ပြည်တွင်းကုန်သွယ်မှုသတင်း

     ဝါဂွမ်းရရှိသော ဝါပင်သည် မည့်သည့်နိုင်ငံ၌ ပထမဆုံးပေါက်သည်။ မည်သည့်နိုင်ငံသည် ဝါဂွမ်းကို ပထမဆုံးအသုံးပြုခဲ့သည်ဟူသောအချက်ကို အတိအကျဆုံးဖြတ်ရန် ခဲယဉ်းပေသည်။ သို့သော် အိန္ဒိယနိုင်ငံတွင် ခရစ်မပေါ်မီ နှစ်ပေါင်း၁၅၀၀ခန့်ကပင် ချည်ထည်များကို အသုံးများနေပြီဖြစ်ကြောင်း အထောက်အထားများတွေ့ရသည်။ ၁၉၂၀ပြည့်နှစ်တစ်ဝိုက်တွင် ရှေးမြို့ဟောင်းကြီးများ၌ တူးဖော်တွေ့ရှိချက်အရ အိန္ဒိယနိုင်ငံတွင် ခရစ်မပေါ်မီ နှစ်ပေါင်း ၃၀၀၀ခန့်ကပင် ချည်မျှင်ကို အထည်အလိပ်နှင့် ကြိုးအမျိုးမျိုးပြုလုပ်ရာ၌ အသုံးပြုခဲ့ကြောင်းသိရပါသည်။ ခရစ်နှစ် ၁၅၀၀ခန့်တွင် အိန္ဒိယနိုင်ငံသည် ချည်ထည်လုပ်ငန်း၏ အချက်အချာနိုင်ငံတစ်နိုင်ငံဖြစ်နေပြီး အိန္ဒိယနိုင်ငံမှတစ်ဆင့် ဝါပင်စိုက်ပျိုးခြင်း၊ ဝါချည်မျှင်ဖြင့် အထည်အလိပ်များ ရက်လုပ်ခြင်းအတတ်ပညာသည် ပါးရှား(အီရန်)၊ တရုတ်နှင့် ဂျပန်နိုင်ငံတို့သို့ရောက်ရှိသွားသည်။ တရုတ်နှင့်ဂျပန်နိုင်ငံတို့တွင် ပိုးထည်လုပ်ငန်းထွန်းကားနေပြီဖြစ်၍ ချည်ထည်လုပ်ငန်းသည် ပိုးထည်လုပ်ငန်းကို ထိုးဖောက်ကြီးထွားခဲ့သည်။ ဟီရောဒိုးတပ်နှင့် ပလင်နီတို့၏ မှတ်တမ်းများ၌ ဝါချည်မျှင်အသုံးချနည်းကို ရှေးဂရိနှင့်ရောမတို့လည်း သိနားလည်ကြကြောင်း ဖော်ပြထားသည်။ ကိုလံဗပ်သည် ကမ္ဘာသစ်(အမေရိက တိုက်)သို့ ရောက်သွားစဉ်က တိုင်းရင်သားတို့သည် ဝါဂွမ်းကို အသုံးပြုလျက်ရှိကြောင်းတွေ့ခဲ့ရ သည်။ မက္ကဆီကိုနှင့် ပီးရူးနိုင်ငံများကို ရှာဖွေတွေ့ရှိခဲ့သော ရေသစ်မြေသစ်ရှာအာဇာနည်များသည် ယင်းနိုင်ငံများ၌ ဝါဂွမ်းကို တိုင်းရင်းသားများအသုံးပြုလျက်ရှိကြောင်းတွေ့ခဲ့ကြသည်။ ရှေးပီးရူးဂူသင်္ချိုင်းများကို တူးဖော်ကြည့်သည့်အခါ လူသေအလောင်းရစ်ပတ်ထားသော အဝတ်များသည် ဝါချည်မျှင်ဖြင့် ရက်လုပ်ထားကြောင်းတွေ့ရသည်။

