ပြည်တွင်းကုန်သွယ်မှုသတင်း

စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ကုလားပဲ(၃၀၁၄၃)ဧကစိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုခရိုင်အနေဖြင့် ကုလားပဲစိုက်ပျိုးမှု ရှိသော်လည်း ထွက်ရှိသည့်ကုလားပဲများကို ကုန်ကြမ်းအဖြစ်သာရောင်းချပြီး ပဲခွဲစက်ဖြင့်ခွဲ၍ ကုလားပဲဆံ များထုတ်လုပ်ရောင်းချမှုမရှိသည့်အတွက် ရွှေဘိုမြို့တွင်ရောင်းချသည့် ကုလားပဲဆံများကို မန္တလေးမြို့မှ ဝယ်ယူရောင်းချပြီး ကုလားပဲလုံးများကို ဒေသတွင်းမှထွက်ရှိသည့် ကုလားပဲလုံးများအပြင် မန္တလေးမြို့မှ လည်း ဝယ်ယူရောင်းချကြပါသည်။ ကုလားပဲဆံရွှေဘိုမြို့ ဈေးကွက်အတွင်း ဇွန်လ၊ စတုတ္ထအပတ်တွင်ရောင်းချသည့် ကုလားပဲဆံဈေးနှုန်းမှာ (၁)ပြည်လျှင်(၈၄၀ဝိ/-)ကျပ်နှင့် တစ်တင်းလျှင်(၁၃၄၄၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခု အပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲဆံ (၁)ပြည်လျှင် (၈၄၀ဝိ/-)ကျပ်ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ် ဖြစ်သည့်ဈေးနှုန်းတူညီကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများ၊ ကိုယ်တိုင်ကြော်သည့် ကုလားပဲဆံကြော်ဖိုများ၊ အလှူမင်္ဂလာပွဲလမ်း ဆောင်ရွက်မည့် သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။ ကုလားပဲလုံးရွှေဘိုမြို့ ဈေးကွက်အတွင်း ဇွန်လ၊ စတုတ္ထအပတ်တွင်ရောင်းချသည့် ကုလားပဲလုံးဈေးနှုန်းမှာ (၁)ပြည်လျှင်(၆၀၀ဝိ/-)ကျပ်နှင့် တစ်တင်းလျှင်(၉၆၀၀ဝိ/-)ကျပ်ဖြစ်ကြောင်း၊ ကုလားပဲလုံးမှာ အဖြူရောင် နှင့်အဝါရောင်နှစ်မျိုးရှိပြီး ရောင်းချရသည့်ဈေးနှုန်းမှာလည်း တူညီကြောင်း၊ ယခင်အပတ်နှင့် ယခုအပတ် တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲလုံး(၁)ပြည်လျှင် (၆၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဧပြီလ၊ စတုတ္ထအပတ်မှစတင်၍ ယခုအချိန်ထိ အရောင်းအဝယ် ဖြစ်သည့်ဈေးနှုန်းတူညီပြီး ဈေးအေးနေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့် ပြန်လည်ရောင်းချမည့်သူများ၊ ကုလားပဲသုတ်ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။ DOCA(စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ကုလားပဲ(၃၀၁၄၃)ဧကစိုက်ပျိုးကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှစတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုခရိုင်အနေဖြင့် ကုလားပဲစိုက်ပျိုးမှု ရှိသော်လည်း ထွက်ရှိသည့်ကုလားပဲများကို ကုန်ကြမ်းအဖြစ်သာရောင်းချပြီး ပဲခွဲစက်ဖြင့်ခွဲ၍ ကုလားပဲဆံ များထုတ်လုပ်ရောင်းချမှုမရှိသည့်အတွက် ရွှေဘိုမြို့တွင်ရောင်းချသည့် ကုလားပဲဆံများကို မန္တလေးမြို့မှ ဝယ်ယူရောင်းချပြီး ကုလားပဲလုံးများကို ဒေသတွင်းမှထွက်ရှိသည့် ကုလားပဲလုံးများအပြင် မန္တလေးမြို့မှ လည်း ဝယ်ယူရောင်းချကြပါသည်။ ကုလားပဲဆံ ရွှေဘိုမြို့ ဈေးကွက်အတွင်း ဇွန်လ၊ စတုတ္ထအပတ်တွင်ရောင်းချသည့် ကုလားပဲဆံဈေးနှုန်းမှာ (၁)ပြည်လျှင်(၈၄၀ဝိ/-)ကျပ်နှင့် တစ်တင်းလျှင်(၁၃၄၄၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခု အပတ်တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲဆံ (၁)ပြည်လျှင် (၈၄၀ဝိ/-)ကျပ်ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ် ဖြစ်သည့်ဈေးနှုန်းတူညီကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများ၊ ကိုယ်တိုင်ကြော်သည့် ကုလားပဲဆံကြော်ဖိုများ၊ အလှူမင်္ဂလာပွဲလမ်း ဆောင်ရွက်မည့် သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။ ကုလားပဲလုံး ရွှေဘိုမြို့ ဈေးကွက်အတွင်း ဇွန်လ၊ စတုတ္ထအပတ်တွင်ရောင်းချသည့် ကုလားပဲလုံးဈေးနှုန်းမှာ (၁)ပြည်လျှင်(၆၀၀ဝိ/-)ကျပ်နှင့် တစ်တင်းလျှင်(၉၆၀၀ဝိ/-)ကျပ်ဖြစ်ကြောင်း၊ ကုလားပဲလုံးမှာ အဖြူရောင် နှင့်အဝါရောင်နှစ်မျိုးရှိပြီး ရောင်းချရသည့်ဈေးနှုန်းမှာလည်း တူညီကြောင်း၊ ယခင်အပတ်နှင့် ယခုအပတ် တို့၏ အရောင်းအဝယ်ဖြစ်သည့်ဈေးနှုန်းတို့ကို နှိုင်းယှဉ်ပါက ယခင်အပတ်၌ ကုလားပဲလုံး(၁)ပြည်လျှင် (၆၀၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီး ဈေးငြိမ်နေကြောင်း၊ ဧပြီလ၊ စတုတ္ထအပတ်မှစတင်၍ ယခုအချိန်ထိ အရောင်းအဝယ် ဖြစ်သည့်ဈေးနှုန်းတူညီပြီး ဈေးအေးနေကြောင်း၊ ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့် ပြန်လည်ရောင်းချမည့်သူများ၊ ကုလားပဲသုတ်ရောင်းချသူများမှ ဝယ်ယူကြကြောင်း ပဲမျိုးစုံရောင်းချသည့် ဆိုင်များမှ သတင်းရရှိပါသည်။ DOCA(စစ်ကိုင်း)

