ပြည်တွင်းကုန်သွယ်မှုသတင်း

ကျွန်းလှမြို့နယ်တွင် မိသားစုစားဝတ်နေရေးအတွက် ပန်းမျိုးစုံရောင်းချခြင်းလုပ်ငန်း လုပ်ကိုင်ကြ ရာတွင် နှင်းဆီပန်းအရောင်မျိုးစုံ၊ နှင်းပန်း၊ ဂန္ဓမာပန်း၊ အောင်သပြေပန်း၊ အာစီယံသပြေပန်း၊ သစ္စာပန်း၊ စံပါယ်ပန်း၊ ဇွန်ပန်း ဂမုန်းပန်း စသည်တို့ကိုလည်း ရောင်းချကြပါသည်။ နှင်းပန်းသည် ဘူရားပန်း ကပ်လှူရန်အတွက်သာ အသုံးပြုကြပြီး နှင်းပန်း၏ ရနံ့ သည်မွှေးကြိုင်နေသော အဆင်းအနံ့ ရှိသည့် အတွက် လူတိုင်းကကြိုက်နှစ်သက်ကြပြီး ရောင်းကောင်းသည့် ပန်းတစ်မျိုး လည်းဖြစ်ပါသည်။ နှင်းပန်း များကို ရွှေဘိုမြို့၊ မန္တလေးမြို့တို့မှ မှာယူ ရောင်းချရ ပါကြောင်း ကျွန်းလှမြို့၊ သစ်ရာမြိုင်ဈေးအတွင်း ပန်းမျိုးစုံရောင်းချနေသူ တစ်ဦးထံမှ သိရှိရပါသည်။ နှင်းပန်းများကို ရွှေဘိုမြို့ နှင့် မန္တလေးမြို့မှ ဖောက်သည် ဝယ်ယူရပြီး ယခု ၂၀၂၅ ခုနှစ်၊ ဇွန်လ နောက်ဆုံးပတ်အတွင်း သစ်ရာမြိုင်ဈေး၌ ဖြစ်ပေါ်နေသော နှင်းပန်းဈေးနှုန်းအနေဖြင့် နှင်းပန်း(၅)ခက်ပါ တစ်စီးလျှင် (၁၀၀၀)ကျပ် နှင့် နှင်းပန်း(၁၀)စီး တစ်ထုံးလျှင်(၉၀၀၀)ကျပ်ဖြင့် ပြန်လည် ရောင်းချလျက်ရှိ ကြောင်း သစ်ရာမြိုင်ဈေး ပန်းမျိုးစုံ ရောင်းချနေသော ဈေးသည် တစ်ဦးထံမှ သိရသည်။ DOCA(စစ်ကိုင်း)

ကန့်ဘလူခရိုင်၊ ကျွန်းလှမြို့နယ်အတွင်း မြစ်ချောင်းအင်းအိုင်များ စိမ့်စမ်းကောင်းသော နေရာများနှင့် စိုစွတ်သောနေရာများတွင် ဇရစ်ရိုးပင်များပေါများစွာပေါက်ရောက်ပါသည်။ ဇရစ်ရိုးပင် သည် ယခုလိုမိုးဦးကျကာလတွင် စတင်ပေါ်ပေါက်လေ့ရှိပြီး ဇရစ်ရိုးသည် အရိုးတွင်သာမက အရွက် ရောပါစားရပြီး ဆူးပါသောအပင်တစ်မျိုးဖြစ်ပါသည်။ ယခု ၂၀၂၅ ခုနှစ်၊ ဇွန်လ နောက်ဆုံးပတ်အတွင်း ကျွန်းလှမြို့၊ သစ်ရာမြိုင်ဈေးတွင် ရောင်းချ လျက်ရှိသော ဇရစ်ရိုးပင် ဈေးနှုန်းအနေဖြင့် ဇရစ်ရိုးပင်(၅/၆)ပင်ပါ တစ်စည်းလျှင်(၇၀၀)ကျပ်၊ (၂၀၀၀)ကျပ်ဖိုးလျှင်(၃)စည်းနှင့် ဇရစ်ရိုး(၁၀)စည်း တစ်ထုံးလျှင်(၆၅၀၀)ကျပ် ဈေးနှုန်းဖြင့် ရောင်းချ လျက်ရှိကြောင်း ကုန်စိမ်း ရောင်း ချသည့် လုပ်ငန်းရှင် တစ်ဦးထံမှ သိရပါ သည်။ DOCA(စစ်ကိုင်း)

