ပြည်တွင်းကုန်သွယ်မှုသတင်း

    ဧရာဝတီတိုင်းဒေသကြီး၊ ဟင်္သာတခရိုင်၊ ဇလွန်မြို့နယ်အတွင်းရှိ ကျေးရွာအများစုတွင် မိသားစုတစ်နိုင်တစ်ပိုင်အဖြစ် ပင်စိမ်းပင်များကို စိုက်ပျိုးကြပါသည်။ (၂၁.၁၁.၂၀၂၄)ရက်နေ့ ၊နံနက် (၀၉:၀၀) အချိန်တွင် စားသုံးသူရေးရာဦးစီးဌာန၊ မြို့နယ်ဦးစီးမှူးရုံးမှ ဒု-ဦးစီးမှူး ဒေါ်စိမ်းမြသီတာမှ ကွင်းဆင်းလေ့လာမှုကို ဆောင်ရွက်ခဲ့ပါသည်။

     ဇလွန်မြို့နယ် ဒေသတွင်း စိုက်ပျိုးသော ပင်စိမ်းပင်များသည် ဟင်းစားပင်စိမ်းကိုသာ စိုက်ပျိုးကြပြီး တစ်ပြည်လျှင် (၄၈၀၀၀/-)ကျပ်ဖြင့် ဝယ်ယူရပါသည်။ ရာသီမရွေး စိုက်ပျိုးနိုင်ပြီး (၀.၂၀ ဧက)လျှင် တစ်ပြည် ကြဲပက်ရပါသည်။ စိုက်ပျိုးပြီး (၂)လခွဲအကြာတွင် ခူးဆွတ်နိုင်ပြီး တစ်လလျှင် နှစ်ကြိမ် အညွှန့်ချိုးရပါသည်။ အပင်သက်တမ်းတစ်နှစ်ကျော်ကြာမြင့်စွာ ရှင်သန်နိုင်ပြီး ပင်စိမ်း ညွှန့်များ စတင်ခူးဆွတ်ချိန်တွင် အညွှန့် ၅၀၀ ခန့် ဝင်ဆန့်သော ခြင်းတောင်းဖြင့် ၇ ခြင်းမှ  ၈ ခြင်းထိ ခူးဆွတ်နိုင်ကြောင်း သိရှိရပါသည်။ ပင်စိမ်းပင်သည် သက်တမ်းရင့်လေ အညွှန့်အရေအတွက် ပိုမိုထွက်ရှိလေဖြစ်သောကြောင့် အကျိုးအမြတ်များကြောင်း၊ ပထမအကြိမ် စတင်ခူးဆွတ်ချိန်တွင် အညွှန့် ၅၀၀ တစ်ခြင်းလျှင် ၁၀၀၀၀/-ကျပ် ဝန်းကျင်ဈေးနှုန်းဖြင့် လက္ကားရောင်းချရသည်ဟု စိုက်ပျိုးသူတောင်သူများထံမှ သိရှိရပါသည်။ အပင်မျိုးသန့်သောကြောင့် ဧရာဝတီတိုင်းဒေသကြီးနှင့် ရန်ကုန်တိုင်းဒေသကြီးအတွင်းရှိ မြို့နယ်များသို့ တင်ပို့ရောင်းချလျက် ရှိသည့်အတွက် မိသားစုဝင်ငွေတိုးသော တစ်နိုင်တစ်ပိုင် စိုက်ပျိုးရေးလုပ်ငန်းဖြစ်ကြောင်း လေ့လာတင်ပြအပ်ပါသည်။

DOCA(ဧရာဝတီ)

