ပြည်တွင်းကုန်သွယ်မှုသတင်း

မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့၊ ရွာတောကျေးရွာအုပ်စု၊ ရွာတော ကျေးရွာသည် စိုက်ပျိုးရေးကိုအဓိကလုပ်ကိုင်ပြီး ကြက်သွန်နီ၊ ဝါ၊ ကုလားပဲ၊ နေကြာ၊ နှမ်းနှင့် အခြား မီးဖိုချောင်သုံးသီးနှံများကို ရာသီအလိုက်စိုက်ပျိုးကြကြောင်း၊ မိုးနှမ်းကို ၂၀၂၅ခုနှစ်၊ မေလ (စတုတ္ထပတ်) မှစတင်၍ တောင်သူ(၄၀)ဦးခန့်မှ စိုက်ဧက(၃၀၀)ဧကခန့် စိုက်ပျိုးထားကြောင်း သိရှိရသည်။ ရွာတောကျေးရွာနေ နှမ်းစိုက်တောင်သူတစ်ဦးက ၎င်းအနေဖြင့် နှမ်းနက်(၁၉)ဧကခန့်ကို ကြောင်းဆွဲအစေ့ချစနစ်ဖြင့် စိုက်ပျိုးထားကြောင်း၊ စိုက်ပျိုးပြီး ရက်ပေါင်း(၉၀)နှင့်(၉၅)ရက်အကြာတွင် ရိတ်သိမ်းရကြောင်း၊ မျိုးအနေဖြင့် သိပ္ပံနှမ်းနက်နှင့် ဆင်းရတနာ-၁၄ နှမ်းနက်မျိုးကို အများဆုံး စိုက်ပျိုး ပြီး (၁)ဧကလျှင် မျိုး(၂)ပြည်ခန့်ကုန်ကျကြောင်း၊ မျိုးကို အထက်မင်းလှမြို့ပေါ်ရှိပွဲရုံများမှ ဝယ်ယူပြီး မျိုးသန့်မှုပေါ်မူတည်၍ (၁)ပြည်လျှင် ကျပ်(၂၀၀၀၀)ပေးရကြောင်း၊ ကုန်ကျစရိတ်အနေဖြင့် ယခင်နှစ် က(၁)ဧကလျှင် မျိုးဖိုး၊ မြေပြုပြင်ခ၊ လုပ်အားခနှင့် အခြားသွင်းအားစု စရိတ်အပါအဝင် စုစုပေါင်း ကျပ်(၄၀၀၀၀၀)ခန့် ကုန်ကျသော်လည်း ယခုနှစ်တွင်မှု သွင်းအားစုစရိတ်မြင့်တက်လာ၍ ကျပ် (၅၅၀၀၀၀)ခန့်ကုန်ကျကြောင်း၊ အထွက်နှုန်းအနေဖြင့် ယခင်နှစ်က (၁)ဧကလျှင် တင်းရေ(၁၀)တင်း ထိထွက်ရှိပြီး ဈေးနှုန်းအနေဖြင့် နှမ်းနက်(၁)တင်းလျှင် ကျပ်(၁၈၅၀၀၀)ထိဈေးရရှိ၍ အကျိုးအမြတ် အနေဖြင့် ကျပ်(၁၄၅၀၀၀၀)ခန့်ရရှိခဲ့ကြောင်း၊ ဈေးကွက်အနေဖြင့် မင်းလှမြို့ရှိပွဲရုံများသို့ တင်ပို့ရောင်းချ ကြောင်း၊ ယခင်နှစ်က မိုးနှမ်းအနေဖြင့် နှမ်းနက်မှာ ရာသီဥတုသမမျှတမှုနည်း၍ အထွက်နှုန်းလျော့ နည်းခဲ့သော်လည်း ဈေးကောင်းရရှိသောကြောင့် စိုက်တောင်သူများအနေဖြင့် ထိုက်သင့်သည့် အကျိုး အမြတ်ရရှိ၍ အဆင်ပြေပါကြောင်း၊ မိုးနှမ်းမှာ ရာသီဥတုပေါ်မူတည်၍စိုက်ပျိုးရပြီး မိုးများ သည့်အခါတွင် နှမ်းပင်များပျက်စီး၍ အထွက်နှုန်းလျော့နိုင်ပြီး မိုးနည်းသည့်အခါတွင်လည်း မျိုးအောင်မူနည်း၍ အထွက်နှုန်းလျော့နည်းနိုင်ကြောင်း၊ ယခုနှစ်တွင်မူ မိုးရွာသွန်းမှုများ၍ ရေဝပ်မှုများသည့်အတွက် နှမ်းစိုက်ခင်းတချို့တွင် နှမ်းပင်များအသေအပျောက်များရှိသော်လည်း ရေဝပ်မှုမရှိသည့် ကျောက်ကုန်း မြေပေါ်တွင် စိုက်ပျိုးထားသည့် နှမ်းစိုက်ခင်းများမှာ ယခုအချိန်တွင် အောင်မြင်ဖြစ်ထွန်းလျက်ရှိကြောင်း၊ ယခင်နှစ်ကအတိုင်း နှမ်းအထွက်နှုန်းလျော့ကျနိုင်သော်လည်း ဈေးကောင်းရရှိပါက နှမ်းစိုက်တောင်သူ များအနေဖြင့် အကျိုးအမြတ်များရရှိနိုင်ပါကြောင်း သိရှိရသည်။ DOCA (မကွေး)

