ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့၊ ၂၀၂၃ခုနှစ်၊ နိုဝင်ဘာလ ဒုတိယပတ်တွင် အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ ဈေးနှုန်းများမှာ Decolgen (၁၀)လုံး ပါ (၁)ကဒ်လျှင် (၂၂၀၀)ကျပ်၊ Paracetamol (၁၀)လုံးပါ (၁)ကဒ်လျှင် (၄၀၀)ကျပ်၊ Civit အလုံး (၁၀၀)ပါ(၁)ဘူးလျှင် (၃၀၀၀)ကျပ်၊ Burmeton အလုံး(၁၀၀)ပါ (၁)ဘူးလျှင် (၂၈၀၀)ကျပ်၊ Biogesic (၁၀)လုံးပါ (၁)ကဒ်လျှင် (၁၂၅၀)ကျပ်၊ Cetirizine (၁၀)လုံးပါ (၁)ကဒ်လျှင် ( ၄၀၀)ကျပ်၊ ဓာတ်ဆား MPF (၁)ထုပ်လျှင် (၄၀၀)ကျပ်၊ သီးစုံဓာတ်ဆား Royal-D (၁)ထုပ်လျှင် (၃၅၀)ကျပ်၊ Oramin –G (၅)လုံးပါ (၁)ကဒ်လျှင် (၃၇၀၀)ကျပ်၊ Enervon –c (၄)လုံးပါ (၁)ကဒ်လျှင် (၁၈၀၀) ကျပ်၊ Solmux (၄)လုံးပါ (၁)ကဒ်လျှင် (၁၅၀၀)ကျပ်၊ Becozin (၁၀)လုံးပါ (၁)ကဒ်လျှင် (၃၀၀၀) ကျပ်၊ Hepto Pep (၁)ဘူးလျှင် (၆၃၀၀)ကျပ်၊  Ascoril (၁)ဘူးလျှင် (၅၇၀၀)ကျပ်၊ Chericof (၁)ဘူး လျှင် (၆၅၀၀)ကျပ်၊ Vifex (၁)ဘူးလျှင် (၅၅၀၀)ကျပ်၊ Baby Cough (၁)ဘူးလျှင် (၂၅၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

    အိမ်သုံးဆေးဝါးဈေးနှုန်းများအား နိုဝင်ဘာလ ပထမပတ်နှင့်နှိုင်းယှဉ်ပါက အိမ်သုံးဆေးဝါး ဈေးနှုန်းများမှာ Decolgen (၁၀)လုံးပါ (၁)ကဒ်လျှင် (၃၀၀)ကျပ် ၊ Oramin –G (၅)လုံးပါ (၁)ကဒ် လျှင် (၁၀၀)ကျပ်၊ Baby Cough (၁)ဘူးလျှင် (၂၀၀)ကျပ်ဈေးနှုန်းကျဆင်းပြီး ကျန်အိမ်သုံးဆေးဝါး ဈေးနှုန်းများမှာ ပုံမှန်အတိုင်းရောင်းချလျက်ရှိကြောင်း ဆေးနှင့်ဆေးပစ္စည်းအရောင်းဆိုင်များမှ သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး ၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကအားထားလုပ်ကိုင်သော ဒေသတစ်ခုဖြစ်ပါသည်။ သီးနှံစိုက်ပျိုးရာတွင် အထွက်နှုန်းများ ပိုမိုကောင်းမွန်စေရေးအတွက် စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများကို စိုက်ပျိုးသူတောင်သူများ ဝယ်ယူအသုံးပြုလျက်ရှိကြောင်း သိရှိရပါသည်။

     ကန့်ဘလူခရိုင်အတွင်းရှိ စိုက်ပျိုးသူတောင်သူများ ဝယ်ယူအသုံးပြုလျက်ရှိသော စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများ၏ နိုဝင်ဘာလ ဒုတိယပတ်အတွင်း ဖြစ်ပေါ်ခဲ့သော ဈေးနှုန်းများမှာ ပန်းဖူး(50)kg တစ်အိတ်လျှင် (၈၅၀၀၀)ကျပ်၊ မျှားကမ္ဘာ(50)kg တစ်အိတ်လျှင် (၇၆၀၀၀)ကျပ်၊ ကွန်ပေါင်း(10:10:5) (50)kg တစ်အိတ်လျှင်(၇၆၀၀၀)ကျပ်၊ ကွန်ပေါင်း (15:15:15) (50)kg တစ်အိတ်လျှင်(၁၆၀၀၀၀)ကျပ်၊ ပိုတက် (50)kg တစ်အိတ်လျှင် (၁၄၀၀၀၀)ကျပ်နှင့် ရွှေတောနစ် (၅၀၀)စီစီ တစ်ဘူးလျှင် (၁၁၅၀၀)ကျပ်၊ မိုရယ်လ်မုန်း (၅၀၀)စီစီ တစ်ဘူးလျှင် (၂၅၅၀၀) ကျပ်၊ ဟတ်ကာ(၅၀၀)စီစီ တစ်ဘူးလျှင် (၂၄၅၀၀)ကျပ် ၊ AP ဇာပြာ (၅၀၀)စီစီ တစ်ဘူးလျှင် (၁၇၅၀၀)ကျပ်ဖြင့် ရောင်းချလျက်ရှိကြောင်း စိုက်ပျိုးရေးသုံးဆေးနှင့် ဆေးပစ္စည်း ရောင်းချသည့် လုပ်ငန်းရှင်ထံမှ သတင်းရရှိပါသည်။

