ပြည်တွင်းကုန်သွယ်မှုသတင်း

တနင်္သာရီတိုင်းဒေသကြီး၊ မြိတ်မြို့ရှိ ဆိပ်ငယ်စည်ပင်သာယာဈေးနှင့် စမ်းချောင်းကုန်စိမ်းဈေးများတွင် နေ့စဉ်ဈေးရောင်းသူဝယ်သူများနှင့် စည်ကားလျက်ရှိပြီး ရာသီပေါ်သီးနှံများဒေသ ထွက်ကုန်များအပြင်တခြားဒေသမှ ဝင်ရောက်သည့် လူသုံးကုန်နှင့်စားသောက်ကုန်ပစ္စည်းများကို ရောင်းချလျက်ရှိပါသည်။ ယခုလ ရာသီပေါ်စာသီးနှံဖြစ်သည့်ခဝဲသီးကိုလည်း ရောင်းချလျက်ရှိကြောင်း သိရှိရပါသည်။ ယခုဇူလိုင်လပထမပတ်တွင် ဈေးကွက်အတွင်းဝင်ရောက်လာသော ခဝဲသီးမှာ လက်လီ တစ်ပိဿာလျှင်(၅၀၀၀)ကျပ်၊ လက်ကားတစ်ပိဿာလျှင် (၄၅၀၀)ကျပ်ရှိပြီး တစ်တောင့်လျှင် (၁၁၀၀)ကျပ်နှင့် (၁၂၀၀)ကျပ်ရှိကြောင်း ကုန်စိမ်းဈေးရောင်းချနေသူတစ်ဦးထံမှ သိရှိရပါသည်။ DOCA(တနင်္သာရီ)

မိုးရာသီတွင် ပေါများစွာထွက်ရှိသော မျှစ်များကို မြိတ်မြို့ပေါ်ရှိစျေးများတွင် အရောင်းသွက်လျက်ရှိကြောင်း သိရှိရပါသည်။ မြိတ်မြို့သည် ပင်လယ်ကမ်းရိုးတန်းဒေသဖြစ်သည့်အပြင် စားဖိုဆောင်သီးနှံများလည်း ပေါများသောဒေသဖြစ်ပါသည်။ မျှစ်ကိုမိုးရာသီ၌သာ ရရှိသောကြောင့် ကျန် ကာလများတွင် အလွယ်တကူရရှိနိုင်ရန် အချဥ်ဖောက်၍စားသုံးကြသလို ကြော်ချက်၊အပြုတ်၊ အတို့အမြုပ်အဖြစ်လည်း စားသုံးကြသည်။ ချဉ်သောအရသာရှိ၍အနံ့ ပျင်းသောကြောင့် မျှစ်ချဥ်ကို ဟင်းခပ်အမွှေးအကြိုင်များများဖြင့် ချက်စားလျှင် ကောင်းမွန်သော ဟင်းတစ်ခွက်ရရှိမည် ဖြစ်ပါ သည်။ ရာသီပေါ်သီးနှံဖြစ်သောကြောင့်ဈေးကွက်အတွင်း အရောင်းအဝယ်ဖြစ်လျက်ရှိသော မျှစ်ချဉ် ကို တစ်ပိဿာလျှင်(၁၀၀၀၀)ကျပ်၊ငါးဆယ်သားလျှင်(၅၅၀၀)ကျပ်ဖြင့်ရောင်းချလျက်ရှိကြောင်း သိရှိရပါသည်။ DOCA(တနင်္သာရီ)

ကော့သောင်းမြို့နယ်သည် ဥယျာဉ်ခြံစိုက်ပျိူးကြသည့် ကျေးရွာများတွင် ဟင်းသီးဟင်းရွက် နှင့် ရာသီ စာ သီးနှံများရောင်းချရာ ထွက်ရှိလာသည့် သီးနှံများတွင် ကော့သောင်းမြို့အတွင်းရှိ စျေးများသို့ လာရောက် တင်ပို့ရောင်းချလျက်ရှိပါသည်။ ၁၂လ ရာသီစာ သီးနှံဖြစ်သည့် ကန်စွန်းရွက် သည် လူကြိုက်အများဆုံး ဟင်း သီးဟင်းရွက် တစ်မျိုးဖြစ်ပြီး အကြော်၊ အချဉ်ဟင်း၊ အတို့အအပြုတ် စသည်တို့ အမျိုးမျိုးစားသုံးလေ့ရှိကြပါ သည်။ ကော့သောင်းမြို့ပေါ်ရှိ စျေးများ၊ မြို့မစျေးကြီးများတွင် ကန်စွန်းရွက် ရောင်းချမှု ၂၀၂၅ ခုနှစ်၊ ဇူလိုင် လ ပထမပတ်အတွင်း စျေးနှုန်းမှာ ကန်စွန်းရွက် တစီး (၂၀၀၀ိ/-)ကျပ် နှုန်းဖြင့် ရောင်းချလျက်ရှိပြီး ကန်စွန်း ရွက်သည် အရောင်းအဝယ်‌ကောင်းလျက်ရှိကြောင်း ကုန်စိမ်းရောင်းချသူများထံမှ သိရှိရပါသည်။ DOCA(တနင်္သာရီ)