ပဲခူးတိုင်ဒေသကြီး၊ သာယာဝတီခရိုင်၊ မင်းလှမြို့နယ် စပါးဈေးကွက်အခြေအနေဖြင့် ဇူလိုင်ဒုတိယပတ်တွင် ဆင်းသုခ၊ မနောသုခ(၄၆)ပေါင်တင်း (၁၀၀)လျှင် ၁၅၆၄၀၀၀/ကျပ်ဖြင့် အရောင်းအဝယ်ဖြစ်နေပြီး နွေစပါး(၄၆)ပေါင်လျှ၍် (၁၃၇၆၀၀၀)ကျပ်တို့ဖြင့် အရောင်းအဝယ် ဖြစ်လျက်ရှိပါသည်။ ဆန်ဈေးကွက်အနေဖြင့် ဆင်းသုခ၊မနောသုခ၊ဆန်တစ်ပြည်လျှင်၃၀၀၀/ကျပ်၊ဆန်အဟောင်း တစ်ပြည်လျှင် ၄၀၀၀/ကျပ်၊ဆန်အသစ်တစ်အိတ်လျှင် ၆၃၀၀၀/ကျပ်၊ဆန်အဟောင်းတစ် အိတ်လျှင် ၇၀၀၀၀/ကျပ်၊ပေါ်ဆန်းမွှေးတစ်ပြည်လျှင် ၇၅၀၀၀/ကျပ်မှ ၉၅၀၀/ကျပ်၊ ကောက်ညှင်းဆန် တစ်ပြည်လျှင် ၉၀၀၀/ကျပ်ဖြင့် ဈေးကွက်အတွင်း အရောင်းအဝယ် ဖြစ်နေပါကြောင်းဆန် ကုန်သည်တစ်ဦးထံမှ သိရှိရပါသည်။ DOCA(ပဲခူး)

မကွေးတိုင်းဒေသကြီး၊ မကွေးခရိုင်၊ မကွေးဈေးကွက်သို့ မြို့နယ်အတွင်းရှိ မိကျောင်းရဲ၊ လျောင်းတော်ဦး၊ ကံသစ်၊ ရွာဟောင်းကန်၊ သစ်ရာကောက် စသည့်ကျေးရွာများနှင့် မြို့သစ်၊ နတ်မောက်မြို့တို့မှထွက်ရှိသော နှမ်းမျိုးစုံနှင့် အခြားပဲမျိုးစုံများ ဝင်ရောက်ရောင်းဝယ် ဖောက်ကား လျက်ရှိပါသည်။ ၂၀၂၅ခုနှစ်၊ ဇူလိုင်လ(ပထမပတ်)တွင် နှမ်းနီ(၁)တင်းလျှင် ကျပ်(၁၁၈၀၀၀)၊ နှမ်းဖြူ(၁)တင်းလျှင် ကျပ်(၁၁၅၀၀၀)၊ နှမ်းနက်(စမုံ) (၁)တင်းလျှင် ကျပ်(၂၇၀၀၀၀)၊ နှမ်းညိုကြား(၁)တင်းလျှင် ကျပ် (၁၀၅၀၀၀)ဖြစ်၍ ယခင်ဇွန်လ(စတုတ္ထပတ်)နှင့်နှိုင်းယှဉ်ပါက နှမ်းဖြူကျပ်(၁၀၀၀)ဈေးနှုန်းလျော့ကျခဲ့ ပြီး နှမ်းနက်(စမုံ) ကျပ်(၂၀၀၀၀)၊ နှမ်းညိုကြား ကျပ်(၈၀၀၀)ဈေးနှုန်းမြင့်တက်ခဲ့ကြောင်း၊ တစ်ပတ် အတွင်း မကွေးမြို့မှမန္တလေးမြို့သို့ အိတ်ရေ(၃၀၀၀)၊ ပဲခူးမြို့သို့အိတ်ရေ(၂၀၀၀)တင်ပို့ခဲ့ပြီး တန်ချိန်အားဖြင့် (၄၀၀)တန်ခန့် အရောင်းအဝယ်ဖြစ်ခဲ့ကြောင်း သိရသည်။ DOCA (မကွေး)

