ပြည်တွင်းကုန်သွယ်မှုသတင်း

အိမ်များတွင် ကုတင်များပေါ်၌ ခင်းပြီးအိပ်စက်ရန်အတွက် ဖျာအမျိုးမျိုး ရောင်းချလျက်ရှိ ကြပါသည်။ ယခုအခါတွင် ဈေးကွက်၌ ပလပ်စတစ်ဖျာ၊ ဝါးဖျာနှင့် သင်ဖြူးဖျာဟူ၍ အမျိုးမျိုးရှိကြ သော်လည်း ရာသီကိုလိုက်၍ အပူအအေး ချိန်ညှိပေးနိုင်သည့် သင်ဖြူးဖျာများမှာ ဈေးကွက်တွင် လူကြိုက်များလျှက်ရှိပါသည်။ သင်ဖြူးဖျာများကို တံတားဦးမြို့နယ်ရှိရွာများဖြစ်သော ငါးရာပြား၊ ကျီးပင်၊ လက်ဆောင်ယူ ရွာများတွင် ကိုယ်တိုင်ရက်လုပ်ကြကြောင်း သိရှိရပြီး ကုန်ကြမ်းဖြစ်သည့် သင်လျှော်များကို ဧရာဝတီ တိုင်းဒေသကြီး၊ ပန်းတနော်ဒေသမှ အဓိကစုဆောင်းရရှိကြောင်းလည်း သိရှိရပါသည်။ သင်ဖြူးဖျာများရောင်းချရာတွင် (၇‘×၆‘)ဆိုဒ် သင်ဖြူးဖျာ (၁)ချပ်လျှင် (၇၀,၀၀ဝိ/-)ကျပ်၊ (၆‘×၅‘) ဆိုဒ်သင်ဖြူးဖျာ (၁)ချပ်လျှင် (၅၂,၀၀ဝိ/-)ကျပ်၊ (၆ ၁/၂ ×၅ ၁/၂) ဆိုဒ် သင်ဖြူးဖျာ (၁) ချပ်လျှင် (၆၂,၀၀ဝိ/-)ကျပ် နှင့် (၆‘×၃‘) ဆိုဒ် သင်ဖြူးဖျာတစ်ချပ်လျှင် (၂၅,၀၀ဝိ/-)ကျပ်နှုန်းဖြင့် ရောင်းချကြောင်း သိရှိရပါသည်။ သင်ဖြူးဖျာများကို မန္တလေးမြို့သို့ အဓိကတင်ပို့ရောင်းချကြောင်းသိရှိရပြီး ကုန်ကြမ်း ဝယ်ယူရသည့် ဈေးအပေါ် မူတည်၍ ဈေးနှုန်းအပြောင်းအလဲရှိကြောင်းသိရှိရပါသည်။ DOCA(မန္တလေး)

ကျောက်ဆည်မြို့နယ်တွင် အခြေခံစားသောက်ကုန်များအား သက်သောဈေးနှုန်းဖြင့် ဝယ်ယူရရှိနိုင်ရေးအတွက် ခရိုင်/ မြို့နယ်စီမံအုပ်ချုပ်ရေးအဖွဲ့၊ မြို့နယ်စည်ပင်သာယာရေး အဖွဲ့နှင့် ခရိုင် စားသုံးသူရေးရာဦးစီးဌာနတို့ ပူးပေါင်းစီစဉ် ရောင်းချပေးခဲ့ကြောင်း သိရပါသည်။ ဇူလိုင်လ(၆)ရက်နေ့တွင် ကျောက်ဆည်မြို့နယ်၊ ပြည်သူ့ဆေးရုံဝန်းအတွင်း၌ အခြေခံစား သောက်ကုန်များဖြစ်သော ဝက်သားတစ်ပိဿာလျှင်(၂၅၀၀၀/-)ကျပ်၊ အမဲသား တစ်ပိဿာ လျှင်(၂၅၀၀၀/-)ကျပ်၊ ဆိတ်သားတစ်ပိဿာလျှင်(၂၈၀၀၀/-)ကျပ်၊ ကြက်သား တစ်ပိဿာလျှင်(၂၀၀၀၀/-)ကျပ်၊ စားသုံးဆီတစ်ပိဿာလျှင် (၇၂၀၀/-) ကျပ်တို့ဖြင့် ရောင်းချပေးခဲ့ပြီး ပြည်သူများ သက်သာသောဈေးနှုန်းဖြင့် ဝယ်ယူစားသုံးနိုင်ရေးအတွက် အပတ်စဉ် တနင်္ဂနွေနေ့တိုင်း ဆက်လက်ရောင်းချပေးသွားမည်ဖြစ်ကြောင်း သိရှိရသည်။ DOCA(မန္တလေး)

