ပြည်တွင်းကုန်သွယ်မှုသတင်း

မန္တလေးဈေးကွက်အတွင်းသို့ ရှမ်းပြည်နယ်ဘက်မှလာသော ပန်းမုံလာ(ခေါ်) ပန်းဂေါ်ဖီများအပြင် ပြင်ဦးလွင်ဒေသထွက် ပန်းမုံလာ(ခေါ်)ပန်းဂေါ်ဖီများ အနည်းငယ်သာဝင်ရောက်လျှက်ရှိပါသည်။ ဆောင်းရာသီ စာများဖြစ်သော မုံညင်း၊ ကိုက်လန်၊ ဆလပ်ရွက် တို့နှင့်အတူ ထွက်ပေါ်လာခြင်းဖြစ်ပြီး ယခုအခါ မိုးရာသီဖြစ်၍ ပန်းမုံလာ(ခေါ်) ပန်းဂေါ်ဖီများ အနည်းငယ်သာ ဝင်ရောက်ခဲ့ခြင်းကြောင့် ဈေးနှုန်းများ တက်လျှက်ရှိပါသည်။ ဒီဇင်ဘာလဆန်းပိုင်း တွင်ပန်းမုံလာ(ခေါ်)ပန်းဂေါ်ဖီများ အကြီးတစ်ပွင့်လျှင်(၁၅၀၀/၂၀၀၀)ကျပ်၊ အသေးတစ်ပွင့် လျှင်(၁၀၀၀/၁၅၀၀) ကျပ် ဈေးနှုန်းများဖြင့် အရောင်းအဝယ်ရှိခဲ့ရာမှ ဖေဖော်ဝါရီ ဒုတိယအပတ်တွင် ပန်းမုံလာ(ခေါ်) ပန်းဂေါ်ဖီအကြီးတစ်ပွင့် လျှင်(၁၀၀၀/၁၅၀၀)၊ အသေးတစ်ပွင့်လျှင်(၇၀၀/၈၀၀)ကျပ် ဈေးနှုန်းများဖြင့် ရောင်း ဝယ်လျှက်ရှိခဲ့ရာမှ ယခု ဇူလိုင်လဆန်းပိုင်တွင် ပန်းမုံလာ(ခေါ်) ပန်းဂေါ်ဖီအကြီးတစ်ပွင့်လျှင် (၂၀၀၀/၂၅၀၀)ကျက်ဈေးနှုန်းဖြင့် ရောင်းချလျှက်ရှိကြောင်းသိရှိရသည်။ စတင်ထွက်ပေါ်ချိန်နှင့် ယခုအချိန်နှိုင်းယှဉ်ကြည့်ပါက ပန်းမုံလာ(ခေါ်) ပန်းဂေါ်ဖီဈေးနှုန်းများ သိသိသာသာ ဈေးတက်သွားကြောင်း ဈေးကွက်အတွင်းမှ သိရှိရသည်။ DOCA(မန္တလေး)

မန္တလေးဈေးကွက်အတွင်းသို့ ခရမ်းချဉ်သီးအမျိုးအစားများဖြစ်ကြသော ရှမ်းသီး(ခေါ်) အင်းသီး၊ ထိုင်ဝမ်သီး၊ ဗမာသီးများ မျိုးစုံစွာ ဝင်ရောက်လျှက်ရှိပါသည်။ ခရမ်းချဉ်သီး (အင်းသီး)နှင့် ထိုင်ဝမ်သီးတို့ကို ရှမ်းပြည်နယ်နှင့် ပြင်ဦးလွင်ဒေသတို့မှ အများဆုံးဝင်ရောက်လျှက်ရှိသည်။ ဒေသအတွင်း ထိုင်ဝမ်ခရမ်းချဉ်သီးမျိုး များကိုလည်း စီးပွားဖြစ်စိုက်ပျိုးကြပါသည်။ ဈေးကွက် အတွင်း၌ ခရမ်းချဉ်သီးဈေးများ မြင့်တက်လျှက်ရှိပါသည်။ မတ်လဆန်းပိုင်း၌ ခရမ်းချဉ်သီး ဈေးနှုန်းများ သိသိသာသာကျဆင်းခဲ့ပြီး ခရမ်းချဉ်သီး ရှမ်းသီး(ခေါ်) အင်းသီးတစ်ပိဿာလျှင် (၁၂၀၀)ကျပ်၊ ထိုင်ဝမ်ခရမ်းချဉ်သီး တစ်ပိဿာလျှင် (၈၀၀/၁၀၀၀)ကျပ် ဈေးနှုန်းများဖြင့် ရောင်းချလျှက်ရှိခဲ့ ပါသည်။ မေလဆန်းပိုင်းတွင် ရောင်းချသော ခရမ်းချဉ်သီးဈေးနှုန်းများမှာ ဈေးနှုန်းပြန်လည်မြင့်တက်ခဲ့ပါသည်။ ဈေးကွက်အတွင်း၌ ခရမ်းချဉ်သီးရှမ်းသီး (ခေါ်)အင်းသီး တစ်ပိဿာလျှင်(၂၀၀၀/၃၀၀၀)ကျပ်၊ ထိုင်ဝမ် ခရမ်းချဉ်သီး တစ်ပိဿာလျှင်(၂၀၀၀/၂၅၀၀) ကျပ် ဈေးနှုန်းများဖြင့် ရောင်းဝယ်လျှက်ရှိပါသည်။ ယခုဇူလိုင်လဆန်းပိုင်းတွင် ခရမ်းချဉ်သီးဈေးနှုန်းများ ပြန်လည်မြင့်တက်ခဲ့ပြီး ခရမ်းချဉ်သီး ရှမ်းသီး(ခေါ်) အင်းသီးတစ်ပိဿာလျှင် (၄၀၀၀)ကျပ်၊ ထိုင်ဝမ်ခရမ်းချဉ်သီးတစ်ပိဿာလျှင် (၃၅၀၀)ကျပ် ခရမ်းချဉ်သီးဈေးနှုန်းများဖြင့် ရောင်းချလျှက်ရှိ ကြောင်း ဈေးကွက်အတွင်းမှ သိရှိရသည်။ DOCA(မန္တလေး)