တောင်ငူမြို့တွင် ဇွန်လနောက်ဆုံးပတ်က စက်သုံးဆီဈေးနှုန်းမှာ ရိုးရိုးDiesel တစ်လီတာ လျှင် ၂၅၄၅ ကျပ်၊ Premium Diesel တစ်လီတာလျှင် ၃၁၅၀ ကျပ်၊ Octane 92 တစ်လီတာလျှင် ၃၀၀၅ ကျပ်နှင့် Octane 95 တစ်လီတာလျှင် ၃၀၈၀ ကျပ် ရှိခဲ့ပါသည်။ ယခု ဇူလိုင်လ ပထမအပတ်တွင် စက်သုံးဆီဈေးနှုန်းမှာ ရိုးရိုး Diesel တစ်လီတာလျှင် ၂၇၇၅ ကျပ်၊ Premium Diesel တစ်လီတာလျှင် ၃၄၃၅ ကျပ်၊ Octane 92 တစ်လီတာလျှင် ၃၁၈၅ ကျပ်နှင့် Octane 95 တစ်လီတာလျှင် ၃၂၆၀ ကျပ် ရှိခဲ့ပါသည်။ သို့ဖြစ်ပါ တောင်ငူမြို့တွင် တစ်ပတ်အတွင်း Diesel တစ်လီတာလျှင် ၂၃၀ ကျပ်၊ Premium Diesel တစ်လီတာလျှင် ၂၈၅ ကျပ်၊ Octane 92 တစ်လီတာလျှင် ၁၈၀ ကျပ်နှင့် Octane 95 တစ်လီတာလျှင် ၁၈၀ ကျပ် ဈေးနှုန်းတက်သွားကြောင်း တောင်ငူမြို့ရှိ ရွှေဝါ စက်သုံးဆီ အရောင်းဆိုင်မှ သိရပါသည်။ DOCA(ပဲခူး)

ကျွန်းလှမြို့ ရာသီအရွေး ရောင်းချရန် လက်လုပ်ချဉ်မျိုးစုံကို ကိုယ်တိုင်လုပ်ပြီး ရောင်းချလျက်ရှိရာ ဇွန်လ ‌နောက်ဆုံးပတ်အတွင်း ပိတောက်မြိုင်ဈေး၌ ဖြစ်ပေါ်နေသော သရက်သီး ကုလား တည်ချဉ် ဈေးနှုန်းမှာ သရက်သီးကုလားတည်ချဉ် လက္ကား တစ်ပိဿာလျှင်(၁၃၀၀၀)ကျပ်၊ လက်လီ တစ်ပိဿာကို(၁၅၀၀၀)ကျပ်၊ (၅၀)ကျပ်သားလျှင် (၇၅၀၀)ကျပ်၊(၂၅)ကျပ်သားလျှင်(၄၀၀၀)ကျပ်၊ သရက်သီး ကုလားတည်ချဉ် (၁၀) ကျပ်သားလျှင် (၁၅၀၀)ကျပ် နှင့် နှမ်းပတ်ချဉ် လဖက်ရည်သော က်ပန်းကန် တစ်လုံးလျှင်(၅၀၀) ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း သိရသည်။ DOCA(စစ်ကိုင်း)