ဧရာဝတီတိုင်းဒေသကြီး မအူပင်ခရိုင် မြို့နယ်များမှ စိုက်ပျိုးထွက်ရှိသော စပါးများကို ဆန်စက်ကြီးများမှ ကြိတ်ခွဲလျက်ရှိပြီး ထွက်ရှိလာသော ဆန်ကွဲနှင့် ဖွဲနုများကို ရန်ကုန်သို့အဓိကထား တင်ပို့ပြီး ရန်ကုန် ဘုရင့်နောင်၊ ရွှေပြည်သာ၊ ဆူးလေ၊ လှိုင်သာယာ ပွဲရုံ၊ မရမ်းကုန်းပွဲရုံ၊ အလုံဆိပ်ကမ်း အလုံမြို့ ၊ ရန်ကုန်စက်မှုဇုန်များနှင့် ပဲခူးမြို့ တို့ကိုသာ နေ့စဉ်စီးထွက်ကြောင်း သိရသည်။ ၂၀၂၅ခုနှစ် ဇွန်လတင်ပို့မှုမှာ မအူပင်ခရိုင်မှ မအူပင် ဆန်ကွဲ၊ ၃၆၂၀အိတ်၊ ပန်းတနော် ဆန်ကွဲ ၄၇၅၉အိတ်၊ ညောင်တုန်း ၆၈၆၆၀အိတ်၊ ဓနုဖြူ ဆန်ကွဲ ၇၆၁၉အိတ် ဆန်ကွဲတင်ပို့မှုစုစုပေါင်း ၈၄၆၅၈ အိတ်အရေအတွက်နှင့် တန်အားဖြင့် ၄၂၃၃ တန်နှင့် အခြား မြို့နယ်များမှ ၈၁၈၁၈ အိတ် တန်အားဖြင့် ၄၁၀၀ တန် တင်ပို့ခဲ့သည်။ ယခုလတင်ပို့မှုနှင့်နှိုင်းယှဉ်ပါက မေလက ၄မြို့နယ် ဆန်ကွဲတင်ပို့မှု မှာ (၇၈၇၅၄) အတိတင်ပို့ခဲ့ပြီး ယခုလ ၅၉၀၄ အိတ်ပိုမိုတင်ပို့ခဲ့သည်။ အခြားမြို့နယ်များက မေလက (၇၃၄၉၉) တင်ပို့ခဲ့သောကြောင့် ယခုလ ၈၃၁၉ ကိုမိုတင်ပို့နိုင်ကြောင်း ပန်းတိုင်စစ်ဆေးရေးဂိတ်၏ စာရင်းများ အရသိရသည်။ DOCA(ဧရာဝတီ)

ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ် ဈေးရပ်ကွက်ဈေးလမ်းတွင် ကိုယ်တိုင် စိုက်ပျိုးထုတ်လုပ်ရောင်းချသူများ၏ ဈေးဆိုင်များတွင်ယနေ့ ၇.၁၀.၂၀၂၅ နေ့ရောင်းချ လျက်ရှိသော ကုန်စည်၊ သားငါး၊ ဟင်းရွက်ဟင်းသီးဈေးနှုန်းများမှာ ဆန်တစ်ပြည်လျှင် (၃၀၀၀) ကျပ်နှုန်းဖြင့်ဆန် (၂အိတ်) ၊ ဆီတစ်ပိဿာလျှင် (၆၆၀၀) ကျပ်နှုန်းဖြင့်ဆီ (ပိဿာ ၄၂) ၊ ကြက်ဥတစ်လုံးလျှင် (၃၁၀) ကျပ်နှုန်းဖြင့် ကြက်ဥ (၃၀၀) လုံး၊ ဝက်သားတပိဿာ လျှင် (၂၀၀၀၀) ကျပ်နှုန်းဖြင့် (၂၅) ပိဿာ ၊ ကြက်သားမွေးမြူရေးတစ်ပိဿာလျှင် (၁၅၀၀၀) ကျပ်နှုန်းဖြင့် (၂၅) ပိဿာ၊ အမဲသား တစ်ပိဿာလျှင် (၁၂၀၀၀) ကျပ်နှုန်းဖြင့် (၁၅) ပိဿာ၊ဝက်သား တစ်ပိဿာ လျှင်(၁၂၀၀၀/)ကျပ်ဈေးနှုန်းဖြင့်ဝက်သား(၂၅)ပိဿာ၊ဆိတ်သားတစ်ပိဿာလျှင်(၂၅၀၀၀)ကျပ်နှုန်းဖြင့်(၃)ပိဿာ၊ငါးမြစ်ချင်းတစ်ပိဿာလျှင် (၄၀၀၀) ကျပ် နှုန်းဖြင့် (၂၅) ပိဿာ၊ သခွားသီး၊ ပဲသီး၊ ခရမ်းချဉ်သီး၊ ပဲတောင့်ရှည်၊ ပြောင်းဖူး၊ ‌ ရုံးပတီသီး၊ ဗူးညွန့်၊ သံပုရာသီး၊ ချဉ်ပေါင်ရွက်၊ငှက်ပျောသီး၊ ကန်စွန်းရွက် စသော အသီးအနှံများနှင့် ကြက်သွန်နီ၊ အာလူး၊ပန်းမံများကို ပြည်သူများအား ချိုသာသောဈေးနှုန်းဖြင့် လိုအပ်သလောက် နေ့စဉ် ဝယ်ယူရရှိနိုင်ပြီး၊ သာယာဝတီမြို့နယ်၏ ကိုယ်တိုင်စိုက်ပျိုး ထုတ်လုပ်ရောင်းချသူများ ရောင်းချပေးသော အရောင်း ဈေးဆိုင်များ တွင်ဝယ်ယူရရှိနိုင်ကြောင်း သိရှိရပါသည်။ DOCA(ပဲခူး)