ပြည်တွင်းကုန်သွယ်မှုသတင်း

            ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်မှ ဥစားကြက်နှင့် ဘဲမွေးမြူရေးလုပ်ငန်းများရှိပြီး တိုင်းဒေသကြီးမြို့နယ်များအတွင်းသို့ ကြက်ဥ၊ ဘဲဥများဖြန့်ဖြူး တင်ပို့ရောင်းချပေးလျက်ရှိကြောင်း သိရသည်။  

           ဖြန့်ဖြူးတင်ပို့ရောင်းချမှုအနေဖြင့်  ၂၈.၁၁.၂၀၂၄ ရက်နေ့တွင် ညောင်တုန်းမြို့နယ်မှ မြန်အောင်၊ ငပုတော၊ သာပေါင်း၊ ပုသိမ်၊ လပ္ပတ္တာ၊ မော်ကျွန်း၊ ဇလွန်၊ ကျုံပျော်၊ ဓနုဖြူမြို့နယ်များသို့ ကြက်ဥအလုံး ၃၉၀၀၀ တင်ပို့ပေးခဲ့ပြီး။ ၂၉.၁၁.၂၀၂၄ ရက်နေ့က  မော်ကျွန်းနှင့် မြန်အောင်မြို့များသို့ ကြက်ဥ အလုံးရေ ၉၀၀၀ တင်ပို့ပြီး၊ (၃၀.၁၁.၂၀၂၄) ရက်နေ့တွင် လပ္ပတ္တာ၊ ဇလွန်၊ မော်ကျွန်း၊ ဓနုဖြူ၊ မြို့နယ်များသို့ ကြက်ဥ အလုံးရေ ၁၂၀၀၀ကိုလည်းကောင်း၊ (၁.၁၂.၂၀၂၄) ရက်နေ့က ပုသိမ်၊ ပြင်စလူ၊ လပ္ပတ္တာ၊ ဓနုဖြူ၊ မြန်အောင်၊ မော်ကျွန်းမြို့နယ်များသို့ ကြက်ဥအလုံးရေ ၂၇၉၀၀၀ ကိုလည်းကောင်း၊ ၂.၁၂.၂၀၂၄ ရက်နေ့က မြန်အောင်၊ လပ္ပတ္တာ၊ ဇလွန်၊ ပုသိမ်၊ မော်ကျွန်း မြို့နယ်များသို့ ကြက်ဥအလုံးရေ ၁၈၉၀၀ လုံး တင်ပို့ပေးဖြန့်ဖြူး ရောင်းချပေးလျက်ရှိကြောင်း ကြက်ခြံမွေးမြူသူများမှ နေ့စဉ်တင်ပို့ဖြန့်ဖြူးမှုများကို သက်ဆိုင်ရာဌာနများသို့ စာရင်းပြုစုပေးပို့လျက်ရှိပြီး မြို့နယ်စာရင်းများအရ သိရှိရပါသည်။

DOCA (ဧရာဝတီ)

            ပန်းဂေါ်ဖီသည် အေးသောရာသီဥတုကို ကြိုက်နှစ်သက်သော်လည်း အပူဒဏ်ခံနိုင်သည့် သီးနှံတစ်မျိုးဖြစ်ပါသည်။ ပူ၍ခြောက်သွေ့သောရာသီဥတုတွင် ပန်းမပွင့်သည့်အတွက်အေးပြီး အစိုဓာတ်ရသောနေရာတွင် စိုက်ပျိုးသင့်ပါသည်။ ခြောက်သွေ့လွန်းသော ရာသီဥတုတွင် အပွင့်ဖြစ်ထွန်းရန်ခက်ခဲပါသည်။ မြေပြန့်ဒေသများတွင် စက်တင်ဘာလနှင့် အောက်တိုဘာလများတွင် တောင်ပေါ်ဒေသများ၌ ဧပြီ၊ မေ၊ စက်တင်ဘာနှင့် အောက်တိုဘာလများတွင် စိုက်ပျိုးကြပါသည်။  စိုက်ပျိုးချိန်မှ ခူးဆွတ်ချိန်ထိ (၁၂၀)ရက်ကြာပါသည်။ အပွင့်အရွယ်အစားကြီးမား၍ တောင်ပေါ်ဒေသများတွင်အများဆုံးစိုက်ပျိုးကြပါသည်။

            ဧရာဝတီတိုင်းဒေသကြီး၊ ပုသိမ်မြို့နယ်များ၌ ဆောင်းရာသီ ဟင်းသီးဟင်းရွက်စိုက်ခင်းများမှ ပန်းဂေါ်ဖီ(ပန်းမုန်လာ)များ ပေါ်ချိန်ဖြစ်၍  ပန်းဂေါ်ဖီများဖူးပွင့်ကာ စိုက်ပျိုးသူတောင်သူများ တစ်ပွင့်လျှင် (၂၅၀၀)ကျပ်၊  (၃၀၀၀)ကျပ်နှုန်းဖြင့် ဆွတ်ခူးရောင်းချလျက်ရှိပါသည်။  စိုက်ခင်းများထိလည်း ကုန်စိမ်းဒိုင်ကိုယ်စားလှယ်များ  လာရောက်ဝယ်ယူလျက်ရှိပြီး ပေါ်ဦးပေါ်ဖျားချိန်ဖြစ်သဖြင့် ပန်းဂေါ်ဖီဈေးတက်လျက်ရှိကြောင်း သိရှိရပါသည်။

DOCA(ဧရာဝတီ)