DOCA(စစ်ကိုင်း)

    ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာန၏ ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့ နေ့စဉ် မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီလက်ကျန်အခြေအနေများကို  အမှန်ကန်ဆုံးသိရှိနိုငရန်အတွက် ဘုရင့်နောင်ပွဲရုံဝင်းအတွင်းရှိ ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ(၁၀)ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ် ဝင်ရောက် မှုစာရင်းများအရလည်းကောင်း၊ ကြက်သွန်နီလက်ကျန်အခြေအနေအား နေ့စဉ် စုံစမ်းလျက်ရှိပါသည်။ ၂၀၂၃ခုနှစ်၊ အောက်တိုဘာလ (၂၈) ရက်နေ့မှ နိုဝင်ဘာလ (၃) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိတ်ဖြူ၊ မလိုင်၊ မြင်းခြံ (ကံဆင့်) ဒေသတို့မှ ကြက်သွန်နီ (၃၇၈၀၀၀)ပိဿာဝင်ရောက်ခဲ့ပြီး (၆၀)ရာခိုင်နှုန်းခန့်ပြန်လည်စီးထွက်မှုရှိကြောင်းနှင့် ကြက်သွန်နီလက်ကျန်မှာ (၁၅၁၂၀၀)ပိဿာကျန်ရှိကြောင်း ကုန်စည်ဒိုင်သတင်းအရသိရှိရသည်။ ဆိတ်ဖြူကြက်သွန်နီ (အသစ်) အချော တစ်ပိဿာလျှင် ကျပ်၂၉၀၀၊ အသန့်မှာ တစ်ပိဿာလျှင် ကျပ်၃၅၀၀၊ အကြီးမှာ တစ်ပိဿာလျှင် ကျပ်၃၇၀၀၊ ရှယ်မှာ တစ်ပိဿာလျှင် ကျပ်၃၈၀၀၊ မလိုင်ကြက်သွန်နီ (အသစ်) အချော တစ်ပိဿာလျှင် ကျပ်၂၆၀၀၊ အသန့်မှာ တစ်ပိဿာလျှင် ကျပ်၃၂၀၀၊ အကြီးမှာ တစ်ပိဿာလျှင် ကျပ်၃၄၀၀၊ ရှယ်မှာ တစ်ပိဿာလျှင် ကျပ်၃၆၀၀၊ မြင်းခြံ (ကံဆင့်) ကြက်သွန်နီ (အသစ်) အချောတစ်ပိဿာလျှင် ကျပ်၃၀၀၀၊ အသန့်မှာ တစ်ပိဿာလျှင် ကျပ်၃၆၀၀၊ အကြီးမှာ တစ်ပိဿာလျှင် ကျပ်၃၈၀၀၊ ရှယ်မှာ တစ်ပိဿာလျှင် ကျပ်၃၉၀၀ စသည်ဖြင့်ဈေးနှုန်းအသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)

    ရန်ကုန်တိုင်းဒေသကြီး၊ တိုက်ကြီးမြို့နယ်သည် ရာသီအလိုက် သီးနှံအမျိုးအစားမျိုးစုံစိုက်ပျိုးသောမြို့နယ်ဖြစ်ပါသည်။ စိုက်ပျိုးရေးကို အဓိကထား၍ လုပ်ကိုင်ဆောင်ရွက်လျက်ရှိရာ ယခုကာလ ဆောင်းရာသီတွင် မတ်ပဲသီးနှံကို စတင်စိုက်ပျိုးလျက်ရှိကြောင်း၊ မတ်ပဲသီးနှံကို (၂၀၂၂-၂၀၂၃) ခုနှစ်တွင် (၃၂၉၇၄) ဧကရည်မှန်း၍ (၃၃၉၉၅)ဧကစိုက်ပျိုးခဲ့ရာ (၁၆.၈၄%)ထွက်ရှိခဲ့ပြီး အထွက်(၅၇၂၄၇၆)တင်းထွက်ရှိခဲ့ကြောင်း၊ ယခုနှစ် (၂၀၂၃-၂၀၂၄) ခုနှစ် (၁)နှစ်လုံး စိုက်ဧက (၃၂၉၇၄)ဧကစိုက်ပျိုးရန်ရည်မှန်းထားပြီး ယခုနှစ်ဆောင်းရာသီ မတ်ပဲသီးနှံကို အောက်တိုဘာလတွင် စတင်စိုက်ပျိုး၍ အောက်တိုဘာလကုန်အထိ (၁၀၄၈)ဧကစိုက်ပျိုးပြီးစီးဖြစ်ကြောင်း၊ တိုက်ကြီးမြို့နယ်သည် ဆောင်းသီးနှံ မတ်ပဲကို အဓိကထား၍ စိုက်ပျိုးထုတ်လုပ်လျက်ရှိကြောင်းသိရှိရပါသည်။

