ကွင်းဆင်းဆောင်ရွက်ရာတွင် မော်ကျွန်းမြို့နယ်တာဝန်ခံမှ မော်ကျွန်းမြို့နယ်တပင်ရွှေထီးလမ်းရှိ လက်လီ/လက်ကား ရောင်းချနေသော ဆန်ဆိုင်များတွင် MRS မှသတ်မှတ်ထားသော ရည်ညွှန်းဈေးအတိုင်း ရောင်းချပေးနေပြီး ဆန်ဆိုင်ပိုင်ရှင်များအား ဆန်ရောင်းချနေမှုနှင့် ပတ်သတ်၍ စားသုံးသူပြည်သူများအား ဈေးနူန်းမြှင့်တင်ရောင်းချခြင်းမပြုရန်၊ သတ််မှတ်ဈေးနူန်းဖြင့်သာရောင်းချကြရန်၊ ဈေးနူန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် ဆန်သိုလှောင်ထားရှိခြင်းများတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရ အရေးယူဆောင်ရွက်သွားမည် ဖြစ်ကြောင်းဆန်ဆိုင်ပိုင်ရှင်များအား ရှင်းလင်းဆွေးနွေး ပြောကြားခဲ့ကြောင်း သိရှိရပါသည်။

DOCA(ဧရာဝတီ)

  မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့၊ မြို့မဈေး၌ နဂါး‌မောက်သီးကို မန္တလေးတိုင်း၊ ပုပ္ပါးနယ်ရှိ နဂါးမောက်ခြံများမှ မှာယူရောင်းချကြောင်း သိရှိရပြီး ၂၀၂၅ခုနှစ်၊ ဇွန်လ(ပထမပတ်)မှ စတင်၍ ထွက်ပေါ်လျက်ရှိရာ ဇူလိုင်လ(တတိယပတ်)တွင် လှိုင်လှိုင်ထွက်ရှိပြီး ဈေးအတွင်းသို့ ဝင်ရောက်မှုများလျက်ရှိကြောင်းသိရသည်။
    ၂၀၂၅ ခုနှစ်၊ ဇူလိုင်လ(ဒုတိယပတ်)တွင် နဂါးမောက်သီး(အလုံးကြီး)(၁)လုံးလျှင် ကျပ်(၁၃၀၀)၊ အလုံးလတ်(၁)လုံးလျှင် ကျပ်(၁၂၀၀)နှင့် အလုံးသေး(၁)လုံးလျှင် ကျပ်(၁၀၀၀) ဖြင့်ရောင်းချခဲ့ပြီး ဇူလိုင်လ(တတိယပတ်)တွင် (အလုံးကြီး)(၁)လုံးလျှင် ကျပ်(၈၀၀)၊ အလုံးလတ်(၁)လုံးလျှင် ကျပ်(၇၅၀) နှင့် အလုံးသေး(၁)လုံးလျှင် ကျပ်(၇၀၀)ဖြစ်၍ ဈေးနှုန်းနှိုင်းယှဉ်ပါက အလုံးကြီး(၁)လုံးလျှင် ကျပ်(၅၀၀)၊ အလုံးလတ်(၁)လုံးလျှင် ကျပ်(၄၅၀)နှင့် အလုံးသေး(၁)လုံးလျှင် ကျပ်(၃၀၀)ဈေးနှုန်းကျဆင်းသွား ကြောင်း သိရသည်။ ယခုအချိန်တွင် မကွေး၊ မင်းဘူးမြို့ပေါ်နှင့် အနီးအနားကျေးရွာတို့မှ နဂါးမောက်သီး အထွက်နှုန်းများလျက်ရှိသောကြောင့် ဈေးနှုန်းများမှာ ကျဆင်းလာရခြင်းဖြစ်ကြောင်း သိရှိရသည်။

DOCA(မကွေး)