       ဥရောပတိုက်သို့ ဝါဂွမ်းကို စတင်တင်သွင်းခဲ့သူများသည် ဆာရဆင်နှင့် မူးဝါးလူမျိုးတို့ဖြစ်၍ ခရစ်နှစ်၇၁၂ခုနှစ်တွင်  အာဖရိကမြောက်ပိုင်းမှ ဝါဂွမ်းများကို စပိန်နိုင်ငံသို့ ယူဆောင်ခဲ့ကြသည်။ ထိုမှ အခြားဥရောပနိုင်ငံများသို့လည်း တစ်စတစ်စပျံ့နှံ့ခဲ့သည်။ အင်္ဂလန်ပြည်သည် ၁၂၉၈ခုနှစ်ကပင် ဝါဂွမ်းအကြောင်းကြားဖူးနေလေပြီ။ တတိယအက်ဒွပ်ဘုရင်သည် ဖလန်းဒါးနိုင်ငံသားရက်ကန်းသည်များကို မန်ချက်စတာမြို့၌ အခြေစိုက်စေခဲ့သည်။ ထိုမြို့သည် ချည်ထည်လုပ်ငန်းအတွက် ထင်ရှားကျော်ကြားလာ၍ ရက်ကန်းလုပ်ငန်းသည် အင်္ဂလန်ပြည်၏ အဓိကလုပ်ငန်းကြီးတစ်ခုဖြစ်လာသည်။ ရက်ကန်းရက်လုပ်သော စက်ကိရိယာများကိုလည်း အမျိုးမျိုးတီထွင်လုပ်ကိုင်လာခဲ့ကြရာ ၁၈ရာစုနောက်ပိုင်း အထည်အလိပ်ရက်လုပ်သောလုပ်ငန်းတွင် စက်ကရိယာများကို အများအပြားအသုံးပြုလာကြသဖြင့် လုပ်ငန်းတွင်ကျယ်၍ ကုန်ပစ္စည်းအထွက်များလာသောကြောင့် စက်ရုံ၊ အလုပ်ရုံများ၌ ကုန်ပစ္စည်းထုတ်လုပ်သည့်စနစ်ပေါ်ထွက်ထွန်းကားလာသည်။

      ဝါပင်သည် ပူနွေးသောရာသီဥတုမျိုးကိုနှစ်သက်၍ တစ်နှစ်လျှင် ရက်ပေါင်း ၂၀၀ခန့် ဆီးနှင်းမှလွတ်ကင်း၍ အပူချိန် ၈၀ဒီဂရီဖာရင်ဟိုက်ခန့်ရှိသောဒေသ၌ စိုက်ပျိုးဖြစ်ထွန်းနိုင်သည်။ အထူးသဖြင့် နေရောင်ခြည်များများရရှိ၍ အုံ့မှိုင်းသောရာသီဥတုတာမရှည်သည့်ဒေသမျိုး၌ စိုက်ပျိုးနိုင်သည်။ ရာသီဥတုအုံ့မှိုင်းလျှင် ဝါပင်၌ ဝါပိုးများများစွာကျရောက်တတ်သည်။ ထို့ကြောင့် ကမ္ဘာ့အပူပိုင်းဒေသနှင့် နီးကပ်သောသမပိုင်းဒေသ၊ ရေမဝပ်သောသဲမြေနုနှင့် မြေစေးမြေတို့၌ ဝါပင်များစိုက်ပျိုးကြသည်။ အပူပိုင်းဒေသများ၌ ဝါပင်များအတွက် ဆီးနှင်းကို မစိုးရိမ်ရဘဲ မိုးများလွန်သည်ကိုစိုးရိမ်ရသည်။ သို့သော်ရေသွင်းစိုက်ပျိုးသော ဒေသမှလွဲ၍ ဝါပင်သည် မိုးရေအသင့်အတင့်လိုအပ်သဖြင့် တစ်နှစ်လျှင် မိုးရေချိန်လက်မ ၂၀ခန့် သို့မဟုတ် ဝါစိုက်ချိန်  ခုနှစ်လက်မအထိ ရရှိသောဒေသများ၌ စိုက်ပျိုးရသည်။ သမပိုင်းဒေသပေါက် ဝါပင်တို့သည် တစ်နှစ်တစ်ကြိမ်စိုက်ပျိုးရသော ဝါပင်မျိုးတို့ဖြစ်ကြပြီး၊ အပူပိုင်းဒေသပေါက် ဝါပင်မျိုးတို့သည် နှစ်ရှည်ခံသည်။ တချို့သော ဝါပင်တို့သည် အတော်အတန်မြင့်မား၍ သစ်ပင်သဖွယ်ဖြစ်နေသည်။ အနောက်နိုင်ငံများတွင် ဝါထွက်ကောင်းပြီး မြေဩဇာဖြစ်ထွန်းစေရန် တစ်နေရာတည်းတွင် ဝါတစ်လှည့် ပြောင်းတစ်လှည့်စိုက်ကြသည်။ ဝါပင်တန်းကြားများတွင် ပဲပိစပ်ပင်မျိုးတို့ကိုလည်း စိုက်ပျိုးပေးခြင်းဖြင့် ဝါပင်တို့အား မြေဩဇာဓာတ်ကောင်းစွာရရှိစေသည်။