DOCA(ရန်ကုန်)

      အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ၂၀၂၃ခုနှစ်၊ နိုဝင်ဘာလ(၁)ရက်နေ့မှ နိုဝင်ဘာလ(၇)ရက်နေ့အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့်သစ်သီးဝလံပန်းမန်များ အများဆုံးဝင်ရောက်ရောင်းချနေကြောင်းသိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်(တစ်ပိဿာ)လျှင် ကျပ် (၁၂၀၀ မှ ၁၈၀၀)၊ ဂေါ်ဖီထုပ်(တစ်ထုပ်)လျှင် ကျပ် (၇၀၀မှ ၁၅၀၀)၊ ပန်းဂေါ်ဖီ(တစ်ထုပ်)လျှင် ကျပ် (၁၀၀၀မှ ၁၈၀၀)၊ အာလူး(တစ်ပိဿာ)လျှင် ကျပ် (၃၀၀၀မှ ၃၅၀၀)၊ မုန့်လာဥနီ(တစ်ပိဿာ)လျှင် ကျပ် (၃၀၀၀မှ ၃၃၀၀)၊ ရွှေဖရုံသီး(တစ်လုံး)လျှင် ကျပ် (၉၀၀မှ ၅၄၀၀)၊ ဘူးသီး(တစ်လုံး)လျှင် ကျပ် (၁၅၀၀မှ ၂၅၀၀)၊ မုန်ညှင်း(ထုပ်)(တစ်ပိဿာ)လျှင် ကျပ် (၄၀၀၀မှ ၄၅၀၀)၊ ကြက်သွန်နီ(ဆိပ်ဖြူ)တစ်ပိဿာလျှင် ကျပ် (၂၇၀၀မှ ၃၇၀၀)၊ ကြက်သွန်ဖြူ(ရှမ်း)(တစ်ပိဿာ)လျှင် ကျပ် (၉၀၀၀မှ ၁၄၀၀၀)၊ ကြက်သွန်ဖြူ (ကြူကုတ်) (တစ်ပိဿာ)လျှင် ကျပ် (၁၂၀၀မှ ၁၅၀၀)၊ ချင်း(တစ်ပိဿာ)လျှင် ကျပ် (၄၅၀၀မှ ၅၅၀၀)၊ ဆလပ်ရွက် (တစ်စည်း) လျှင် ကျပ် (၃၀၀မှ ၄၀၀)၊ ချဉ်ပေါင်ရွက်(တစ်စည်း)လျှင် ကျပ် (၂၀၀မှ ၃၀၀)၊ ခရမ်းသီး  (ရှည်) (တစ်ပိဿာ) လျှင် ကျပ် (၁၂၀၀မှ ၁၈၀၀)၊ သံပရာသီး(တစ်လုံး)လျှင် ကျပ် (၈၀မှ ၁၂၀)၊  ငရုတ်သီးစိမ်း (ကျောက်စိမ်း) (တစ်ပိဿာ)လျှင် ကျပ် (၄၀၀၀မှ ၄၅၀၀)၊ ဖရဲသီး (အကြီး၊ အလတ်၊ အသေး)တစ်လုံးလျှင် ကျပ် (၁၅၀၀မှ ၅၅၀၀) ဖြစ်ကြောင်းသိရှိရပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပရာသီးအလုံးပေါင်း(၇၃၆၃၃၇)ကျော်၊ ခရမ်းသီး(ရှည်) (ပိဿာ) (၃၃၀၉၀) ကျော်၊ ဘူးသီးအလုံးပေါင်း (၃၅၉၂)ကျော်၊ ရွှေဖရုံသီးအလုံးပေါင်း(၈၀၀၀)ကျော်၊ ဂေါ်ဖီထုပ်ပေါင်း (၅၅၈၀၀)ကျော်၊ ပန်းဂေါ်ဖီထုပ်ပေါင်း (၃၂၈၉၅)ကျော်၊ မုန်ညှင်းထုပ်(ပိဿာ) ပေါင်း(၁၂၁၈၀) ကျော်၊ ဖရဲသီးလုံးပေါင်း(၃၁၄၅၀)ကျော် စသည်ဖြင့် အသီးသီးကုန်အဝင်ရှိကြောင်းသိရှိရပါသည်။

DOCA(ရန်ကုန်)