ပြည်တွင်းကုန်သွယ်မှုသတင်း

တောင်ငူမြို့ ဈေးများသို့ ရှမ်းပြည်နယ်၊ တောင်ကြီးဒေသမှ အာလူးများ အများဆုံးဝင်ရောက် ရောင်းချလျက်ရှိရာ ယခင်လက အာလူးအသေး တစ်ပိဿာလျှင် ၁၅၀၀ ကျပ်၊ အလတ်တစ်ပိဿာလျှင် ၂၀၀၀ကျပ်နှင့်အကြီးတစ်ပိဿာလျှင် ၂၅၀၀ကျပ် ဖြစ်ပြီး၊ ယခုအခါ အာလူးအသေး တစ်ပိဿာလျှင် ၂၅၀၀ကျပ်၊ အလတ်တစ်ပိဿာလျှင် ၃၅၀၀ ကျပ် နှင့် အကြီးတစ်ပိဿာလျှင် ၄၀၀၀ ကျပ်ဖြင့် ရောင်းချလျက် ရှိပါသည်။ အာလူးတွင် ကယ်လိုရီ၊ အမျှင်ဓါတ်၊ ကာဗွန်ဟိုက်ဒရိတ် ၊ပရိုတင်းဓါတ်များ ပါဝင်သဖြင့် ကျန်းမာရေး အတွက် အထူးကောင်းမွန်သည့်အပြင် သွေးပေါင်ကိုလည်း ထိန်းညှိပေးပါသည်။ အာလူးကို ပြုတ်၍ သုပ်စားခြင်း၊ ကြော်စားခြင်း၊ အသားအမျိုးမျိုး၊ ဘဲဥ၊ကြက်ဥ တို့ဖြင့် ရောနှောချက်စားခြင်း၊ အသုပ်အမျိုးမျိုး ပြုလုပ်ရာတွင်လည်း အသုံးပြုကြသည့်အပြင်၊ သရေစာမုန့် အဖြစ်လည်း နှစ်သက်သလို အသုံးပြုနိုင်သည်။ ဈေးနှုန်းအနည်းငယ်မြင့်တက်သော်လည်း ချက်ပြုတ်ရာ တွင် လွယ်ကူသည့်အတွက် အရောင်းအဝယ်ကောင်းကြောင်း ဘုရင့်နောင်ဈေးရှိ ကုန်ခြောက်ဆိုင်ပိုင်ရှင်ထံမှ သိရှိရပါသည်။ DOCA(ပဲခူး)

ဖြူးမြို့မဈေးအတွင်းရှိ ယခုလိုမိုးတွင်း အခါတွင် ဆူးပုတ်ရွက်များကို ဈေးထဲတွင် ပေါများစွာ တွေ့ရတက်ပါသည်။ ဆူးပုတ်ရွက်ကို နေရာ အနှံ့တွင် စိုက်ပျိုးကြပါသည်။ ဆူးပုတ်ပင်တွင် ဆူးပုတ်ကြီးနှင့်ဆူးပုတ်ကလေး ဟူ၍(၂)မျိုးရှိပါသည်။ ဆူးပုတ်ကြီးမျိုး၏ အရွက်သည် အရွယ်အစား ကြီးသလို အနံ့လည်း ပိုပြင်းပြီး ဆူးပုတ် ကလေးမျိုးသည် အရွက်အရွယ်အစားလည်း သေး၍ အနံ့လည်း မပြင်းပေ။ ဆူးပုတ်ရွက် တစ်စီးလျှင် ၅၀၀ ကျပ် မှ ၃ စီး ၁၀၀၀ ကျပ်ဖြင့် ရောင်းချလျက်ရှိသည်။ ဆူးပုတ်ရွက်ကို ကြက်ဥ၊ ကန်ဇွန်းရွက်နှင့်သော်လည်းကောင်း၊ ကြော်စားခြင်း ဖြင့် စားသုံးကြသည်။ လူအများစုသည် ဆူးပုတ်ရွက်ကို အမျိုးမျိုးချက်စားကြသော်လည်း ဆူးပုတ်ရွက်သည် ကျန်းမာရေးအရသင့်တော်သည့် အစားအစာ မဟုတ်ပါ၊၊ မူးဝေခြင်း၊ အော့အန်ခြင်း၊ သွေးတိုးခြင်းနှင့် ဇာတ်ကြောတက်ခြင်းများလည်း ဖြစ်တတ်ပါသည်၊၊ အစားအစာများသည် တန်လျင်ဆေး၊ လွန်လျင်ဘေး ဆိုသလို သင့်တင့်စွာ စားသုံးသင့်ပါသည်။ ဆူးပုတ်ရွက်များသည် နွေရာသီတွင် အထွက် နည်းပြီး ဈေးကောင်းသော်လည်း ယခုလိုမိုးတွင်းအခါတွင် ဈေးများပြန်လည် ကျဆင်းလာပါသည်ဟု ကုန်စိမ်း ရောင်းသူဈေးသည်များထံမှ သိရှိရပါသည်။ DOCA(ပဲခူး)