    ဝါပင်များကို ဧကပေါင်းများစွာစိုက်ပျိုးပါက ဝါပင်စိုက်ရန် မြောင်းနှစ်မြောင်းထက် မနည်းများသောအားဖြင့် နှစ်မြောင်းမှလေးမြောင်းထိဖော်၍ စိုက်ပျိုးကြသည်။ ဝါခင်းပိုင်ရှင်တို့သည် အဖျက်အဆီးပိုးမွှားဒဏ်ခံနိုင်ရည်ရှိ၍ သန်စွမ်းသောဝါပင်များရရှိရန်နှင့် ဝါထွက်ကောင်းသောဝါပင်မျိုးရရှိရန် မျိုးစေ့များကို ရွေးချယ်စိုက်ပျိုးလေ့ရှိကြသည်။ ချည်မျှင်ရှည်ဝါနှင့် ချည်မျှင်တိုဝါဟူ၍ နှစ်မျိုးရှိသည့်အနက် ချည်မျှင်ရှည်ဝါမျိုးလည်းဖြစ်ပြီး အချိန်တိုအတွင်း ကောက်သိမ်းနိုင်သောဝါမျိုးဖြစ်ပါက ဝါခင်းပိုင်ရှင်များအတွက် အကျိုးရှိပါသည်။

   ဝါသီးနှံစိုက်ပျိုးထုတ်လုပ်မှုကဏ္ဍရေရှည်ဖွံ့ဖြိုးတိုးတက်စေရေးအတွက် စိုက်ပျိုးတောင်သူများ၊ ကုန်သည်အသင်းအဖွဲ့များ၊ လုပ်ငန်းရှင်များနှင့် စက်ရုံပိုင်ရှင်များပေါင်းစပ်ညှိနှိုင်းပြီး ဟန်ချက်ညီညီဆောင်ရွက်သွားရန်လိုအပ်သကဲ့သို့ နိုင်ငံတော်ဘက်မှလည်း လိုအပ်သောပံ့ပိုးမှုများဖော်ဆောင်ဖြည့်ဆည်းပေးပါက ဝါနှင့်ဝါထွက်ပစ္စည်းကဏ္ဍရေရှည်ဖွံ့ဖြိုးတိုးတက်မည်မှာ အမှန်ဖြစ်သည်။

