ပြည်တွင်းကုန်သွယ်မှုသတင်း

တနင်္သာရီတိုင်း၊ မြိတ်ခရိုင်တွင် ဒူးရင်းသီးကို စီးပွားဖြစ်စိုက်ပျိုးတင်ပို့ရောင်းချလျက် ရှိပြီး အရသာမကောင်း‌သောဒူးရင်းသီးများနှင့် ပျက်စီးသွားသောဒူးရင်းသီးများကို လေလွင့်ဆုံးရှုံးမှုမရှိ စေရန် ဒူးရင်းသီး‌ကောင်းများရော၍ ယိုထိုးနည်းအသုံးပြု၍ ဒူးရင်းယို ပြုလုပ်ရောင်းချလျက်ရှိ ပါသည်။ ဒူးရင်းယိုဟာ စျေးကွက်တွင် လူကြိုက်များသလို စျေးကောင်းရရှိသောကြောင့် ရန်ကုန်နှင့် အခြားတိုင်းနှင့်ပြည်နယ်များသို့ တင်ပို့ရောင်းချလျက်ရှိပါသည်။ ၂၀၂၅ခုနှစ်၊ ဇူလိုင်လတွင် ဒူးရင်းယိုတစ်ပိဿာလျှင် ၅၅၀၀၀ကျပ်ခန့်ထိစျေးရရှိနေကြောင်း သိရှိရပါသည်။ DOCA(တနင်္သာရီ)

တနင်္သာရီတိုင်း၊ မြိတ်ခရိုင်တွင် ကွမ်းသီး၊ သီဟိုဠ်နှင့် ရာဘာစသော‌ ဒေသထွက်ကုနများထွက်ရှိပြီး ဒေသထွက်ကုန်ပစ္စည်းများတွင် သီဟိုဠ်အခန်းကဏ္ဍသည်လည်း အရေးပါလျက်ရှိသည်။ ၂၀၂၂ နောက်ပိုင်းတွင် ကွမ်းသီးနှင့် ဒူရင်းပင်များ အစားထိုးစိုက်ပျိုးလာခြင်းကြောင့်နှင့် ရာသီဥတုမမှန်ခြင်းများကြောင့် သီဟိုဠ်ပင် စိုက်ပျိုးမှုနည်းလာပြီး အထွက်နှုန်းကျဆင်းသွားကြောင်း သိရှိရပါသည်။ မိုးရာသီဖြစ်သော ဇူလိုင်လတွင် သီဟိုဠ်စေ့မထွက်ရှိကြောင်း သိရှိရပါသည်။ ၂၀၂၅ခုနှစ်၊ ဇူလိုင်လစျေးနှုန်းအရ သီဟိုဠ်စေ့အချော တစ်ပိဿာလျှင် ၅၅၀၀၀ကျပ် မှ ၆၀၀၀၀ ကျပ်ထိရှိပြီး သီဟိုဠ်စေ့အချော(အကျိုးအပဲ့ပါ) တစ်ပိဿာလျှင် ၄၀၀၀၀ကျပ် မှ ၅၀၀၀၀ ကျပ်ထိ စျေးနှုန်း ဖြစ်ပေါ်နေကြောင်း သိရှိရပါသည်။ DOCA(တနင်္သာရီ)

ကျွန်းလှမြို့နယ်အတွင်းတွင် မိမိတို့ မိသားစု စားဝတ်နေရေးအတွက် စိုက်ပျိုးရေး၊ မွေးမြူရေး လုပ်ငန်းများ လုပ်ကိုင်လျက်ရှိရာမှ စားဖိုဆောင်သီးနှံများကို ရာသီ အလိုက်စိုက်ပျိုးပြီး မိမိတို့မိသားစု စားသုံးပိုလျှံမှုများကို ကျွန်းလှမြို့ဈေးကွက်အတွင်းသို့ ရောင်းချသည့်အတွက် ယခင်ကဈေးနှုန်း ချိုသာခဲ့ သော်လည်း ယခုအခါတွင် မိမိတို့ ကျွန်းလှမြို့နယ် သံဘို ကျေးရွာ၊ ရှမ်းစုကျေးရွာ တို့မှထွက်ရှိသည့် ဒေသထွက် ခရမ်းချဉ်သီးများ ဈေးကွက်အတွင်းသို့ ဝင်ရောက်မှု နည်းပါးလာသည့်အတွက် မန္တလေးမြို့နှင့် ရှမ်းပြည်နယ် အောင်ပန်းမြို့တို့မှ မှာယူရောင်းချလျက်ရှိကြောင်း သိရပါသည်။ ဇွန်လ တတိယပတ်အပတ်တွင် ကျွန်းလှမြို့၊ ပိတောက်မြိုင်ဈေး၊ သစ်ရာမြိုင်ဈေးတို့တွင် ‌ရောင်းချ လျက်ရှိသည့် ခရမ်းချဉ်သီး ဈေးနှုန်းအနေဖြင့် ခရမ်းချဉ်သီး(အင်းသီး) အလုံး အကြီး/ အသေးပေါ် မူတည်၍ လက္ကားဈေး တစ်ပိဿာလျှင် (၄၈၀၀)ကျပ်၊ လက်လီဈေး တစ်ပိဿာလျှင် (၅၀၀၀)ကျပ်၊ (၅၀)ကျပ်သား လျှင်(၂၅၀၀)ကျပ် နှင့် (၂၅)ကျပ်သားလျှင်(၁၃၀၀)ကျပ် နှင့် ခရမ်းချဉ်သီး(ဒေသသီး) လက္ကား တစ်ပိဿာ လျှင်(၃၈၀၀)ကျပ်၊ လက်လီဈေး တစ်ပိဿာလျှင်(၄၀၀၀)ကျပ်၊ (၅၀)ကျပ်သားလျှင် (၂၀၀၀)ကျပ် နှင့် (၂၅)ကျပ်သားလျှင်(၁၀၀၀)ကျပ် ဈေးနှုန်းတို့ဖြင့် ရောင်းချခဲ့ပြီး ယခု စတုထ္ထပတ်အပတ်တွင် ကျွန်းလှမြို့၊ ပိတောက်မြိုင်ဈေး၊ သစ်ရာမြိုင်ဈေးတို့တွင် ‌ရောင်းချ လျက်ရှိသည့် ခရမ်းချဉ်သီး ဈေးနှုန်းအနေဖြင့် ခရမ်းချဉ်သီး(အင်းသီး) အလုံး အကြီး/ အသေးပေါ် မူတည်၍ လက္ကားဈေး တစ်ပိဿာလျှင် (၅၈၀၀)ကျပ်၊ လက်လီဈေးတစ်ပိဿာလျှင်(၆၀၀၀)ကျပ်၊(၅၀)ကျပ်သားလျှင်(၃၀၀၀)ကျပ်နှင့်(၂၅)ကျပ်သားလျှင်(၁၅၀၀) ကျပ် နှင့် ခရမ်းချဉ်သီး(ဒေသသီး) လက္ကား တစ်ပိဿာ လျှင်(၄၈၀၀)ကျပ်၊ လက်လီဈေး တစ်ပိဿာလျှင် (၅၀၀၀)ကျပ်၊ (၅၀)ကျပ်သားလျှင် (၂၅၀၀)ကျပ် နှင့် (၂၅)ကျပ်သားလျှင်(၁၅၀၀)ကျပ် ဈေးနှုန်းတို့ဖြင့် ရောင်းချလျက်ရှိသောကြောင့် ယခင်အပတ်ဖြင့်နှိုင်းယှည်ကြည့်မည်ဆိုပါက အနည်းငယ်မြင့်တက်လျက် ရှိကြောင်း သိရှိရပါသည်။ DOCA(စစ်ကိုင်း)