မန္တလေးတိုင်းဒေသကြီး၊ ကျောက်ဆည်ခရိုင်သည် စိုက်ပျိုးရေးကိုအဓိကထား လုပ်ကိုင်သော ဒေသ တစ်ခုဖြစ်သည့်အလျောက် သီးနှံမျိုးစုံစိုက်ပျိုးဖြစ်ထွန်းလျက်ရှိရာ ၎င်း သီးနှံများအနက် ပဲစဉ်းငုံသီးနှံကို ၂၀၂၅-၂၀၂၆ ဘဏ္ဍာနှစ်၊ ကျောက်ဆည်မြို့နယ်တွင် (၂၄၇) ဧက စိုက်ပျိုးပြီးစီးပြီဖြစ်ကြောင်း သက်ဆိုင်ရာ ဌာန၏ စာရင်းများအရသိရှိရသည်။ ပဲစဉ်းငုံ သီးနှံကို မေလနှင့် ဇွန်လတွင်စတင်စိုက်ပျိုးပြီး ဖေဖော်ဝါရီလနှင့်မတ်လတွင် စတင် ထွက်ပေါ်မည်ဖြစ်ကြောင်း၊ ပဲစဉ်းငုံစိုက်ပျိုးမှု (၁)ဧက ကုန်ကျစရိတ် အနေဖြင့် မျိုး၊ သွင်း အားစု၊ လုပ်သားခအပါအဝင် စုစုပေါင်း(၃၀၀၀၀၀/-)ကျပ်ခန့်ကုန်ကျကြောင်း၊ အများဆုံး စိုက်ပျိုးသောမျိုးများမှာ ကြေးနီရောင် တဘက်လှဲမျိုး၊ ရွှေဝါရောင် လုံးသေးဒင်္ဂါးမျိုးများကို အများဆုံးစိုက်ပျိုးကြကြောင်း၊ တောင်သူများသည် ပဲစဉ်းငုံမျိုးကို မိမိစိုက်ခင်းမှ မျိုးချန်ပြီး စိုက်ပျိုးမှုရှိသလို စိုက်ပျိုးချိန်ရောက်မှ ပွဲရုံများမှ ဝယ်ယူ၍ စိုက်ပျိုးကြကြောင်း၊ ယခင်နှစ် ပဲစဉ်းငုံဈေးအနေဖြင့် (၁)တင်းလျှင်(၁၀၈၀၀၀/-)ကျပ် ဈေးနှုန်းရှိခဲ့ပြီး အထွက်နှုန်းအနေဖြင့် (၁၀-၁၁)တင်းခန့်ထွက်ရှိခဲ့ကြောင်း၊ တစ်ဧကအကျိုးအမြတ်အနေဖြင့် (၇၈၀၀၀၀/-)ကျပ် ဝန်းကျင်ခန့် မြတ်ခဲ့ကြောင်း ယခုအချိန်တွင် ပဲစဉ်းငုံများထွက်ရှိခြင်း မရှိသေးသော်လည်း ဈေးနှုန်းအနေဖြင့် (၁)တင်းလျှင် (၈၈၀၀၀/-)ကျပ် ဈေးနှုန်းများဖြင့် အရောင်းအဝယ်ဖြစ် နေကြောင်း တောင်သူများမှ ကျောက်ဆည်မြို့ပေါ်ရှိ ပွဲရုံများသို့ သွားရောက်ရောင်းချကြ ကြောင်း ပွဲရုံများမှတစ်ဆင့် မန္တလေး၊ ရန်ကုန်မြို့များသို့ တင်ပို့ရောင်းချကြကြောင်း ပဲစဉ်းငုံ ထွက်ပေါ်ချိန်တွင် အထွက်နှုန်းနှင့် ဈေးနှုန်းကောင်းမွန်ပါက အကျိုးအမြတ်များ ပိုမိုရရှိနိုင် မည်ဖြစ်ကြောင်း ပဲစဉ်းငုံစိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည်။ DOCA(မန္တလေး)