     စစ်ကိုင်းခရိုင်တွင် (၂၀၂၃-၂၀၂၄) ခုနှစ်၊ မိုးသီးနှံ(ချည်မျှင်ချည်ဝါ)လျာထားဧက ၃၆၀၁၁ဧကဖြစ်ပြီး၊ အမှန်စိုက်ဧက ၃၆၄၇၂ဧကဖြစ်၍ လျာထားချက်ထက် ၁၀၁ရာခိုင်နှုန်းပိုမိုစိုက်ပျိုးနိုင်ခဲ့ပါသည်။ ချည်မျှင်ရှည်ဝါမျိုးကွဲအလိုက် မိုးကြိုတွင် ရွှေတောင်-၈၊ ရွှေတောင် -၁၀၊ မိုးနှင့် မိုးနှောင်တွင် ရွှေတောင်-၈၊ ရွှေတောင်-၁၀၊ ငွေချည်-၉၊ ငွေချည်-၁၀၊ Hybrid(Raka) မျိုးများကို စိုက်ပျိုးကြ‌ကြောင်းသိရသည်။ စိုက်ပျိုးရေးဦးစီးဌာန၏ အဓိကသီးနှံ(၁၀)မျိုးအနက် ဝါသီးနှံ၏ပန်းတိုင်အထွက်နှုန်းမှာ တစ်ဧကလျှင် ပိဿာ(၇၀၀)ဖြစ်ပြီး၊ စစ်ကိုင်းခရိုင်အနေဖြင့် (၂၀၂၃-၂၀၂၄)ခုနှစ်အတွက် တစ်ဧကခန့်မှန်းကုန်ကျစရိတ်မှာ  ကျပ်၉သိန်းကျော်ဖြစ်ပြီး တစ်ဧကပျမ်းမျှအထွက်နှုန်းမှာ ပိဿာ(၅၀၀)ခန့်ဖြစ်ကြောင်း စစ်ကိုင်းခရိုင်၊ စိုက်ပျိုးရေးဦးစီးဌာန၏ စာရင်းများအရသိရှိပါသည်။ ချည်မျှင်ရှည်ဝါစတင်ထွက်ပေါ်ချိန် စက်တင်ဘာလတွင် တစ်ပိဿာလျှင် ၃၀၀၀ကျပ်ဈေးပေါက်ပြီး လှိုင်လှိုင်ထွက်ပေါ်သည့် အောက်တိုဘာလနှင့် နိုဝင်ဘာလများတွင် တစ်ပိဿာလျှင် ၂၇၀၀ကျပ်ဈေးပေါက်သဖြင့် တစ်ဧကအကျိုးအမြတ်မှာ ကျပ်၄သိန်းမှ ကျပ်၆သိန်းကြား အကျိုးအမြတ်ရှိကြောင်းသိရှိရသည်။

     ဝါသီးနှံမှ  တန်ဖိုးမြှင့်ထုတ်ကုန်အဖြစ် ဝါဂွမ်း၊ ဝါစေ့၊ ဝါစေ့ဆီနှင့် ဆီကြိတ်ဖတ်များထုတ်လုပ်နိုင်သည်။ စစ်ကိုင်းခရိုင်၌ ဝါကြိတ်စက်(၁၃)စက်ရှိပြီး၊ ပါရမီရပ်ကွက်ရှိ မြမြင့်မိုရ်ဝါကြိတ်စက်သို့ကွင်းဆင်း၍ မေးမြန်းချက်များကို တင်ပြလိုက်ရပါသည်။

   မြမြင့်မိုရ်ဝါကြိတ်စက်တွင် တစ်လုံးလျှင် ကျပ်သိန်းနှစ်ရာတန်ဖိုးရှိ အိန္ဒိယနိုင်ငံထုတ် ဝါကြိတ်စက် ၃လုံးရှိပြီး၊ ဝါကြိတ်စက်တစ်လုံးသည် ကုန်ကြမ်းဝါပိဿာ (၁၀၀၀)အား တစ်ရက် ၁၂နာရီလည်ပတ်ပါက ကုန်ချောဝါဂွမ်း ၃၃၀ပိဿာ၊ ဝါစေ့ ၆၂ပိဿာရရှိပြီး၊ အလေအလွင့် ၅%ဖြစ်ကြောင်းသိရပါသည်။ ထွက်ရှိလာသောကုန်ချောဝါဂွမ်းများကို ဘေထုပ်စက်ဖြင့် ပိဿာချိန် ၄၈ပိဿာအထုပ်များပြုလုပ်သည်။ ဝါကြိတ်ခြင်းလုပ်ငန်းကို ဩဂုတ်လမှ ဧပြီလထိ ၉လခန့်သာလုပ်ကိုင်သည်။ ကုန်ကြမ်းဝါကို စစ်ကိုင်းတိုင်းဒေသကြီး၊ မန္တလေးတိုင်းဒေသကြီးနှင့် မကွေးတိုင်းဒေသကြီးတို့မှဝယ်ယူပြီး ကုန်ချောဂွမ်းများကို မန္တလေး(ဂွမ်းစက်ရုံ)နှင့် မူဆယ်(တရုတ်)သို့ တင်ပို့ရောင်းချကြောင်းသိရသည်။ ဒီဇင်ဘာလအတွင်း ဝါဂွမ်းတစ်ပိဿာလျှင် ကျပ်၇၀၀၀မှ ကျပ်၇၅၀၀၊ ဝါစေ့တစ်ပိဿာလျှင် ကျပ်၁၁၀၀မှ ကျပ်၁၂၀၀ပေါက်စျေးအသီးသီးဖြင့် မန္တလေးသို့ တင်ပို့ရောင်းချကြောင်းသိရသည်။ ဝါသီးနှံသည် စိုက်ပျိုးသူတောင်သူများအတွက် တွက်ချေကိုက်ပြီး ဝါကြိတ်စက်များသည်လည်း လုပ်ငန်းလည်ပတ်ကာလ ၉လခန့်ရှိသည့်အတွက် စိုက်ပျိုးသင့်သည့်သီးနှံတစ်ခုဖြစ်ကြောင်း ရေးသားလိုက်ရပါသည်။