ကျွန်းလှမြို့၊ ပိတောက်မြိုင်ဈေး နှင့် သစ်ရာမြိုင်ဈေးများတွင် အသား/ငါးနှင့် အခြားစား‌သောက် ကုန်ပစ္စည်းများ၊ လူသုံး ကုန်ပစ္စည်းများကို ရောင်းချလျက်ရှိရာ အသား/ငါး ဈေးနှုန်းများထဲမှ ကြက်သား ဈေးနှုန်းသည်လည်း မြင့်တက်လျက်ရှိပါသည်။ ကြက်သားများသည် မွေးမြူးရေးကြက်နှင့် ဗမာကြက်ဟူ၍ နှစ်မျိုးရောင်းချရာ မွေးမြူရေးကြက် အကောင်အရှင်များကို ဒေသတွင်းနှင့် ရွှေဘိုမြို့တို့မှ ဖောက်သည်ဝယ်ယူပြီး ရောင်းချလျက်ရှိရာ ကြက်သားဈေးနှုန်းများမှာ ယခု ၂၀၂၅ ခုနှစ်၊ ဇွန်လ စတုထ္အပတ် မွေးမြူရေးကြက်သားဈေးနှုန်း လက်လီဈေး(၂၅၀၀၀)ကျပ်၊ လက္ကားဈေး(၂၃၀၀၀)ကျပ်၊ ဗမာကြက်သား ဈေးနှုန်း လက်လီဈေး (၃၃၀၀၀)ကျပ် နှင့် ကြက်အရိုး အစုံဖြစ်သည့် လည်ပင်းရိုး၊ တောင်ပံရိုး၊ ခြေထောက်ရိုးတို့၏ ဈေးနှုန်းအနေဖြင့် တစ်ပိဿာလျှင် လက်လီဈေး (၁၈၀၀၀)ကျပ် ဈေးနှုန်းများဖြင့် အရောင်းအဝယ် ဖြစ်လျက်ရှိကြောင်း ကြက်သားသည် ထံမှ သိရပါသည်။ DOCA(စစ်ကိုင်း)

စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်ရှိ ဝန်ထမ်းစုပေါင်းအိမ်ရာရှိ နန္ဒဝန်ဈေးသစ်တွင် ဒေသထွက်ကုန်များ၊ အသား/ ငါး၊ ဟင်းသီးဟင်းရွက်များ၊ လူ့အသုံးအဆောင်ပစ္စည်းများနှင့် ကျေးရွာ တစ်ရွာထုတ်ကုန်တစ်မျိုးဖြစ်သည့် ဒေသထွက် လက်မှုပစ္စည်းများ လာရောက် ရောင်းချလျက် ရှိပါ သည်။ ဒေသထွက် လက်မှုပစ္စည်းများထဲမှ ဂျုံခမောက်နှင့် ဝါးခမောက်များ အရောင်းသွက်လျက် ရှိကြောင်း သိရသည်။ ဂျုံခမောက်ဈေးနှုန်းများအနေဖြင့် အသေး( ၁ )လုံးလျှင် ( ၄၅၀၀ ) ကျပ်၊ အကြီး ( ၁ )လုံးလျှင် (၆၀၀၀) ကျပ်နှင့် အကြီး ( ၁ )လုံးလျှင် ( ၇၀၀၀)ကျပ်ဖြင့်လည်းကောင်း၊ ဝါး ခမောက် ( ၁ ) လုံးလျှင် (၅၀၀၀)ကျပ်မှ ( ၉၀၀၀) ကျပ်ထိ ဖြင့် ဈေးနှုန်းအသီးသီးနှင့် ရောင်းချလျက် ရှိကြောင်း သိရသည်။ DOCA(စစ်ကိုင်း)