            ၂၇.၁၁.၂၀၂၄ ရက်နေ့၊ ကုန်စည်ဒိုင်တွင်ဖြစ်ပေါ်ခဲ့သော ထန်းလျက် တစ်ပိဿာဈေးနှုန်းများမှာ တောင်သာ၊ မလိုင်(ဒုံး) သစ် အနိမ့်ဆုံးဈေး ကျပ် ၇၀၀၀ မှ အများဆုံး ကျပ် ၇၂၀၀၊ ညောင်ဦးဆေးရှယ်  ကျပ်  ၇၃၀၀၊ ညောင်ဦးဆေးရှယ်(ထန်းရော) အနိမ့်ဆုံးဈေး ကျပ် ၅၀၀၀ မှ အများဆုံး ကျပ် ၅၁၀၀၊ ပခုက္ကူကြမ်း ကျပ်  ၇၂၀၀၊ ရေစကြိုထန်းလျက် ကျပ် ၈၅၀၀၊ ကြံသကာ(ရှမ်း) အနိမ့်ဆုံးဈေး  ကျပ် ၃၀၀၀ မှ အများဆုံး ကျပ် ၃၁၀၀၊ ကြံသကာ(သကြားရော) ကျပ် ၅၅၀၀၊ မန်ကျည်းသီးများဖြစ်သော မန်းကျည်းသီးပွင့်ကပ်အနိမ့်ဆုံးဈေး ကျပ် ၃၃၀၀ မှ ကျပ် ၃၅၀၀၊ မန်းကျည်းသီး အသားအနိမ့်ဆုံးဈေး ကျပ် ၉၅၀၀ မှ ကျပ် ၁၃၀၀၀၊ ပြည်တွင်းသကြား  အနိမ့်ဆုံးဈေး ကျပ် ၄၈၀၀ မှ ကျပ် ၅၁၀၀ တို့အသီးသီး ဖြစ်ကြောင်း ကုန်စည်ဒိုင်မှ သတင်းရရှိပါသည်။

DOCA(ရန်ကုန်)

             ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာန ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့  နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီ လက်ကျန်အခြေအနေများ အား  အမှန်ကန်ဆုံး သိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီနေ့စဉ်ဝင်ရောက်မှု စာရင်းများအရလည်းကောင်း၊ ကြက်သွန်နီလက်ကျန်အခြေအနေအား နေ့စဉ်စုံစမ်း လျက်ရှိပါသည်။ နိုဝင်ဘာလ (၁၈) ရက်မှ နိုဝင်ဘာလ (၂၄) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ ပခုက္ကူ၊ မလိုင်၊ တောင်သာဒေသတို့မှ ကြက်သွန်နီ (၈၇၀၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်း သိရှိရပါသည်။ ထို့ကြောင့် ကြက်သွန်နီလက်ကျန်မှာ (၃၄၈၀၀၀) ကျန်ရှိကြောင်း ကုန်စည်ဒိုင်သတင်းအရ သိရှိရသည်။ ဆိပ်ဖြူ ကြက်သွန်နီ (အသစ်) အချော တစ်ပိဿာ ကျပ် ၂၂၀၀၊ အသန့်မှာ တစ်ပိဿာ ကျပ် ၃၃၀၀ ၊ အကြီးမှာ ကျပ် ၃၆၀၀၊ ရှယ်မှာ ကျပ် ၄၀၀၀၊  မြင်းခြံကြက်သွန်နီ (အသစ်) အချော တစ်ပိဿာ ကျပ် ၂၀၀၀၊ အသန့်မှာ တစ်ပိဿာ ကျပ် ၃၀၀၀ ၊ အကြီးမှာ ကျပ် ၃၄၀၀၊ ရှယ်မှာ ကျပ် ၃၈၀၀၊ ပခုက္ကူ ကြက်သွန်နီ (အသစ်) အချော တစ်ပိဿာ ကျပ် ၂၀၀၀၊ အသန့်မှာ တစ်ပိဿာ ကျပ် ၂၇၀၀ ၊ အကြီးမှာ ကျပ် ၃၃၀၀၊ ရှယ်မှာ ကျပ် ၄၀၀၀၊ မလိုင် ကြက်သွန်နီ (အသစ်) အချော တစ်ပိဿာ ကျပ် ၁၉၀၀၊ အသန့်မှာ တစ်ပိဿာ ကျပ် ၂၅၀၀၊ အကြီးမှာ ကျပ် ၃၀၀၀၊ ရှယ်မှာ ကျပ် ၃၅၀၀၊ တောင်သာကြက်သွန်နီ(အသစ်) အချော တစ်ပိဿာ ကျပ် ၁၉၀၀၊ အသန့်မှာ တစ်ပိဿာ ကျပ် ၂၅၀၀ ၊ အကြီးမှာ ကျပ် ၃၀၀၀၊ ရှယ်မှာ ကျပ် ၃၅၀၀  ဈေးတို့အသီးသီး ရှိကြောင်း စုံစမ်းသိရှိရပါသည်။