မန္တလေးတိုင်းဒေသကြီး၊ ပြင်ဦးလွင်ခရိုင်သည် အေးမြသော တောင်ပေါ်မြို့လေးဖြစ်ပြီး မြေဆီ မြေလွှာကောင်းမွန်သောကြောင့် နှစ်ရှည်သီးနှံများ၊ ရာသီပေါ်သီးနှံများ စိုက်ပျိုးဖြစ်ထွန်းပြီး၊ မိသားစု ဝင်ငွေရရှိပြီး အဆင်ပြေလျက်ရှိပါသည်။ နဂါးမောက်ပင်ကိုလည်း တစ်နိုင်တစ်ပိုင်မှ စီးပွားဖြစ် စိုက်ပျိုးလျက်ရှိပါသည်။ နဂါးမောက်ပင်ကို တိုင်စနစ်၊ တန်းစနစ်၊ စင်စနစ်ဖြင့် စိုက်ပျိုးပါသည်။ နဂါးမောက်ပင်ကို တစ်ခါဝယ်ယူပြီး မိမိအပင်မှမျိုးကို အလွယ်တကူဖြတ်၍ စိုက်ပျိုးနိုင်သောကြောင့် ကုန်ကျစရိတ်သက်သာသည့် အပင်မျိုးဖြစ်ပါသည်။ နဂါးမောက်ပင် တစ်နှစ်သား အရွယ်ရောက်လျှင် အဖူးအပွင့်များထွက်လာပြီး သီးကင်းစပြုလာပါသည်။ ဧပြီနှင့်ဇူလိုင်လများတွင် ပွင့်ဖူးလေးရှိပြီး၊ ပန်းပွင့်ပြီး (၇-၈)ပတ် အကြာတွင် အသီးများခူးဆွတ်နိုင်ပါသည်။ နေရာဒေသနှင့် ရာသီဥတုပေါ် မူတည်၍ အသီးထွက်ချိန်ကွာခြားတတ်ပါသည်။ နဂါးမောက်သီးတွင် ဗီတာမင်စီအမျှဉ်ဓာတ်များ ကြွယ်ဝစွာပါဝင်ပြီး ကင်ဆာ၊ နှလုံး၊ ဆီးချို၊ သွေးတိုး၊ ချောင်းဆိုး၊ ရင်ကြပ်ရောဂါများကို ပျောက်ကင်း စေပါသည်။ နဂါးမောက်သီးမှာ ဆေးဖက်ဝင်အပင်အဖြစ် နာမည်ကြီးလှပါသည်။ မြန်မာနိုင်ငံ အနှံ့အပြားတွင် စိုက်ပျိုးဖြစ်ထွန်းပါသည်။ နဂါးမောက်သီးသည် အတွင်းသား အဖြူနှင့် အနီဟူ၍ နှစ်မျိုးရှိပြီး အတွင်းသား အနီကိုပို၍နှစ်သက်စွာ ဝယ်ယူကြောင်းသိရှိရပါသည်။ နဂါးမောက် သီးကို ဝိုင်အဖြစ်ထုတ်လုပ်လျက်ရှိပါသည်။ နဂါးမောက်သီး အကြီးတစ်လုံးလျှင် (၁၀၀၀/-)ကျပ်၊ အလတ် တစ်လုံးလျှင် (၇၀၀/-)ကျပ်ဖြင့် အရောင်းအဝယ်ဖြစ်လျက်ရှိပါသည်။ ယခုထွက်ရှိသော နဂါးမောက် သီးများကို မန္တလေး၊ စစ်ကိုင်း၊ နေပြည်တော်သို့ တင်ပို့ရောင်းချလျက် ရှိကြောင်း နဂါးမောက် စိုက်ပျိုးရောင်းချသူများထံမှ သိရှိရပါသည်။ ဆေးဖက်ဝင်ပြီး ကုန်ကျစရိတ် သက်သာသော အလွယ် တကူစိုက်ပျိုး ဝင်ငွေရရှိနိုင်သည့် နဂါးမောက်ပင်အား စိုက်ပျိုးသင့်ကြောင်း ရေးသားတင်ပြအပ်ပါ သည်။ DOCA(မန္တလေး)