DOCA(စစ်ကိုင်း)

          ၂၀၂၃ခုနှစ် ဒီဇင်ဘာလ၊ စတုတ္ထပတ်အတွင်း ပုဇွန်တောင်မြို့နယ်၌ အခြေခံစား သောက်ကုန်များ ဖြစ်သောဆန်ကြမ်း/ချော အမျိုးအစားအလိုက် (ထိပ်စ/လတ်စ/နိမ့်စ)များ တွင်  ဧည်မထ ၁အိတ်လျှင် (၈၅5၀၀ - ၈၂၅၀၀ - ၇၈၀၀၀)ကျပ်၊ မနောသုခ ၁အိတ်လျှင် (၉၄၅၀၀ - ၉၀၀၀၀ - ၈၅၅၀၀ကျပ်)ထိ လည်းကောင်း၊ ရွှေဘိုပေါ်ဆန်းမွှေး ၁အိတ်လျှင် (၁၇၁၀၀၀ - ၁၆၆၅၀၀ - 1၆၂000ကျပ်)ထိ၊  ပေါ်ဆန်းမွှေး(ပုသိမ်) ၁အိတ်လျှင်  ၁၄၂၅၀0ကျပ်) ဖြင့်လည်းကောင်း၊  ပေါ်ဆန်းမွှေး(ဖျာပုံ) ၁အိတ်လျှင် ၁၃၅၅00 ကျပ်ဖြင့် လည်းကောင်း၊  ပေါ်ဆန်းမွှေး(မြောင်းမြ) ၁အိတ်လျှင်  ၁၃၀၅00 ကျပ် ဖြင့်လည်ကောင်း၊  စားအုန်းဆီ ၁  ပိဿာလျှင် ၅၁၅၀ ၊ ပဲဆီ(ရှယ်) ၁ ပိဿာလျှင် (၁၅၀၀၀) ဖြင့်လည်းကောင်း၊ ကြက်သွန်နီ ဆိုဒ်စုံ ၁ ပိဿာလျှင် (၃၈၀၀ - ၅၀၀၀ - ၅၄၀ဝ) ကျပ် ၊ ကြက်သွန်ဖြူ(ဥ) တလုံး ၁ ပိဿာလျှင် (၂၀00ဝ-၂၂00ဝ)ကျပ်၊ ကြက်သွန်ဖြူ(အမွှာ) ၁ ပိဿာလျှင် 1၈00ဝ)ကျပ်၊ ကြက်သွန်ဖြူ (ကြူကုတ်) ၁ ပိဿာလျှင် (၁၆၀၀၀) ကျပ်၊ အာလူး ၁ ပိဿာလျှင် (၃၅၀၀)ကျပ်၊နနွင်းမှုန့် ၁ ပိဿာလျှင်(၁၃၀၀၀)ကျပ်၊ နနွင်းတက် ၁ ပိဿာ လျှင်(၇၀၀၀) ကျပ်၊ အိုင်အိုဒင်းဆား/ ရိုးရိုးဆား ၁ ထုပ်လျှင် (၅၀၀)ကျပ်၊ ငရုပ်တောင့် (ရှည်) ၁ပိဿာလျှင် (၁၈၀၀၀) ကျပ်၊ ငရုပ်တောင့်(ပု) ၁ ပိဿာ လျှင် (၂၄၀၀၀) ကျပ်၊ မြန်မာပဲနီလေး ၁ ပိဿာလျှင်(၁၄၀00) ကျပ်၊ ပဲဝါလေး ၁ ပိဿာ လျှင် (4၄၀၀) ကျပ်၊ကုလားပဲခြမ်း ၁ ပိဿာလျှင် (64၀၀)ကျပ်၊ ချင်း ၁ ပိဿာလျှင် (7000 - ၈၀၀၀)ကျပ်ဖြင့်လည်းကောင်း၊ ပုဇွန်ခြောက်(ကြီး) ၁ ပိဿာလျှင် (၇၅000) ကျပ်၊ ပုဇွန်ခြောက်(လတ်) ၁ ပိဿာလျှင် (၆၅000) ကျပ်၊ ပုဇွန်ခြောက်(သေး) ၁ ပိဿာလျှင် (5၀000) ကျပ်နှင့် ငါးကျည်းခြောက် ၁ ပိဿာလျှင် (၆၅000-၇၀000) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