ဧရာဝတီတိုင်းဒေသကြီး၊ မအူပင်ခရိုင်အနေဖြင့် မြို့နယ်များအပါအဝင် ၁၅တန်နှင့်အထက် ဆန်စက်အလုံးရေ (၁၁၀)လုံး ရှိပြီး စပါးကြိတ်ခွဲထွက်ရှိမှုမှ ဆန်များကို ရန်ကုန်တိုင်းဒေသကြီးသို့ အဓိကထား၍ တင်ပိုနေပြီး ရန်ကုန်မှတဆင့် အခြားဒေသများသို့ နေ့စဉ် ပုံမှန် (စီးထွက်) လျက်ရှိကြောင်း သိရသည်။ ယခုလ ၂၀၂၅ ခုနှစ် ဇွန်လ ၁လအတွင်း မအူပင် ဆန်တင်ပို့မှု အိတ် ၂၆၆၀၊ ပန်းတနော် ဆန်တင်ပို့မှု ၁၅၄၈၀၊ ညောင်တုန်းဆန်တင်ပို့မှု ၁၉၈၅၂၉၊ ဓနုဖြူမြို့ဆန်တင်ပို့မှု ၂၄၃၂၈ အိတ်နှင့် စုစုပေါင်း (၂၀၄၀၉၉၇) တင်ပို့ပြီး တန်အားဖြင့် ၁၂၀၅၀ တန်တင်ပို့နိုင်ခဲ့ကြောင်း၊ အခြားမြို့နယ်များမှ တင်ပို့မှုနိုင်မှု အနေဖြင့် ၂၀၇၉၂၂ အိတ် နှင့် တန်အားဖြင့် ၁၀၃၉၆ တန်ကိုလည်းကောင်း တင်ပို့နိုင်ခဲ့ကြောင်း သိရသည်။ ယခင်လတင်ပို့မှုနှင့် နှိုင်းယှဉ်ပါက မေလက မအူပင်ခရိုင် ၄မြို့နယ်မှ ဆန်မြို့နယ်တင်ပို့မှု (၂၃၀၆၃၈) တင်ပို့ပြီး ယခုလ (၁၈၅၀၃၄၉)အိတ် ပိုမိုတင်ပို့ကြောင်း ၊ အခြားမြို့နယ်တင်ပို့မှုမှာ ဆန် ၂၇၈၀၁၀ အိတ် တင်ပို့သောကြောင့် ယခုလ (၇၀၀၈၈) အိတ် လျော့နည်း ပိုနိုင်ကြောင်း တွေ့ရှိရသည်။ ဧရာဝတီတိုင်းဒေသကြီးထွက် ဆန်များကို သီလဝါဆိပ်ကမ်း၊သံလျင်မြို့၊ ဆူးလေဆိပ်ကမ်း ပန်းပဲတန်းမြို့၊ Asiaworld ဆိပ်ကမ်းအလုံမြို့၊ ဇုန်-၂ ရွှေပြည်သာမြို့၊ ကျိုက်ဝိုင်းဈေး မရမ်းကုန်းမြို့၊ ကားကြီးဝန်း ဘုရင့်နောင်မြို့၊ ဇုန်-၃ လှိုင်သာယာမြို့၊ ယုဇန ၂လမ်း၊ ဘုရင့်နောင်မြို့၊ ၁ရပ်ကွက်မရမ်းကုန်းမြို့၊ ကျိုက်ဝိုင်းဈေး၊ မရမ်းကုန်းမြို့၊ ပဲခူးဈေးကြီး၊ ပဲခူးမြို့၊ သုဇနလမ်း၊ ထောက့်မြို့၊ ရွှေလင်ပန်းစက်မှုဇုန်လှိုင်သာယာမြို့၊ ပိတောက်လမ်း ဘုရင့်နောင်၊ AWPT ဆိတ်ကမ်းအလုံမြို့ တို့သို့ တင့်လျက်ရှိကြောင်း သိရှိရပါသည်။ DOCA(ဧရာဝတီ)

မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် သီးနှံစိုက်ပျိုးစွမ်းအားများ တိုးမြှင့်စိုက် ပျိုးနိုင်ရေးအတွက် ကြိုးပမ်းဆောင်ရွက်လျက်ရှိရာ ယခုနှစ်ဇွန်လတွင် မိုးမြေပဲ(၅၂၇၈၉)ဧကခန့် စိုက်ပျိုးပြီးစီးပြီဖြစ်ကြောင်း သိရသည်။ ချောက်မြို့နယ်အတွင်းစိုက်ပျိုးသည့် မြေပဲအမျိုးအစားများမှာ မကွေး ၁၁၊ မကွေး ၁၆၊ ဆင်းပဒေသာ ၁၁၊ စွန်တာနီ၊ ကျောင်းကုန်းပင်ပြန့်အမျိုးအစားများဖြစ်ပြီး ယခု၂၀၂၅ခုနှစ်တွင်မိုးမြေပဲ (၁၀၂၄၃၄)ဧက စိုက်ပျိုးရန် လျာထားလျက်ရှိကြောင်း သိရသည်။ ယခင်နှစ်က မိုးမြေပဲတစ်ဧကလျှင် (၅၇.၅၀)တင်းနှုန်းဖြင့် စုစုပေါင်း(၅၈၈၉၉၅၅)တင်းထွက်ရှိခဲ့ကြောင်း သိရသည်။ ချောက်မြို့ပေါ်ရှိ ပဲမျိုးစုံရောင်းဝယ်ရေးပွဲရုံများတွင် ဇူလိုင်လအတွင်းဖြစ်ပေါ်နေသော မြေပဲဆံ စျေးနှုန်းများမှာ မြေပဲလုံးဆံဖြူတစ်ပိဿာလျှင် ကျပ်(၈၅၀၀)ရှိနေပြီး ယခင်လနှင့်နှိုင်းယှဉ်ပါက မြေပဲ လုံးဆံဖြူတစ်ပိဿာလျှင် ကျပ်(၅၀၀)လျော့နည်းကျဆင်းခဲ့ကြောင်း သိရသည်။ DOCA (မကွေး)

ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့နယ်တွင် ဇူလိုင်လ ပထမပတ်တွင် ဖြစ်ပေါ် နေသော အခြေခံစားသောက်ကုန်များဖြစ်သော ဧည့်မထဆန်တစ်ပြည်လျှင် ၃၀၀၀/ကျပ်၊ ကြက်သွန် နီ (အကြီး) တစ်ပိဿာလျှင် ၂၀၀၀ကျပ်၊(အလတ်) ၁၅၀၀/ကျပ်၊(အသေး) ၁၂၀၀/ကျပ်၊ ကြက်သွန် ဖြူ (ကြူကုတ်) တစ်ပိဿာလျှင် ၁၁၀၀၀/ကျပ်၊မြန်မာတစ်ပိဿာလျှင် ၇၀၀၀/ကျပ်၊ ဂျင်းတစ် ပိဿာ လျှင် ၅၅၀၀/ ကျပ်၊သကြားတစ်ပိဿာလျှင် ၅၅၀၀/ကျပ်၊ ကုလားပဲ တစ်ပိဿာ လျှင် ၆၆၀၀/ကျပ်၊ မြေပဲဆံတစ် ပိဿာလျှင် ၁၂၀၀၀/ကျပ်၊ငရုတ်သီး ခြောက်တစ်ပိဿာ လျှင် ၁၀၀၀၀/ ကျပ်၊အာလူး တစ်ပိဿာလျှင် ၄၀၀၀/ကျပ်၊ဆားတစ်ပိဿာလျှင် ၁၈၀၀/ကျပ်တို့ဖြင့် အရောင်း အဝယ်ဖြစ်လျှက် ရှိပါသည်။ DOCA(ပဲခူး)