               ၂၈.၁၁.၂၀၂၄ ရက်နေ့ နံနက်(၀၇:၃၀)နာရီအချိန်တွင် တိုက်ကြီးမြို့နယ်အတွင်း စားသုံးသူပြည်သူများ ကြက်ဥများအား သက်သာသောဈေးနှုန်းဖြင့် ဖောင်ကြီးလမ်းဆုံ၊ တောင်ပေါ်လမ်း လမ်းဆုံ၊ ဈေးပြင်ပအများပြည်သူအသွားအလာများသောနေရာ လမ်းဆုံလမ်းခွနေရာများတွင် ရောင်းချပေးလျက်ရှိကြောင်းသိရသည်။

          ထိုသို့ ဖြန့်ဖြူးရောင်းခဲ့ရာတွင် တိုက်ကြီးမြို့နယ်စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ရဲတပ်ဖွဲ့၊ စားသုံးသူရေးရာဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာနတို့ပူးပေါင်း၍ ကြက်ဥတစ်လုံးလျှင် (၃၇၀)ကျပ် (၁၀)လုံး (၃၇၀၀)ကျပ်ဖြင့် လူတစ်ဦးလျှင် (၁၀)လုံးနှုန်းဖြင့် တိုက်ကြီးမြို့နယ်အတွင်းရှိ ရပ်ကွက်/ ကျေးရွာ နေရာအနှံတွင် နေ့စဉ်ရောင်းချပေးလျက်ရှိကြောင်း သိရှိရပါသည်။

DOCA(ရန်ကုန်)

             ၂.၁၂.၂၀၂၄ ရက်နေ့၊ ဘုရင့်နောင်ကုန်စည်ဒိုင်တွင်ဖြစ်ပေါ်ခဲ့သော ထန်းလျက် တစ်ပိဿာဈေးနှုန်းများမှာ တောင်သာ၊ မလိုင်(ဒုံး) သစ် အနိမ့်ဆုံးဈေး ကျပ် ၇၀၀၀ မှ အများဆုံး ကျပ် ၇၂၀၀၊ ညောင်ဦးဆေးရှယ်  ကျပ်  ၇၃၀၀၊ ညောင်ဦးဆေးရှယ်(ထန်းရော) အနိမ့်ဆုံးဈေး ကျပ် ၅၀၀၀ မှ အများဆုံး ကျပ် ၅၁၀၀၊ ပခုက္ကူကြမ်း ကျပ်  ၇၂၀၀၊ ၊ ရေစကြိုထန်းလျက် အနိမ့်ဆုံးဈေး ကျပ် ၈၀၀၀ မှ အများဆုံး ကျပ် ၈၅၀၀ ၊ ကြံသကာ(ရှမ်း) အနိမ့်ဆုံးဈေး  ကျပ် ၃၀၀၀ မှ အများဆုံး ကျပ် ၃၁၀၀၊ ကြံသကာ(သကြားရော) အနိမ့်ဆုံးဈေး ကျပ် ၅၄၀၀ မှ အများဆုံး ကျပ် ၅၅၀၀၊ မန်ကျည်းသီးများဖြစ်သော မန်းကျည်းသီး ပွင့်ကပ် အနိမ့်ဆုံးဈေး ကျပ် ၃၃၀၀ မှ ကျပ် ၃၅၀၀ ၊ မန်းကျည်းသီးအသား အနိမ့်ဆုံးဈေး ကျပ် ၉၅၀၀ မှ ကျပ် ၁၃၀၀၀ ၊ ပြည်တွင်းသကြား အနိမ့်ဆုံးဈေး ကျပ် ၄၈၀၀ မှ ကျပ် ၅၁၀၀ တို့အသီးသီး ဖြစ်ကြောင်း ကုန်စည်ဒိုင်မှ သတင်းရရှိပါသည်။

DOCA(ရန်ကုန်)

              ရန်ကုန်တိုင်းဒေသကြီးသို့  ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့  နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီလက်ကျန်အခြေအနေများအား  အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့  ကြက်သွန်နီနေ့စဉ်ဝင်ရောက်မှု စာရင်းများအရလည်းကောင်း၊ ကြက်သွန်နီလက်ကျန်အခြေအနေအား နေ့စဉ်စုံစမ်းလျက်ရှိပါသည်။ နိုဝင်ဘာလ (၂၅) ရက်မှ ဒီဇင်ဘာလ (၁) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ တောင်သာဒေသတို့မှ ကြက်သွန်နီ (၆၀၀၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီလက်ကျန်မှာ (၂၄၀၀၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူကြက်သွန်နီ (အသစ်) အချောတစ်ပိဿာ ကျပ် ၂၂၀၀၊ အသန့်မှာ တစ်ပိဿာ ကျပ် ၃၃၀၀၊ အကြီးမှာ ကျပ် ၃၆၀၀၊ ရှယ်မှာ ကျပ် ၄၀၀၀၊  မြင်းခြံ ကြက်သွန်နီ (အသစ်) အချော တစ်ပိဿာ ကျပ် ၂၁၀၀၊ အသန့်မှာ တစ်ပိဿာ ကျပ် ၂၇၀၀၊ အကြီးမှာ ကျပ် ၃၂၀၀၊ ရှယ်မှာ ကျပ် ၃၆၀၀၊ တောင်သာကြက်သွန်နီ(အသစ်) အသန့်မှာ တစ်ပိဿာ ကျပ် ၂၃၀၀၊ အကြီးမှာ ကျပ် ၃၀၀၀၊ ရှယ်မှာ ကျပ် ၃၅၀၀  ဈေးတို့အသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)