            အလားတူ ဝက်သား ၁ ပိဿာလျှင် (1၆000 - ၁၇၀၀၀) ကျပ်၊ဘဲသား ၁ ပိဿာလျှင် (1၃000 -၁၄၀၀၀) ကျပ်၊ ဆိတ်သား ၁ ပိဿာလျှင် (၂၈၀၀၀) ကျပ်၊ အမဲသား၁ ပိဿာလျှင် (၁၈၀၀၀) ကျပ်၊ မွေးမြူရေးကြက် ၁ ပိဿာလျှင် (၉000-1၀000) ကျပ်၊မြန်မာကြက် ၁ ပိဿာလျှင် (၂၀000-2၂000) ကျပ်၊ ငါးကြင်း ၁ ပိဿာလျှင် (၁၂၀၀၀-1၄000) ကျပ်၊ ငါးမြစ်ချင်း ၁ ပိဿာလျှင် (၆၅00-၇၀00) ကျပ်နှင့် ပင်လယ်ငါး ၁ပိဿာလျှင် (၆000-၇000) ကျပ်ထိ လည်းကောင်း ဈေးနှုန်းအသီးသီးဖြင့် ရန်ကုန်တိုင်းဒေသကြီး ပုဇွန်တောင်ဈေးအတွင်း အရောင်းဝယ်ဖြစ်လျက်ရှိကြောင်း သိရှိရပါသည်။

DOCA(YGN)

          မင်္ဂလာတောင်ညွှန့်မြို့နယ်၊ ကြက်/ဘဲဈေးတွင်ရောင်းချနေသော ကြက်/ဘဲများမှာ ပဲခူးတိုင်း ဒေသကြီး၊  ဧရာဝတီတိုင်းဒေသကြီး၊ ရန်ကုန်တိုင်းဒေသကြီးအတွင်းရှိ မြို့နယ်များမှ ခြံဖမ်းဈေးစနစ် ဖြင့်လည်ကောင်း၊  အရောက်ပို့စနစ်ဖြင့် လည်ကောင်း အသီးသီးဝင်ရောက်လျက်ရှိကြောင်း သိရှိ ရပါသည်။ ကြက်/ဘဲဈေးတွင် ဒီဇင်ဘာလ၊ စတုတ္ထပတ်အတွင်း အရောင်းအဝယ်ဖြစ်လျက်ရှိသော ဈေးနှုန်းများမှာ ကြက်အရှင်၊ အိမ်မွေးကြက် ၁ပိဿာလျှင် ကျပ် ၁၃၀၀၀/၁၄၀၀၀)၊ အသားတိုး ကြက် ၁ပိဿာလျှင် ကျပ်(၄၉၀၀/၅၀၀၀)၊ မွေးမြူရေးကြက်(ထီး/မ) ၁ပိဿာလျှင် ကျပ် (၈၂၀၀)၊ ဘဲအရှင် ၁ပိဿာလျှင် ကျပ်(၉၅၀၀/၁၀၀၀၀)၊ ချယ်ရီ/ဘယ်ရီဘဲ ၁ပိဿာလျှင် ၅၅၀၀/၆၀၀၀ ကျပ်တို့ဖြင့် ကုန်အဝင်ပိဿာချိန် (၈၆၈၀၀)ရှိပြီး အရောင်းအဝယ် ဖြစ်ပေါ်လျက်ရှိကြောင်း သိရှိရပါသည်။  

