ပြည်တွင်းကုန်သွယ်မှုသတင်း

ကျွန်းလှမြို့တွင် ကုန်မျိုးစုံရောင်းဝယ်ရေးဆိုင်များ နှင့် မြို့တွင်းရပ်ကွက်ဈေးများတွင်နှမ်းပျစ်ယို များကို ရွှေဘိုမြို့နှင့်မန္တလေးမြို့တို့မှ မှာယူ ရောင်းချလျက်ရှိကြောင်း သိရှိရပါသည်။ ၂၀၂၅ ခုနှစ်၊ ဇွန်လ နောက်ဆုံးပတ်အတွင်း ကျွန်းလှမြို့ပေါ်ရပ်ကွက်ဈေးများအတွင်း ကုန်မျိုးစုံ ရောင်းချသည့်ဆိုင်များတွင် ဖြစ်ပေါ်နေ‌သော မြေပဲယို ဈေးနှုန်းအနေဖြင့် မြေပဲယို တစ်ပိဿာလျှင် (၁၄၀၀၀)ကျပ်၊ (၅၀)ကျပ်သားလျှင်(၇၀၀၀)ကျပ်နှင့် (၂၅)ကျပ်သားလျှင်(၃၅၀၀)ကျပ် (၁၅)ကျပ်သားလျှင် (၂၅၀၀)ကျပ်ဈေးနှုန်းတို့ဖြင့် ရောင်းချလျက်ရှိကြောင်း ကျွန်းလှမြို့ ကုန်မျိုးစုံ ရောင်းချ နေသည့် လုပ်ငန်းရှင်များထံမှ သတင်း ရရှိပါသည်။ DOCA(စစ်ကိုင်း)

ကျွန်းလှမြို့နယ်အတွင်း ပုရစ်ကြော်များကို ဒေသထွက်အနည်းငယ်နှင့် မန္တလေးမြို့တို့မှ မှာယူရောင်းချလျက်ရှိပါသည်။ မြန်မာနိုင်ငံတွင် ယခုလိုရာသီတွင် ပုရစ်ကြော်များ အရမ်းပေါများသော အချိန်ဖြစ်ပြီး ပုရစ်ကြော် မှာ (၁၀၀)ဂရမ်မှာ ပါဝင်သည့်အသားဓါတ်စာဆိုရင် ကြက်သား၊ အမဲသားတို့မှာ ပါဝင်တဲ့ အသားဓါတ်တွေထက် ပိုပြီးကြွယ်ဝသည်ကိုလည်းတွေ့ရှိရပါသည်။ ပုရစ်ကြော် စားသုံးရခြင်း၏ အကျိုးကျေးဇူးများ မှာ ပုရစ်ကြော်မှာပါဝင်တဲ့ ပိုတက်စီယမ်ဓါတ် ဟာသွေးပေါင်ကျစေခြင်းနှင့် လေပွခြင်းကို ကာကွယ် ပေးခြင်း၊ ပုရစ်မှာ အမျှဉ်ဓါတ်ပေါများစွာပါဝင်လို ဝမ်းချုပ်ခြင်းကို သက်သာစေခြင်း၊ ပုရစ်မှာ ဗီတာမင် နှင့်သံဓါတ်များစွာပါဝင်သည့်အတွက် ဦးနှောက်နှင့်အာရုံကြော အားကောင်းစေခြင်း ၊ ပုရစ်မှာ ပရိုတင်း နှင့် ကယ်လစီယမ်ဓါတ်တို့ပါဝင်တာကြောင့် အရိုးနှင့်သွားကျန်းမာရေးအတွက်ကောင်းမွန်စေခြင်း စသည့် ကျန်းမာရေးအကျိုးကျေးဇူးများရှိသည့်အတွက် စားသုံးကြခြင်းဖြစ်ပါသည်။ ယခု ၂၀၂၅ ခုနှစ်၊ ဇွန်လ နောက်ဆုံးအပတ်တွင် ကျွန်းလှမြို့၏ ပုရစ်ကြော် ဈေးနှုန်းများ အနေဖြင့် ပုရစ်ကြော် အကောင်(၁၀၀)လျှင်(၃၀၀၀၀)ကျပ်၊ ပုရစ်ကြော် အကောင်(၅၀)လျှင်(၁၅၀၀၀)ကျပ် နှင့် ပုရစ်ကြော် အကောင်(၂၅)ကောင်လျှင်(၈၀၀၀)ကျပ်ဈေးနှုန်းတို့ဖြင့် ရောင်းချလျက်ရှိပြီး ယခင် အပတ် ထက် အနည်းငယ် ဈေးမြင့်တက်ကာ အရောင်းအဝယ်ဖြစ်လျက်ရှိကြောင်း ပုရစ်ကြော်ရောင်းချသူထံမှ သိရပါသည်။ DOCA(စစ်ကိုင်း)

ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို လုပ်ကိုင်စားသောက်ကြရာမှာ နှစ်ရှည်သီးနှံ ဖြစ်သည့် သရက်သီးပင်၊ ပိန္နဲသီးပင်၊ မန်ကျည်းသီးပင် နှင့် မာလကာသီးပင်များကိုလည်း မိမိတို့ နေအိမ် ခြံစည်းရိုးများနှင့် တောင်ယာများထဲ တွင် တစ်ပိုင်တစ်နိုင် စိုက်ပျိုးလျက်ရှိပြီး ပိန္နဲသီးများကို ကျွန်းလှမြို့၊ သစ်ရာမြိုင်ဈေးသို့ လာရောက် ပို့ဆောင်ကာ အရောင်းအဝယ်ဖြစ်လျက်ရှိကြောင်းသိရသည်။ ယခင် ၂၀၂၅ ခုနှစ်၊ ဇွန်လ နောက်ဆုံးပတ်အတွင်း ဖြစ်ပေါ်နေသော ကျွန်းလှမြို့၏ ပိန္နဲသီးမှည့် ဈေးနှုန်း များမှာ ပိန္နဲသီးမှည့် အကျွတ်သီး(အကြီး) တစ်လုံးလျှင်(၁၀၀၀၀)ကျပ်၊ ပိန္နဲသီးမှည့် အကျွတ်သီး (အလတ်)တစ်လုံးလျှင်(၇၀၀၀)ကျပ်၊ ပိန္နဲသီးမှည့် အကျွတ်သီး(အသေး)တစ်လုံးလျှင်(၅၀၀၀)ကျပ်၊ နှင့် ပိန္နဲသီးမှည့် အိမ်ပျော့သီး(အကြီး) တစ်လုံးလျှင်(၃၅၀၀/၃၀၀၀)ကျပ်၊ ပိန္နဲသီးမှည့် အိမ်ပျော့(အသေး) တစ်လုံးလျှင်(၂၅၀၀/၂၀၀၀)ကျပ်နှင့် ပိန္နဲသီးအမှည့် အဆံ လဖက်ရည်သောက်ပန်ကန် တစ်လုံးလျှင် (၅၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး အရောင်းအဝယ်ဖြစ်လျက်ရှိကြောင်း ကျွန်းလှမြို့၊ သစ်ရာမြိုင်ဈေး၌ ကုန်စိမ်းသီးနှံမျိုးစုံ ရောင်းချနေသော ဈေးသည် တစ်ဦးထံမှ သိရသည်။ DOCA(စစ်ကိုင်း)

