ဧရာဝတီတိုင်းဒေသကြီး၊ ဓနုဖြူမြို့နယ်အတွင်းရှိ လက်ဆွဲချောင်းကျေးရွာတွင် ရွှေဖရုံသီး သီးနှံကို စိုက်ပျိုးလျက်ရှိပြီး အခြားသော ဟင်းသီ’ဟင်းရွက်သီးနှံများလည်း စိုက်ပျိုးထားရှိကြောင်း သိရသည်။

          မျိုးအနေဖြင့် ဒေသ  မျိုးဖြစ်သော ရွှေအိုးစည်မျိုး စိုက်ပျိုးပြီး အထုတ်ကြီးတစ်ထုပ်လျှင် ၁၇၀၀၀ ကျပ်နှုန်းဖြင့်  ဝယ်ယူ၍ စိုက်ဧက ၀.၂၀ လျှင် မျိုးထုပ် ၂ ထုပ်ခန့် စိုက်ပျိုးရကြောင်း၊ စိုက်ပျိုးမှုအနေဖြင့် မျိုးစေ့များကို  ရွှေဖရုံသီးပင်အား စိုက်ပျိုးလျှင် (၃)ပေခြား၊ တစ်တန်းနှင့်တစ်တန်း (၂၀)ပေခွာ၍ တစ်ကျင်းလျှင် အစေ့(၃-၄)စေ့ချ၍ စိုက်ပျိုးရပါသည်။ 

မြေချ၍ တိုင်ထောင်စနစ်ဖြင့် စိုက်ပျိုးကြောင်း၊  သီတင်းကျွတ်လတွင် စတင်စိုက်ပျိုးပြီး တပေါင်း တွင် လှိုင်လှိုင်ထွက်ပေါ်မည်ကြောင်း၊ စိုက်ပျိုးထုတ်လုပ်မှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင်  တစ်ဧကလျှင် ငွေကျပ် ၃၀၀၀၀၀ ခန့် ကုန်ကျပြီး အထွက်နှုန်းအနေဖြင့် တစ်ဧကလျှင် ရွှေဖရုံသီး ၁၀၀၀ ခန့်  ထွက်ရှိကြောင်းသိရသည်.

          ဈေးနှုန်းအနေဖြင့် မတ်လတွင် ရွှေဖရုံသီး လက်ကားဈေး တစ်လုံးလျှင် ငွေကျပ် ၁၀၀၀-၃၀၀၀ ဖြင့် အလုံးအကြီးအသေးပေါ်မူတည်၍ ရောင်းချရပြီး စိုက်ဧကအကျိုးအမြတ်အနေဖြင့် ပျမ်းမျှ ငွေကျပ် ၁၄၀၀၀၀၀ ခန့် ရရှိကြောင်း၊ ဈေးကွက်အနေဖြင့် ဒေသတွင်းရောင်းချခြင်း ပန်းတနော်၊ ညောင်တုန်းမြို့နယ်သို့ ရောင်းချကြောင်း ဈေးနှုန်းကောင်းမွန်မှုကြောင့် အကျိုး အမြတ်များ ရရှိကြောင်း သိရသည်။

DOCA(ဧရာဝတီ)

မအူပင်ခရိုင်၊ ပန်းတနော်မြို့မဈေးတွင် ရောင်းချလျက်ရှိသည့် ကြက်ဥ၊ ဘဲဥများမှာ ဒေသတွင်း ဘဲခြံများမှ ဝယ်ယူရောင်းချလျက်ရှိပြီး၊ ကြက်ဥများကို ညောင်တုန်း ကြက်ခြံများမှ  လိုအပ်ချက်အရ ဝယ်ယူရောင်းချကြောင်းသိရသည်။

၂၀၂၅ ခုနှစ်၊ မတ်လ အတွင်း ဖြစ်ပေါ်နေသော ကြက်ဥ၊ ဘဲဥ၊ ငုံးဥဈေးနှုန်းများမှာ ကြက်ဥကြီးတစ်လုံးလျှင် (၄၀၀)ကျပ်၊ ဘဲဥအကြီးတစ်လုံးလျှင်(၄၅၀)ကျပ်၊ ကြက်ဥသေးတစ်လုံးလျှင်(၃၈၀)ကျပ်နှင့် ဘဲဥအသေးတစ်လုံးလျှင်(၄၂၀) ကျပ်၊ ငုံးဥ(၁၀)လုံးလျှင် (၁၃၀၀)ကျပ်ဖြင့် အရောင်းအဝယ်ဖြစ်လျက် ရှိပြီးယခင်အပတ် ဈေးနှုန်းများနှင့်နှိုင်းယှဉ်ပါက ဈေးနှုန်းတည်ငြိမ်လျှက်ရှိကြောင်းတွေ့ရှိရသည်။ ကြက်ဥ၊ဘဲဥ၊ ငုံးဥများကို စားသောက်ဆိုင်များ၊ မုန့်လုပ်ငန်းများတွင် အများဆုံးအသုံးပြုကြပြီး အိမ်ရှင်မ များမှ ချက်ပြုတ်စားသောက်ရန် အသုံးပြုကြကြောင်း ကြက်ဥ၊ဘဲဥ ရောင်းချသူ ဈေးသည်များထံမှသိရှိရသည်။