မြန်မာနိုင်ငံတွင် အလွန်အေးသော တောင်ပေါ်ဒေသမှလွဲ၍ ကျန်ဒေသတွင်စိုက်ပျိုး ပါသည်။ ခရမ်းမျိုးများစွာရှိပြီး စျေးကွက်ထဲတွင် ခရမ်းရှည်သီး၊ ခရမ်းပုသီး (အဖြူ ရောင် /ခရမ်းရောင်)၊ ခရမ်းကြွပ်သီး(အဖြူရောင်/ခရမ်းရောင်)၊ ခရမ်းစော့သီးစတဲ့ ခရမ်းမျိုးများ ရောင်းချကြ ပါသည်။ ခရမ်းသီး၏ ကောင်းကျိုးက အဆီဓာတ်မပါတာပဲဖြစ်ပါသည်။ ဗီတာမင်စီနှင့် ဗီတာမင်အီး ကြွယ်ဝတာကြောင့် နေရောင်ခြည်မှာပါတဲ့ ခရမ်းလွန်ဒဏ်ကို အကာအကွယ်ပေးပါသည်။ ခရမ်းရှည်သီးကို အသားနှင့်ရော၍ ဟင်းချက်စားခြင်း၊ သီးစုံပဲ ကုလားဟင်းထဲတွင်ထည့်သွင်းချက်ပြုတ်ခြင်း၊ ပုဇွန်ခြောက်နှင့်ရော၍ခရမ်း သီးနှပ်ပြုလုပ် စားသုံးခြင်း၊ တခြားဟင်းတွေထဲတွင် ထည့်သွင်း ချက်ပြုတ်ရသောအသီးဖြစ်သည်။ ယခုအခါ ထားဝယ်မြို့ပေါ်ရှိ စည်ပင်သာယာစျေးကြီးနှင့် ရပ်ကွက်စျေးငယ်တို့တွင် ခရမ်းရှည်သီး တစ်ပိဿာလျှင် (၅၀၀ဝိ/-)ကျပ် ထိရှိပြီး ခရမ်းပုသီး တစ်ပိဿာလျှင် (၃၀၀ဝိ/-) ရှိကြောင်း သိရှိရပါသည်။ DOCA(တနင်္သာရီ)

ဂေါ်ရခါးသီးသည် အပူပိုင်းနှစ်ရှည်သီးနှံပင်မျိုးဖြစ်သည်။ ဂေါ်ရခါးအညွှန့်ကို ချက်ပြုတ်ကြော် လှော်စားသုံးနိုင်သည်။ အသီးကိုလည်း ပုံစံအမျိုးမျိုးဖြင့် ချက်ပြုတ်စားသုံးနိုင်သည်။ အကြမ်းခံသော အပင်ဖြစ်ပြီး မြေအမျိုးအစား အမျိုးမျိူးတွင် စိုက်ပျိုးနိုင်သည်။ တစ်ကိုင်းလျှင် (၈) လုံးထိထွက်နိုင်ပြီး တစ်ပင်မှပျှမ်းမျှအလုံး (၂၀၀-၃၀၀) ရနိုင်ပါသည်။ ခူးဆွတ်ထားသော အသီးများကို အေးသော နေရာတွင် ထားသင့်သည်။ ထားဝယ်မြို့ရှိ စည်ပင်သာယာစျေးအတွင်း၌ ‌ဂေါ်ရခါးသီး တစ်လုံးလျှင် (၅၀၀ မှ ၇၀၀) ကျပ်ရှိပြီး ရာသီမရွေး အသီးသီးသောကြောင့် စိုက်ပျိုးလုပ်ကိုင်သူများအနေဖြင့် အပိုဝင်ငွေရရှိကာ အိမ်သုံးစရိတ် ရရှိကြောင်း သိရှိရပါသည်။ DOCA(တနင်္သာရီ)

ထန်းလျက်သည် မြန်မာနိုင်ငံမှထွက်ရှိသော မြန်မာတို့၏ ရိုးရာအစားအစာတစ်မျိုးဖြစ်သည်။ ထန်းလျက်ကို အစားအစာနှင့် မုန့်များတွင်ထည့်သွင်းအသုံးပြုသကဲ့သို့ ဆေးဝါးအဖြစ်လည်း အသုံးပြု ကြသည်။ ထန်းလျက်ကို သကြားအစားထိုး အချိုဓာတ်အဖြစ်လည်း အသုံးပြုကြသည်။ ထန်းလျက်ကို အညာ ဒေသများဖြစ်သည့် စစ်ကိုင်းတိုင်းဒေသကြီးအောက်ပိုင်းနှင့် မန္တလေးတိုင်းဒေသကြီးအတွင်းရှိ ကျောက်ပန်း တောင်း မြို့နယ်များမှ အများဆုံးထွက်ရှိကြောင်း သိရသည်။ ကျောက်ပန်းတောင်းမှ ထွက်ရှိသော ထန်းလျက်သည် လူကြိုက်များ၍ နာမည်ကြီးသည်။ ထန်းလျက်သည် ထန်းပေါ်ဦးထန်းလျက်၊ အုန်းထန်းလျက်၊ ဇီးထန်းလျက်၊ နို့ထန်းလျက်၊ နှမ်းထန်း လျက်၊ မြေပဲထန်းလျက်၊ သံပုရာထန်းလျက်၊ ဂျင်းထန်းလျက်ဟူ၍ရှိပြီး အုန်းထန်းလျက်နှင့် ဇီးထန်းလျက်ကို လူကြိုက်အများဆုံးဖြစ်သည်။ ထန်းလျက်ကို ကြံသကာများ၊ သကြားများနှင့်ရော ၍ချက်လုပ်မှု များလည်း ရှိနေသည်။ ထားဝယ်ဒေသထွက်အုန်းထန်းလျက် ၁ပိဿာလျှင်(၁၃၀၀၀) ကျပ်ရှိပြီး ထန်းလျက်အလုံး ၁ပိဿာလျှင် (၉၅၀၀)ကျပ်တို့ ရှိကြောင်း သိရှိရပါသည်။ DOCA(တနင်္သာရီ)