တည်သီးပင်ကတော့ အေး၍ မိုးများသော အရပ်ဒေသများတွင် အောင်မြင်ဖြစ်ထွန်းပါသည်။ မိုးကုတ်ဒေသ၊ ပြင်ဦးလွင်ဒေသနှင့် အခြားသော တောင်ပေါ်ဒေသထွက် သီးပင်စားပင်များဖြစ်သည်။ တည်သီး အကျွတ်မျိုးနှင့် အပျော့မျိုး ဟူ၍ နှစ်မျိုးရှိသည်။ တည်သီးပင်သည် နှစ်ရှည်ပင်မျိုးဖြစ်ပြီး တစ်ခါစိုက်ထားလျှင် တစ်သက်လုံးစားသုံးနိုင်သည်။ တည်သီးပင်၏ ဇစ်မြစ်သည် တရုတ်ပြည်ကဖြစ်သည်။ တည်သီး၏အရောင်မှာ လိမ္မော်ရင့်ရောင် ဖြစ်သည်။ တည်သီးပင်မှ အမပွင့်တည်းကိုသာ ပွင့်ပါသည်။ တည်သီးသည် မရင့်မှည့်ခင် ဖန်သောအရသာ ရှိပြီး ရင့်မှည့်ပြီးက ချိုမွှေးသော အရသာရှိသည်။ တည်သီးအမှည့်ကို ဒီတိုင်းစားလို့ရသလို ဖျော်ရည်လုပ်၍ စားသောက်ကြသည်။ တည်သီးတွင် အမျှင်ဓာတ်နှင့် ဆန့်ကျင်ဓာတ်တိုးပစ္စည်းများ ကြွယ်ဝစွာ ပါရှိခြင်းကြောင့် ကျန်းမာရေးကို အထောက်အကူပြုပါသည်။ တည်သီးတွင်ပါဝင်သော သဘာဝဓာတ်ပေါင်းစုများက အရေပြားတွန့်၍ အိုမင်းရင့်ရော်ခြင်းကို ကာကွယ်ပေးနိုင်ပါသည်။ တည်သီးသည် တိုင်းတွင်းထွက်သီးနှံမဟုတ်သည့်အတွက် စားဖူးသူနည်းပါးပါသည်။ အောက်တိုဘာလ၊နိုဝင်ဘာလများတွင် ထွက်ပေါ်ပြီး ယခုအခါ တည်သီးများအသီးအပွင့် ဝေဆာနေပြီ ဖြစ်ပါသည်။ အညာဒေသတွင် စိုက်ပျိုးရေးမဖြစ်သော်လည်း တောင်ပေါ်ဒေသ စိုက်ပျိုးရန်အတွက် တည်ပင်ပျိုးပင်ဈေးကွက်ရှိပါသည်။ ကိုင်းကူး၊မျိုးကူး၊ယိုးဒယားမျိုး များလည်း ရှိပြီး အပင်အရွယ်အစားပေါ် မူတည်၍ တစ်ပင်လျှင် (၅၀၀၀/၁၀၀၀၀/၁၅၀၀၀)ကျပ်ဖြင့် ရောင်းချလျှက်ရှိကြောင်း သိရှိရသည်။ DOCA(မန္တလေး)

မန္တလေးဈေးကွက်အတွင်းသို့ ဇူလိုင်လဆန်းပိုင်းမှစ၍ ပေါ်ဦးပေါ်ဖျားဖန်ခါးသီးများ ဝင် ရောက်လာပြီဖြစ်ပါသည်။ ရှမ်းပြည်နယ်နှင့် ပြင်ဦးလွင်ဒေသဘက်မှ အများဆုံးဝင်ရောက် လျှက်ရှိကြောင်း သိရှိရသည်။ ဖန်ခါးသီးသည် နာမည်နှင့်လိုက်အောင် ဖန်လည်းဖန် ခါးလည်းခါး သည်။ ဖန်ခါးသီးသည် သွားနှင့်ခံတွင်းကို ထိခိုက်စေသည့် ဘက်တီးရီးယားများကို