နေကြာသီးနှံမှာ ပြည်တွင်းစားဆီကြိတ်ခွဲခြင်းနှင့်ဆီစက်လုပ်များအတွက် အရေးပါသကဲ့ သို့ နေကြာစေ့များအား လှော်၍ သရေစာအဖြစ်စားသုံးလျက်ရှိပြီး စျေးကောင်းရသည့်အမယ် ဖြစ်ကြောင်း သိရပါသည်။ နေကြာသီးနှံအား မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး နှင့် ရှမ်းပြည်နယ်တို့တွင် အများအပြားစိုက်ပျိုးကြောင်း သိရပါသည်။ မန္တလေးတိုင်းဒေသကြီးတွင် နေကြာသီးနှံကို မိုးနေကြာ နှင့် ဆောင်းနေကြာ အဖြစ် စိုက်ပျိုး လျက်ရှိပြီး၊ ၂၀၂၄-၂၀၂၅ ခုနှစ်မိုးနေကြာစိုက်ပျိုးမှု ၄၁၇၄၉ ဧက၊ ရိတ်သိမ်းမှု၃၀၂၅၃ ဧက၊အထွက် ၂၃.၈၅တင်းနှုန်းနှင့်အထွက် ၇၂၁၄၃၉တင်းဖြစ်ကြောင်းသိရပါသည်။နေကြာဆီသည် ကျန်းမာရေး အရ စားသင့်သည့်မပြည့်ဝ ဆီတစ်မျိုးဖြစ်ကြောင်း သိရပါသည်။ မန္တလေးပွဲစား၊ကုန်သည်စက်ပိုင် များ မဟာကထိန်တော်အသင်းတွင် ၂၀၂၅ ခုနှစ်ဇူလိုင်လဒုတိယပတ်အတွင်း ဖြစ်ပေါ်လျက် ရှိသည့် ဆီနေကြာသီးနှံပေါက်စျေးမှာ ၃တင်းဝင် (၂၇ ပိဿာပါ) တစ်အိတ်လျှင် ၁၉၅၀၀၀ ကျပ်၊ တစ်ပိဿာလျှင် ၇၂၂၂ ကျပ်၊ နေကြာဖတ်တစ် ပိဿာလျှင် ၂၁၀ဝ ကျပ်နှင့် ၂၂၀ဝ ကျပ်ဖြစ်ပြီး ယခင်နှစ် ကာလတူ ပေါက်စျေးမှာ ၃တင်း တစ်အိတ်လျှင် ၁၄၀၀၀၀ကျပ်နှင့် ၁၄၅၀၀၀ကျပ်၊ တစ် ပိဿာလျှင် ၅၁၈၅ကျပ်နှင့်၅၃၇၀ ကျပ်တို့ဖြစ်ကြောင်း သိရပါသည်။ ဆီနေကြာယခုနှစ် နှင့် ယခင်နှစ် ပေါက်စျေးနှိုင်းယှဉ်ပါက တစ်ပိဿာ လျှင် ၁၈၅၂ ကျပ်စျေးပိုမိုရရှိကြောင်း သိရပါသည်။ DOCA(မန္တလေး)