              ယခင်တစ်ပတ်နှင့် ယခုတစ်ပါတ် ကြက်သွန်နီဈေးနှုန်းများ နှိုင်းယှဉ်ရာတွင် ကြက်သွန်ဈေးနှုန်းများမှာ ယခင်အပတ်ထက် အနည်းငယ်ဈေးလျော့နည်းကျဆင်းမှုရှိကြောင်း သိရှိရပါသည်။

DOCA(ရန်ကုန်)

              ၂၇.၁၁.၂၀၂၄ ရက်နေ့ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ကြက်သွန်ဖြူတစ်ပိဿာ ဈေးနှုန်းများမှာ အောင်ပန်းထူး-၂ ကျပ် ၁၂၅၀၀၊  အောင်ပန်းထူး-၃ ကျပ် ၁၄၀၀၀၊ အောင်ပန်းထူး-၄ ကျပ် ၁၅၀၀၀၊ အောင်ပန်းထူး-၅ ကျပ် ၁၆၀၀၀၊ ကြက်သွန်နီဈေးနှုန်းများမှာ ဆိပ်ဖြူရှယ် ကျပ် ၃၈၀၀/၄၀၀၀၊ ဆိပ်ဖြူလတ်ကြီး ကျပ် ၃၅၀၀/၃၆၀၀၊ ဆိပ်ဖြူလတ်သန့် ကျပ် ၃၀၀၀/၃၃၀၀၊ ဆိပ်ဖြူလတ်ချော ကျပ် ၂၀၀၀/၂၂၀၀၊ မြင်းခြံ (ကံဆင့်) ရှယ် ကျပ် ၄၅၀၀၊ လတ်ကြီး(ကံဆင့်) ကျပ် ၃၉၀၀၊ လတ်သန့်(ကံဆင့်)  ကျပ် ၃၅၀၀၊ လတ်ချော (ကံဆင့်)ကျပ် ၂၅၀၀၊ အာလူး တစ်ပိဿာဈေးနှုန်း အောင်ပန်း(A-1) ကျပ် ၆၀၀၀၊ အောင်ပန်း(OK) ကျပ် ၇၀၀၀၊ အောင်ပန်း(S-1) ကျပ် ၈၀၀၀၊ အောင်ပန်း(S-2) ကျပ် ၉၀၀၀၊ တရုတ်အာလူး ကျပ် ၉၀၀၀ ဈေးတို့အသီးသီးရှိကြကြောင်း ကုန်စည်ဒိုင်မှ စုံစမ်းသိရှိရပါသည်။

DOCA(ရန်ကုန်)

    တနင်္သာရီတိုင်းဒေသကြီး၊ ထားဝယ်ခရိုင်အတွင်းရှိ မြို့နယ်များ၌ ဆောင်းရာသီဟင်းသီးဟင်းရွက် စိုက်ခင်းများမှ ပန်းဂေါ်ဖီ(ပန်းမုန်လာ)များ ပေါ်ချိန်ဖြစ်၍ စိုက်ပျိုးသူတောင်သူများ  ခူးဆွတ်ရောင်းချနေပြီဖြစ်ကြောင်း သိရှိရပါသည်။ ရာသီပေါ်ပန်းဂေါ်ဖီသည် အအေးကြိုက်သော်လည်း အပူဒဏ်ကို ခံနိုင်ရည်ရှိပြီး ခြောက်သွေ့လွန်းလျှင်လည်း ပန်းဂေါ်ဖီအပွင့် ဖြစ်မလာနိုင်ပါ။ ထို့ကြောင့် ပန်းဂေါ်ဖီစိုက်လျှင် မြေအမျိူးအစားထက် ရာသီဥတုက ပိုအရေးကြီးပါသည်။

     ယခုအချိန်တွင် ပန်းဂေါ်ဖီများဖူးပွင့်ကာ ဆွတ်ခူးရောင်းချနေကြပြီး တစ်ပွင့်လျှင် (၂၅၀၀)ကျပ်၊  (၃၀၀၀)ကျပ်နှုန်းဖြင့် စိုက်ခင်းများထိ ကုန်စိမ်းဒိုင်ကိုယ်စားလှယ်များ  လာရောက် ဝယ်ယူလျက်ရှိ၍ ပန်းဂေါ်ဖီဈေးတက်လျက်ရှိကြောင်း သိရှိရပါသည်။

DOCA(တနင်္သာရီ)