DOCA(YGN)

         တိုက်ကြီးမြို့နယ်တွင် မိုးစပါးစိုက်ပျိုးရိတ်သိမ်းပြီးစီးသွားချိန် လယ်ယာမြေများကို နွေစပါးနှင့်သီးထပ်သီးညှပ်များ ဆက်လက်စိုက်ပျိုးသွားမည်ဖြစ်ပါသည်။ သီးထပ်စွမ်းအားဖြည့် စိုက်ပျိုးနိုင်ရန် စနစ်တကျဆောင်ရွက်လျက်ရှိပြီး ၂၀၂၃ ခုနှစ်တွင် မိုးစပါးကို အမှန်စိုက်ဧက (၁၂၇၈၉၃)စိုက်ပျိုးပြီး ရိတ်သိမ်းဧက (၁၂၆၃၀၈)ဖြစ်ပြီး ရေကြီးနစ်မြှုပ်ပျက်စီးဧက (၁၅၈၅)ဖြစ်ပါ သည်။ ၂၀၂၃-၂၀၂၄ ခုနှစ် နွေစပါးရာသီ Seeder ဖြင့် အတန်းလိုက် မျိုးစေ့ချစိုက်စနစ်တိုးချဲ့ ဆောင် ရွက်ရန် လျာထားလျက်ရှိပါသည်။ ၂၀၂၃-၂၀၂၄ ခုနှစ်တွင် နွေစပါး (၅၆၄၄၈)ဧက လျာထားပြီး ဧက (၁၄၅၂၀) Seeder နွေစပါးစိုက်ပျိုးသည့် ရပ်ကွက်/ကျေးရွာအုပ်စုပေါင်း(၆၆)ခု ပါဝင်စိုက်ပျိုးလာပြီး လက်ရှိ Seeder (၂၁)ခုရှိပြီး ထပ်မံ (၁၀၀)ဖြည့်စွက်၍ အခြား Seeder (၁၂၁)ခုဖြင့်စိုက်ပျိုးသွားပါ မည်။ ၂၀၂၃-၂၀၂၄ ခုနှစ်တွင် နွေစပါးရာသီတွင် Seeder ဖြင့် အတန်းလိုက် မျိုးစေ့ချစိုက်စနစ်တိုးချဲ့ ဆောင်ရွက်ရန် လျာထားပါသဖြင့် ယခုနှစ်တွင် နွေစပါးများအထွက်တိုး၍ စားသုံးသူပြည်သူများ ဈေးနှုန်းချိုသာစွာ ဝယ်ယူစားသုံးနိုင်မည်ဖြစ်ကြောင်း တွေ့ရှိရပါသည်။

          DOCA (YGN)

သန်လျင်မြို့နယ်၊ ဒီဇင်ဘာလ (၂၆) ရက်

          ရန်ကုန်တိုင်းဒေသကြီး၊ တောင်ပိုင်းခရိုင် သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်းရှိ မြို့နယ်များနှင့်အခြားတိုင်းဒေသကြီး/ ပြည်နယ် များရှိ ကိုယ်စားလှယ်များသို့ စားအုန်းဆီနေ့စဉ် ထုတ်ပေးလျက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီး ဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ အပတ်စဉ် ထုတ်ပြန်ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည် ဖြန့်ဖြူး ရောင်းချသူများအနေဖြင့် ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက်မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေး ဈေးနှုန်းအဆမတန်မြှင့်တင် ရောင်းချခြင်းများ မပြုလုပ်စေရေးတို့အတွက်လည်း ဝန်ထမ်းများမှကွင်းဆင်းကြပ်မတ် ဆောင်ရွက် လျက်ရှိကြောင်းနှင့် (၁၈.၁၁.၂၀၂၃)ရက်နေ့မှ (၂၃.၁၂.၂၀၂၃)ရက်နေ့အထိ ဆီကုမ္ပဏီ(၁၂)ခုမှ စားအုန်းဆီကိုယ်စားလှယ် (၅၇၂)ဦးတို့အား စားအုန်းဆီတန်ချိန် (၅၉၇၉.၃၁၈)တန်ကို ထုတ်ပေး ခဲ့ကြောင်းသိရှိရပါသည်။

DOCA (YGN)