DOCA(ဧရာဝတီ)

           ဂျုံထွက်ရှိရာဒေသများဖြစ်ကြသည့် စစ်ကိုင်းမြို့နယ်၊ ချောင်းဦး၊ မြင်းမူနှင့် အခြား ဂျုံထွက်ရှိရာဒေသများမှ မန္တလေးမြို့ရှိ ပွဲရုံများသို့ ဝင်ရောက်လျက်ရှိသည်။ ဂျုံသီးနှံများသာမက အခြား လယ်ယာထွက်ကုန်ပစ္စည်းများကိုလည်း မဟာကထိန်တော်အသင်းကုန်စည်ဒိုင်ပေါက်ဈေး ဖြင့် ဝယ်ယူလျက်ရှိသည်။ ဖေဖော်ဝါရီလတတိယပတ်တွင် ပိဿာ(၆၀)ဝင်တစ်အိတ်လျှင် (၂၅၀၀၀ဝိ/-) ကျပ်ရှိခဲ့ပြီး၊ မတ်လ တတိယပတ်တွင် ပိဿာ(၆၀)ဝင်တစ်အိတ်လျှင် (၂၁၀၀၀ဝိ/-) ကျပ်တို့ဖြင့် အရောင်းအဝယ်ဖြစ်လျက်ရှိသည်။

          ဂျုံမှုန့်များကို မန္တလေးမြို့တွင်းရှိ စားသောက်ကုန်လုပ်ငန်းများတွင်သာမက ခေါက်ဆွဲ၊ ထပ်တစ်ရာ၊ ပလာတာ၊ အီကြာကွေး၊နံပြားစသည့် မုန့်များကို နံနက်စာအဖြစ် စားသုံးမှုပိုများပြီး မြန်မာမုန့်များတွင်လည်း ဂျုံမှုန့်အသုံးပြုမှုအများဆုံးဖြစ်ပြီး ယခင်နှစ်က ဂျုံမှုန့် ၂၅ ပိဿာ ဝင်တစ်အိတ်လျှင် (၈၀၀၀ဝိ/-)ကျပ်ထိရှိခဲ့ပြီး ယခုနှစ်တွင်(၁၆၀၀၀ဝိ/-)တို့ဖြင့် ဝယ်ယူရကြောင်း သိရှိရပါသည်။

DOCA(မန္တလေး)

           မန္တလေးမြို့တွင်းသို့ မကွေးတိုင်း ရေနံချောင်း၊ ချောက်၊ စလေနယ်များမှအညာဆီးသီးခြောက်နှင့်မန္တလေးအနီးဝန်းကျင်ထုံးဘို၊ ကျောက်ချော၊ရွှေစာရံနယ်များမှ ဆီးသီးခြောက်များ ဝင်ရောက်သကဲ့သို့ မန်ကျည်းမှည့်များဝင်ရောက်မှုအနေနှင့် ကျောက်ပန်းတောင်း၊ ရမည်းသင်း၊ မိထ္ထီလာနယ် များနှင့်မန်းမြို့အနီးတဝိုက်မှ အမရပူရ၊ မတ္တရာ၊ ပုသိမ်ကြီးနယ်များမှမန်ကျည်းမှည့်များ မန်းဈေးကွက်အတွင်းဝင်ရောက်အရောင်းအဝယ်ဖြစ်လျက် ရှိပါသည်။ မန်ကျည်းမှည့်နှင့် ဆီးသီးခြောက်များကို အချဉ်ပေါင်းထုတ်လုပ်ရောင်းချသူများ၊ ယိုစုံထုတ်လုပ်ရောင်းချသူများနှင့် မန်ကျည်းဖျော် ရည်ဆီးဖျော်ရည်ရောင်းချသူများမှဝယ်ယူခြင်းမိသားစုတပိုင်တနိုင်စားသုံးရန်နှင့် ကြိုတင်ဝယ်ယူ သိုလှောင်ထားခြင်းများကြောင့်အရောင်းအဝယ်သွက်လျက်ရှိပါသည်။ မန္တလေးမြို့တွင်း မန်ကျည်းနှင့် ဆီးသီးခြောက်ဈေးနှုန်းဈေးကွက်အနေနှင့် မန်ကျည်းမှည့်၁ပိဿာလျှင်(၁၄၀၀၀)ကျပ်မှ(၁၆၀၀၀)ကျပ်၊ ဆီးသီးခြောက်၁ပြည်လျှင်(အချို)(၃၅၀၀)ကျပ်မှ(၄၀၀၀)ကျပ်ဆီးချဉ်သီး၁ပြည်လျှင်(၂၀၀၀)ကျပ်မှ(၂၅၀၀)ကျပ်ဈေးနှုန်းများနှင့် ဈေးကွက်တွင်အရောင်းအဝယ်ဖြစ်ကြောင်း လေ့လာသိရှိရပါသည်။         