ပြောင်းသီးနှံမှာမွေးမြူရေး အစားစပ်လုပ်ငန်း တွင်သုံးစွဲမှု များပြားခြင်း၊ ပြည်ပတင်ပို့ ခြင်း တို့ကြောင့် မန္တလေးစျေးကွက်တွင် အရောင်းသွက်သည့် ကုန်စည်ဖြစ် ကြောင်း သိရပါသည်။ မန္တလေးအစေ့ထုတ်ပြောင်းစျေးကွက်သို့ ရှမ်းပြည်နယ်မှ အများအပြား ဝင်ရောက်လျက် ရှိပြီး၊ မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးတို့မှလည်းဝင်ရောက်လျက်ရှိကြောင်း သိ ရပါ သည်။ မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု ၃၆၆၂၂ ဧက၊ ရိတ်သိမ်းမှု ၁၃၃၃၁ ဧက၊ အထွက်နှုန်း ၄၉.၅၅ တင်း၊ အထွက်တင်း စုစုပေါင်း ၆၆၀၅၉၁ တင်းဖြစ်ကြောင်းသိရပါသည်။ မန္တလေးပွဲစား၊ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်၊ ဇူလိုင်လဒုတိယပတ်အတွင်း ဖြစ်ပေါ်သည့်အစေ့ ထုတ်ပြောင်းစျေး မှာ ၃တင်း ဝင်တစ်အိတ်လျင်ပြောင်းဖူးစေ့(ဗမာ) ၈၇၀၀၀ ကျပ်နှင့်၈၈၀၀၀ကျပ်၊ပြောင်းဖူးစေ့(ရှမ်း) ၉၀၀၀၀ ကျပ်နှင့် ၉၂၀၀၀ ကျပ်၊ပြောင်းဖူးစေ့(စီပီ) ၉၁၀၀၀ကျပ်၊တစ်ပိဿာ စျေးအနေဖြင့်ပြောင်း ဖူးစေ့(ဗမာ) ၁၆၁၁ ကျပ်နှင့် ၁၆၃၀ ကျပ်၊ ပြောင်းဖူးစေ့(ရှမ်း)၁၆၆၇ကျပ်နှင့် ၁၇၀၄ကျပ်၊ပြောင်းဖူး စေ့(စီပီ) ၁၆၈၅ ကျပ်စျေးတို့ဖြစ်ကြောင်းသိရပါသည်။ ယခင်နှစ်ကာလတူ တစ်ပိဿာစျေးမှာ ပြောင်းဖူးစေ့ (ဗမာ) ၁၂၂၂ ကျပ်နှင့်၁၂၄၁ကျပ်၊ ပြောင်းဖူးစေ့(ရှမ်း)၁၂၇၈ ကျပ် နှင့် ၁၂၉၆ ကျပ်၊ ပြောင်းဖူးစေ့(စီပီ) ၁၂၅၉ကျပ်နှင့်၁၂၈၇ကျပ်တို့ ဖြစ်ကြောင်း သိရပါသည်။ယခုနှစ် စျေးနှင့် ယခင် နှစ် ကာလတူစျေးနှိုင်းယှဉ်ပါက တစ်ပိဿာလျှင် ၃၀၀ ကျပ်အထက်ပိုမိုရရှိ ကြောင်း သိရပါ သည်။ DOCA(မန္တလေး)

ပြည်တွင်းစားသုံးမှုနှင့်ပြည်ပသို့တင်ပို့သည့်ပဲတီစိမ်းမှာ စျေးကောင်းရသည့် ပဲအမျိုးအစား ဖြစ်ပါသည်။ မန္တလေးပဲမျိုးစုံစျေးကွက်သို့ ပဲတီစိမ်းဝင်ရောက်မှုအနေဖြင့် မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ဝင် ရောက်ကြောင်း သိရပါသည်။ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုး မှု (၂၇၀၉၅၈)ဧက၊ ရိတ်သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇) တင်း ဖြစ်ကြောင်း သိရပါသည်။ မန္တလေးပွဲစား၊ကုန်သည်၊စက်ပိုင်များမဟာ ကထိန်တော် အသင်း တွင်၂၀၂၅ခုနှစ်ဇူလိုင်လဒုတိယပတ်အတွင်းဖြစ်ပေါ်လျက်ရှိသောစျေးမှာ ၃တင်းဝင်တစ်အိတ်လျှင် ပဲတီစိမ်းအညာ ၂၈၀၀၀၀ ကျပ်နှင့် ၃၈၈၀၀၀ ကျပ်၊ပဲတီရွှေဝါ(ပဲခွဲ)၂၄၀၀၀၀ ကျပ်နှင့် ၂၅၀၀၀၀ ကျပ်၊ တစ်ပိဿာစျေးမှာပဲတီစိမ်းအညာ ၄၉၇၈ကျပ်နှင့် ၆၈၉၈ ကျပ်၊ ပဲတီရွှေဝါ(ပဲခွဲ) ၄၂၆၇ ကျပ် နှင့် ၄၄၄၄ ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာ ပဲတီစိမ်း (အညာ) ၂၉၃၃ ကျပ်နှင့် ၃၆၂၇ ကျပ်၊ပဲတီစိမ်း(ပဲခွဲ)၂၇၅၆ ကျပ်နှင့်၂၈၄၄ ကျပ်ဖြစ်ပေါ်ခဲ့ပြီး၊ ကာလတူ စျေးနှိုင်းယှဉ်ပါက ပဲတီစိမ်းအညာမှာ တစ်ပိဿာလျှင် ၃၂၇၁ ကျပ်စျေးပိုမိုရရှိ ကြောင်း သိရပါသည်။ DOCA(မန္တလေး)