ကန့်ဘလူခရိုင်၊ ကျွန်းမြို့တွင် စိုက်ပျိုးရေးကို အဓိကလုပ်ကိုင်လျက်ရှိသော ပြည်သူများ ရှိသလို စာဝတ်နေရေးအတွက် စိုက်ပျိုးရေးမဟုတ်ပဲ ကျရာပင်ပေါက် လုပ်ကိုင်ရသော လက်လုပ် လက်စားသမားလေးများလည်းရှိပါသည်။ ထိုလက်လုပ်လက်စားလုပ်ငန်း လုပ်ကိုင်ပြီး မိသားစုစားဝတ်နေရေးအတွက် တောတောင်ဒေသကို အမှီပြု၍ ရာသီအလိုက် ပေါက်ရောက်သော သီးနှံများ ဖြစ်သည့် မျှစ်ရာသီ မျှစ်ချိုးခြင်း၊ မှိုရာသီ မှိုရှာခြင်းနှင့် နှမ်း၊ အခြားပန်းများနှင့် နေကြာပွင့်ချိန်တွင် ပျားဖွတ်၍ ပျားရည် နှင့် ပျားသလက် ရှာဖွေသည့် လုပ်ငန်းကိုလည်း လုပ်ကိုင်လျက်ရှိသည့်အနက် ပျားသလက် နှင့် ပျားရည်ကို ကျွန်းလှမြို့ဈေးသို့ လာရောက်ရောင်းချကြပါသည်။ ပျားသလက်ကို ငရုပ်သီထောင်းစားခြင်း၊ ကြက်ဟင်းခါးသီးနှင့်ရောကြော်ခြင်း၊ ပျားသလက်ကို ဟင်းချိုဟင်းထဲတွင်ခတ်ခြင်း နှင့် ပျားသလက်ကို အချိုကြော်စားခြင်း စသည့် မိမိတို့ ကြိုက်နှစ် သက်သည့် ပုံစံအမျိုးမျိုးဖြင့် လုပ်စားကြပါသည်။ ယခု ဇွန်လ နောက်ဆုံးအပတ် ကျွန်းလှမြို့၊ ပိတောက်မြိုင်ဈေးတွင် ရောင်းချနေသော ပျားသလက် ဈေးနှုန်းအနေဖြင့် ပျားသလက် တစ်ပိဿာလျှင်(၁၀၀၀၀)ကျပ်နှုန်း၊ ပျားသလက် (၁၀)ကျပ်သားခန့် တစ်ပြားလျှင်(၁၀၀၀)ကျပ် နှင့် ပျားသလက် (၅)ကျပ်သားခန့် တစ်ပြားလျှင် (၅၀၀)ကျပ်ဈေးနှုန်းဖြင့် လည်းကာင်း ပျားရည် ဈေးနှုန်းအနေဖြင့် ပျားရည် တစ်ပိဿာလျှင် (၄၀၀၀၀)ကျပ်နှုန်း၊ ပျားရည်(၄၀)ကျပ်သားဝင် ပုလင်း တစ်လုံးလျှင်(၂၀၀၀၀)ကျပ်၊ ပျားရည်(၂၀) ကျပ်သား ဂျပ်ပြားပုလင်း တစ်လုံးလျှင်(၈၀၀၀)ကျပ် နှင့် ပျားရည်(၁၀)ကျပ်သား ဂျပ်ပြားပုလင်း တစ်လုံးလျှင်(၄၀၀၀)ကျပ်ဈေးနှုန်းဖြင့အရောင်းအဝယ်ဖြစ်လျက်ရှိကြောင်း ပျားရည်နှင့်ပျားသလက် ရောင်းချနေသည့် ဈေးသည်တစ်ဦးထံမှ သိရပါ သည်။ DOCA(စစ်ကိုင်း)

ထားဝယ်ဈေးကွက်အတွင်းသို့ သပြေချောင်းရွာဘက်မှ ဗုံလုံသီးများ စတင်ဝင်ရောက်လာ နေပြီ ဖြစ်ပြီး ရာသီပေါ်ဖြစ်သည့်အတွက် ဈေးကောင်းရနေကြောင်း သိရှိရပါသည်။ ပေါ်ဦးပေါ်ဖျား ဖြစ်ပြီး အလုံးလှသည့်အတွက် အလုံးကြီးတစ်လုံးလျှင်(၁၀၀၀)ကျပ်၊ အလုံးသေးတစ်လုံးလျှင် (၅၀၀)ကျပ်ခန့် ရှိကာ စိုက်ပျိုးသူများ ဝင်ငွေကောင်းလျက်ရှိကြောင်းလည်း သိရှိရပါသည်။ ဗုံလုံသီးကို ပဲလင်းမြွေသီးဟုလည်းခေါ်တွင်ကြပြီး ဝက်သားအစာသွပ်၊ ဟင်းချို၊ ရခိုင်ချက်အပြင် ကြိုက်နှစ်သက်ရာအသားများနှင့် အစာသွပ်၍ ချက်ပြုတ်စားသောက်သည့်အတွက် ဝင်ရောက်မှုရှိသည့် ဗုံလုံသီးများမှာ ဝင်‌ရောက်မှု၏ သုံးပုံနှစ်ပုံကျော်ခန့် အရောင်းအဝယ်ဖြစ်လျက်ရှိ ကြောင်း သိရှိရပါသည်။ DOCA(တနင်္သာရီ)