တိုက်ဖျတ်ပေးပြီး သွားနှင့်ခံတွင်းကို ကျန်းမာစေပါသည်။ ဆီးချိုရောဂါကိုလည်း ကာကွယ်ပေးနိုင်ပါသည်။ သွေးတွင်း ကိုလက်စထရောကို ထိန်းညိှပေးနိုင်ပြီး နှလုံးကို ကျန်းမာစေပါသည်။ ကိုယ်လက်နာကျင်ကိုက်ခဲ မှုကိုလည်း သက်သာစေနိုင်ကြောင်း လေ့လာသိရှိရသည်။ ဖန်ခါးသီးအစိမ်းကို ငါးပိချက်၊ ငါးပိ ရည်ဖြင့် အတို့အမြှပ် လုပ်စာကြသည်။ ကြက်သွန်ဖြူ၊ ငါးပိနှင့် လည်းထောင်းစားကြသည်။ ဖန်ခါး သီးကို အခြောက်လှန်း၍ ဖန်ခါးသီးခြောက်ကို သရက်သီးခြောက်၊ အသားငါးတို့ဖြင့် ဟင်းလေး ချက်(အညာဒေသခေါ်) ချက်ပြုတ်၍လည်း စားသောက်ကြသည်။ ကျန်းမာရေးအတွက်လည်း အထောက်အကူပြုပြီး ပေါ်ဦးပေါ်ဖျားဖြစ်သည့်အတွက်ကြောင့် ရောင်းဝယ်မှုအနည်းငယ်ရှိကြောင်း သိရသည်။ မန္တလေးဈေးကွက်အတွင်းတွင် ဖန်ခါးသီး (၁၀)ကျပ်သားလျှင် (၈၀၀/၁၀၀၀)ကျပ်ဖြင့် ရောင်းချလျှက်ရှိကြောင်း သိရှိရသည်။ DOCA(မန္တလေး)

တယူဇနာပန်းကို တောင်ကြီးသနပ်ခါးပန်းဟုလည်း ခေါ်ကြသည်။ အဖြူနှင့် အဝါ နှစ်မျိုးရှိသည်။ တယူဇနာမွှေးပန်းပင်သည် ရေကြိုက်ပင်ဖြစ်ပြီး အရိပ်မှာစိုက်ရသည်။ လေသင့်တိုင်းမွှေးသောပန်းမို့ ရနံ့လေးရှုလိုက်ရင်ဖြင့် တနေ့တာ ဘဝအမောတွေပြေစေတဲ့ ပန်းကလေး ဖြစ်ပါသည်။ တယူဇနာမွှေးပန်းပင်ကလေးများသည် မိုးများပြီး အေးသောအရပ်ဒေသတွင် ဖြစ်ထွန်းပြီး မိုးကုတ်၊ ပြင်ဦးလွင် ဒေသတွင် အများဆုံးတွေ့နိုင်သည်။ ဒီပန်းကလေးရဲ့ အမည်ကလည်း အမည်နဲ့လိုက်အောင် တယူဇနာအကွာ အဝေးထမွှေးပျံ့လွန်းနိုင်သည် ဟုတင်စားခေါ်ဝေါ်ခြင်းဖြစ်သည်။ ပန်ဆင်ခြင်း သိပ်မရှိပေမယ့် အပင်ပေါ်တွင်ပင် ပန်းပွင့်လေးများက သနပ်ခါးပန်းခိုင်လေးသဖွယ် ရိုးတံကြားမှ ထိုးထွက်ပွင့်တက်ပါသည်။ တယူဇနာပန်းရနံ့သည်လည်း စပယ်ပန်း၊ ဇီဇဝါပန်း၊ ယုဇနာပန်း၊ တတိုင်းမွှေး၊ သနပ်ခါးပန်းများ ကဲ့သို့ သင်းပျံ့သည့် ရနံ့ဖြင့် လူတွေ၏ စိတ်ကို ကြည်လင်လန်းဆန်းစေပါသည်။ အခြားပန်းများကဲ့သို့ တယူဇနာမွှေး ပန်းကလှပမှုကို မဖော်ကျူးနိုင်ပေမယ့် ပန်း၏ရနံ့ကလည်း လူတိုင်းကို နှစ်သက်စေပါသည်။ တယူဇနာပန်းတစ်ခက်ကို ဆံကေသာမှာ ထိုးထားလျှင် လမ်းတလျှောက် အားလုံးကို မွှေးပျံ့စေပါသည်။ အပူပိုင်းဒေသတွင် ဖြစ်ထွန်းမှုနည်းသောကြောင့် အေးသောအရပ်ဒေသများတွင် အရောင်းအဝယ် ဖြစ်ပါသည်။ ကိုင်းချိုးစိုက်ပျိုးပါကလည်း ရှင်သန်နိုင်ပါသည်။ အခြားသော ပန်းများကဲ့သို့ တယူဇနာပန်းပင်ကလေးများကလည်း စိုက်ပျိုးထားသင့်ပါသည်။ တယူဇနာပန်းပျိုးပင် တစ်ပင်လျှင် (၈၀၀၀/၁၅၀၀၀)ကျပ်ဖြင့် ရောင်းချလျှက်ရှိကြောင်း ပန်းပျိုးပင်ဆိုင်မှ သိရှိရသည်။ DOCA(မန္တလေး)

နှင်းပန်း၏ အဓိပ္ပာယ် “ အဆင်မပြေမှုတွေက တခဏပါ” ဟူ၍ ဖြစ်သည်။ မြေပြန့်ဒေသရှိ နှင်းပန်းသည် အဖြူရောင် ပန်းကလေးများ ဖြစ်ပြီး ရေမွှေးပန်းသည် အစိမ်းရောင်ကြား ခရမ်းရောင်ပွင့်ကလေးများ ပွင့်သောပန်းကို ခေါ်သည်။ မိုးကုတ်၊ ပြင်ဦးလွင်၊ ရှမ်းပြည်နယ်၊ တောင်ကြီးဒေသထွက် နှင်းပန်းသည် အဝါနုရောင် ပန်းခိုင်တိုလေးများ ဖြစ်ပြီး အရွက်က သစ္စာပန်းအရွက်နှင့် ဆင်တူပါသည်။၎င်းနှင်းပန်း(ခေါ်) ရေမွှေးပန်းကို အောက်ရပ်မြေပြန့်ဒေသတွင် မတွေ့ရဘဲ အေးသောတောင်ပေါ်ဒေသများတွင်သာ ပွင့်သောပန်း ဖြစ်သည်။ ရေမွှေးပန်း(သို့) နှင်းပန်းလို့ခေါ်သည့် Freesia ပန်းလေးတွေကအနီ၊ အဝါ၊ အဖြူ၊ ခရမ်း ရောင်စုံရှိသည်။ ဒီပန်း၏ ရနံ့က နှစ်လိုဖွယ် ရနံ့ဖြစ်သည်။လူအများနှစ်သက် သဘောကျသည့် ပန်းရနံ့မို့ LOVELY ဖြစ်သည် ဟုဆိုသည့် သစ္စာပန်းမျိုးနွယ်ဝင်ဖြစ်ပြီး ဥမှ အရွက်ရှည်ချွန်းများ ထွက်ပြီး ပန်းခိုင်ထွက်ပါသည်။ နှင်းပန်းခေါ် Freeisa ပန်းလေး၏ သင်္ကေတက အပြစ်ကင်းစင်မှု သန့်စင်မှု ဟူ၍ ဖြစ်သည်။ ခင်မင်ရခြင်းနှင့် ယုံကြည်ရခြင်းကို ကိုယ်စားပြုသော ပန်းလေးများ ဖြစ်၍ ဘုရားပန်းလှူရန်နှင့် မင်္ဂလာဆောင် အခမ်းအနားများတွင် သုံးလေ့ရှိသည်။ ၎င်းပန်းပွင့်ကလေးများကို ဖြတ်၍ ရေအေးတွင် စိမ်ထားလျှင် ရေပါမွှေးစေလို့ ရေမွှေးပန်းဟု ခေါ်ဆိုခြင်း ဖြစ်သည်။ ဖေဖော်ဝါရီလ၊ မတ်လတွင် ပန်းပွင့်ပါသည်။ နှင်းပန်းပျိုးပင် အဖြစ်မျိုးဥကိုသာ ရောင်းချကြပြီး ပန်းကလေးတွေကိုတော့ လက်ဆုပ်စည်း၍ ဈေးသို့တင်ပို့ရောင်းချကြောင်းနှင့် နှင်းပန်းခေါ် ရေမွှေးပန်း တစ်စီးလျှင် (၂၀၀၀/၃၀၀၀) ကျပ် ဖြင့် ရောင်းချကြောင်း ပြင်ဦးလွင်ဒေသမှ ပန်းမျိုးစုံအရောင်းဆိုင်မှ သိရှိရသည်။ DOCA(မန္တလေး)