DOCA(မန္တလေး)

           မန္တလေးဈေးကွက်သို့ ပြင်ဦးလွင်ဒေသနှင့်ရှမ်းပြည်နယ်တောင်ပိုင်းဒေသများမှ ထွက်ရှိသည့် ခါကြက်ဥ(ခေါ်)မုန်လာဥနီကုန်စိမ်းသီးနှံများ ၂၀၂၅ခုနှစ်မတ်လတိယပတ်အတွင်းဝင်ရောက်မှုအနည်း ငယ်လျော့ကျသွားပြီး စျေးအနည်းငယ်မြင့် သွားကြောင်းသိရှိပါတယ်။     ဈေးကွက်အတွင်း တွေ့ရ သော ခါကြက်ဥ(ခေါ်)မုန်လာဥနီကုန်စိမ်းမှာ ဒေသမျိုး နှင့်ထိုင်ဝမ်မျိုးနှစ်မျိုးတွေ့ရှိရပြီး တစ်နှစ်ပတ် လုံးဝင်ရောက်သည့်ကုန်စိမ်းအမယ်တစ်မျိုးဖြစ်ပါတယ်။   မုန်လာဥနီကုန်စိမ်းသီးနှံမှာ လိမ္မော်ရောင် ရှိပြီး၊ကယ်လိုရီပါဝင်မှုနည်း ခြင်း၊ ဗီတာမင်နှင့်သတ္ထုဓာတ် များစွာပါရှိသည့်အတွက်ခါကြက်ဥစားသုံး ခြင်းဖြင့် အသားအရေလှပ စေခြင်း၊ သွားနှင့်သွားဖုံးများ ကျန်းမာစေခြင်း၊ အရွယ်တင်နုပျိုစေခြင်း၊ အသည်းကျန်းမာစေခြင်း၊ သွေးသန့်စေခြင်း၊ မျက်စေ့အား ကောင်းစေခြင်း၊အိုမင်းရင့်ရော်ခြင်းမှ ကာကွယ်ခြင်းတို့ကြောင့်  ကျန်းမာရေးအကျိုးကျေးဇူးများ စွာရရှိတဲ့ သီးနှံတစ်မျိုးဖြစ်ပါတယ်။  ခါကြက်ဥ(ခေါ်)မုန်လာဥနီကို  အသုပ်၊ အပြုတ်၊ အကြော်၊အလှော်၊ အကင်၊စွပ်ပြုတ်၊ဆန်ပြုတ်၊ပူရီ၊ ထမင်းလိပ်၊ကင်မ်ချီ၊တော့ပိုကီ၊ ဘီစကစ်၊စပါဂ်တီခေါက်ဆွဲ၊ကိတ်မုန့်၊ ပေါင်မုန့်၊ ကွက်ကီ၊ ပူတင်း၊ယို၊ ရေခဲမုန့်၊ ရေခဲချောင်း၊ မုံလာဥနီ ဖျော်ရည်စားဖွယ်စုံအဖြစ် အမျိုးမျိုး  စားသောက်ကြကြောင်း သိရပါ တယ်။  မန္တလေးကုန်စိမ်းစျေးကွက်တွင်  ၂၀၂၅  ခုနှစ်မတ်လတတိယပတ်အတွင်း တစ်ပိဿာလျှင်  လက္ကားဈေးခါကြက်ဥ (ဒေသမျိုး) ၁၈၀၀ ကျပ် နှင့် ၂၀၀၀ကျပ်၊ ထိုင်ဝမ်မျိုး ၆၀၀၀ ကျပ်နှင့် ၆၅၀၀ ကျပ်၊ လက်လီဈေးဒေသမျိုး ၂၅၀၀ ကျပ်နှင့် ၃၀၀၀ကျပ်၊ ထိုင်ဝမ်မျိုး  ၇၀၀၀ကျပ်နှင့် ၇၅၀၀ ကျပ်တို့ ဖြစ်ကြောင်း သိရပါတယ်။ ခါကြက်ဥမှာ အရောင်းသွက်သည့်ကုန်စည်ဖြစ်ပြီး၊မန္တလေးမြို့၊သီရိမာလာ ကုန်စိမ်းစျေးအတွင်း ခါကြက်ဥ(ခေါ်)မုန်လာဥ နီသီးနှံဝင်ရောက်မှုအနေဖြင့်  တစ်ပတ်လျှင်(Canter ) ၆ ဘီးကား ၁၅စီးနှင့် ၂၀စီး အကြား ဝင်ရောက် လျက်ရှိကြောင်း သိရပါတယ်။

DOCA(မန္တလေး)