မန္တလေးတိုင်းဒေသကြီး ၊ ကျောက်ဆည်ခရိုင်သည် ဆီထွက်သီးနှံမျိုးစုံ အောင်မြင်ဖြစ်ထွန်း လျှက်ရှိရာ ၄င်းသီးနှံများအနက် နွေနှမ်းသီးနှံကို ၂၀၂၅-၂၀၂၆ ဘဏ္ဍာနှစ်တွင် ကျောက်ဆည်မြို့နယ်၌ (၄၄၂၀၆)ဧက၊ စဉ့်ကိုင်မြို့နယ်တွင် (၂၃၄၄၄)ဧက၊ မြစ်သားမြို့နယ်တွင် (၂၉၂၀၈)ဧက စုစုပေါင်း (၉၆၈၅၈)ဧကစိုက်ပျိုးနိုင်ခဲ့ကြောင်း သက်ဆိုင်ရာဌာ၏ စာရင်းများအရသိရှိရပါသည်။ နွေနှမ်း(၁)ဧက စိုက်ပျိုးလျှင် မျိုးအနေဖြင့် (၃)ပြည်ခန့် ကုန်ကျကြောင်း ၊ နှမ်းမျိုး(၁)ပြည်လျှင် (၈၀၀၀/-)ကျပ် စျေးနှုန်းဖြင့်ဝယ်ယူစိုက်ပျိုးရ ကြောင်း၊ နွေနှမ်းစိုက်ပျိုးမှု(၁)ဧက ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၄၀၀၀၀၀/-)ကျပ်ခန့်ကုန်ကျကြောင်း ၊ စိုက်ပျိုးသော မျိုးများမှာ နှမ်းဖြူ၊နှမ်းညိုမျိုးများကို အများဆုံးစိုက်ပျိုးကြကြောင်း၊ ယခုအချိန်တွင် နွေနှမ်းများ ဖြိုင်ဖြိုင်ရိတ်သိမ်းလျှက်ရှိရာ အထွက်နှုန်း အနေဖြင့် ယခင်နှစ်တွင် ရာသီဥတု ကောင်းမွန်သည့် အတွက်ကြောင့် တစ်ဧကလျှင် နှမ်းညို(၂၀-၂၅) တင်းနှင့် နှမ်းဖြူ (၁၅-၂၀) တင်းထွက်ရှိကြောင်း ၊ ယခုနှစ်တွင် နှမ်းသီးနှံများ စတင်ထွက်ရှိသည့် အချိန်တွင် မိုးများရွာသွန်းသည့်အတွက်ကြောင့် အထွက်နှုန်းများလျော့နည်းခဲ့ရာ နှမ်းညို တစ်ဧက လျှင် (၁၅)တင်းခန့်နှင့် နှမ်းဖြူ (၁၃)တင်းခန့် ထွက်ရှိပါသည်။ ယခင်နှစ် နှမ်းစျေးနှုန်းအနေဖြင့် နှမ်းဖြူ တစ်တင်းလျှင်(၁၄၀၀၀၀/-)ကျပ် ၊ နှမ်းညို တစ်တင်းလျှင်(၁၀၀၀၀၀/-) ကျပ် စျေးနှုန်းများဖြင့် ရောင်းဝယ်ခဲ့ပြီး၊ ယခုနှစ်တွင် နှမ်းဖြူတစ်တင်းလျှင် ပေါ်ကာစတွင် (၁၃၀၀၀၀/-)ကျပ်ရှိပြီး ယခု အချိန်တွင် (၁၂၆၀၀၀/-)ခန့် ကျဆင်းလာကြောင်း၊ နှမ်းညိုတစ်တင်းလျှင် (၁၀၀၀၀၀/-)ကျပ် ၊ စျေးနှုန်းများဖြင့် အရောင်း အဝယ်ဖြစ်နေကြောင်း သိရှိရ ပါသည်။ စျေးကွက်အနေဖြင့် တောင်သူ များမှ မြို့ပေါ်ရှိ ပွဲရုံများသို့ လာရောက် ရောင်းချကြပြီး ၎င်းပွဲရုံများမှတစ်ဆင့် ဈေးကွက်ရှိရာ မန္တလေး၊ ရန်ကုန်မြို့များသို့တင်ပို့ရောင်းချကြကြောင်း သိရှိရ ပါသည်။ နှမ်းဆီစျေးနှုန်းအနေဖြင့် (၁)ပိဿာလျှင် (၁၅၀၀၀/-)ကျပ် စျေးနှုန်းများဖြင့် ရောင်းဝယ် လျှက်ရှိပြီး နှမ်းဖတ်(၁)ပိဿာလျှင် (၃၈၀၀/_)ကျပ်စျေးနှုန်းများဖြင့် ရောင်းဝယ်လျှက်ရှိကြောင်း သိရှိရပါသည်။ DOCA(မန္တလေး)